صور العمارة في الطريق. العمارة من 4 طابق . ملحقة بكوشة 2 طابق ونص. ست الشاي القريبة للفسحة بتقول انو قدر ما الهمبريب يضرب رايحة الحاجات بتضرب. وبيحصل صراع عجيب بين همبريب الخير وعكلتات الشر. في النهاية العمارة بيجيها مشتري ما ضاربوا في قروشها حجر دغش.
يا عثمانَنا، وقعْت لي فوق فكك. أنا أجنبي (بالغصب) وداير العمارة أم كوشة دي. سعرها كم؟ ما بالجنيه السوداني please. سودان الجن دا أنا حتى كوشة ما عندي فيه، أحسن نبدأ بكوشة ومعاها عمارة.
09-19-2021, 05:46 AM
Osman Musa Osman Musa
تاريخ التسجيل: 11-28-2006
مجموع المشاركات: 22202
أخينا وحبيب العموم مهندس بكرى ابوبكر سلام لم نلتقي في عزاء عمكم د. كمال النور سوار الدهب في الحلفايا. ولا في العيلفون . له الرحمة . العمارة ام كوشة دي يا أخ بكرى صعبة من كل النواحي. من ناحية السعر . ومن ناحية الرياح الشمالية الغربية. اها. سمسار العمارة الاسمو خابور وضع سعرو. 10 مليون دولار . والله انا زاتو ما عارفها كم بتطلع بورق التواليت السوداني الاسمو عملة سودانية. عشرة مليون دولار أي ورقة عليها صورة جورج واشنطن. عليك الله يا بكرى لو ج واشنطن عرف انو السمسار خابور طلب الطلب دا . كان بيعمل شنو ؟
09-19-2021, 09:11 AM
Osman Musa Osman Musa
تاريخ التسجيل: 11-28-2006
مجموع المشاركات: 22202
أخونا أستاذ شانتير . سلامات يا أيها الأجنبي الأصيل. داير تشتريها يا شانتير؟ معقول ناس خابور يدوك طريقة ؟ ما سمعتها الأغنية البتقول: والله ما يبيعوها ليك ... تغمر الدمعات عينيك . رغم كل خصام وجفوة... برضو شفقانين عليك . ماهو باين في الكوشة.. تم تتم تم تتم . والله ما يبيعوها ليك تتتتا.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
بكرى ابوبكر
Shinteer
فيس بوك
تويتر
انستقرام
يوتيوب
بنتيريست