|
كتب الكاتب الفاتح جبرا المتوفرة بمعرض الدوحة
|
|
 Re: لا تظلموا البرهان فى هذه العبارة. (Re: Abureesh)
|
يا أبو الريش وأنا أقول إنه يقصد ويعني ما قاله
اللفظ واضح لم يقول حامي الشعب والزائد عن حياضه وثغوره
وإنما قال وصي ـ لماذا وصي وليس حامي ؟
أنا أحاكمه بلفظه وتعبيره وأبو الريش يحكم عليه بالنية المفتزضة
ـ وبعد ين حامي شنو ؟
وأقصد قيادة الجيش
من قتل الأبرياء والعزل أمام القيادة من أرتكب المجزرة وسفك الدم؟
أليس هم العسكر ومن إفترض فيهم حماية الشعب ؟
وإذا إفترضنا أن قيادة العسكر لم ترتكب المجزرة ـ إذا لم يحمو المعتصميين؟
لماذا لم يفتحو البوابات؟
خمسة ساعات والقتل متواصل أمام القيادة خمسة ساعات ولم يتدخل برهان ومجلسه لإيقاف القتل
ـ برهان وصديقه حميدتي من حول الجيش لمرتزقة تحارب بالوكالة في عاصفة الحزم لمصالح وأجندة دول أجنبية
ـ برهان كان منسق القوات السودانية باليمن وحميدتي مقاول أنفارها ـ فإي ذل وهوان وحط من مكانة وكرامة الجيش
أكثر من هذا
نعم الرتب الوسيطة والصغيرة في الجيش هي من إنحاز للشعب وليس هذا المسخ الذي هيمن عليه
......
برهان إختار لفظ وتعبير معين من دون بقية مفردات القاموس
و نحن نحاكمه بلفظه وإختياره لا بتفسير رغبوي وقراءة نوايا برهان
| |
 
|
|
|
|
|
|
|
|
Re: لا تظلموا البرهان فى هذه العبارة. (Re: كمال عباس)
|
يا كمال البرهان هو المسؤول الاول عن فض الاعتصام والجرائم التى حدثت فيه. هذه معروفة بديهية.
تعم كان ممكن يقول حامى الشعب والوطن.. لكن الزول لقى نفسه وسط شعب متعلم
فشنو ادوه فرصة يتفلسف شوية زى المرحوم حمودة حلاق الجامعة
| |
|
|
|
|
|
|
|
|
|
Re: لا تظلموا البرهان فى هذه العبارة. (Re: Abureesh)
|
يا كمال عباس أنتم من اطال فترة ترؤس البرهان لمجلس السيادة
برفض الانتخابات لأنكم تريدون السلطات السيادية
دون تفويض شعبي عبر الانتخابات!
وبدلا الإنتخابات تستخدمون اسولوب ابتزاز
العسكر !
مشكلتكم ليس الدماء وهذا أكدته الشهور الماضية
من صمت منكم ومن مناورات للجنةأديب وتسويفها
لو كتل الجيش ثلث الشعب مقابل تسليمكم السلطات
كلها ما ظنيت عندكم مانع وأصلا أنتم الشركاء في المجزرة
بتحريض المراهقين والشباب على الاستمرار في ذلك
الإعتصام العبثي الغير مبرر
وكونه عبثي غير مبرر لا يبرر قتلهم
ولا السكوت على من نفذ جريمة اطلاق النار
على العزل
| |
|
|
|
|
|
|
|
|
|
Re: لا تظلموا البرهان فى هذه العبارة. (Re: منتصر عبد الباسط)
|
| Quote: الزول دا اول مرة يتكلم ويخطب امام شعب فيهم المثقف وفيهم دون.. طرائق قددا. |
الكلام دا غير صحيح، ليست اول مرة يخطب امام شعب، له عدة خطابات امام العامة سابقا دا غير الخطابات عبر التلفزيون.
ثانيا الخطاب المعني لم يكن عاما او امام جمهور مختلف بل كان لضباط وافراد سلاح المدرعات بعد ساعات من محاولة انقلابية كان السلاح عمادها وكان قائد المحاولة متحصنا فيه حتى استسلم
ثالثا و الاهم هناك عبارات اخطر من الوصاية قيلت في الخطاب لايمكن حين قراءتها مجتمعة التفسير بخذه الطريقة، قال الانتقال دا احنا سليقنه وح نوديه محل ما هايزين قبل ان يستدرك ويقول لانتخابات، وقال ايضا ما بنسلمها لمجموعة صغيرة اختطفت الثورة! ويعني تحديدا استحقاق الوثيقة في انتقال الرئاسة للمدنيين.
