إلغاء مسارات الشرق والشمال والوسط من (البقرة المقدسة) أو ما يعرف بي إتفاقية جوبا هو الحل الوحيد المتاح لوقف إغلاق الشرق والمزيد من التفكك في مناطق أخرى ...
عيال دارفور في الحكومة والحركات دخلو البلد في أضان وزة ...
10-10-2021, 07:17 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
من تفاوض نيابة عن الشرق في منبر جوبا وحصل على كل الغنايم في الإتفاقية هم من إثنية البني عامر فقط ... الآن إثنية البني عامر تهدد بالحرب الأهلية إذا تم إلغاء مسار الشرق من إتفاقية جوبا المضمنة في الوثيقة الدستورية ...
Quote: إلغاء مسارات الشرق والشمال والوسط من (البقرة المقدسة) أو ما يعرف بي إتفاقية جوبا هو الحل الوحيد المتاح لوقف إغلاق الشرق والمزيد من التفكك في مناطق أخرى ...
حبيبنا ودالزبير تحياتي يا ريت كنت في موقع وزير أو حتى رئيس وزراء أو سيادة كلامك ده هو المطلوب لماذا تم حشر الشرق والشمال والوسط في جوبا .. المشكلة كانت دارفور .. لقد منحوا الفرصة للانتهازيين لتدمير البلد ..
والحل الذي قدمته هو المخرج (( تعيين ولاة أو حكام لتلك الاقاليم والحكم الذاتي )) طريقة ملس زيناوي في اثيوبيا
يا سلام يا ودالزبير .. واصل بالمزيد من الشرح ولأنك تكتب من داخل الوطن فأنت تعيش الواقع
وقراءاتك مهمة بالنسبة لنا .. الناس فقط ( الامن ، والمعيشة ) الباقي هين
أرجو ان يكون طرحك هذا من قراءة لآراء اهلنا في الداخل في جلساتهم في الافراح والاتراح يتداولوا السياسة بكل وضوح وصدق هؤلاء هم الأهم
Quote: قول سمعوا كلامك في تعيين حاكم لاقليم الشرق, ح يعينوا منو؟ ترك ولاّ دقلل؟ مش هم شخصيا لكن ياتو من جهتهم وكل واحد ما بطيق التاني
ياريت الموضوع يقيف عند ترك ودقلل ... منذ بداية التفاوض في جوبا قبل سنتين بدأت كرة ثلج الكراهية تتدردم بين البني عامر من جهة وباقي إثنيات الشرق وفي مقدمتهم البجا في الجهة الأخرى ... الحوادث الكبيرة جدا بين البني عامر والنوبة في كسلا وخشم القربة وبورتسودان خلال السنتين الماضيتين سببها الرئيسي هو نظام سيطرة على المكونات وزعامة الشرق ... الموضوع كبير ومتشعب وضالعين فيهو بعض من قيادات قحت لمصلحة البني عامر ... التفاصيل لي قدام ...
10-10-2021, 08:05 AM
بشير حسـن بشـير بشير حسـن بشـير
تاريخ التسجيل: 11-26-2004
مجموع المشاركات: 3420
سلام يا صلاح الزبير من حشر الشمال و الوسط في هذه الاتفاقيه المشئومه هو التوم هجو الجاكومي هؤلاء هم أس البلاء وأجهل من مشى علي الارض واضيف عليهم الانتهازي ياسر عرمان
10-10-2021, 08:19 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
أبو جعفر الصادق ... ياخي سلام ... يتخيل ماعندها أي (ربما) ... يا هيك او هيك ...
Quote: يا ريت كنت في موقع وزير أو حتى رئيس وزراء أو سيادة كلامك ده هو المطلوب
أبوعلوه يا حبيب داير تبقيني دروه لي ود البشرى والهادي ...إلخ ... هههههه والله جنس شليت ...
Quote: لماذا تم حشر الشرق والشمال والوسط في جوبا .. المشكلة كانت دارفور .. لقد منحوا الفرصة للانتهازيين لتدمير البلد ..
زي ما قال اخونا بشير ... (الانتهازيين) ... واضح من طبخ الإتفاقية برلوم سياسة لذلك اتيحت الفرصة لخالد والجاكومي وهجو ... أنا والله مستغرب في من يدافع عن هيك إتفاقية ...
Quote: والحل الذي قدمته هو المخرج (( تعيين ولاة أو حكام لتلك الاقاليم والحكم الذاتي )) طريقة ملس زيناوي في اثيوبيا
يا أبوعلوه دا ما إقتراح ... دا حق واجب التنفيذ اليوم قبل بكرة زي ما حصل في دارفور والنيل الأزرق .... قبل ما الناس تفتش للحلول التانية ... البيعمل فيهو ترك دا المناظر بس ...
10-10-2021, 09:58 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: من حشر الشمال و الوسط في هذه الاتفاقيه المشئومه هو التوم هجو الجاكومي هؤلاء هم أس البلاء وأجهل من مشى علي الارض واضيف عليهم الانتهازي ياسر عرمان
تحياتي بشير ... بالنسبة لي يا بشير كل من ظهر على مسرح الثورة كسياسي لا يخلو من الإنتهازية ... الشرعية الثورية المفروض تجيب شباب الثورة وليس انتهازيي الأحزاب ... الموجودون على المسرح الآن لا يملكون أي شرعية ...
