|
|
|
 Re: منو اعاق وخرب أداء حكومة حمدوك ؟ (Re: Gafar Bashir)
|
حياك الله ابوذر
بعيد عن نظرية الفوضى الخلاقة - فإن هذه الفئات
المتصارعة حول (السلطة) أثبتت عدم وعيها وضيق أفق
قادتها حول إدارة البلاد.
هذا الوضع أوجد محفزآ لمنتسبي نظام الإنقاذ كي يرسموا
خطوط العودة للمشهد.
أتوقع يا ابوذر عودة المؤتمر الوطني تحت إسم جديد وبوجوه
جديدة مع بقاء الوجوه المألوفة خلف الستار لتقديم عصارة
تجاربها في إدارة شأن البلاد.
المسألة مسالة وقت ولا أعتقد انه سيكون طويلآ- وستكون البداية
بالإتفاق على تسريع عملية الإنتخابات.
| |
 
|
|
|
|
|
|
|
|
Re: منو اعاق وخرب أداء حكومة حمدوك ؟ (Re: أبوذر بابكر)
|
سلامات ابو ذر
احد اكبر خطوات حمدوك القام بيها كانت الاجراءات الاقتصادية الصعبة من توحيد سعر صرف و رفع دعم و آثارها السلبية ظهرت لحظيا في حين النتائج الايجابية تاخذ وقت ولا يحس بها الشارع في حينها.
تخيل الاجراءات دي كانت برنامج الحكومة الاولى على عهد الوزير البدوي, حينها كان الدولار في السوق الاسود بين الستين و السبعين, تخيل لو كان سمحت قحت و لجنتها الاقتصادية لحمدوك بأخذ هذه الاجراءات في وقتها ووكان الوصول لنقطة القرار و البدء في اعفاء الديون تم قبل سنة من الآن!
دا غير التنظير و كل من خرج في مظاهرة أو كتب بوست ايام الانقاذ شايف نفسه هو الوحيد الوطني و البفهم و الباقين بي حمدوكهم خونة وبايعين الدم!
الراجل الله يعينوا شغال في حقل الغام بالمعنى الحرفي للكلمة!
| |
|
|
|
|
|
|
|
|
Re: منو اعاق وخرب أداء حكومة حمدوك ؟ (Re: محمد البشرى الخضر)
|
المشكلة هي وجود الدعم السريع.
أي محاولة لايجاد حلول قبل التخلص من الدعم السريع هي هروب للأمام ودفن رؤوس في الرمال.
ما في دولة في ظل وجود الدعم السريع
دي آخر مداخلة لي في الأسافير وسوف أختفي لمدة سنة لو قدرت،
سوف أخصص هذه السنة لمعرفة خريطة المجاري المائية بنورث كارولاينا
انتهى
| |
|
|
|
|
|
|
|
|
|
Re: منو اعاق وخرب أداء حكومة حمدوك ؟ (Re: أبوبكر عباس)
|
شايل قروش بالشاحنات ويوزع فيها لموظفي الدولة!!
الموقف دا فيهو اهانة للدولة ومستفز!!!
وفيهو وقاحة اعلان انتصارو بهزيمة الدولة وجيشها وشرطتها!!!!
شيخ القبيلة في القصّة المعروفة ديك كل مرّة يسألوهو نعمل شنو؟
يقول ليهم أقتلوا من قتل كلب الحراسة (الجيش)
أقتلوا من قتل الكلب
ورب المجرات قروشك حقتك في أمريكا لا تستطيع أن تتصرف فيها هكذا دون مشاهد حسابي
انتهى الأخيرة خالص
| |
|
|
|
|
|
|
|
|
|
Re: منو اعاق وخرب أداء حكومة حمدوك ؟ (Re: أبوبكر عباس)
|
بعدين الجغرافيا دي أنا قاعد أعرفها بقوقل ماب ولّ أطلس سنة خامسة؟
هسّ أنا وانت كنا مغتربين بالامارات، لمان نجي نمشي اجازة انت كنت بتمشي بالايام سوق الرولة تشتري هتش الهدايا،
وأنا بكون برتب كيف أصل اشوف سد أعالي ستيت وسد مروي لانو ما حاضرن
تلقاك أعالي ستيت دي ذاتها ما عارفها وين؟
أنا بتكلم عن المعرفة بالاحساس والإلفة مع المياه
في ذمتك الرمادية دي هل حصل فكرت انو نهر عطبرة قاعد يتشكل كيف وفكرت تمشي تشوفو؟
أنا زعلان زعل شديد
| |
|
|
|
|
|
|
|
|
|
Re: منو اعاق وخرب أداء حكومة حمدوك ؟ (Re: أبوبكر عباس)
|
كتب اخونا اباذر ..
والسؤال هو
هل فعلا حكومة حمدوك هي الخربت واعاقت شغلها ؟
ولا
جهات تانية متنفذة وقادرة هي العملت الشي دا ؟
××××××××××××××××
أخونا الشاعر الجميل اباذر – سلام ...
* كلما تراءء لي إغماض اليسار لضوء الشمس ..
- عينك عينك ..
