|
|
|
 Re: مينائي سفاجة والعين السخنة بديل لسواكن وب (Re: AMNA MUKHTAR)
|
آي يا آمنة
الحكومة العملت مسار الشرق بت كلب وستين كلب كمان
بس دايرين نسأل
شايفين المخاطر التي يمكن أن تحيق بالسودان وببورتسودان
إذا إنتقلت الواردات والصادرات السودانية لموانئ مصرية ؟؟؟؟
برضو ممكن نقول التجار بالبستوردوا ويصدروا من موانئ مصرية
(كبديل عن الموانئ المترسة دي)
ما وطنيين وعملاء وأولاد كلب وستين كلب
لكن المخاطر هي هي والخسائر هي هي
| |
 
|
|
|
|
|
|
|
 Re: مينائي سفاجة والعين السخنة بديل لسواكن وب (Re: Osama Mohammed)
|
يا نصر وكمال عباس..
مقدراتكم الذهنية في التحليل بقت تعبانة بصراحة..
من البديهي أنك إذا أردت أن تحل مشكلة
لا تبدأ بالهرولة نحو عوارضها..
بل تحلل مسبباتها ومن ثم تضع الحلول..
فالهروب إلى الأمام..ومن ثم وضع سيناريوهات وهمية..
يعتبر خلل منهجي و(إحولال) في زاوية النظر.
بل ربما الأمر هو مجرد مداخلات لممارسة
هواية( اللت والعجن) فقط .
| |
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: AMNA MUKHTAR)
|
أبداً
يا آمنة
نحن. معترفين بوجود المشكلة
ومقريين بمشروعية المطالبةً بالحقوق
بس نناقش هنا في الوسائل والأدوات التي اتبعتها القيادة
التهديد بالانفصال -كخيار او اداة ضغط
- اغلاق الميناء والطرق
هل. الانفصال يشكل حلا
هل إغلاق الميناء علي ألدي البعيد يشكل حل
وذهب بعيدا لمناقشة هذه الخيارات وأدوات الضغط
وصولا للخلاصات مفادها ان الناظر ترك لايملك أغلبية تمكنه من الانفصال
وان الانفصال ان حدث سيزيد المعاناة ولن يشكل حلا
وان الميناء الذي أصبحت ورقة ضغط سيتحول لشبه مدينة اشباح
اذا التحليل والتشخيص هنا
لم. يتطرق لقضايا لا نختلف حولها كوجود مشكلة او وكمشروعية. للمطالبة. بحلها
نحلل ونشخص في الخيارات والأدوات والوسائل لنري مدي جدواها وفعاليتها
التحليل والاستنتاج. ليس بالضرورة ان يكون صوابا وانما هي رؤية قابلة للتفنيد
| |
|
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: كمال عباس)
|
شكرا للمتداخلين .
علي حسب كلام هادي ود البورت في صفحته ان الشحنة تكلف عن طريق ميناء بورتسودان 10 الف دولار
والان مينائي سفاجة والعين السخنة عارضين 8 الف دولار ...
هادي همه علي بورتسودان وكان كتب قبل فترة
Quote: من الواضح أنو القضية للعادلة لأهلنا في الشرق قد ركبت التيتل لغياب الأفق الســياسي ، وحا تتقطع أوصالها وتدخل مرحلة الصدام والناس
منتشية بتصفيق الفلول وتطبيل قنوات المحاور ودعم العسكر والجنجويد لأنو القضية حرفيا الآن أصبحت بلا سقف تقريباً .
...
- تبنى تتريس الميناء أول ما نخسر منو نحن في بورتسودان ، وأثره مدمر للغاية على المدى الطويل لأنو حا يرتفع التأمين البحري والنولون
وحا يخسرو أصحاب المهن المباشرة من الكلات وأصحاب النقل المحلي والمخلصين ومئات الآلاف من المهن والخدمات غير المباشرة.
ورأس المال والتجارة عمرها ما تخضع للسياسة ، حا تنط ميناء السخنة المصري كميناء بديل بالذات للصادر الكبير المقدر السنة الجاية ..
زي ما حصل قبل كده خلال السنة الفاتت كان كتير من الشحن مشى بالسخنة ودي حا تحكمها الأسعار ولا سواها .. واحتمال كبير تنشط ميناء مصوع كمان
في خطوط وقفت الشحن لبوتسودان ، ذي المرفق ده
و من أول أمس في اخبار عن أسعار الشحن أنهارت لكن الصين في أجازة لحدي يوم 8 أكتوبر حا نعرف الأوضاع يوم الجمعة بإذن الله
....