10-10-2021, 10:03 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
يا برنس تعرف من ضمن XXX إتفاقية جوبا في حاجة إسمها الكنابي ... ودي بالزات حقتكم براكم ... كدي امش فتش الإتفاقية ترى عجبا ... بكون جيت البوست دا يا أمير عشان دي :-
Quote: التوم هجو الجاكومي هؤلاء هم أس البلاء وأجهل من مشى علي الارض واضيف عليهم الانتهازي ياسر عرمان
10-10-2021, 01:32 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9159
الاصح هو الغاء كل المسارات و الاتفاقيات القطاعية و الجلوس لتأسيس دولة. اصلا مفاوضات جوبا ما كان فى ليها داعى, وقتها سكتو و قلتو ناس دارفور (لسة متمردين علي الدولة) رغم ان ذلك انتفى بذهاب البشير. قمتو ورثتو حكم البشير و اعدتو تدوير نفس الاسطوانة (مفاوضات سلام و غيرو) و هى تكرار الشئ و توقع نتائج مختلفة. التفاوض لا يمكن ان يكون بين دارفور و بقية السودان بل بين الحكومة المركزية و كل مكونات السودان و لما كانت هناك فراغات فقد ولج اليها من لا ترغبونهم يمثلونكم فولدت تلك المسارات. مسألة المسارات هى ذات الفكرة التى اتى بها حميدتى في قاعة الصداقة و فرخت في ظرف يوم الف لواء خلا. حينها قلنا ليكم لو فتحت هذا الباب و كانك فتحت a can of worms لن تهنأ بنتائجها. الوقت داك كان السباق لوراثة تركة البشير و قد اعمى الكثيرون تلك الغنائم و بها ساقوكم بالخلا لسكوتكم المخجل. الان الكل يحصد نتائج الافق القصير.
10-10-2021, 03:05 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
سلام بوست يعبر عن كثيرين. في ظني المتواضع إن البلد حاكمينها حملة السلاح، اللجنة الأمنية الدعم السريع، حركة الكوز جبريل و حركة المرتزق مناوي. هم فرضوا ما يريدون في جوبا كما فرضوا شروطهم عندما تفاوضوا بعد إرتكاب اللجنة الأمنية و الدعم لمذبحة فض الإعتصام. هل يتوقع أي شخص أن يتفاوض حميدتي و برهان و كباشي مع ضحاياهم و ضحايا الإنقاذ و يتفقوا معهم على تطبيق العدالة على أنفسهم؟ وثيقة جوبا إتفاق بين هاربين من العدالة و إنتهازيين على أن يدفنوا سوياً كل الجرائم و المظالم و ان يسكتوا أصوات الضحايا للأبد، و أذا لم يوافق الشعب فالسلاح موجود.
10-10-2021, 04:12 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: كلام عقل ياصلاح الزبير لابد من حل سريع لهذا الإشكال يرضى ترك وأهل الشرق وإلا نشيل الفاتحة فى وطن الجدود المخابز ستتوقف من الغد الكهرباء ستنعدم تقريباً كما صرح المسئولون عنها اليوم اللهم الطف بالسودان وأهله
مرحب حبابك مهيره ... أهل الحكم يعلمون تماما الإشكال الموجود في الشرق من قبل أكثر من ٦ اشهر على توقيع الإتفاقية ... يعني من قبل سنة ونص من الآن ... ويعلمون تماما السيناريو الذي يحدث الآن على الأرض منذ توقيع الإتفاقية قبل سنة من الآن ... المشكلة في الإتفاقية المعيبة لكل أقاليم السودان ماعدا دارفور والمنطقتين ففيها منافع لهذه الأقاليم ... يعني بالواضح ... ليعم السلام دارفور والمنطقتين ولتنكوي أقاليم الشرق والشمال والوسط بنيران الحرب مع سبق الإصرار (تحويل الإتفاقية كبنود في الوثيقة الدستورية (دستور البلد)) والترصد فيما قاله رئيس الجبهة الثورية الأسبوع الماضي محذرا الحكومة بمجلسيها من عدم المساس بالاتفاقية ومساراتها ... it is planned job
10-10-2021, 04:25 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: حبيبنا جاكومي .. قبل سنوات حضر مع فريق الاشبال السوداني الى جدة تحدث في ليالي متعددة في جدة ( تعرفنا عليه )
لا أعرف كيف يكون لديه هذا الفراغ العريض :
في السياسة المركزية في مسار الشمال اتحاد كرة القدم مجلس ادارة المريخ ومهام اخرى كثيرة
في الشمالية هل حده شندي أو الامتداد حتى حلفا
هذا ما يمتاز به سودان (المليون ميل مربع) سابقا ... ما حا تلقى الذين يحملون موهبة ال ٧ صنايع دي في جميع أنحاء العالم إلا في بلد المليون ميل مربع بدولتيها ... عشان كدا بخت الأمة ضايع في الدولتين بسبب تصدر مثل هؤلاء للمشهد ...