- أتوجس ..
- أتحسس ..
- يمنا، انبري منبرا في السهلا ..
- يسعفني الخاطر :
* الأمارات ربيبة اسرائيل ..
- أمريكا ربيبة اسرائيل ..
- الامة ربيب الدائرة ..
- المؤتمر السوداني والشيوعي سروال واحد ..
- البعث ربيب سوريا ..
- الاربعة طويلة ربيبة، ديل وديلاك ..
- و"الحامل عند طلق النفاس .. بتقول واااااي".
- يا حامي الديار... انا عندي ظن .. عندي ظن .. عندي ظن...
- - يا حللال يا حللال يا حللال .
تحياتي
| |
|
|
|
|
|
|
|
|
|
Re: منو اعاق وخرب أداء حكومة حمدوك ؟ (Re: أبوبكر عباس)
|
كلامك صحيح برضو يا بكري
الدعم السريع وليد شرعي لنظام الانقاذ
واستغلو الظروف احسن استغلال وفرضو نفسهم
للأسف زوال الدعم السريع حيكون بتكلفة باهظة جدا
اقل ما فيها هي حرب وقتال بينهم وبين الشعب
وفي اضعف الايمان حرب شرسة وفاصلة بينهم وبين الجيش
ودي مستبعدة
لأنه ظاهر انه مصلحة الاتنين واحدة
والاتنين اكيد عارفين المنتيجة الحتمية لأي اشتباك بينهم
وهم بالتأكيد اذكيا جدا وما حيفرطو في المكاسب المهولة العندهم الآن
اذن مافي غير حل الحرب الأهلية المدمرة بينهم وبين بقية الشعب في كل البلد
ودا هو الخيار الأصعب
لكن بي اخوي واخوك كدا بس يمشو
مستحيل طبعا
وين يلقو تاني وضع زي دا ؟
ولا كانو بحلمو في الخيال بي واحد من مليار منه
| |
|
|
|
|
|
|
|
|
|
Re: منو اعاق وخرب أداء حكومة حمدوك ؟ (Re: محمد البشرى الخضر)
|
ازيك يا محمد البشرى
كل دا ما حيكون نافع ولا فيه فائدة
الخطة اتعملت وبدأ تنفيذها من اول يوم بعد زوال سلطة الكيزان وتنظيماتهم
حمدوك مهما عمل ومهما حيعمل برضو ما حينجح
لأنه ديل واقفين ليه بالمرصاد
ومستحيل يخفوه يحقق اي اي نجاح
الشي دا واضح وظاهر ومعروف
الثورة ناقصة يا محمد
وبديهي ما يكون في اي نتائج كويسة مهما الناس عملو
مافي حل غير زوال تنظيم الكيزان وكل الأذرعة العندهم
اذا كان رؤوس التنظيم لسه قاعدين وماسكين كل شي
كيف حمدوك او غيره يقدر يعمل شي
| |
|
|
|
|
|
|
|
|
|
Re: منو اعاق وخرب أداء حكومة حمدوك ؟ (Re: أبوذر بابكر)
|
اخونا اباذر
Quote:
اخونا حمد
كيف الحال
معليش ما قدر اصل لفكرتك شنو |
--------
* أهااا جيتك تاري ...
أخونا أباذر، حفيد الشيخ أبومرين – تسلم ..
-------------------------
= داخرنك درقة، سيف الأمة ..
= (الدرة) متسربل أحمر غاني
يغسل مآزن الأقصى.. يوماتي
= القناص
عين
تتاوق
يتلمظ
ويعتصم نهر الجنة
بقسم الله
يكرف
رياح
دعاشنا القبلي يتأبى
دا
محروس
مهر عزة
.............
ربيبة (أهل السبت)
عين
على (الفشقة)
ذراع مسخر
باطش
إستعصى عليه المرسى
والشرق (ترق)
.....
خيام صامدة
متدافعة
تسد
منافذ القصر
المجلس
.....
دولارات عوايد الطاقة
تنهمر
تشعل سارية المسيرة الجايا
خوفا يشيب الولدان
يشذظي
خونا
نلجأ
من مكان ومكان ..
آآآآه يا زمان
آآآه يا زمان
آآآه يا زمان
وينك
يا رفيق وقت الضيق
ضقنا بالخلان
ضقنا بالخلان
ضقنا بالخلان ..
.......
وين ما نروح
مافي غيره
ملجأ جيش السودان
ضباط وافراد ..
القسم "كتاب"
مقرؤ
محفوظ حد الادمان
وصي أمان
وصية كمان
ليها زمان وزمان
و"مارش" بيادة
أمة تغتسل
داخل عيون عزة
وتبتهل
تبصم بالعشرة
تزف فجرا شالع
بالتهليل
والعنقاء تنتفض
تبارك مياه النيل.
(حمد )
++++++
| |
|
|
|
|
|
|
| |
أبوذر بابكر
ABUHUSSEIN
الشيخ سيد أحمد
محمد البشرى الخضر
أبوبكر عباس
حمد إبراهيم محمد
فيس بوك
تويتر
انستقرام
يوتيوب
بنتيريست