|
|
|
 Re: أخونا في الدنيا المستجير أنت متين بتلف؟ (Re: طلحة عبدالله)
|
الطرفة أصلا جاءت في سياق قصة كاملة الدسم
تحكي عن تاريخ اغبر أسود عاشه ولا يزال يعيشه
الهلالاب المساكين.
قال الرواي:
في زمن أغبر ومنيل بمليون نيلة على الهلال المبشتن وعندما
احتار الهلالاب في انتصارات المريخ المتوالية عليهم والتى
بلغت 8 تواليا لا فيها شق ولا طق.. فكر رئيس النادي الراحل طيب
الله ثراه ثم جمع أعضاء مجلس الإدارة لمشاورتهم في الأمر فأشاروا
عليه أن فكي نواحي مكوار في سنار قادر على ايقاف هذه البشتنة
وجزم أحدهم قائلا: شوف عيني دي ناس المريخ قاعدين يمشوا ليهو
فتهللت أسارير الريس وعلت وجهه ابتسامة عريضة وقال كانه
مفكر عظيم قد حسم أمره : من بكرة نجيب الفكي دا ونشوف تاني
يفوزوا كيف؟ ( اعتقد أن الصحيح كما نطقها نشوف البهدلة دي حدها وين)
يتبع ...
| |
 
|
|
|
|
|
|
|
|
Re: أخونا في الدنيا المستجير أنت متين بتلف؟ (Re: طلحة عبدالله)
|
من دغشا بدري جدا انطلق موكب الاندكروزرات ينهب
شوارع الأسفلت متجهة إلى مكوار للاستغاثة بفكي سنار ..
وبعد بحث استمر ضحوة وعصرية عثر القوم على ضالتهم بعد
أن دلهم صبي عفريت كاتل الدجاجة وخامي بيضا لفكي كارب
قال ليهم دا لما نفسو تكون في سمك بمشي البحر يشربو ويخلى
السمك قدامو ينطط يخم منو العايزو ويجي، فارتجت العمم على
الرؤوس بل وبعضها وقع عديل كدا رعبا من هذا الفكي الشيطاني
فيما قبض الصبي العفريت المعلوم وودعهم وهو يكتم ضحكة
كادت أن تنفجر رغما عنه .
يتبع ....
| |
|
|
|
|
|
|
|
|
|
Re: أخونا في الدنيا المستجير أنت متين بتلف؟ (Re: طلحة عبدالله)
|
عاد الموكب الظافر قريب المغرب وقرر الريس الظافر
أن يحتفل بالحل الذي سيحسم الهزائم المتكررة لفريقه
الفضيحة مع بقية أعضاء مجلس الإدارة وبعض الأقطاب
والحاشية والمؤلفة قلوبهم والمشجعين العاملين فيها صحافيين، فجمعهم
في بيته والفكي الكارب بينهم يتمتم ويهمهم بعبارات خافتة
وهو ينظر للقوم المرتجفين المنبهرين نظرة الظافر الذي
وقع على فريسته .
جاء شاي اللبن والبسكويت وقبل أن يبدأ القوم نظر الريس
للفكي وقال ليهو :
يا شيخنا المنجد أنا عايزك تعمل للجماعة ديل بروفة عشان
يقتنعوا بيك.
قال الفكي بثقة شديدة .. سمح ما في عوجة، ثم قرن القول
بالفعل ومد يده متناولا كوباية الشاي باللبن وشيييييييت شطف
اللبن وخلى الشاي أحمر سادة .
وعندما انبهر القوم وسالت ريالتهم من الدهشة نظر الفكي
لأقرب واحد جالس جمبو وقال ليهو : وه، مالو تعاين لي كدا؟
والله لو ما مصدقاني هسة ناكلي كوباية ونخلي شاي واخف براخو
الله ورخبتو .
تمت بحمدلله
يتبع .......
| |
|
|
|
|
|
|
|
|
|
Re: أخونا في الدنيا المستجير أنت متين بتلف؟ (Re: طلحة عبدالله)
|
وبعد
فيا أخونا المستجير هذه هي الطرفة مع قصتها كما رواها الراوي
فما تعمل لينا حركات الاجتزاء والإبتسار القاطعو من رأسك دا
وتبشتن لينا ابداعات المبدعين الله لا يسيئك .
وبعدين مش قالوا ليك الطرفة دي جميلة ؟؟
طيب مالك ساكت ؟؟
كان لازم تقول ما حقتي وأنا مجرد ناقل واللا دا استهبال منك؟
ع العموم أنت تعمل حاجة واحدة بس أنا ما شايف غيرا ..
تقوم تلف ..
انت متين بتلف ياخ ؟؟
خخخخخخخخ
| |
|
|
|
|
|
|
|
|
|
Re: أخونا في الدنيا المستجير أنت متين بتلف؟ (Re: طلحة عبدالله)
|
ابكرونا بروب الموية — كلمتكم
زميلنا دكتور الصادق من اولاد الكاملين
يوم في ال بريك دخلت عيادته ، الوكت داك
كان ببني في بيته لقيتو فاتح قوقل ايرث قال لي
شوفي اللوري بنزل في الرمل قدام البيت اتذكرت
كفار قريش والرسول (ص) بوصف لهم.
عندي مريضة مشكلتها ترسب مادة معينة في دمها
فكي مايرنو عبر الزمن وجاء .
| |
|
|
|
|
|
|
| |
طلحة عبدالله
علاء سيداحمد
أبوبكر عباس
HAIDER ALZAIN
فيس بوك
تويتر
انستقرام
يوتيوب
بنتيريست