10-10-2021, 04:48 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: اصلا مفاوضات جوبا ما كان فى ليها داعى, وقتها سكتو و قلتو ناس دارفور (لسة متمردين علي الدولة) رغم ان ذلك انتفى بذهاب البشير. قمتو ورثتو حكم البشير و اعدتو تدوير نفس الاسطوانة (مفاوضات سلام و غيرو) و هى تكرار الشئ و توقع نتائج مختلفة.
مرحب حبابك الهبيب محجوب ... ياخوي في البوست دا ما قاعدين نتكلم في السياسة ... البلد on the edge لك الحرية الكاملة في تسمية الأشياء بأسمائها ... وراك رجالا يا عم ... دحين عليك النبي بمن تقصد بي :- سكتو وقلتو .. قمتو ورثتو .. واعدتو تدوير ... مع العلم كل جمهور سودانيز كتاب وقراء ليس بينهم من هو في موقع الفعل ... رش ولا تأخذنك بهم رحمة ... وعشان نطلع بما يفيد ...
Quote: التفاوض لا يمكن ان يكون بين دارفور و بقية السودان بل بين الحكومة المركزية و كل مكونات السودان و لما كانت هناك فراغات فقد ولج اليها من لا ترغبونهم يمثلونكم فولدت تلك المسارات.
دي برضو عايزا توضيح ... أنت في ضيافة ود الزبير والاقتداء به ... هني بنسمي الحاجات بي أسماءها ومحل رهيفة تنقد ..
10-10-2021, 04:53 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
يا الهبيب محجوب مع اتفاقي الكامل مع فحوى حديثك لكن ياخي طريقة ذو النون و مهووسي نظرية المؤامرة بتاعى قلنا ليكم وكلمناكم وانتو وانتو خربت مزاجي وانا عادة بقرا ليك بمزاج ياخ
10-10-2021, 05:15 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12500
Quote: تعيين حكام الأقاليم في الشرق والشمال والوسط اليوم قبل الغد والاعتراف بالحكم الذاتي لهذه الأقاليم ربما يسهم في حلحلة المشاكل في الشرق ...
حبيبنا صلاح تحياتي يا جميل ما زلت أكرر وسوف أظل أكرر وهذه التجربة نجحت في كثير من دول ولم تكن الولايات المتحدة قائدة العالم لولا هذا الحل ( الولايات ) على روسيا التي تعاني حتى اليوم اثيوبيا على المسار الصحيح ( ملس زيناوي ) الفيدرالية الاثنية ( ابي احمد لم يكن في المسار) بريطاينا ايضاً اتاحت لكل جزء منها الحكم
الحبيب صلاح تحياتي واصل هذا البوست المفروض الى الصحفة 100
هذا هو الحل والتجربة ناجحة في كل الدول الشبيهة بالسودان
تحياتي الحبيب صلاح ..
10-10-2021, 06:12 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: لو عندك وقت احضر الحلقة دي أو على الاقل الدقائق الأخيرة البروف اوشيك طرح اربعة حلول في نظره اي منها كفيل بحل الازمة بطريقة ترضي الجميع
والله يا محمد دي حلقة دسمه جدا ... بروف اوشيك دا فاهم شديد ... دا نوع السياسي البيديك output ... مش زي اللافين صينية وهم الغالبية في المشهد ... بعيد عن السياسة الزول برضو محاضر في كلية الطب جامعة الخرطوم ... سياسة وعلم وفهم ... طيب الحلول الأربعة شنو :- ١ :- إلغاء مسار الشرق برضا جميع الأطراف ... ودا مستبعد لأنو المستفيدين من المسار ما مصدقين زاتو إنهم صارو الكل في الكل في عموم شرق السودان ... ٢ :- ضمانات من القيادة العليا (حمدوك - برهان - حميدتي) بتجميد مسار الشرق إلى أن ينعقد مؤتمر الشرق ... ٣ :- باركوها ... مصالحة ترك ودقلل ... او بين مكونات الشرق .. ٤ :- الديمقراطية ... إستفتاء على مسار الشرق المضمن في إتفاقية جوبا ...
شخصيا أرى أن إتفاقية جوبا المفروض تكون تمت واتوقعت بين حملة السلاح في دارفور والمنطقتين مع ممثلي الحكومة السودانية ... ولا معنى أن يتم إلحاق المسارات الثلاثة بهذه الإتفاقية ما لم تكن هناك أجندات سوف تظهر وبانت بعض ملامحها ... ياخي معظم شعوب الوسط والشمال لي هسي ما عندهم خبر بي الإتفاقية دي ... شغل أم غمتي ...
10-10-2021, 11:01 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
بعد أن قام تلفزيون السودان بإفساح المجال للمتردية والنطيحة وما أكل السبع ..من الأبواق والعملاء الذين يجهلون أي شئ عما حدث ويحدث في شرق السودان الآن .. وقاموا بنشر التجهيل والعبط والسطحية ونادوا بالحلول العنترية..التي لم تفعل شيئا سوى أن زادت الطين بلة. .....
