|
Re: مهندس البث بالتلفزيون: ضابط برتبة عقيد طل� (Re: الطيب بشير)
|
Quote: بالفعل تحدث معي الضابط عن الدولة والانفلات الأمني والاقتصاد، ثم أخبرني بأنّهم استلموا كل مفاصل الدولة، وطلب مني إنزال مارشات عسكرية. |
الناس ديل مؤدبين خلاس ..... يعني شرحوا ليهو وبرروا ليه عملوا الإنقلاب؟ الجيش ده فيهو كل التخصصات .... ليه ما جابوا معاهم (فني) وليس مهندس عشان يقوم بالموضوع ده؟
| |
|
|
|
|
|
|
Re: مهندس البث بالتلفزيون: ضابط برتبة عقيد طل� (Re: Maawya Hussein)
|
Quote: وطلب مني إنزال مارشات عسكرية.ماذا كان ردّك؟رفضت وقلت للضابط بالحرف الواحد بأنني لن انفذ أي برنامج إلا بتوجيه من المدير العام، وعندما حاول أن يضغطني بأنهم السلطة، قلت له (ممكن تدِّيني طلقة في رأسي بعدها نزل الحاجة العايزها) |
نبى الله الخدر ممكن يعبر في طريقك مرة واحدة في العمر. ان اتتك الفرصة, فلا تفوت (قبضة من اثر الرسول), فخلو الزول يفكها فى روحو زى ما عايز و ما عليكم الا التصديق.
_________ اشخصيا مصدقو.
| |
|
|
|
|
|
|
Re: مهندس البث بالتلفزيون: ضابط برتبة عقيد طل� (Re: محمد البشرى الخضر)
|
Quote: يا علاء اسمح لي تعليقك عن السيد الامام رحمه الله لا يقل غباء عن رواية بتاع البث |
ياودالبشرى خلي رواية البث بعيد ورينى نقطة غباء تعليقى على مكتب الاستخبارات المؤجر فى جزء من منزل الصادق المهدي .
Quote: وبالفعل ذهبوا.ماذا فعلت بعدها؟نزلت فوراً ومعي مهندس التبريد والتكييف ومسؤول الأمن والسلامة بالتلفزيون وتابعناهم، فوجدناهم خرجوا من حوش التلفزيون ودخلوا مكتب الاستخباراتالمؤجر في جزء من منزل الصادق المهدي |
المايك معاك!
| |
|
|
|
|
|
|
Re: مهندس البث بالتلفزيون: ضابط برتبة عقيد طل� (Re: علاء سيداحمد)
|
حاجة غريبة ان ناس الاستخبارات مؤجرين جزء من بيت المرحوم الصادق المهدي كمكتب لهم!! المسالة دي عايزة شرح من ناس الاستخبارات او من الحكومة الابديو .. ..وبعدين المهندس الرفض يذيع المارشات العسكرية هو السبب الاول في افشال المحاولة الانقلابية ...لانه اذا الاذاعة والتلفزيون بداوا يذيعوا المارشات العسكرية الشعب كله كان حيطلع تاييدا للانقلاب لانهم زهجوا من : المجلس العسكري، اقصد مجلس السيادة ،لان المدنيين ما عندهم اثر بهناك، وزهجوا من مجلس الوزراء وكل واحد فيهم بيقول نفسي نفسي، وزهجو من حمدوك لان وعوده كثيرة ولا ترى طحينا ، وزهجوا من الدعم السريع ، وزهجوا من جيوش الحركات المسلحة ، وزهجو من البرهان واللجنة الامنية وزهجوا من انعدام الكهرباء والرغيف ،وزهجوا من قحت ، وزهجوا من انعدام الامن والامان ... وعاوزين تغيير للوضع حتى ولو حمكنا الشيطان... اشكروا هذا المهندس فهو السبب الاول في افشال الانقلاب
| |
|
|
|
|
|
|
Re: مهندس البث بالتلفزيون: ضابط برتبة عقيد طل� (Re: علاء سيداحمد)
|
Quote: لا اله الا الله وانا اقول من زماااااان عم الصادق لاصق (لازق) فى الكيزان ليه !!!؟؟؟ والكيزان بيحبوه ليه !!!؟؟؟ غايتو الفضائح تترى كل يوم فضيحة جديدة اللهم لا تبلانا . |
مايك شنو يا علاء كدي اقرا التعليق دا تاني براك كدا برواقة ولو ما شفت الغباء الفيه, اقول ليك شنو بس الله غالب
| |
|
|
|
|
|
|
Re: مهندس البث بالتلفزيون: ضابط برتبة عقيد طل� (Re: محمد البشرى الخضر)
|
Quote: الشعب كله كان حيطلع تاييدا للانقلاب لانهم زهجوا من : المجلس العسكري، اقصد مجلس السيادة ،لان المدنيين ما عندهم اثر بهناك، وزهجوا من مجلس الوزراء وكل واحد فيهم بيقول نفسي نفسي، وزهجو من حمدوك لان وعوده كثيرة ولا ترى طحينا ، وزهجوا من الدعم السريع ، وزهجوا من جيوش الحركات المسلحة ، وزهجو من البرهان واللجنة الامنية وزهجوا من انعدام الكهرباء والرغيف ،وزهجوا من قحت ، وزهجوا من انعدام الامن والامان ... وعاوزين تغيير للوضع حتى ولو حمكنا الشيطان... اشكروا هذا المهندس فهو السبب الاول في افشال الانقلاب |
الحبيبة بسمات 100٪ صاح كل ما تفضلتي ب نحن فعلاً حاكمننا شياطين اللجنة الأمنية الغيروا اوضاعنا للأسوأ. المهندس بتاع البث فهو يا إما تم إستعباطه أو هو بيستعبط.
