|
|
|
 Re: المكون العسكري يضغط على حمدوك لتشكيل حكوم (Re: بشير أحمد)
|
حبابك اخونا المستنير نصر،
ولكن .. هل لك أن تحدثنا عن التغير القادم
الملتزم بنصوص الوثيقة الدستورية.؟
كتب منصور الهادي قبل يوم من حاضنة قحت٢:
*عشان تفهم الحاصل والحايحصل...*
*برهان..*
بالأمس أعلن ضمنا في معنى ماقال من حديث أمام جمع من ضباط القوات المسلحة أن حكومة الأربعة أحزاب الموجودة الان لن تستمر والقادمة حكومة كفاءت مستقلة حسب نص الوثيقة مع حاضنة سياسيه جامعة تضمن الانتقال الديمقراطي لحكومة منتخبه..
ثم كبر ثلاث تكبيرات ...
الله اكبر.. الله أكبر... الله أكبر وقال :
نتلاقى في ساعة خير..
*حمدوك*...
أعلن لشعب السوداني أن حكومة الأحزاب الأربعة حولت الفترة الانتقاليه لفوضي مما يعني أن وقت التغير قد حان ..
*إذن..*
*/ المكون العسكري..
*/ المكون المدني(حمدوك والحاصنه السياسية الجديدة) ..
*/ المجتمع الدولي..
*/ ٩٠٪ من الشعب السوداني
كل هؤلاء متفقين على تغير قادم يلتزم بالوثيقة الدستورية ويضمن استمرار الشراكة بين العسكريين والمدنيين مع ضمان الانتقال الديمقراطي واستكمال أهداف الثورة...
*برهان*...
بالأمس التقى المبعوث الأمريكي واتفقا على تاسيس حاصنه سياسية من كل الأحزاب السودانية...
*برهان*...
ارسل اليوم رسالة خطية إلى الأمم المتحدة ومجلس الأمن والاتحاد الأفريقي شرح فيها التغير القادم وتماشيه مع الوثيقة الدستورية وأهداف الثورة وسلامة الانتقال الديمقراطي إلى حين تسليم السلطة إلى مدنيين منتخبين ..
*إذن..*
في تغير قادم ودا كلام مافيه غلاط لكن ما انقلااااااب...
*إنما تغيير*...
ملتزم ببنود الوثيقة الدستورية التي تلاعبت بنصوصها أحزاب الأربعة وتريد تفصيلها على نفسها وحرمان البقية من المشاركة وتتلاعب الان ببعض فئات الشعب السوداني بزعم انها في معركة مع المكون العسكري الذي يريد الانقضاض على السلطة وهي في الحقيقة تريد الحفاظ على كراسيها ...
التغير القادم ملتزم ببنود الوثيقة الدستورية التي تقول :
* حكومة كفاءات مستقلة ذات مهام محددة..
* حاضنة سياسية تضم كل الأحزاب السياسية شمال يمين عدا المؤتمر الوطني..
* مجلس تشريعي
*مفوضبات فساد وانتخابات..
*إنقاذ البلاد من التدهور الاقتصادي وتحسين معاش الناس..
أحزاب الاربعة الحاكمة الان:
حزب البعث..
المنشقين من الاتحادي. المؤتمر السوداني..
حزب الأمة..
جزء من الحركات المسلحة..
ديل رافضين التصحيح القادم وعايزين يحكموا براهم رغم ثبوت فشلهم ...
أحزاب الأربعة مدعومة
ماليا بتحت الطربيزة من الإمارات وأعلاميا من قناة الجزيرة بفهم خلاف غير معلن بين المؤسسة العسكرية السودانية والامير تميم وقصة المحاور وحرب اليمن وتصرفات عسكريين سابقة مع بعض المسؤلين القطريين...
قناة العربية والحدث داعمه للعسكريين...
*أحزاب الأربعة*...
تحشد بزعم إفشال التغير القادم الذي سينقذ السودان من الفشل واحضرت قطار من الجزيرة وعطبرة مع حشد لموظفي المؤسسات الحكومية داخل الخرطوم ولكن رغم ذلك فشل الحشد وأصبحت تعتمد على ترويج قناة الجزيرة... ...