هاهو مدير التلفزيون الآن يحاول إنقاذ ما يمكن إنقاذه.. وطبعا لو لم تصل الأزمة إلى مرحلة خنق الدولة كلها..لما أبهوا لها.. كالعاااادة..يا سعادة !!
تأمل يا صلاح في المسخرة دي ..👇 مسار (سلام).. يهددنا ب(الحرب )..عليكم الله حصل مرت عليكم (نكتة) زي دي ههههه نطالب الشخصية الغامضة والمشبوهة أسامة محمد وهبي..الملقب نفسه بإسامة سعيد .. أن يعدد لنا على رؤوس الأشهاد ..الكيانات ال57.. التي قال أنها داعمة للمسار الوهمي دا في الشرق ..
Quote: أسامة سعيد: إلغاء مسار الشرق يعني إلغاء اتفاق السلام
الخرطوم ــ فاطمة علي
أكد الناطق الرسمي باسم الجبهة الثورية رئيس حزب البجا المعارض أسامة سعيد, أن إلغاء مسار الشرق يعني اندلاع حرب أهلية في الشرق.
واتهم سعيد في تصريح لـ(الصيحة), جهات ومكونات تعمل من أجل إلغاء المسار ولديها مصالح في الشرق ويقف خلفها النظام البائد. وقال “ليس هنالك جهة لديها حق إلغاء المسار ما عدا الوثيقة الدستورية واتفاقية السلام”، مؤكدا أن إلغاء المسار يعني إلغاء اتفاق السلام، وأوضح أن المسار تم تجميده إلى حين قيام المؤتمر التشاوري، وطالب بضرورة حسم الأمر. وشدد سعيد, على أن مسار الشرق جاء نتاجاً لنضال طويل منذ تأسيس نداء السودان وليس هدية، مبيناً أن تنفيذه أصبح قضية كرامة لـ(57) مكوناً بشرق السودان. واعتبر مُطالبات إلغاء المسار “مُزايدة سياسية”، مُؤكِّداً أنّ من يهتفون بإلغاء المسار يُنفِّذون أجندة النظام البائد، ووصفها بالأًصوات المعزولة.
الصيحة
10-11-2021, 08:05 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
برضو من النقاط المثارة في الحلقة يا ابو صلاح سؤال عن غياب ناس المسار من المشهد! وين الناس ديل صحي؟
Quote: طيب الحلول الأربعة شنو :- ١ :- إلغاء مسار الشرق برضا جميع الأطراف ... ودا مستبعد لأنو المستفيدين من المسار ما مصدقين زاتو إنهم صارو الكل في الكل في عموم شرق السودان ... ٢ :- ضمانات من القيادة العليا (حمدوك - برهان - حميدتي) بتجميد مسار الشرق إلى أن ينعقد مؤتمر الشرق ... ٣ :- باركوها ... مصالحة ترك ودقلل ... او بين مكونات الشرق .. ٤ :- الديمقراطية ... إستفتاء على مسار الشرق المضمن في إتفاقية جوبا ...
نمرة اتنين معقولة اظن! ولا كيف
10-11-2021, 08:42 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: مسار (سلام).. يهددنا ب(الحرب )..عليكم الله حصل مرت عليكم (نكتة) زي دي ههههه نطالب الشخصية الغامضة والمشبوهة أسامة محمد وهبي..الملقب نفسه بإسامة سعيد .. أن يعدد لنا على رؤوس الأشهاد ..الكيانات ال57.. التي قال أنها داعمة للمسار الوهمي دا في الشرق ..
والله يا آمنه الزول دا وشلتو يخيل لي دقسو ناس جوبا وخدعم خدعة كبيرة جدا ... الزول قال ليهم عندي جيش وعندي قواعد شعبية في كل أنحاء الشرق ...إلخ ومنذ بداية أزمة شرق السودان إلى اليوم لم يظهر في مدينة او قرية في شرق السودان ... ياخي إنتا بتدعي تمثيل شرق السودان مش من باب أولى تظهر في وسط من تمثلهم وتدافع عن هذه القواعد وتمثيلك ليها خاصة في وجود هذا الزخم الإعلامي العالمي ... وين الطرف الذي يعارضه الناظر ترك ... الناظر ترك صار النجم الأوحد في الإعلام العالمي في غياب تام لسارقي مسار الشرق ... سيبك من ناس برا ... نحنا كسودانيين ومتابعين لأحداث الشرق وفي خلال الشهر الأخير لم نرى أحد ممثلي مسار الشرق في جوبا يتحدث في الإعلام مدافعا عن المسار وعن تمثيلهم لقواعد شعبية موجودة في الشرق ...
10-11-2021, 09:16 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
تقصد تقديم ضمان بتجميد المسار إلى إنعقاد مؤتمر الشرق ... ليه ضمان القيادة العليا في الدولة والإعلان عن ضمان التجميد أمام الشعب السوداني ... لأن وعد الحكومة المدنية بتجميد المسار منذ توقيع الإتفاق لم تلتزم به وهذا هو السبب في وجود عدم الثقة بين ترك والمكون المدني ...