- تبرير التتريس بانها سنة الثورة ، نقطة جدلية جداً وجهة نظري الشخصية فيها " أن كان الثوار يفسحون للقطارات أيام الأعتصام
وكان التتريس أصلا للمواجهة مع القوات ، لا لمنع الغذاء والدواء ، وهي تخسر القضية أكثر مما تكسبها
............
- رفع السقف وتنبى خطاب ماليهو علاقة بشرق السودان ، يخسر القضية تعاطف الشعب السوداني والمواطن البسيط المضرر
.................
- الاسوأ هو تبني خطاب عنصري أقصائي ، بمفهوم نحن من نقرر لإقليم شرق السودان وما دوننا هم مستوطنون ولاجئون أونازحون لا حقوق لهم في قرارات الأقليم وهو خطاب مواجهة بأمتياز
............
- لا حمدوك ولا قحت ولا العسكر الجنجويد سيتاثرون لو حرق الأقليم أو فقد ميزاته ، فقط سيتلاومون .. ونحن الحناكل الحنضل
|
| |
|
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: Osama Mohammed)
|
كل النقة دي بندق في بحر..وإستهبال مكشوف.
الحل سهل جدا لو دي حكومة وطنية فعلا.
وليست كسابقتها الإنقاذ.
إلغاء مهزلة مسار الأجانب المجنسين
والحكومة والمحور يبلوه ويشربوا مويته.
أمال يعني لما ترسنا الميناء الجنوبي ضد البيع للشركة الإماراتية
في بداية الثورة كنا بنلعب وللا نلعب..
عايزين تكونوا عبيد للمحاور ودول الجوار إنتو أحرار..
لكن بعيد عننا وعن ( أرضنا) التاريخية و( وحواكير) أسلافنا.
مفهوم ..
| |
|
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: Biraima M Adam)
|
Quote: أبو القاسم برطم وينو؟ .. ما قال متضامن مع ناس الشرق .. ليه ما يترس الطريق لتلك المواني؟
بريمة |
بريمة شغل الخباصة بتاعك دخ فى حق الشمال بالجد ما حبابو
الشمال أهله لا يمكن يكونا سببا فى ايذاء اى مواطن سوداني فى اىجهة فى السودان
شغلك العفن ده شوف محلّو وين لكن لا تبلابو الشمال
سمح!!!!!!
| |
|
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: محمد البشرى الخضر)
|
متفرقات
إتخيلو لو النيل ينبع من جهات الناظر ترك كان عمل شنو؟
ولو كهربة السودان منبعها أو ممرها جهات ترك كان عمل شنو؟
ولو طرق تصدير الإبل والماشية من غرب السودان لي مصر تمر عبره كان عمل شنو ؟
ولو المواني والنيلية والبرية ـ من وإلي مصر تمر عبر طين ترك كان عمل إيه؟
+**
لسنا بطبيعة الحال مع انفصال اَي. جز من تراب الوطن
ولكن فلنجاري الناظر ترك في منطقه الانفصالي دا
يأ ترك الغبيان
انت وبالخلفية التي تستند عليها دي
ماعندك أغلبية. تقف معك في خيار الانفصال ان خضع لتصويت - سيسقط هذا الخيار سقوطا مدويا في راي
ولو
حدث الانفصال لا قدر الله انت ماعندك موارد لإقامة دولة مستقلة والميناء حا يصبح زي مواني ارتريا بعد انفصال إثيوبيا
انت زي البوم اللي بعجبو الخراب مجرد جاهل ومحرض يتلاعب بمصيره أهله ومنطقته - الزول ماعندو مستشاريين ؟
ثالثا برطمً !!والشمالية
الشمالية. دي ماعندها راعي وكبير وناظر وشيوخ قبائل
مافي شيخ يأمر والبقية تقاد وتطيع
وبرطم مالامي في وزن الزبابة هناك
باختصار المناطق دي غير قابلة الاستغلال السياسي وبتراعي مصالحها ومصالح الوطن !
ودي ما سببو تميز عرقي او قبلي وانما الوعي وشيئا من التعليم
| |
|
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: محمد البشرى الخضر)
|
جلالدونا
Quote: بريمة شغل الخباصة بتاعك دخ فى حق الشمال بالجد ما حبابو
الشمال أهله لا يمكن يكونا سببا فى ايذاء اى مواطن سوداني فى اىجهة فى السودان
شغلك العفن ده شوف محلّو وين لكن لا تبلابو الشمال
سمح!!!!!! |
هل سمعت مقولة أكلت يوم أكل الثور الأبيض ..
دائرة الخطر كانت بعيدة عن الشمال .. لكن الأمر لم يكن كما كان .. يا هو الشرق شعللا.
السيد حمدوك ولدنا .. نحن من ذات المنطقة .. لكن الظلم ما حبابه أبداً
قضية الشرق قضية كرامة .. قضية خبز وعلاج من السل وشلل الأطفال ..
وحري بنا كأبناء للشعب السوداني دون جهة ودون لون أو أثنية أن نتضامن معها ..
بريمة
| |
|
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: Biraima M Adam)
|
عمر نملة
Quote: لكن بعيد عننا وعن ( أرضنا) التاريخية و( وحواكير) أسلافنا.
مفهوم
التركيبة الجينية لاي مجموعة و ان علا تعليمها بترجع لنقطة معينة يتساوى فيها الجميع متعلم و امي |
حقاً جينات الشعب السوداني مختلفة ..
النظر ترك بوقفته الأبيه .. وأعتزازه بأهله .. يمثل كبرياء هذا الشعب السوداني.
العلم لا فائدة منه إن لم يعترك مع المشكلات الحقيقية التى تلامس هموم المواطن.
أنا أجد صعوبة في فهم التراخي واللامبالاة التى يبدها إنسان الشمال تجاه الشرق.
بريمة
| |
|
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: Biraima M Adam)
|
| Quote: أنا أجد صعوبة في فهم التراخي واللامبالاة التى يبدها إنسان الشمال تجاه الشرق. |
ههههههههههههههههههههه
دا اخر ما توصلت ليهو
محاولة زرع الفتنة بين الاعضاء المن الشرق والشمال ههههه
يا بريمة مافي تراخي من انسان الشمال تجاه قضايا الوطن كلو
لكن الادوات المستخدمة غير طبعاً
واختلاف الادوات دا سببو النوايا تجاه الثورة وحكومتها
ترك كوز واتبنى مطالب الكيزان واصبح اداة في يدهم وطنش تماماً قضية الشرق
انت وغيرك من الزملاء شايفينو بطل في حين انو مجرم وقاطع طريق ومهدد للامن القومي والسلم الاجتماعي ويجب محاكمته
فااا العب غيرها يا حبة
| |
|
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: Biraima M Adam)
|
Quote: قضية الشرق قضية كرامة .. قضية خبز وعلاج من السل وشلل الأطفال ..
وحري بنا كأبناء للشعب السوداني دون جهة ودون لون أو أثنية أن نتضامن معها .. |
هههههههههههه
اهاااااااااااااااااا وقعت
هل طالب الناظر ترك بعلاج هذه المشاكل؟؟
الاجابة لأ
هل الشعب السوداني يقر ويبصم بالعشرة على هذه المطالب ؟
الاجابة نعم
هل مطالب ترك ادناه تمثل مطالب الشرق؟
الاجابة لأ
ترك طالب بحل حكومة حمدوك وتولي العسكر السلطة وحل لجنة التمكين
وانت قلت في بوست اخر ان مطالب ترك هذه فعلاً تحل المشكلة
لييييه هنا جبت المطالب الحقيقية وهناك امنت على مطالب المؤتمر الوطني المستخدم الارقوز ترك وزبانيته
خليك سابت على راي يا بريمة ما تقعد تنقز هنا وهناك باراء مختلفة في موضوع واحد
| |
|
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: Haytham Ghaly)
|
قضايا الشعوب السودانية بدأت الليلة واللا امبارح؟
مادارفور برضو عندها قضية -. قتل فيها عشرات الآلاف وحرق زرعها وضرعها وشرد أهلها بواسطة الانقاذ والجنجويد وسط تاييد ومناصرة البعض
وين كان التعاطف والإنسانية وقتها ؟
وين كان من أهل الجنوب
وضحايا السدود ؟
ايوة نحن زي ما امبارح وقفنا مع حقوق أقاليم معينة نقف اليوم مع قضية الشرق بس نرفض اقحام اجندة لاعلاقة لها بالشرق بقضيته ونرفض ان تمزيق نسيج الشرق الاجتماعي
بواسطة من مزقو غرب السودان
* بعدين مسار الشرق واتفاق جوبا الذي نظلم منه الشرق. سببه الجاهل والقاتل حميدتي هو من اشعل هذه الفتنة وهو من قاد التفاوض
وناس ترك ولو في اتساق حقو يدينو من ظلمهم في جوبا
| |
|
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: Haytham Ghaly)
|
ول أبا هيثم غالي،
سلام
| Quote: خليك سابت على راي يا بريمة ما تقعد تنقز هنا وهناك باراء مختلفة في موضوع واحد |
أقدر جهدك في المحاججة .. لكن أنا لا يهمنى من قال شنو .. بقدر ما يهمنى الواقع ..
الواقع في الشرق بالجد مرير ..
وأنا وأنت مقرين بذلك .. إذن السؤال كيف العلاج؟ دا المحك ..
الحكومة تماطل والأزمة تستشري .. وتستشري حتي تأكل الأخضر واليابس ..
حقوا الناس تتضامن مع أهل الشرق حتى تشعر الحكومة أن الشعب يريد حلاً بدل الدفاع عن الأبقار المقدسة في السلطة.
بريمة
| |
|
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: Biraima M Adam)
|
Quote: حقوا الناس تتضامن مع أهل الشرق حتى تشعر الحكومة أن الشعب يريد حلاً بدل الدفاع عن الأبقار المقدسة في السلطة.
|
وين دافعنا عن ابقار مقدسة وللا عن حكومة
نحنا بندافع عن بلد كااامل مخنوق توقفت حركة الصادر والوارد فيهو بسبب واحد جاهل مبارنو شوية مثقفاتية بصفقو ليهو
ووراهو الكيزان العملوهو واجهة لمطالبهم ومخططاتهم لاجهاض ثورة ديسمبر الظافرة
انت يا بريمة ومعاك ابوالريش زايد امونة مختار ياكم الشايلين معاول الهدم وبتدافعو عن البقرة المقدسة ترك
وللعلم هو ما بقرة .. هو غنماية سايقنها من اضانا كمان
| |
|
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: ANWAR SAYED IBRAHIM)
|
شكرا انور
حاليا هم قالو انو مسار الشرق فيهو ناس ما سودانيين
بالتحديد ارتيريين وما معترفين بمسار الشرق عشان كدة.
كان في مقترح لقيام مؤتمر للشرق لكن رفضوه الناس القافلين
الطريق القومي ومناصرينهم ( للاسف فيهم بقايا نظام خربو ليهم الرصة )
الحالة واقفة وموانئ مصر بدت تستقبل صادرات وواردات السودان والان شركة ميرسيك
اكبر شركة نقل حاويات في العالم تقريبا اتوقفت من شحن الحاويات لبورتسودان .
غير العقوبات بتاعت التاخير و...و... .. والللي هي نتيجة توقف عمل الميناء .
تابع صفحة هادي ود البورت بفيس بوك وتويتر عشان تعرف اصل الحكاية من
وجهة نظر سكان بورتسودان .
شكرا لزملاء المنبر لاثراء البوست بالمشاركة .
| |
|
|
|
|
|
|
|
|
|
Re: مينائي سفاجة والعين السخنة بديل لسواكن وب (Re: Osama Mohammed)
|
قالت آمنة مختار
Quote: إلغاء مهزلة مسار الأجانب المجنسين
والحكومة والمحور يبلوه ويشربوا مويته.
|
الإنتي شايفاهم أجانب ديل نحن شايفنهم سودانيين
أي إنسان معاه جنسية سودانية وفقا لقانون الجنسية السودانية
سوداني ويطلع يتحكر فوق راسنا
في الآخر المسألة بقت هدندوة ضد بني عامر؟؟؟؟
معقولة بس؟؟؟
المهم
إنتو لويتو يد الحكومة ودايريين الحكومة والبلد كلها تقول واي
ما قالو واي... يبقوا ما وطنيين ؟؟؟؟
الناس قاموا شافو حلول تانية للميناء الكلو مرة مقفول
نقول عليهم ما وطنيين؟؟؟؟
كدي فكروا في الموضوع إستراتيحيا مش تاكتيكيا
المدي البعيد مش المدي القريب
| |
|
|
|
|
|
|
| |
Osama Mohammed
AMNA MUKHTAR
Nasr
كمال عباس
Biraima M Adam
جلالدونا
عمر نملة
محمد البشرى الخضر
ANWAR SAYED IBRAHIM
حامد عبدالله
فيس بوك
تويتر
انستقرام
يوتيوب
بنتيريست