|
Re: ضياء الدين بلال بهتنا وكذبت (Re: عبدالحفيظ ابوسن)
|
قال جرس الكلمة ومدلولها الشعبى لا يضعها في مكان نظيف !!؟؟ شنو يعنى جرسها ؟؟ مالو جرسها حتى الحروف حقتو ما من الحروف البتدي مدلول في مكان ما نظيف غير كدة قدر ما فتشت عن مدلول غير نظيف لدريبات واخواتها واخوانها ما لقيت معنى غير نضيف بل لقيت معانى غاية الذكاء والنضافة مغسولة ومكوية ومتعطرة كمان بي ريحة المزاج الشعبي
| |
|
|
|
|
|
|
Re: ضياء الدين بلال بهتنا وكذبت (Re: عبدالحفيظ ابوسن)
|
اتوقفت عند الكلمة دريبات بشكل آلى وحاولت ربطها بمدلول لمكان غير نضيف ما لقيت الا هدف الكاتب غير نضيف ومغرض اول اسم جانى درب التبانة قلت دة لغة عربية فصحى ومابكون مقصود لأنو الكاتب بفتكر نحن مابنعرف فصحى وبنستعمل الكلمة استعمال غير نضيف 😆😆 جانى طوالى تعبير درب السلامة للحول قريب وجانى بيت القدال يا ولدي الدروب شقاقة بحر التيه قلت بلال دة شكلو نصوصى جامد يقصد دروب اللهى غير درب وهى جمع قلت لا بكون انص من كدة بقصد دريبات تصغير درب برضو قدر مابحت مالقيت معنى في مكان غير نضيف . ذكاء الشعب السودانى ليس كعقلية بلال الثنائية المتحجرة المابتشوف الحاجات الا في اقصى نهاياتها وبعاين دايمة لاقصى حدود التطرف الدرب في اللغة الشعبية يعنى الطريق لكن الشعب جرد الكلمة من معناها الحرفى زاتو وبقى يستعملها استعمالات ذكية لم ير فيها ضياء غير محلات ما نضيفة طيب لو قال عندنا طرق تانية ياربي ضياء بكون لسة متصلب ويمكن يقول في ذهنية الشعوب التى تتحدث العربية ووسع المدي زاتو ولا كيف
| |
|
|
|
|
|
|
Re: ضياء الدين بلال بهتنا وكذبت (Re: عبدالحفيظ ابوسن)
|
عندى دريبات او عندنا دريبات فى ذهننا نحن الشعب بتعنى انو عندنا طرق تانية نضيفة او غير نضيفة دي الا يترجمها ذهن المتلقى وفقا لطريقته في معالجة الامور يكون الكاتب بعالج امورو بالدرب المانضيف امكن ويتجاوز الدروب النضيفة بتكون اسرع ليهو وجدي قال عندنا دريبات تانية غير القانون انا فهمتها ممكن تكون دريبات ادارية يعنى ما اجراءات قضائية مثلا لكن لن يدع الكيزان جحر ضب خرب الا حاولو ادخال قوى الثورة فيه ولو مافى جحر ضب خرب حيتخيلو 😆😆😆😅😅
| |
|
|
|
|
|
|
Re: ضياء الدين بلال بهتنا وكذبت (Re: عبدالحفيظ ابوسن)
|
Quote: وجدي قال عندنا دريبات تانية غير القانون |
صدق يا قريبك حتى دي ضياء دلس فيها وجدي قال بالنص "نحنا برضو عندنا لجنتنا القانونية و برضو عندنا زي ما بقولوا دريباتنا القانونية" ضياء قال دريبات و اغفل القانونية عشان يقدر يسوط فيها و يوحي انها غير نظيفة لكن لو قال دريباتنا القانونية كان ما لقى فرقة
| |
|
|
|
|
|
|
|