10-11-2021, 01:09 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9159
ده الكلام البدنن. يا اخوى مالك عايز تجرب سيفك فوق رقبتى و لا شنو.
ود البشرى, كلامى ده لناس سودانيز اونلاين لانو بين ابريل و اغسطس, قلت الكلام ده و ليس في سياق كلام اللايفاتى. حسب قراءتى كل الناس اللي في الحكومة ديل ما زول فيهم بنوم قبل ما يقرأ سودانيز و ظنى انهم يكونون الرأى العام حسب الصفوة العاملة في سودانيز و لذلك لما تسكتو علي الغلط في حينها, النتائج التى نراها الان كانت متوقعة (حسب وجهى نظرى و حسب ما قلته هنا قبل سنتين). ما تمشو بعيد. بس ناس كتار اتساقت بالخلا.
10-11-2021, 01:43 PM
ترهاقا ترهاقا
تاريخ التسجيل: 07-04-2003
مجموع المشاركات: 8858
Quote: اصلا مفاوضات جوبا ما كان فى ليها داعى, وقتها سكتو و قلتو ناس دارفور (لسة متمردين علي الدولة) رغم ان ذلك انتفى بذهاب البشير. قمتو ورثتو حكم البشير و اعدتو تدوير نفس الاسطوانة (مفاوضات سلام و غيرو) و هى تكرار الشئ و توقع نتائج مختلفة.
اولا: الغاء إتفاقية جوبا برمتها حيت أنها فرقت البلاد والعباد وبدون تفويض من الشعب السوداني ثانيا: تفويض حمدوك بتشكيل حكومة تكنوقراط وإبعاد كل الاحزاب وعلى راسهم الكوز جبريل والمرتزق مناوي ، في دارفور في ناس اكتر كفاءة من هذا المناوي بسنوات ضوئية ليكون حاكما لدارفور ثالثا: وضع جدول زمني لدمج من لهم الكفاءة في الجيش من الحركات المشلخة والدعم السريع أو تسريحهم رابعا : إعطاء الحق للاقاليم بإختيار حكامها عن طريق الانتخاب خامسا: تجريد كل الرتب العسكرية للضباط الذين لم يتلقوا تعليما في الكلية الحربية وبعد كدة اللي عايز يجينا عن طريق صندوق الانتخابات مرحب بيهو
10-11-2021, 03:21 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: لأن وعد الحكومة المدنية بتجميد المسار منذ توقيع الإتفاق لم تلتزم به وهذا هو السبب في وجود عدم الثقة بين ترك والمكون المدني ...
حسب ما فهمت من كلام بروف اوشيك ومن احد المتحدثين انو موضوع التجميد دا وعدوا به من زمان لكن تفااجؤوا في الاسابيع الماضية باحاديث عن قرب تعيين اسامة سعيد وزير تربية و عن اجراءات أخرى تخص اتفاقية المسار اعتقد تعيينات برضو المهم انت من وين يا قريبك جبت انو المدنيين وعدوا بتجميد المسار! حبايبك العسكر ديل اديهم نظرة كدا برضو من قصاد الطاقة! السلام و المسارات دي شغلهم من A to Z
10-11-2021, 05:47 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: رابعا : إعطاء الحق للاقاليم بإختيار حكامها عن طريق الانتخاب
هلا ترهاقا ... الغير طبيعي والذي يثير الإستغراب الشديد ... هو تعيين حاكم لإقليم دارفور وحاكم آخر لإقليم النيل الأزرق دون بقية أقاليم السودان الأخرى ... ياترى ماهو السبب ... ماذا يخطط الموقعين على إتفاقية جوبا وما هو الهدف ...
10-11-2021, 06:08 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: المهم انت من وين يا قريبك جبت انو المدنيين وعدوا بتجميد المسار!
يا باش إنتا ما سمعت بروف أوشيك ... تابع كلام البروف في شريطك الجبتو ... هو القال ...
Quote: حبايبك العسكر ديل اديهم نظرة كدا برضو من قصاد الطاقة! السلام و المسارات دي شغلهم من A to Z
يا رجال كدي أسعل الأستاذ التعايشي وبقية العقد الفريد ناس مولانا التاج وبقية أبناء قحت ... العساكر ديل شاركو بي وزير الدفاع فقط لموضوع الترتيبات الأمنية ولا دخل لهم بالترتيبات السياسية ...
10-11-2021, 06:23 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: العساكر ديل شاركو بي وزير الدفاع فقط لموضوع الترتيبات الأمنية ولا دخل لهم بالترتيبات السياسية ...