*الان الصورة عند السودانيين واضحة*..
تغير قادم ملتزم بالوثيقة والدستورية وأهداف الثَورة وأحزاب أرىعة فاشلة تقف ضد التغير وتريد البقاء وحدها في السلطة...
*غدا السبت بإذن الله*
سيتم التوقيع على ألحاضنه السياسية الجديدة بقاعة الصداقه مما يعني أن القادم هو حكومة كفاءات مستقلة من الأحزاب برئاسة رئيس الوزراء عبدالله حمدوك...
علي الشعب أن يختار
بين أحزاب الاربعة الفاشلة..
أو إنقاذ البلاد من الفشل بحكومة مستقلة يقودها حمدوك ويحرسها الله ثم الجيش...
( منصور الهادي)👇🏿
| |
 
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: عمر التاج)
|
قال راعي البوست
Quote: حبابك اخونا المستنير نصر،
ولكن .. هل لك أن تحدثنا عن التغير القادم
الملتزم بنصوص الوثيقة الدستورية.؟ |
معليش أعذرني من الرد لأنه دا موضوع جديد تمام
تفتح ليه بوست وأوعدك بالرد هناك
نواصل في موضوعنا
يعني العسكر عاوزين يغيروا الحكومة علي كيفهم ؟؟؟
بأي حق ؟؟؟
طيب لو المدنيين رفضوا ؟؟؟
طبعا ما في ليه حل غير الإنقلاب
يللا إختصروا الزمن وأقلبوها
والكيزان قاعدين للمساندة
| |
|
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: Nasr)
|
المكون العسكري !
ما مؤسسة من مؤسسات الحكم !
والأزمة المحتاجة لحل هي أزمة رئاسة الدولة أو مجلس السيادة
والتي يعد العسكر طرفا فيها
أمش حل أزمة السيادة اللي إنت جزء منها وبعدين تعال تحدث إخفاقات
الحكومة ـ
بابك مخلع وعاوز تصلح " أبواب الناس التانين ؟
مجلس ـ الوزراء منطقه هو:-
مهمة تشكيل وإختيار مجلس الوزراء دي قضية تخص قوي الحرية والتغيير
العسكر ومجلس السيادة بكل مكوناته لايمكن أن يفرض قرار علي حمدوك فيما يختص
طاقمه الحاكم
* إي نص في الوثيقة الدستورية يخول للعسكر ـ إبعاد أو ضم أو إعادة تشكيل
الوزارة؟
| |
|
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: كمال عباس)
|
شاهدت خلال الإسبوع:-
- محاولة إنقلابية دكاكنية غامضة يروح ود الفكي ضحية لها !
- عصابات النيقرز
- تسعة طويلة
- خلايا إرهابية ـ تصر علي البقاء في ذات المنطقة بعد مداهمة الخلية الأولي .غزوة جبرة الصغري!
- وبرهان يسجل حضور أثناء غزوة جبرة الكبري وهو الغائب طيلة ساعات المجزرة الطويلة!
-الناظر ترك ـ يدين ويقاطع المكون المدن إحتجاجا علي إتفاقات ومسارات
قاد المكون العسكري التوقيع عليها
- أزمة بمجلس السيادة أفتعلها برهان بهجوم مخطط له سلفا
- أمين مجلس السيادةالعسكري يخاطب مطالبا بحضور السلك الدبلوماسي لإجتماع قاعة الصداقة بناء
علي أوامر مناوي ـومناوي ينكر !
- إجتماع بقاعة الصداقة لتحالف قوي الحرية والتغيير بزعامة مناوي
-حضور كبير للفلول وأحزاب فكتهم لإجتماع الصداقة ـتأييدالوحدة وقوة تحالف قوي الحرية والتغيير الذي أطاح بالإنقاذ!
ـ علي هامش الإجتماع حضور لايعرف لماذا جاء ـ المهم أكل كبار التماسيح
' المعلوم" وتركو الضعاف والفقراء والجوعي يأكلون البلح الني ويشربون
من البرك
-وإبراهيم بقال يقود جحافل الفلول مطيحا بإسحق فضل الله وربيع عبد العاطي
-والجداد الإلكتروني المنتوف الريش و المزعمط و الضاربو الهيم ـ يواصل الهضربة
.......
| |
|
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: بشير أحمد)
|
كتب بشير أحمد
.....
