|
|
|
 Re: بطلب امريكي استضافة لاجئين افغان في السود (Re: علي عبدالوهاب عثمان)
|
Quote: أبرزهم قطر، الإمارات، البحرين، الكويت، كندا، فرنسا، ألمانيا، المملكة المتحدة، أوغندا ورواندا.
|
ياحظهم في دول :
قطر، الإمارات، البحرين، الكويت، كندا، فرنسا، ألمانيا، المملكة المتحدة
حتى نحن لو لقينا فرصة في هذه الدول لن ننتظر ولا ساعة
هل لاحظتم أن كابول شوارعها انظف بكثير من شوارعنا في الخرطوم
أول امس كنا مجموعة نشاهد نشرة الاخبار احد الاخوان تحدث عن هذه الملاحظة
أحسن لهم كابل ..
| |
 
|
|
|
|
|
|
|
|
Re: بطلب امريكي استضافة لاجئين افغان في السود (Re: muntasir)
|
| Quote: شقي الحال يلقى العضمة في الفشفاش ، كالمستجير 😂 |
حبيبناالجميل منتصر
صاحب المفيد المختصر
تحياتي ليك نعم ينطبق عليهم هذا المثل ( بلد بدون بندول )
بعدين هم ناس حلوين .. يا حظ الباعوض ..
مشكلتهم لبسهم (الزي) عندهم بدائي .. هنا في السعودية لمن يلبسوا الزي السعودي ما شاء الله
تحياتي الحبيب منتصر
حبيبنا منتصر حبيبنا حسين ملاسي لديه راتب شهري من الصحف فقط بجملة أو جملتين ( فتأمل)
| |
|
|
|
|
|
|
|
|
|
Re: بطلب امريكي استضافة لاجئين افغان في السود (Re: Khalid Abbas)
|
| Quote: ناس الخرطوم زاتم كان لقوا طريقة بمشوا كابل حاليا |
حبيبنا خالد تحياتي يا جميل
الله يهون
أكيد الحبيب خالد بعد دمار الكيزان
حسب ملاحظة زميلي (ان كابل شوارعها أنظف من الخرطوم)
اصبحت مدمن في مشاهدة الاخبار ( كلامو صحيح ) لا أكياس بلاستيك لا ورق
الله يكون في عون الوطن
| |
|
|
|
|
|
|
|
|
|
Re: بطلب امريكي استضافة لاجئين افغان في السود (Re: Arif Nashed)
|
| Quote: نرحب بالخشخاش الافغاني |
حبيبنا عارف امبس تحياتي
الخشخاش الافغاني كان الممول الرئيسي لحركة طالبان حوالي 30% من ميزانية طالبان
البعض يقول الخشخاش مثل التمور والعنب ( بعض يأخذه لمسار الحرام )
ويقولوا ان عوائده ضخمة جداً وتدخل في صناعات كثيرة غير ( اللفة)
وفي لبنان من اهم الصادرات التي تجلب الاموال للقوى السياسية
تحياتي الحبيب عارف
| |
|
|
|
|
|
|
|
|
|
Re: بطلب امريكي استضافة لاجئين افغان في السود (Re: نعمات عماد)
|
| Quote: مشكلتهم لبسهم (الزي) عندهم بدائي |
حبيبنا على
ما عارف تقصد شنو ب مشكلتهم الزى عندهم بدائى.. بدائى كيف؟ الجلابية القصيرة والسروال الطويل والصديرى، دا نفس الزى عندنا فى شرق السودان، والان السودانيين فى الوسط وخصوصا السياسيين صاروا
سلبسونه فى المناسبات. نحن نعتز بهذا الزى.