لم يترك البرهان اي مجال لاحسان الظن في كلامه
| |
|
|
|
|
|
|
|
|
Re: لا تظلموا البرهان فى هذه العبارة. (Re: أبوبكر عباس)
|
يا ود البشرى اولا لما كان يتكلم للشعب فى الماضى ما كان يتكلم كرئيس دولة عليه ان ينمق الكلام..
ثانيا لما اتكلم للجيش كان عارف انه كرئيس دولة قاعد يتكلم للعالم وليس للجيش فقط. اى رئيس لو
القى خطاب فى اى مناسبة فهو يتحدث للعالم.
| |
|
|
|
|
|
|
|
|
|
Re: لا تظلموا البرهان فى هذه العبارة. (Re: Abureesh)
|
عندو خطابات عديدة بعد تولى رئاسة المجلس السيادي يا ابو الريش حكاية انو اول مرة يتكلم في الخطاب الانت قاصده دا ما صحيحة ابدا, ساي بس افتح اليوتيوب و اكتب خطاب رئيس مجلس السادة الانتقالي و شوف كم نتيجة ح تجيك في السنة دي بس خليك من بداية فترته
بعدين دي ما أول مرة البرهان - وحميدتي كذلك - يغير طريقة ولهجة الخطاب حسب الملتقى و الجمهور,
الخطاب الاخير دا مع الظرف الاشبه بالتمرد اكثر منه انقلاب بسبب سوء الاحوال المعيشية لافراد القوات المسلحة واضح انه كان خطاب موجه ومحدد ويخاطب عواطف فئة معينة في باقي الخطاب اتحدث عن عدم توفر الاسبيرات للدبابات و عن ضعف الرواتب والقى باللائمة على الحكومة التنفيذية, في حين تاني يوم قعد مع نفس الحكومة البهدلها دي في اجتماع ليجيز الموازنة المعدلة!
ما تحاول تديه اي كردت الرجل يتلاعب ودي ما اول مرة, ممكن تقارن خطابه يوم 3 يونيو مع خطابه بعد يوم 30 يونيو الحيا فيه السانات و الراسطات و الواقفين قنا!
مشروع دكتاتور فاشل لأنه للاسف جبان الجبن الواحد دا. البشير بي عولاقه في رايي اشجع منه
اسي الجوطة دي ح تصفى على لاشيئ اول ما يجي المبعوث الامريكي
| |
|
|
|
|
|
|
|
|
|
Re: لا تظلموا البرهان فى هذه العبارة. (Re: محمد البشرى الخضر)
|
ابوالريش سلامات..
كدي يا ابوالريش اقرأ ردك دا تاني علي الاخ كمال.
Quote: يا كمال البرهان هو المسؤول الاول عن فض الاعتصام والجرائم التى حدثت فيه. هذه معروفة بديهية.
تعم كان ممكن يقول حامى الشعب والوطن.. لكن الزول لقى نفسه وسط شعب متعلم
فشنو ادوه فرصة يتفلسف شوية زى المرحوم حمودة حلاق الجامعة |
معقولة بس.. فرصة تاني بعد المجزرة يتعلم فينا شنو تاني؟
| |
|
|
|
|
|
|
|
|
|
Re: لا تظلموا البرهان فى هذه العبارة. (Re: Hassan Farah)
|
ابو الريش
ياخى نحن ناقصين
فقع مرارة
البرهان
من المجموعة الأمنية
بتاعت نظام القتلة الكيزان
البرهان احد قيادات الجيش
الشاركت في حروب الإبادة الجماعية
بغرب السودان البرهان هو وحميدتى
المسؤلين عن فض الاعتصام بمساعدة
الفلول وكاتائب الظل البرهان كان رئيس
المجلس العسكرى مرتكب مجزرة القيادة
والآن هو رئيس مجلس السيادة وقائد عام
الجيش بعد البشير وبحرض على قتلنا وبهدد
مكونا المدنى بالتصفية وسحب منهم الحراسات
وتجى انت بكل برود تقول ماتفهمو البرهان غلط
وادهو فرصة فرصة عشان يعمل فينا شنو تانى هو وحميدتى
| |
|
|
|
|
|
|
|
|
|
Re: لا تظلموا البرهان فى هذه العبارة. (Re: بدر الدين الأمير)
|
يا بدرالدين انت لو قريت اخر مداخلة لى فوق حتشوف انها عبارة عن تسميع للكلام
القلته انت هنا دا.. استغربت. انك تكرر كلامى.
يا اخوانا اقرأوا الكلام بصورة ما فيها ميل.. بصورة محايدة..
