|
|
|
 Re: البرينسه (Re: الشيخ سيد أحمد)
|
ازيك يا حبيبنا
البرينسات والبكاسي كانو جزء حميم وجميل في حياة الناس من منتصف السبعينات لغاية بداية ظهور الحافلات
الاسم طبعا جاي من اسم بكسي من اوائل البكاسي البدت تجي من اليابان في نهاية الستينات واسمه كان
Princess
وبعد بداية دخول التويوتا الهايلكس ومعاها برضو المزادات
حصل إسقاط للاسم علي كل ماركات البكاسي
وطبعا تم تحريف اسم برينسيس عشان يبقى برينسه لانه خفيف علي اللسان في النطق عند أهلنا السودانيين
انا اشتغلت كمساري برينسه
بحكي ليك القصة دي بعدين
وبرضو بحكي ليك نكتة حقيقية عن البرينسات
بطلها حبيبنا و نسيبنا نجم المريخ زمان "حموري الكبير" أو محمد محمود
طبعا هو شقيق حموري الصغير عصام محمود
وحمودي مشهور طبعا بالقفشات والنكات وكوميديا الموقف
| |
  
|
|
|
|
|
|
|
|
Re: البرينسه (Re: أبوذر بابكر)
|
حبيبنا أبوذر
التيحات النواضر
Quote: انا اشتغلت كمساري برينسه
|
مكسب يا ابوذر
منتظرين ذكرياتك ومواقف الكمساري مع الركاب:)
Quote:
بحكي ليك القصة دي بعدين
وبرضو بحكي ليك نكتة حقيقية عن البرينسات
بطلها حبيبنا و نسيبنا نجم المريخ زمان "حموري الكبير" أو محمد محمود
طبعا هو شقيق حموري الصغير عصام محمود
وحمودي مشهور طبعا بالقفشات والنكات وكوميديا الموقف |
ايوه بالله أحكي لينا يا شاعر- البورد في عضمو ياهو حكاوي وقصص.
مع التحيات الطيبات الى (حموري) وجيلهم الذهبي.
| |
|
|
|
|
|
|
|
|
|
Re: البرينسه (Re: osama elkhawad)
|
هههههه
الفنانين البرينسات المقصودين هم مجموعة
مجذوب اونسه وخوجلي عثمان وعبد العزيز المبارك والباقين الظهرو معاهم في نفس الفترة
لما كانو يا داب جداد
سماهم بالاسم دا ابو داود
والمناسبة كانت لما سالوه عن رأيه فيهم
قال ليهم ديل برينسات ما مشكلة
لكن المشكلة في الكوامر الاتعمرت من اول وجديد دي
كان بقصد ناس عثمان حسين الفي الايام ديك، في منتصف واواخر السبعينات
عمل تجديد في الاوركسترا ودخل الآلات الكهربائية وكان فعلا ماسك الحفلات كلها
بتذكر الايام دي كويس
| |
|
|
|
|
|
|
|
|
|
Re: البرينسه (Re: الشيخ سيد أحمد)
|
اشتغلت كمساري مدة نص اجازة
نهاية سنة ٧٨ وبداية ٧٩ الوالد الله يرحمه ويحسن إليه ويجازيه بالنعيم المقيم
وهو وعمي الأكبر جابو اتنين هايلكس من السعودية
في عز هوجة الانسات البرينسات
شغلوها خط الصحافة ظلط
المشوار كان ب ٥ قروش "شلن"
في أول اجازة إنا قررت اشتغل كمساري في واحدة من البرينسات
كنت مأخوذ فعلا بالتجربة ومعاشرة الناس من مختلف الأعمار والاعراق والصفات
كانت تجربة عجيبة وغريبة واستفدت منها لاحقا والله في اشياء كتيرة جدا
خصوصا واننا كنا في بداية ومفتتح العمر وتجربة كل شي واي شي
| |
|
|
|
|
|
|
|
|
|
Re: البرينسه (Re: أبوذر بابكر)
|
حبيبنا خواض
| Quote: ما هي علاقة الفنانين بالبرنسات يا شيخنا ؟ |
على مستوى البوست - فإن البوست جمع فنانين إثنين من فئة الشعراء.