| |
|
|
|
|
|
|
|
|
|
Re: بطلب امريكي استضافة لاجئين افغان في السود (Re: Abureesh)
|
Quote:
ما عارف تقصد شنو ب مشكلتهم الزى عندهم بدائى
|
تعرف ياابوريش
الشكله مش طبيعه الزى وانما هم فى نفسهم شىء من البدائيه مقارنه باخرين
يعنى طلبه جامعه افريقيا فيها ناس من دول ربما تبدو زى افغانستان وااسوأ لكن في سلوكهم وتعاملهم لمسه رقى شويه ونوع من الانسجام مع الاخر
| |
|
|
|
|
|
|
|
|
|
Re: بطلب امريكي استضافة لاجئين افغان في السود (Re: Abureesh)
|
Quote: ما عارف تقصد شنو ب مشكلتهم الزى عندهم بدائى.. بدائى كيف؟ الجلابية القصيرة
والسروال الطويل والصديرى، دا نفس الزى عندنا فى شرق السودان، والان السودانيين
فى الوسط وخصوصا السياسيين صاروا
سلبسونه فى المناسبات. نحن نعتز بهذا الزى. |
حبيبنا الجميل ابريش تحياتي
شكرا على الملاحظة .. أحياناً الواحد يكتب بدون تركيز
كامل الاعتذار لاخوتنا الافغان
نحن كلنا نلبس زي اهلنا في الشرق واجمل مع الاطفال
بس المشكلة الصديري غالي في السعودية
مع التحية
| |
|
|
|
|
|
|
|
|
|
Re: بطلب امريكي استضافة لاجئين افغان في السود (Re: Biraima M Adam)
|
Quote: مرحب بهم .. أسرة الكابلي كانت مهاجرة من أفغانستان ..!
|
الحبيب اديبنا بريمة تحياتي
يا ريت يكونوا من جينات مشابهة للكابلي الشاعر والاديب
والفنان وباحث التراث .. صاحب حضور طاغي ما شاء الله
كان اضافة حقيقية للوطن ..
نتمنى من الله عاجل الشفاء
تحياتي الحبيب بريمة
| |
|
|
|
|
|
|
|
|
|
Re: بطلب امريكي استضافة لاجئين افغان في السود (Re: علي عبدالوهاب عثمان)
|
Quote: الشكله مش طبيعه الزى وانما هم فى نفسهم شىء من البدائيه مقارنه باخرين
يعنى طلبه جامعه افريقيا فيها ناس من دول ربما تبدو زى افغانستان وااسوأ لكن
في سلوكهم وتعاملهم لمسه رقى شويه ونوع من الانسجام مع الاخر |
الحبيب عاصم تحياتي شكرا على الحضور الجميل كالعادة
في السعودية لاحظت أنهم محافظين جداً وقليلي الانفتاح على الآخرين
يجيدون التجارة وخاصة في المفروشات ومطاعم الفول والتميس والارز البخاري
تحياتي الحبيب عاصم
| |
|
|
|
|
|
|
|
|
|
Re: بطلب امريكي استضافة لاجئين افغان في السود (Re: Abureesh)
|
| Quote: لكن كلام حبيبنـا عن الزى التقليدى الشرقى |
الحبيب ابريش تحياتي يا جميل
أكرر اعتذاري للافغان جميعاً
وأهل الشرق حقهم علي
أنا لم أقصد كل هذا ولم يكن في خطاري الاساءة
كلنا نلبس زي أهلنا في الشرق .. حتى الاطفال الصغار على سبيل التميز والزينة
وبأصالة أهلنا في الشرق والاعتزاز بزيهم استطاعوا غزو كل الوطن بزيهم الجميل
حتى دخل القصر الجمهوري .. واصبح زي للسياسيين من مختلف التوجهات من الامة لاسلاميين
أقسم لك بأنني لم اقصد أهلي في الشرق ولم يأت في خاطري أهلنا في الشرق
الاعتذار الكامل لك ولأهل الشرق وللافغان وكل من أصابه رأي هذا
احيانا الشخص عندما يكتب لا يتعمق وخاصة في حالة الانفعال
تحياتي الحبيب ابريش .. شكراً للتدقيق وإبداء الملاحظات
بعد كده لازم نراجع كويس خاصة المشتركات
| |
|
|
|
|
|
|
|
|
|
Re: بطلب امريكي استضافة لاجئين افغان في السود (Re: علي عبدالوهاب عثمان)
|
اعتقد الافغان المقصودين
هم الفارين من طالبان
او الكانو متعاونيين مع الامركان و الغرب
او المسئولين الذين كانوا يديرون دولاب العمل( كما ذكر استاذ ابوالريش ف احدى بوستاته)
.. لو فعلا كانو من العلماء او .. يجب اكرام وفادتهم و الاستفادة منهم
كما استفادت ايران من علماء و صناعات العراق ..
...