.... Quote: في ناس هنا بصلتهم يكشنو فيها ...وهم لسع عندهم امل يعوعوا...
الناس ماقاعدة تقرا؟حس سياسي ساي مافي؟
كدي واحد من الناس البتعوعي هنا يمشي يكتب بوست في الفيس ولا يقول شكرا فشلوك....ح تتردم وبغم مابتقدر تقولا. |
..
بس أوعي تكون متخيل إنو الكيزان هم بديل الحكومة دي
ديل برة المعادلة -
- ياأخي حتي ترك ينفي في كوزنته
-وبرهان قال عاوز ينظف الجيش من الكيزان وحميدتي يقول إنو ضدهم
- وإجتماع قاعة الصداقة بتاع مناوي فشل بسبب حضور الفلول
-
لامجال لإعادة عقارب الساعة للوراء ـ الشعب بكل مكوناته وجهوياته قال كلمته في الكيزان وإنتهي أمرهم
الحكومة دي ؟
ماتمشي !
وتجي حكومة أكثر إلتزاما بأهداف وحسما للفلول واللجنة الأمنية
لاتهمنا هذه الحكومة ماتهمنا هي الثورة ـوالتي هي المرجعية والمشروعية
ماهو
ناس الشعبي والإصلاح أقرو بمشروعية الثورة ومختلفين مع الحكومة
وبمارسو في نشاطهم عادي
.
| |
|
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: كمال عباس)
|
كتب كمال عباس:
Quote: بس أوعي تكون متخيل إنو الكيزان هم بديل الحكومة دي
ديل برة المعادلة - |
شفت ليك كوز قال عايز يجي يحكم؟الكيزان مستمتعين بالفرجة في فشل حكومة عواليق قحت...المواطن رمى طوبتكم ...حكومة ثورة مين وبطيخ مين
ح تذهبوا للمزبلة غير مأسوفا عليكم...
إن قلتوا إنتخابات ...مابتلحقونا ح نفوز بالمزيكا وانت تعاين ...وح تجي كورك هنا ياكمال.
وإن قلتوا الكيزان مايدخلوا الانتخابات وخرخرتوا...ح نصوت لاحزاب اليمين بربطة المعلم ...اولها شوكة الحوت في حلوقكم المؤتمر الشعبي..
اها بتطيروا ولا بتجروا؟
ناس قاعدة كنب مابتقروا...
| |
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: بشير أحمد)
|
قال بشير
| Quote: إن قلتوا إنتخابات ...مابتلحقونا ح نفوز بالمزيكا وانت تعاين ...وح تجي كورك هنا ياكمال. |
غايتو بعد الملايين العشرة الشفتها في ثورة ديمسبر المجيدة
يهتفون بصوت واحد
أي كوز ندوسو دوس
أستطيع أن أقول أن ما تقول هو أكبر دليل علي حاجة إسمها
wishfull thinking
بالعربي التفكير الرغبوي
طيب وكت الإنتخابات بتجيكم ليه شابكننا
نفوض العسكر ؟؟؟؟؟؟؟
| |
|
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: Nasr)
|
| Quote: التغيير القادم الملتزم بنصوص الوثيقة الدستورية |
| Quote: يعني العسكر عاوزين يغيروا الحكومة علي كيفهم |
الموضوع واحد يانصر، العسكر ديل فيهم سياسيين واداريين وفنيين واقتصاديين وقانونيين وجن احمر زاتو
عشان كده تغييرهم الماشين فوق دربه حايكون بالغانون ياعملات حميدتي
وقع لك يعني شنو قحت٢ وتغيير ملتزم بنصوص الدستور؟
| |
|
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: Nasr)
|
Quote: غايتو بعد الملايين العشرة الشفتها في ثورة ديمسبر المجيدة
يهتفون بصوت واحد
أي كوز ندوسو دوس
أستطيع أن أقول أن ما تقول هو أكبر دليل علي حاجة إسمها
wishfull thinking
بالعربي التفكير الرغبوي |
يانصر انا بحبك ياخي ليه كده؟ شكلك طولت من البلد...ملاين مين والناس نايمين؟ ثورة مين وبطيخ مين؟
امش اقعد في ضل دكان وقول كلامك ده وجيب سيرة الثورة عشان تعرف الطفا النور منو..
