في أماكن الخطر موجود فيها 24ساعة. يعني ما بنتظروها تفلل. ممكن يكاوروك في أي زمن. كان سايق كان كداري. وفي اماكن ناس تسعة طويلة زاتو ما بمشوا عليها. وعندهم ج تسعة طويلة ديل فارات ساكت.
09-26-2021, 02:50 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
الحارة 61 دي من المناطق الخطرة شديد . و من الأحسن الابتعاد عن محطة داقس. كان ليل كان نهار . وزي ما بقول عبدالحليم حافظ. البدخل محطة داقس مفقود مفقود مفقوووود.
يا خالد يا اخوي في الشارع القلتو دا بعد المغرب لو بقيت العداء كارل لويس كرعينك ما بمرقنك. بتاع ركشة قال البلطجية بتاعين شارع الكرين ديل ما ناس ديل شواطين. يا جماعة ديل أسرع من سرعة الصوت.
09-27-2021, 09:06 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
= في جاكسون - واحد عضلاتي لابس فنيلة علاقي - ضربني في كتفي ولكز جيبي ..! = اتلفت عليهو ... ! = قال لي مالك ..؟ -- قلت ليهو ولا حاجة ..! = قال لي واقف ليه ..؟ = قلت ليه ما كل الناس منتظرين البصات ..! = قال لي كمان لابس صديري مهبببب ..؟ = قلت ليهو قصدك شنو ... ؟ = واحد واقف جنبي قال لي الزول دا فتشك وزرر ليك الصديرية ..! ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة