شهد قصر غردون شر ( نشر)الملابس للجنجويد من قبل واليوم شهدت قاعة الصداقة شفع الخلاوي وقد استبد بهم الجوع يتسلقون اشجار البلح في قاعة الصداقة لأخذ ثمره وسد جوعهم وقد دخل شيوخهم القاعة المكيفة و لم يُفطروا اطفال الخلاوي. فيها شنو يعني لو اديتوهم ( سندوتشات هوت دوق يضوقوها للدنيا والزمان ؟ فيها شنو لو اديتوهم موية في قزاز بلاستيك؟ فيها شنو لو لبستوهم جلابيب ناصعة البياض زي حقتكم ؟ فوقها شنو؟ فوقها شنو؟ فوقها شنو يا ضلالية يا ارزقية يا مستهبلين)
اكلوا من شجر بلح القاعة وشربوا من النافورة. الله لا قز فيكم بركة يا بخلاء يا مستهبلين الحسنة الوحيدة الشفع ديل دخلوا القاعة. القاعة ملك الشعب وعرفوا انتو بتسوو شنو يا مستهبللين.
برهان بحب الانقلابات الفاشلة زي عيونو واحسن من يزوغ لما تفشل. مساعد الحلة قالو كبرا كبرا وما وقع وكالعادة اردول رقص ، ااايو ا لازم رقصة ده تقليد من زمن البشير ومن شابه بشيره فما ظلم. ساطع الحاج !!!! تعيش كتير تشوف كتير. عرفتو منو الجغمس الوثيقة الدستورية وخلاها كلها عيوب ( ناس غير سوداني هواها ).
تمتين وتوسيع قاعدة المشاركة يستدعي ان تقدم خدمات وانجازات حقيقية . ومعالجة مشاكل البطالة ومكافحة انتشار المخدرات وسط الشباب. نحتاج عمل جاد. الشعارات لا تكفي ، هناك سوق لا يرحم وموارد كتيرة تحتاج لاستغلالها. نحتاج بناء هياكل الدولة محكمة دستورية والاسراع في الاعداد للانتخابات مما يستلزم ان تقوم الاحزاب بمخاطبة وتوعية جماهيرها واشراكها في العمل المجتمعي.
اما حرامية الانقاذ ف سيصرخون.
10-02-2021, 10:41 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
فتح ملف الخلاوي لا شك ان التعليم بدأ من فجر الانسانية واتخذ اساليب وطرق عدة ، في فترة كانت خلاوي تحفيظ القرآن وتعليم الاطفال منتشرة والتي معها ( التعليم الحديث) ( التعليم الحديث لم يعد حديثاً) ولكنه لم يصل لكل مناطق البلاد ولم يستتبعه توفير احتياجات المتعلم من ماكل ومشرب ( بدايته كان متوفراً ثم سحب تدريجياً) اما الخلاوي فتوفر المسكن والماكل ( رغم تواضعه) ولا رقابة عليه وميزانيته لا تتبع للتربية والتعليم بل للشئون الدينية. اظن بعد هذا الاستغلال من بعض شيوخ الخلاوي للاطفال والزج بهم في معمعة الصراع السياسي لا بد من مراجعة عمل بعض الخلاوي .
10-03-2021, 00:24 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
كيفك الصديق Arif حميدتي مستشارينو ما بدو النصيحة الامام اده خلاصة خبرتو بس هو عاجباه الدبابير والاحمر وما عارف انها زي اي شئ لها وقت محدد. الان الوقت للديمقراطية مسنودة وراجحة في السودان
10-04-2021, 01:36 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
علي خليفة عسكوري رغم غضبه الا انه تحدث في حدود المعقول. باشمهندس عادل خلف الله قدم وجهة نظر مقدرة ولكن لم يحاول ردم الخلافات . الوضع يحتاج رجال دولة يقربون ويحفظون الاسرار ويتحكمون في الغضب السودانيين كما وصفهم احدهم غضبة الهبباي ونسمة في عز الصيف
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Asim Ali
Arif Nashed
فيس بوك
تويتر
انستقرام
يوتيوب
بنتيريست