يا راجل! اي جلسة تفاوض كان بترأسها عسكري من جانب الحكومة مرة حميدتي مرة كباشي حتى ياشر العطا شارك بترؤس بعض الجلسات و الوقع حميدتي و الاساسا جاب موضوع المسارات دا هم العسكر رغم احتجاج الحرية و التغيير عليه
الما بتدورو خاف الله فيه
10-11-2021, 07:34 PM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
سلامات يا هندسة و الله الناظر ترك عندو قضية على الأقل يجمدوا ليهو المسار و يعملوا مؤتمر على الاقل. بس ناس التوم هجو و الجاكومي يلغوا ليهم المسار عديييييل " مستهبلين و أرزقية". المظالم في حتات في السودان معلومة ، بس في ناس عايزين السلطة و بدون امكانيات. وهم ديل العايزين و يصروا على مسألة المسارات *المسارات دي قنبلة موقوتة عملوها العسكر لمن أصروا على قيادة المفاوضات دقلو و كباشي الخ الخ.. في سودانيزاونلاين اعترضنا على مسألة المسارات فى وقتها. * في مسألة عايزه تحليل شوية، ناس التوم هجو و الجاكومي عاملين درقة للبرهان و حميدتي و عايزين يشقوا الحاضنة ديل موقفهم لا يتفق مع الناظر ترق في "إلغاء المسارات" أو تجميدها. يجب أن ينتبه اهل الشرق لمعضلة عساكر السيادي في التعامل مع مسارهم. الحاضنة المرتقبة للعسكريين ،مع المسارات رغم انو المدنيين هنا و في الاعلام ما مقتنعين بيها. و الدليل البوست دا
10-11-2021, 07:39 PM
mekki mekki
تاريخ التسجيل: 06-15-2003
مجموع المشاركات: 3433
Quote: إلغاء مسارات الشرق والشمال والوسط من (البقرة المقدسة) أو ما يعرف بي إتفاقية جوبا هو الحل الوحيد المتاح لوقف إغلاق الشرق والمزيد من التفكك في مناطق أخرى
اتفق معك
10-11-2021, 08:01 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
Quote: يجب أن ينتبه اهل الشرق لمعضلة عساكر السيادي في التعامل مع مسارهم. الحاضنة المرتقبة للعسكريين ،مع المسارات رغم انو المدنيين هنا و في الاعلام ما مقتنعين بيها. و الدليل البوست دا
تحياتي أخ ناصر لا أعتقد أن الخطوات التي يقوم بها برهان و حميدتي تقوم على ردود أفعال المكون المدني أو الشارع، بل هي مدروسة وفق خطة محكمة لكي تقود الثوار و الحكومة المدنية ألى حيث يراد لها، و هذا ما قصده برهان حينما قال بأنهم هم من( يسوقون البلد مكان عايزين). طبعاً التخطيط يحمل الطابع الخبيث للمخابرات المصرية و أيضاً البصمات الخبيثة لدحلان و مكر يڤجيني بريغوجين. أما برهان و حميدتي و و اللجنة الأمنية رغم إجرامهم هم بلهاء. (ملحوظة) ------------ لاحظت ان كيزان المنبر صمتوا.... خير؟
10-12-2021, 03:34 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
قد لا يعلم (ثنائي النغم) هجو والجاكومي اللذان يمرحان في جوبا شمالاًً وجنوبآ ولا يتركون هذا ولا ذاك ويعقدون الاتفاقات مع من يرون بلا مرجعية وكاّن المساران (الشمال والوسط) قد تم تسجيلهما رسمياً باسميهما قد لايعلمان أنهما بهذا (الإنبطاح) يكسران خاطر أبناء الوسط والشمال ويطعنان ظهورهم ويسجلان خيانة لن يغفرها التاريخ لهما من خلال سعيهما (التافه) للحصول علي مكانه لهما في (جوغة) الحكومة القادمة وتحقيق ماَرب شخصية لهما رغم ان الأمر ليس بالجديد عليهما من خلال تاريخهما الأسود المليء بالخذي والعار خلال سنوات العهد البائد ولعنات أبناء الشمال والوسط ستظل تلاحقهما رغم إصرارهما علي قيادة هذه الكيانات رغم أنفه أهلها
ثنائي النغم الخسيس المتاّمر ضد أبناء مناطقه وأهله هما غير مفوضين أصلاً للحديث باسم تلك الكيانات وقعا (بكل برود) علي وثيقة جوبا وقاما بذبح كافة مطالب أهل تلك المناطق التي تعاني منذ زمن بعيد الإهمال والتجاهل من الحكومة المركزية علي إعتبار أنهم مسالمون ولا يرفعون السلاح في وجهها كما يفعل الأخرين
نحن لسنا بعنصريين أو دعاة للفتنه كما أننا نرحب بالسلام العادل الذي يتساوي من خلاله الجميع فثورتنا التي دفعنا مهرها بالدم جاءت لتبسط المساواة بين كل أبناء الوطن وليس من حق شخص أن يهضم حق اي جهة فيه من العيش الكريم علي حساب جهة أخري وبنظرة عامة للوطن فإن كافة أطرافه (مهمشة) ولكن تختلف طريقة التعبير والمطالبة من جهة لأخري وبما أنهما دخلا للفاوض (رغم إنوفنا) فقد كان حرياً بهما أن يطرحا ماتعانيه تلك المناطق من مرض وجوع وجهل بدلآ من التوقيع علي وثيقة نشك بأنهما اطلعا حتي علي بنودها