انا قلت البرهان كان يقصد أن الجيش حامى الشعب (هو موش انا البيقول جيش
الكيزان يحمون الشعب). انسى حكاية أنه ادعاؤه حق او باطل. دا موضوع اخر وتعرف
رأيى فيه. شنو يا اخوانا الواحد ما يكتب إلا بنمط معين!! يعنى الليلة يا بدر لو
واصلت النقاش وقلت فعلا يا ابوالريش احتمال كلامك يكون صاح وبالله عليك شوف
قوة العين.. كمان يدعى حماية الشعب الاختشوا ماتوا.. او ممكن تقول اختلف معاك ما اظن يقصد كدا..
لكن ان تتركوا كلامه وتتعلقوا فى رقبة ابوالريش فهذا unfair. البرهان لا يمكن أبدا انه يقصد
ان الجيش الوصى على الشعب. حتى لو غبى لا يمكن ان يقول كدا.
| |
|
|
|
|
|
|
|
|
|
Re: لا تظلموا البرهان فى هذه العبارة. (Re: Abureesh)
|
لا يا استاذ بدرالدين.. اخوك ينقى الكلمات كويس.
-------------------------------------------------------
غايتو يا ابوالريش امرك محير!!!!!
ليش ديما تحشر نفسك فى الزوايا الضيقة برفع صوتك بشعارات ومقولات تحمل معانى متناقضة ومثيرة للجدل؟؟؟ خليك واضح يا اخى وريح نفسك
| |
|
|
|
|
|
|
|
|
|
Re: لا تظلموا البرهان فى هذه العبارة. (Re: Hassan Farah)
|
Quote: غايتو يا ابوالريش امرك محير!!!!!
ليش ديما تحشر نفسك فى الزوايا الضيقة برفع صوتك بشعارات ومقولات تحمل معانى متناقضة ومثيرة للجدل؟؟؟ خليك واضح يا اخى وريح نفسك |
يا حسن فرح لو ممكن تورينى المتناقض والما واضح فى عنوان البوست شنو؟ بالتحديد لو تكرمت وانا ما شايف فيه اى تناقض.
اخذ فينا أجر ولا ترمى الكلام ساكت
| |
|
|
|
|
|
|
|
|
|
Re: لا تظلموا البرهان فى هذه العبارة. (Re: Hassan Farah)
|
| Quote: منطقيا لا يمكن انه يقصد أن الجيش وصى على الشعب والشعب قاصر. |
وصاية الجيش على الشعب موش فقط يدعهما قول البرهان ولكن فعل وسلوك قيادة الجيش منذ خروج الانجليز وتدخلهم السافر في السلطة بواسطة الانقلابات
وموخرا في عهد البشير اصبح الجيش امبراطورية اقتتصادية اصحبت وصية على موارد الدولة والشعب بسيطرتها على القطاع الخاص والعام....
الجيش زمانك كان ضباطوا ببيعوا شوية حطب وفحم هسي بقوا جنرالات الجيش بقوا مدراء شكرات خاصة تبيع كل شي من الدهب لمويه الصحة وزي ما قال د.حمدوك الجيش مسيطر على 85% من موارد الدولة
نان الوصاية دي كيفن؟
| |
|
|
|
|
|
|
|
|
|
Re: لا تظلموا البرهان فى هذه العبارة. (Re: Hatim Alhwary)
|
| Quote: وصاية الجيش على الشعب موش فقط يدعهما قول البرهان ولكن فعل وسلوك قيادة الجيش منذ خروج الانجليز وتدخلهم السافر في السلطة بواسطة الانقلابات |
شيئ مؤسف والله هذه الردود..
يا حاتم تفتكر شنو؟ انو انا اقصد ان العسكر ما كانوا فارضين وصايتهم بالدكتاتورية؟!!
والله شنو الفهم.
واللا تفتكر انه البرهان فى جو ديمقراطى يعترف ويقول نحن أوصياء على الشعب والشعب
قاصر لا يستحق الحريات بعبارته موضوع البوست.
ياخى نصيحة: اذا اردت الرد على كلام زول فإن اول خطوة تعملها أحفر حفرة عميقة وادفن فيها كل الآراء المسبقة. ثم بعد ذلك واصل القراءة بذهن صافى ومفتوح.
فهم السؤال نصف الإجابة وفهم البوست قد يغنيك عن الرد.
| |
|
|
|
|
|
|
| |
Abureesh
ABUHUSSEIN
كمال عباس
منتصر عبد الباسط
محمد البشرى الخضر
أبوبكر عباس
Mutasim Idris
Hassan Farah
بدر الدين الأمير
Yasir Elsharif
Hatim Alhwary
فيس بوك
تويتر
انستقرام
يوتيوب
بنتيريست