ثورتك دي حدها هنا...وكمال عباس بس...
Quote: طيب وكت الإنتخابات بتجيكم ليه شابكننا
نفوض العسكر ؟؟؟؟؟؟؟ |
هههه وانتو ليه ما بتجيبوا سيرة الانتخابات؟لانو ماعندكم عضوية ...امسكا من الحزب الشيوعي لغاية لحزب السنابل وحزب الرجل الواحد
ح نوصلكم الانتخابات بي البرجوبة دي ...عشان قحت ومن لف لفها تكون انتهت من عند الشعب.
| |
|
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: عمر التاج)
|
و الله يا بشير
علي الرغم من انه ما بحب الكيزان و نحن حزب وسط ( الاتحادي )
بس ياخي
ورمت فشفاش قريبي كمال و اخونا نصر
خفف شويه لانه انتو خارج التشكيله و لا احتياطي سياسة في الكنبه ما موجودين
قال شعبي قال
بس اعجبني فيك الهجوم الضاغط ( المدرسة الاسبانية )
الزبير الختمي
| |
|
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: الزبير بشير)
|
كتب بشير أحمد
Quote: ..
امش اقعد في ضل دكان وقول كلامك ده وجيب سيرة الثورة عشان تعرف الطفا النور منو..
ثورتك دي حدها هنا...وكمال عباس بس... .... |
..
أحزاب يمينك العاوز تصوت ليها كبديل للمؤتمر الوطني دي كلها مع مشروعية
ومرجعية الثورة وضد الكيزان ـماديرين الحكومة الحالية أوكي ولكنهم
مع الثورة وضد الحكومة
الحكومة ليس الثورة وقحت ليت الثورة هي الشعب الذي أشعلها
- وإن كان البعض ينعي علي هذه الحكومة الفشل في تحقيق أهداف الثورة
ولكن الجميع يعلمم
- أن الكيزان والإنقاذ هي من فرط في التراب والسيادة الوطنية لدور
الجوارـ حلايب والفشقة والأجواء مستباحة لإسرائيل فإي هوان وذل أكثر من هذا؟
- علما بأن صيانة التراب والسيادة اليطنية هي أهم واجب لإي حكومة
ثانيا أنتم من حولتم جيش وقوات السودان لمرتزقة تحارب من أجل أجندة ومصالح دول أخري فإي هوان أكثر من هذا
ماأرتكبتموه هو خيانة وطنية وتجرد من أبسط شارات الإنتماء للوطن
وكل هذا الإرتزاق أتي مقابل حفنة من المال دخلت جيوب أثرياء الحرب وسماسرة الموت والبشير يقبض كإي لص دنئ ومرتشي حقير مظروفا تحت
التربيزة !
-الإقتصاد من دمر أركانه وموارده ونهبه غيركم من ألغي مجانية العلاج والتعليم
وودمر مشروع الجزيرة سواكم
-الضنك المعيشي الثورة قامت من صفوف الخبز ومحطات البنزين في
في زمن لم يكن المواطن قادر علي سحب ماله وعرق جبينه من البنك
وبرضو إبتلاءات
........
وهاك دا كلام البشير في آخر أيامه
.........
Quote: ..
البشير: الناس في عهد الصحابة أكلت ورق الشجر .. والله سيحل الأزمة الاقتصادية!
وأضاف خلال خطاب جماهيري، أن “ما يحدث من ضائقة هو ابتلاء سنصبر عليه حتى ينجلي لأن الحكم والقوة والأرزاق
بيد الله وهو أمر تأمرنا به عقيدتنا”، بحسب صحيفة “الانتباهة”.