اما الحكومة التي تظن بأنها قد حققت انتصارآ بعد اختيارها لبعض (المرتزقة) لتمثيل بعض المناطق بصورة (صورية) ستجد نفسها بعد فترة وجيزة أنها قد أشعلت نيران الفتنة بدلاً عن إخمادها فالسلام لا يتحقق إلا بالعدل والمساواة وكان حرياً بها أن تدرس إحتياجات كافة بقاع الوطن بعد ان جلست علي قيادته بدلآ عن البحث عن مخارج آنية لا تستمر طويلآ
هجو هذا لا يمثل كيان الوسط الا في مخيلته المريضة والجاكومي أيضآ لا يمثل أبناء الشمال وهو الاعلم بذلك عليهما التراجع وتقديم طلب مراجعة ومشورة لأبناء تلك المناطق فما قاما بالتوقيع عليه لا يمثل مطالب تلك المناطق باي حال بل هو إنكسار لا معني له وسيرفضه أبناء الشمال والوسط حتماً ... الا هل بلغت... اللهم فشهد *🇸🇩🇸🇩شبـكـة ايمان الاخـبـاريـة🇸🇩🇸🇩* *
10-12-2021, 07:10 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: اي جلسة تفاوض كان بترأسها عسكري من جانب الحكومة مرة حميدتي مرة كباشي حتى ياشر العطا شارك بترؤس بعض الجلسات و الوقع حميدتي و الاساسا جاب موضوع المسارات دا هم العسكر رغم احتجاج الحرية و التغيير عليه
طبعا مع علمي التام إنو (العين) ما ممكن تعفص الحاجب لأنو الأعلى وأنا ياداب أتلمس خطاي في حوش بكري دا ... يكفي أقول ليك إنو (قحت) أو ما يعرف بالمكون المدني بيعتبرو إتفاقية جوبا من أهم إنجازاتهم بل في خطابات رئيس وزراء (قحت) يعتبره الإنجاز الأول قبل رفع الحظر من قائمة الإرهاب ... تجي إنتا يا سعادتك تتخلى عن هذا الإنجاز للعسكر ... غواصة إتا ول شنو ... 😛😛😛
10-12-2021, 07:17 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
عزيزنا ناصر ... سعيد بي وجودك هنا ... سؤال بريء جدا ... عمنا أمين كان ناصري ول إعجاب ساي بي جمال عبدالناصر ...
Quote: و الله الناظر ترك عندو قضية على الأقل يجمدوا ليهو المسار و يعملوا مؤتمر على الاقل.
دا كلام العقل يا ناصر ... لا يعقل أن يوصم الناظر ترك (بالجهل) و(الكوزنة) و(الخيانة) (واتهامات جنائية لدرجة التهديد بفتح بلاغ وإصدار حكم الإعدام) ... تصدق وتأمن بالله يا ناصر ... الناظر ترك إلى هذه اللحظة لم يرفع السلاح في وجه الدولة والناظر ترك لم يرتكب جناية قتل في حق خصومه أو في حق أهله ... في نفس الوقت من هدد ترك بفتح البلاغ واصدر الحكم بإعدامه من القحاتة الهوان ديل يتشارك مع من رفع السلاح في وجه الدولة وقتل خصومه وأهله ... يتشارك معهم في مجلس السيادة ومجلس الوزراء ومجلس الشركاء والمجلس المركزي لقحت ... في هوان اكتر من كدا ...
Quote: بس ناس التوم هجو و الجاكومي يلغوا ليهم المسار عديييييل " مستهبلين و أرزقية". المظالم في حتات في السودان معلومة ، بس في ناس عايزين السلطة و بدون امكانيات. وهم ديل العايزين و يصروا على مسألة المسارات *المسارات دي قنبلة موقوتة عملوها العسكر لمن أصروا على قيادة المفاوضات دقلو و كباشي الخ الخ..
معلوم يا ناصر خالد شاويش واسامة سعيد (مسار الشرق) وتربل إكس الجاكومي (مسار الشمال) وتربل إكس التوم هجو (مسار الوسط) ... ديل أعضاء الجبهة الثورية ... وقصة المسارات دي إحدى مطالب الجبهة الثورية ... وصارت واقعا بفضل موافقة المتفاوض الحكومي (عسكري ول قحتاوي ما فرقت) ...
Quote: يجب أن ينتبه اهل الشرق لمعضلة عساكر السيادي في التعامل مع مسارهم. الحاضنة المرتقبة للعسكريين ،مع المسارات رغم انو المدنيين هنا و في الاعلام ما مقتنعين بيها. و الدليل البوست دا
ما قدرتا فهم ما ترمي إليه في هذا الكوت وكمان جايب بوستيني شاهد إثبات ... وبعد ردم دكتورة نعمات للعسكر ممثل في اللجنة الأمنية برضو كلامك دا ما وقع لي ... تحياتي
10-12-2021, 09:06 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
مكي الأحمدي ... شكرا جزيلا ... دكتورة نعمات ... حبابك عشرة بلا كشرة ... وبي نوايا طيبة جدا وبدون تشنج لنا التعليق الآتي :-
Quote: لا أعتقد أن الخطوات التي يقوم بها برهان و حميدتي تقوم على ردود أفعال المكون المدني أو الشارع، بل هي مدروسة وفق خطة محكمة لكي تقود الثوار و الحكومة المدنية ألى حيث يراد لها، و هذا ما قصده برهان حينما قال بأنهم هم من( يسوقون البلد مكان عايزين).