| |
|
|
|
|
|
|
Re: مهندس البث بالتلفزيون: ضابط برتبة عقيد طل� (Re: نعمات عماد)
|
Quote: مايك شنو يا علاء كدي اقرا التعليق دا تاني براك كدا برواقة ولو ما شفت الغباء الفيه, اقول ليك شنو بس الله غالب
|
الغباء الانتا بتتكلمو عليهو وتتهمنى بيهو انا ماشايفو يا ود البشرى كدى ورينى الغباء دا مكانو وين ؟؟ عشان اقدر ارد عليك رد مقنع على اقل تقدير . انا عايز مرجعيتك للتهمة عشان الرد يكون على وزن المرجعية !؟
| |
|
|
|
|
|
|
Re: مهندس البث بالتلفزيون: ضابط برتبة عقيد طل� (Re: محمد البشرى الخضر)
|
Quote: كونك تستنج ان السيد الامام رحمة الله عليه يحب الكيزان و يحبونه لأنه أجر جزء من بيته للاستخبارات العسكرية للقوات المسلحة إن لم تر فيه غباء عايز تشوفو وين تاني |
والله يا ود البشرى انا كنت فاكرك اذكى من كدا كتير .. ياخ معقولة انا اتهم الصادق المهدى بحبه للكيزان وحب الكيزان له فقط من خلال تاجير جزء من بيته للاستخبارات !؟ ياخ انا اول مرة اعرف انه مؤجر جزء من بيته للاستخبارات ولذلك فاجأني الخبر وأصلاً : الصادق المهدى طارح نفسه معارض لنظام الكيزان كيف عقلاً يقوم بتأجير جزء من بيته للاستخبارات !؟ بالمناسبة هذا الخبر الوارد عرضاً فى سياق كلام مهندس الصوت بالتلفزيون يؤكد :
- ان الصادق المهدى كان على علاقة سمن على عسل مع النظام السابق وقد استخدمه الكيزان فى تفتيت المعارضة نأخذمثلاً : اتفاقيات الصادق المهدى مع نظام الانقاذ وهو فى المعارضة : ونختر اربعا من تلك الاتفاقات والتى كانت سبباً فى اضعاف المعارضة وتقوية النظام واعطائه بعضا من الشرعية وسببا مباشرا فى انفصال الجنوب : وكنت قدكتبت التالي فى بوست سابق "
1- اتفاق جنيف سويسرا 2- اتفاق جيبوتى 3- اتفاق التراضى الوطنى 4- اتفاق شقدوم مع الحركة الشعبية
5- دور الصادق المهدى الكبير فى اضعاف المعارضة الشمالية فى القاهرة ابان التجمع الوطنى الديمقراطى فى تسعينات القرن الماضى وذلك بدعواته المتكررة وحديثه عن البحث عن الحل السياسى بدلا عن اسقاط النظام بادعاء ان هناك تغييرا قد حصل فى نظام الانقاذ وان هناك هامشا من الحرية ومخاوفه من اجندة تدويل القضية السودانية . ما اشبه الليلة بالبارحة : انتقاد الصادق المهدى لهياكل التجمع الوطنى الديمقراطى واداءه بمذكرة مشهورة فى عام 1998م واقتراح برنامج اصلاح لاعادة هيكلة التجمع الوطنى وتوسيعه وتفعيله . وهاهو اليوم يعود وبنفس المعول وبصورة كربونية لتفتيت ق ح ت حيث انه ينتقد هيكلة قوى الحرية والتغيير ويقترح برنامج اعادة هيكلة واصلاح قوى الحرية والتغيير وتوسيعه وتفعيله عبر : وثيقة العقد الاجتماعي الجديد لاصلاح هياكل الفترة الانتقالية لتحقيق مهامها الواردة في “الوثيقة الدستورية” .