وزاد: “الأزمة الاقتصادية الله بحلها (سيحلها). الناس في عهد الصحابة أكلت صفق الأشجار”، وفقا لصحيفة “التيار” الورقية. ... |
........
....... ثالثا من عزل السودان وربطه بالإرهاب والتطرف وشوه سماحته سواكم
ـ من أخرجه من المجتمع الدولي والمؤسسات الإقتصادية العالمية
رابعا من ساهم في فصل الجنوب وساهم في تمزيق النسيج الإجتماعي للوطن ومن دمر دارفور وزرع الفتن بين أهلها؟
خامسا من سرق ونهب وأفسد وأستبد وصادر الحريات وكمم الأفواه وشرد أبناء
وعذبهم وقتلهم ؟
سادسا
حكومة حمدوك فشلت في الملف المعيشي اليومي وتخفيف الضنك
والفشل في هذا هو ماننعيه عليه ويجعلنا نطالب بذهاب ومجي حكم أكثر ثورية
ولاندعو الناس لأكل صفق الشجر
بعكس من كان يهتف ويصفق للقتلة والمفسدين واللصوص ويمجد باطلهم في العهد الأغبر
| |
|
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: كمال عباس)
|
Quote:
..
أحزاب يمينك العاوز تصوت ليها كبديل للمؤتمر الوطني دي كلها مع مشروعية
ومرجعية الثورة وضد الكيزان ـماديرين الحكومة الحالية أوكي
|
علي الاقل احزاب اليمين احسن من الشيوعيين والبعثيين والملاحدة الماعندهم دين...والعلمانيين
احزاب اليمين بتحافظ علي هوية الشعب من حيث الدين والعادات والتقاليد...
ح نصوت لحزب الامة والاتحادي والمؤتمر الشعبي...
الا تمنعوا الكيزان من التصويت...وده بعيد عن شواربكم.
| |
|
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: محمد البشرى الخضر)
|
قال بشير
Quote: يانصر انا بحبك ياخي ليه كده؟ شكلك طولت من البلد...ملاين مين والناس نايمين؟ ثورة مين وبطيخ مين؟
امش اقعد في ضل دكان وقول كلامك ده وجيب سيرة الثورة عشان تعرف الطفا النور منو..
ثورتك دي حدها هنا...وكمال عباس بس...
|
شكرا علي المشاعر الطيبة
قيض لي المولي عز وجل أن أحضر الثورة في السودانية
وبقيت سنتين بعد ذلك
وجيت راجع من السودان لي أقل من سنة
وعلي تواصل يومي مع قدر معتبر من الناس
من ناس ضل الدكان لحدي الناس المطلعين علي الخبايا
طبيعي ان تري ما لا أري
لأن كل الناس تري في الواقع ما ترغب فيه في الواقع
عشان كدا عملوا الإحصاء وإستطلاعات الرأي وكدا
ما علينا
أتمني أن تكون الحركة الإسلامية بمختلف أسماءها
أن تكون حريصة علي الديمقراطية
(طالما أنهم علي قناعة أن أي إنتخابات حرة نزيهة بتديهم الأغلبية)
ووفقا لذلك فإن أي محاولة لتقوية الجيش علي المكون المدني
من شأنه أن يمد من أمد الفترة الإنتقالية ويبعد حكاية الديمقراطية
أضغطوا معنا لتكوين مفوضية الإنتخابات ومفوضية التعداد
وإجراءه فعلا قبل نهاية الفترة الإنتقالية
وضروري لحدوث كل ذلك أن يكون دليلنا كلنا الوثيقة الدستورية
والتي تحدد متي وكيف تؤول رئاسة مجلس السيادة للمدنيين
ولا شنو؟؟؟؟
| |
|
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: Nasr)
|
نسيت أن أقول ردا علي ما كتبت يا بشير
Quote: هههه وانتو ليه ما بتجيبوا سيرة الانتخابات؟لانو ماعندكم عضوية ..
