|
Re: عرف أمو بعد ٥٣ سنة (Re: أبوبكر عباس)
|
منتصر عمرو عشرة سنة كدا كان بلعب في قبو المنزل، يا أخي، كلمة قبو دي قاعدة تكيفني في ترجمات النصوص الانجليزية وبرضو بتكيفني ترجمة كنيسة الرب عند الجادة الرابعة قرب تقاطع مونت هاري
المهم وهو في القبو لقى ليهو صندوق فيه قصاصات جرائد عرف يا دوب بقصّة خطفه مدينة امو حسمتو ب: انت رضيع تم خطفك ولقيناك بعد سنتين والموضوع دا ما دايرين نناقشو تاني
| |

|
|
|
|
|
|
Re: عرف أمو بعد ٥٣ سنة (Re: أبوبكر عباس)
|
كلام أمو بتاع الموضوع دا قفلناهو أكل معاهو جنبة. طبعاً القصّة دي حقيقية وأمس الس ان ان جابتو كفيلم زي الأفلام الوثائقية.
منتصر اتزوج وجابو زوجتو تتكلم تحرر القصّة تحرر دي بمعنى تجعل القصّة حارة ومشوقة
| |

|
|
|
|
|
|
Re: عرف أمو بعد ٥٣ سنة (Re: أبوبكر عباس)
|
طبعاً التفاصيل والموسيقى التصويرية بتاعت هيام منتصر ويجيبوهو يطلع ليهو في تلّة ويعاين، بتكونوا اتخيلتوها المهم مع التريند بتاع فحص الحامض النووي وقفلة الكرونا رسل عينة منو وعينة من أمو أو أخوهو
ناس شركة التحليل أو المعمل اتصلو بيهو للنتيجة بالتلفون قالوا ليهو بالتلفون انت منتصر؟ رد وموسيقى تصويرية وعيونو منططات نعم سيدي أنا منتصر
| |

|
|
|
|
|
|
Re: عرف أمو بعد ٥٣ سنة (Re: Ahmed Yassin)
|
منتصر ود مدينة ختّ التلفون بحركة أفلام كدا نظام انو الزول بالطرف التاني قال ليهو كلام صعب
نحن في الضفة الأخرى للتلفزيون فهمنا انو مدينة دي ما أمو البايولوجية خلاص لقى ليهو موضوع طيب أمي منو؟ والطفل المخطوف ود مدينة الحقيقي مشى وين؟ وقصّتو شنو؟
| |

|
|
|
|
|
|
Re: عرف أمو بعد ٥٣ سنة (Re: الزبير بشير)
|
أها وسائل الاعلام دورت السي ان ان فوكس اي بي سي سي كي ال وكل الحرف القنواتية دورت ويعجبوك الأمريكان تبرعت برفسور حلوة شعرها مموج بعلم الوراثة للمساعدة في حل اللغز
| |

|
|
|
|
|
|
Re: عرف أمو بعد ٥٣ سنة (Re: Gafar Bashir)
|
أها البروفسورة الحلوة قارنت نتيجة منتصر بالموجود من نتائج منشور وحاولت تبني شجرة عائلة منتصر، لقت ليها نتائج واحد ممكن يكون من أبناء عمومة منتصر ود مدينة الما ولدها جج جك مشوا يفتشوا ود عمومة منتصر لقوا آخر عنوان ليهو في قرية صغيرة في نيوجرسي اسمها وادي مارتن
| |

|
|
|
|
|
|
Re: عرف أمو بعد ٥٣ سنة (Re: أبوبكر عباس)
|
دقوا الباب فتحت ليهم بت برضو حلوة حلا بعد الشاي سألوها عن ود عمومة منتصر دنقرت بحزن وقعدت تبكي قالت ليهم مات من تلاتة اسابيع، لكن عندو ود خالتو في قرية أم حجار ريفي فرجينيا وأدتم العنوان جك جك جك مشوا هناك
| |

|
|
|
|
|
|
Re: عرف أمو بعد ٥٣ سنة (Re: أبوبكر عباس)
|
الامهات ديل سرهم إلهي لاتصفه لغه ولا غيرها والقصه يا مستنير متعتها حزينه وفيها ظلم شديد اما فى يتعلق ب منتصر اها دى مناسبه نسجل اعجاب بتعليقاته اللماحه الذكيه من باب من يكتم شهاده فقد اثم قلبه وما ظنيتك يا مستنير تقدر على بحرو المشكله الحقيقيه ان الطفل والرجل حاليا تكونت لديه مشاعر صادقه من الحب تجاه الخاطفه وحتى ان غضب منها وربما قطع علاقته بها بعد معرفته ب القصه فلن يستطيع نزع احساس طفل وجد امان ومحبه فى من كان يظنها امه البيولوجية...ورطه إنسانيه وسرد ب القطاره تستحقه الواقعه.... حتى لانفسد المتعه لن اكتب توقعاتى وحدس ما ظنيته يخيب....
| |

|
|
|
|
|
|
Re: عرف أمو بعد ٥٣ سنة (Re: أبوبكر عباس)
|
سائق في هاي way 73 نورث بالقرب من الحدود الجنوبية لولاية فرجينيا وقفت العربية عشان أتابع الرد على مداخلة الحساس عبد الرحيم القصّة دي فعلاً تدفقت فيها المشاعر من جوانب كثيرة كل من لمسته هذه القصّة تدفقت مشاعره بشكل عجيب وحات الله، مداخلة عبد الرحيم خلت مشاعري أنا تنكبّ في العربية لحدي ما دفقت من الأبواب وفتشت أغنية محمد الأمين البقول فيها؛ وسالت مشاعر الناس جداول ورب المجرات، مشاعر الإنسان دي هي إله الكون
| |

|
|
|
|
|
|
|