اول اتفاق لحزب الامة مع الاحزاب الاخرى كان الاتفاق الشهير ب " اتفاق شقدوم " مع الحركة الشعبية بقيادة قرنق فى عام 1994م والخاص بحق تقرير المصير وقد وقعها نيابة عن حزب الامة وبمباركة من الصادق المهدى : عمر نور الدائم ومبارك الفاضل . وكان من نتاج ذلك فى فترة التجمع بالقاهرة اول اتفاق بين الصادق والكيزان كان اتفاق جنيف فى عام 1999م بينه وبين غازى صلاح الدين وكان قبله قد التقى الترابى فى عين المكان . وهذين اللقاءين كان زلزالا فى وحدة التجمع ومقررات اسمرا وشق لصف المعارضة الشمالية فى القاهرة وتعزيز وانتصار للنظام . والحقه بعد ذلك بشهور باتفاق " نداء السودان - اتفاق جيبوتى " فى جيبوتى بين حزب الامة بقيادة الصادق - مبارك - صديق بولاد والنظام بقيادة البشير - نافع - عثمان اسماعيل - سبدرات وايضا الاتفاق كرّس لانفصال جنوب السودان بورود عبارة { بعد انقضاء الفترة الانتقالية يستفتى جنوب البلاد بين وحدة طوعية بسلطات لا مركزية او الانفصال } وما ورد فى تلك الاتفاقية بخصوص الجنوب و ايضا ما ورد فى اتفاقية شقدوم مع الحركة الشعبية كان سبباً مباشراً فيما ورد فى اتفاق بروتوكول ماشاكوس فى 20 يوليو 2002 م بين النظام والحركة الشعبية حيث تمسّكت الحركة الشعبية بفصل العلاقة بين الدين والدولة ولم يستجب النظام لذلك . وايضا اتفاق جيبوتى ساهم فى تفتيت المعارضة واعطاء النظام ارضية جديدة ومدة زمنية اطول فى الحكم وهو اول اتفاق رسمى ساهم بصورة مباشرة فى انفصال الجنوب قد رفضته المعارضة مباشرة بعد توقيع الطرفين عليها لانها خروج على مواثيق التجمع الوطنى ومقررات القضايا المصيرية باسمرا وكان من نتائجها تجميد عضوية مبارك الفاضل الامين العام للتجمع وما تبعه من انسحاب حزب الامة من التجمع وعودة الصادق المهدى الى السودان فى عام 2000م عبر مصطلح " تفلحون " بعد ان شبعت اتفاقية جيبوتى مواتاً وعودته اكدت نجاح الكيزان فى تفتيت المعارضة وتفتيت حزب الامة . وثالثة الاثافى كانت اتفاق "التراضى الوطنى " فى عام 2008م مع نظام الكيزان وكعادة اتفاقات الصادق مع الانقاذ فقد شبعت التراضى الوطنى ايضا موتاً لان احدا لم يكترث او يهتم بها اصلا . نظام الانقاذ الوطنى لم يهتم ابدا ولم ينفذ اى من اتفاقات الصادق المهدى بل الادهى والامرّ : اتفاقات الصادق المهدى ساهمت بشكل مباشر فى تثبيت اركان النظام واستمراره لفترة زمنية اطول . واثبتت تلك الاتفاقيات ان الصادق المهدى ليس سوى عميل و "غواصة " فى يد الحركة الاسلامية السودانية لتفتيت المعارضة وحزب الامة وللاسف الشديد لا زال المهدى يمارس هوايتة بنفس الفكرة ونفس المعاول . مع عدم نسيان ما كان يفعله بعد عودته من المهجر الى نجاح الثورة وما بعدها الى ان توفاه الله تعالى ( رحمه الله )
وكان جزاء خدماته الجليلة للحركة الاسلامية التكريم ادناه :
| |
|
|
|
|
|
|
Re: مهندس البث بالتلفزيون: ضابط برتبة عقيد طل� (Re: علاء سيداحمد)
|
Quote: ودخلوا مكتب الاستخبارات المؤجر في جزء من منزل الصادق المهدي |
العبارة اعلاه يا ودالبشرى جمعت تاريخ الصادق المهدى خلال الثلاثين عاماً بتوعين الكيزان وحتى تاريخ وفاته ( رحمه الله ) وتعليقى لم يكن على ايجار جزء من البيت فقط ولكن الايجار ترك تاريخ الرجل ينداح على الذاكرة .
استسهال الكتابة ما حبابها .
| |
|
|
|
|
|
|
|