.امسكا من الحزب الشيوعي لغاية لحزب السنابل وحزب الرجل الواحدQuote:
لقد كتبت مرارا وتكرارا عن الإنتخابات وضرورة الإستعداد لها
وبنقرة في بحث بتشوف كل ما كتبته في هذا العام وفي العام قبله عن الإنتخابات
ناس السياسة السودانية معظهم إن لم يك كلهم ناس رزق اليوم باليوم
السياسة يومية وما في اي نظرة أستراتيجية
والظاهر حتفاجأهم الإنتخابات زي ما قاعد يفاجأهم العيد كل مرة
مرة تانية
وإن إختلفت رؤانا كونو معنا في الإستعداد للديمقراطية
لأنه ستنظم خلافاتنا وتبعد عنها العنف والإستقطابات غير المؤسسة
| |
|
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: محمد البشرى الخضر)
|
قال عمر التاج
Quote: الموضوع واحد يانصر، العسكر ديل فيهم سياسيين واداريين وفنيين واقتصاديين وقانونيين وجن احمر زاتو
عشان كده تغييرهم الماشين فوق دربه حايكون بالغانون ياعملات حميدتي |
الحكاية ما دايرة خبراء (غانون)
المسألة موضحة شديد في الوثيقة الدستورية
والوثيقة الدستورية هي العهد بيننا وبينهم
متي ما أحتكموا لها وفاء للعهود
بنصل للديمقرايطة بسلام
أما إذا أصر البرهان علي رئاسة المجلس السيادي
متجاوزا للوثيقة الدستورية
فدا إنقلاب وخطوة واسعة في إتجاه الديكتاتورية
ما دايرين في باقي عمرنا نحش لينا في ديكتاتورية رابعة
لقد أخدنا أكثر من نصيب أجيال كاملة من المغصة ووجع المصاريين من العسكر الديكتاتوريين
| |
|
|
|
|
|
|
|
|
|
Re: المكون العسكري يضغط على حمدوك لتشكيل حكوم (Re: Nasr)
|
كتب ناصر ..
| Quote: لقد كتبت مرارا وتكرارا عن الإنتخابات وضرورة الإستعداد لها |
| Quote: ما دايرين في باقي عمرنا نحش لينا في ديكتاتورية رابعة |
ضرورة الانتخابات بتحتم البدء في إجراءاتها منذ اول يوم سقط في الدكتاتور ..
ولقد مضى على ذلك السقوط حوالى سنتين ونصف ..
فما الذي أنجز من أجل الديمقراطية يا نصر ؟
لاشئ ..
الديكتاتورية الماعايز تعيشها للمرة الرابعة هي التي يعيشها الشعب الان ..
جهتان فقط، مكونتان من عساكر وأربعة أحزاب، هما من تتحكم في السلطة والثروة
قرارات كبرى و مصيرية تحدد مسار البلد لعشرات السنوات، تصدرها جهات غير مفوضة من الشعب ..
لجان سياسية تتشكل وتتحالف مع جهات اجنبية من أجل تغيير كثير من المفاهيم الاخلاقية والثقافية
لجان سياسية تضع القانون تحت مقصلتها وتجعل من ازرعها السياسية قاضي وجلاد في نفس الوقت
إدخال حركات مسلحه باسلحتها داخل المدن الآمنة دون استشارة الشعب أو تفويض منه ..
انفراد جهات سياسية بعينها لتعيين موظفي الخدمة العامة من افرادها دون باقي الشعب
هذه هي الديكتاورية والشمولية في أبهى صورها ياناصر
لذلك لا أرى بديلا لحل مشكلات الديمقراطية في السودان، الا بالمزيد من الديمقراطية العاجلة
مؤكد أن هناك أخطاء ستحدث ، وتجاوزات ستتم..
ولكننا سنقبلها على مضض لانها صادرة من جهات فوضها الشعب
وستكون رصيدا للمستقبل ، تجعل من تجربة ممارسة الديمقراطية أكثر نضجا واشراقا
وكل الآليات يمكن ان تتحقق والبلد تنعم أو تغرق في الديمقراطية
باسم الله ثم الشعب
| |
|
|
|
|
|
|
| |
| |
عمر التاج
Nasr
Hassan Farah
بشير أحمد
محمد البشرى الخضر
كمال عباس
الزبير بشير
فيس بوك
تويتر
انستقرام
يوتيوب
بنتيريست