اما اذا حورنا المعنى لمعنى البرنسات المعروف في لغة (الرندوق) فذلك جانب آخر:)- وممكن نقول ان الفنانين
تغنوا بجميل القصائد عن البرنسات.
بالمناسبة يا خواض في اغنية كانت مشهورة في مطلع التسعينات بتقول:
كسلا بعيدة المسافة سنه
وين البرينسة اسوقا انا.
طيب نجي للبرينسه المقصودة في المتن- كلما كانت (البرينسه) تلمع من النظافة ح تعرف طوالي ان السائق هو المالك.
لكن الحاجه الملاحظة في الركاب يا خواض- ودي ممكن (ابوذر) يفيدنا بي ملاحظاتو حولها.
دائمآ بيكون في المقعد الأمامي (برنسيسه) حاجة حلوة كده - والغريبة طوالي لابسه ليها (طرحة) "صفراء"
ونضارة شمس قاتمة السواد مع حاجة كده بتلمع:) يعني المقعد الأمامي في الغالب مخصص لل (برنسيسات)- ويمنع الصرف
على الجنس الخشن :(
افصح يا خواض:)
| |
|
|
|
|
|
|
|
|
|
Re: البرينسه (Re: الشيخ سيد أحمد)
|
Quote: كان راكب قدام مع السواق طوالي
لما وصل قصاد بيتهم وعايز ينزل
نزل قزاز الباب وطلع راسو بره
وقعد يكورك للكمساري
يا ولد عليك الله دق ليهو هنا دق ليهو هنا
الكمساري طبعا بكون شايل ليهو حجر صغير عشان يدق بيهو للسواق
وحمودي راكب جنب السواق |
ههههههههههه
قصص كتيرة عن (حموري) - يقال انه زول ظريف جدآ وزول نكتة وضحك.
لكن يا ابوذر موضوع انك إشتغلت كمساري دي حاجة عايزين نعمل ليها
فلفلة وكده:) عشان نشوف ذكرياتك مع الركاب والقصص العجيبة.
تعرف ايام الدراسة لازم يكون الواحد عندو علاقات إجتماعية مع (الكماسرة) لأنو
ممكن تكون (مسخن) سخانة (الأربعاء وعقاب الشهر) ههههههه - لازم تكون عندك
إستراتيجية تتناسب مع وضع الفلس العجيب داك:)
غايتو الوضع ده كان في الحافلات والبصات- لكن ما أظن في (البرينسه) يكون في ناس
بتاعين (ملح) لأنو العدد محدود خالص.
بمناسبة المواصلات دي يا ابوذر - زمان اول ايام الإنقاذ- كانت في أزمة مواصلات كبيرة
جدآ- الحكومة جابت (بطاحات) (شاحنات تنقل بها المواشي) - حاجة كدة ضخمة جدآ
عملوا ليها (سقف) من الشمس - وبدأت تنقل في الناس.
اها الكمساري شغال للركاب يا جماعه ادخلوا لي جوه - يا جماعه ادخلو لي جوه.
من ضمن الركاب في واحد اظنو (مسطول) من الصباح- الزول ده بيسمع في كلام الكمساري وما
اتحرك ولا شبر واحد.
الكمساري قالو ليهو - ممكن تدخل لي جوه يا فرده.
قال ليهو اذا بدخل لي جوه ما امشي بي كرعيني :)
ده طبعآ غير لغة الكماسرة العجيبة...لمن الواحد بيكون بيحصل في القروش - ويكون في واحد من الركاب
عامل رايح- الكمساري يشبكو ليك (ارح ارقعنا يا عمك).
دي لغة هذا الزمن - بالله ادينا لمحة من لغة البرينسات في السبعينات يا ابوذر.
| |
|
|
|
|
|
|
| |
الشيخ سيد أحمد
أبوذر بابكر
osama elkhawad
فيس بوك
تويتر
انستقرام
يوتيوب
بنتيريست