إنتي كدي عصرتي علي ود الفكي وكسبه السياسي ... إتصوري الوضع لو لم يغرد ود الفكي ولم يعقب تغريدته بالظهور في تلفزيون الجوخ وتقديمه كأحد أبطال ثورة المدنيين ضد أعدائهم العسكر (شركاء الحكم) ... اتخيلي بس لو لزم ود الفكي الصمت والهدوء زي أخوانو المدنيين المعاهو في مجلس السيادة ... كان يا ربي البرهان دا لقي ليهو مسوغ من وين عشان يقاطع كل الإجتماعات مع المدنيين في كافة المستويات كرد فعل طبيعي لما صرح به ود الفكي ... بكون سمعتي البرهان أمس في المنطقة العسكرية بحري ... قال فيما معناهو الجيش والقوات المسلحة صارت مكب نفايات فشل واخطاء المكون المدني سياسيا واقتصاديا ...إلخ وقال كلام بسوي الوجع عشان كدا ابيت أجيبو أرفع بيهو بوست سلم العهدة ... وهو في نفس السياق ...
Quote: طبعاً التخطيط يحمل الطابع الخبيث للمخابرات المصرية و أيضاً البصمات الخبيثة لدحلان و مكر يڤجيني بريغوجين.
المصريون والفلسطيني المعفن دحلان بعرفن ... الروسي دا ما عندي فكرة ... ما تفتكري شغل المخابرات دا سوف يقتصر على المكون العسكري ... كلهم متورطين لي الباطوس ...
10-12-2021, 10:19 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: اما الحكومة التي تظن بأنها قد حققت انتصارآ بعد اختيارها لبعض (المرتزقة) لتمثيل بعض المناطق بصورة (صورية) ستجد نفسها بعد فترة وجيزة أنها قد أشعلت نيران الفتنة بدلاً عن إخمادها فالسلام لا يتحقق إلا بالعدل والمساواة وكان حرياً بها أن تدرس إحتياجات كافة بقاع الوطن بعد ان جلست علي قيادته بدلآ عن البحث عن مخارج آنية لا تستمر طويلآ
حبابك أمنه ... كلفتت مسار الشرق والوسط والشمال من قبل من تفاوض في جوبا (حكومة وحركات) يوضح بجلاء موقفهم (حكومة وحركات) من هذه الأقاليم خاصة" إذا عرفنا بأن المتفاوضين من الجانبين (حكومة وحركات) جلهم من أبناء دارفور والمنطقتين... إعتماد هذا التمثيل البائس لأقاليم تمثل ثقل سياسي واقتصادي واجتماعي لا يتوفر لبقية الأقاليم يحمل أجندة كثيرة اقلها زعزعة هذه الأقاليم وينم عن نظرة إنتهازية لا فيها سلام ولا فيها عدالة وفيها إستغلال لي سلطة من المفروض تكون قومية مما يزيد عدم الثقة بين مكونات الوطن الواحد ....
10-12-2021, 05:46 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
صلاح الزبير الروسي دا ملقب بطباخ بوتين،رجل استخبارات و أشبه بالمافيا حضر مع المخلوع عندما فر مذعوراً إلى روسيا و طلب الحماية من بوتين. هذا ال يڤجيني لديه شركة تعدين تعمل في تهريب الذهب. بعد سقوط المخلوع واصل عمله المشبوه مع اللجنة الأمنية. بالنسبة للخطة المحكمة التي ذكرتها، فالقصد أن اللجنة الأمنية و من يخططون لها لابد أن يكونوا قد جهزوا عدة سيناريوهات، سواء غرد ود الفكي أو لاذ بالصمت فهم مبيتين النية للتخلص من ود الفكي و كل الوزراء. ولو لم يغرد ود الفكي كانوا سيبحثوا عن كذبة أو عذر واهِ آخر.
10-13-2021, 08:31 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
😃😃😃 وآلله فعلا غواصات ... ناس عملية السلام سرقوها العساكر في جوبا ... إنجاز تحقيق السلام في ربوع الوطن عايزين تنسبوهو للعساكر أخنق فطس ... يا ظلمه ... شكرا البطل محمد حسن التعايشي ... شكرا أمنه مختار ...
10-13-2021, 10:12 AM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Salah Zubeir
محمد البشرى الخضر
علي عبدالوهاب عثمان
بشير حسـن بشـير
بدر الدين الأمير
مهيرة
Biraima M Adam
Mahjob Abdalla
نعمات عماد
AMNA MUKHTAR
ترهاقا
Nasser Amin
mekki
فيس بوك
تويتر
انستقرام
يوتيوب
بنتيريست