شيخ على الحبيب .. مرحب بيهم ف ( ضواحى الدنيا)
مودتى و تقديرى للجميع
| |
|
|
|
|
|
|
|
|
|
Re: بطلب امريكي استضافة لاجئين افغان في السود (Re: محمد بدرالدين)
|
| Quote: شيخ على الحبيب .. مرحب بيهم ف ( ضواحى الدنيا) |
الحبيب محمد بدر .. مسكاقمي وو اشري
شخصياً نرحب بهم في ضواحي الدنيا
في مجموعة من السوريين قبل سنوات كانوا عندنا في الضواحي
اصحاب حفارات للوابورات ( المترات ) ناس شغل 100% يحفروا الى اكثر من 70قدم
الامور كانت مرتبة وتكلفة ليست عالية ..
وكانوا ايضاً عندهم زراعة بالشراكات استثمار
يا ريت الافغان لو عندهم خبرة في الزراعة
زمان كانوا الصعايدة من مصر شراكة مرابحة كانت
حاليا الامور اتغيرت
اذا استمرت ضواحي الدنيا بهذا الفراغ حتماً سيكون في زحف مصري
المهم يكون عندنا بشر وليس فراغ
تحياتي ووو ميمد وووو اشري
| |
|
|
|
|
|
|
|
|
|
Re: بطلب امريكي استضافة لاجئين افغان في السود (Re: علي عبدالوهاب عثمان)
|
الحبيب علي،
سلامات ..
| Quote: شخصياً نرحب بهم في ضواحي الدنيا |
بديهي يا حبيبنا علي أن يتخوف النوبيين من الهجرة .. لكن يا علي، هناك فرق ما بين الهجرة والتوسع السكاني الأستيطاني .. ما يحصل في الفشقة علي سبيل المثال توسع أستيطاني، يستولي الناس علي الأراضي السودانية ومازالوا علي جنسياتهم الأصلية حبشية، مصرية، تشادية وغيرها .. مثل هذا الزحف الأستيطاني مرفوض تماماً .. وعلينا مواجهته كدولة وليس سكان بقعة سودانية يتركون ليواجهوا مصيرهم وحدهم ..
الإنسان المهاجر متي ما صار مواطناً يحق له الذهاب والتجارة والأستثمار في أي بقعة .. ما لم يكن فيها مواثيق أو عرف أهلي يحكمها .. كما في الحواكير في دارفور .. فهي فوق قوانين الدولة محكومة بأعراف محلية أيضاً ..
المشكلة الكبيرة في الحقيقة سياسية أو قل مشكلة هوية دولتنا .. كلما كثرت الهجرات كلما تعقدت هوية الدولة .. ودي النقطة التى يجب أن تركز عليها الناس إن كان الهجرة تغير في تركيبتنا السكانية أم لا؟
-----------
موضوع يستحق البحث ..
بريمة
| |
|
|
|
|
|
|
|
|
Re: بطلب امريكي استضافة لاجئين افغان في السود (Re: Biraima M Adam)
|
أديبنا الرائع بريمة .. مداخلتك مفيدة جداً
مشكلة السودان يا بريمة الحبيب قلة السكان مقارنة بالموارد أنا سمعت كلام ده
من خبير يتحدث في التلفزيون قبل سنوات وحلل الوضع بشرح وافي
قال السودان يحتاج الى على الأقل 70 مليون نسمة للاستفادة المثالية من الموارد
ربما يكون في متخصصين في سودانيز يمكنهم الافادة ( هذا ما سمعته من الخبير)
رغم أننا محاطين بسبع دول ( دولتين مهددة بالانفجار السكاني مصر واثيوبيا ) حتما شئنا أو ابينا
سيتمدد المصريين في منطقة النوبة حيث المياه الجوفية والاراضي الصحراوية القابلة للزراعة
ربما الحل يمكن في الاستيطان ولكن حسب مواصفات وشروط معينة
بريمة الحبيب حتى الصين رفع النسبة الى 3 أطفال لكل عائلة بدل طفلين
بعض الدول تعطي حوافز لتعمير المدن المهجورة
قالوا في آيسلندا تزوج يكون عندك راتب 5000 دولار شهري
التعداد السكاني مهم جداً .. حسب قراءتي للخبراء وليس من عندي
تحياتي يا جميل مداخلتك مفيدة يا الحبيب
| |
|
|
|
|
|
|
|
| |
علي عبدالوهاب عثمان
Arif Nashed
Biraima M Adam
Asim Ali
نعمات عماد
Abureesh
محمد بدرالدين
نصر الدين عشر
خضر الطيب
فيس بوك
تويتر
انستقرام
يوتيوب
بنتيريست