|
|
|
 Re: حقيقة العمر (Re: أبوذر بابكر)
|
الله!
كلمات جميلة، تسلم أباذر
ذاهب، ماثل و مستقبل.
أجمل ما في الماضي و الحاضر و المستقبل؛ الناس.
(الجحيم هو الآخرون) مقولة فيها أنانية لأن إنغماس
الناس في التفاصيل اليومية يعطي للحياة معنى و
يشغل الأذهان عن الموت الذي يتربص بنا و نهرب
منه بالتناسي رغم أن الموت هو السبب في احساسنا
بروعة الحياة و من غيره تصبح الحياة تأبيدة مملة.
| |
 
|
|
|
|
|
|
|
|
Re: حقيقة العمر (Re: نعمات عماد)
|
ماضي وحاضر مستقبل
*****
عشان كدة ابراهيم الرشيد ملن يستعطف الزمن ويترجاه ان يتوقف لحظة شوية
وبعد داك يشيل باقي عمره كله
| |
|
|
|
|
|
|
|
|
|
Re: حقيقة العمر (Re: Ahmed Yassin)
|
واهدي لي لحظات هنيه
وبعدها
بعدها يا ابوحميد بعمل الاصلا مقدر ومكتوب
زي امنيات إبراهيم الرشيد
من الصدف الغريبة برضو إبراهيم عوض غنى ل الدسوقي
ليه بنهرب من مصيرنا
| |
|
|
|
|
|
|
|
|
Re: حقيقة العمر (Re: نعمات عماد)
|
تحياتي يا نعمات
بداية اسف للخطأ في الكتابة
يفترض تكون
فائت وماثل ومستقبل
العتب علي العيون والنضارة
خليني اعدلها
الآخرون هم نحن
في كل شيء واي شيء
اشكرك علي الحضور الجميل
هههههههه
| |
|
|
|
|
|
|
|
|
|
Re: حقيقة العمر (Re: يحي قباني)
|
قباني
يا اجمل الحلوين
دا ياهو كلام توماس وولف ذاتو
Man is born to live, to suffer, and to die
لخص الموضوع ببراعة شديدة
ومقنعة ومنطقية
| |
|
|
|
|
|
|
|
|
|
Re: حقيقة العمر (Re: أبوذر بابكر)
|
وَلَو أَنّا إِذا مُتنا تُرِكنا
لَكانَ المَوتُ راحَةَ كُلِّ حَيِّ
وَلَكِنّا إِذا مُتنا بُعثِنا
وَنُسأَلُ بَعدَ ذا عَن كُلِ شَيءِّ
علي بن أبي طالب
| |
|
|
|
|
|
|
|
|
|
Re: حقيقة العمر (Re: ترهاقا)
|
كيفك يا فنان
فعلا دا هو الحل المثالي
ما نبقى زي شاعرنا محجوب سراج لما قال
انت لو فكرت تتذكر غرامك
تطرى ماضيك البعيد
برضي زيك كنت عاشق
وكانت ايام عمري عيد
وغناها لينا بملء الشجن
مطربنا صلاح مصطفى
| |
|
|
|
|
|
|
|
|
|
Re: حقيقة العمر (Re: أبوذر بابكر)
|
ابوذر... يا عمر الزهور
عارف يا فنان ..انا عندي عشق عجيب واصلا ما بتوصف لى اغنية( ارحل )
لقيت فيها كل شىء يخطر على بالك.تتخيل انك من طفل صغير تنبهر باغنية
عمرك كله...وتحفظ اي مازورة موسيقية او لزمة ونغمة....
يعني القصيدة نفسها واللحن والمقدمة وحوار الاوركسترا وقيادة وردي
وذلك الصوت التينور ..يردد بسيبو عشان صحيح الذكرى بتّوِّه عمرنا صحيح
وانتِ معايا لا بندم ولا بقضي العمر تبريح
أصلو العمر شوقا كان حزنا كان وصبرا كان فسيح وفسيح
أصلو العمر كان دربا مشيتو كسيح
وكان غرسا سقيتو بكى وقبضت الريح
| |
|
|
|
|
|
|
|
|
|
Re: حقيقة العمر (Re: ترهاقا)
|
مَا كنتُ أَحْسَبُ بعدَ موتكَ يا أَبي ومشاعري عمياءُ بالأَحزانِ
أَنِّي سأَظمأُ للحياةِ وأَحتسي مِنْ نهْرِها المتوهِّجِ النَّشوانِ
وأَعودُ للدُّنيا بقلبٍ خافقٍ للحبِّ والأَفراحِ والأَلحانِ
ولكلِّ مَا في الكونِ من صُوَرِ المنى
وغرائِبِ الأَهواءِ والأَشْجانِ
حتَّى تَحَرَّكَتِ السُّنونُ وأَقبلتْ
فِتَنُ الحَيَاةِ بسِحْرِها الفتَّانِ
فإذا أَنا مَا زلتُ طفلاً مُولَعاً
بتعقُّبِ الأَضواءِ والأَلوانِ
وإذا التَّشاؤُمُ بالحَيَاةِ ورفضُهاضرْبٌ من البُهْتانِ والهَذَيانِ
إنَّ
ابنَ آدمَ في قرارَةِ نفسِهِ عبدُ الحَيَاةِ الصَّادقُ الإِيمانِ .
..
اخي ابوذر
سلامات
والحمد لله على اندمال جرح عمك الفطحل ابوالقاسم الشابي
يا ابوذر ياخ ديك الوعلة التونسية كانت مبالغة . شوف كيف
قدرت تلفلو عمرو الباقي . من الاحزان إلي الافراح والألحان والبهجة.
تحياتي .
| |
|
|
|
|
|
|
|
|
|
Re: حقيقة العمر (Re: Osman Musa)
|
ازيك يا عثمان وكيف الحال
تكون نفس الزوله الكتب ليها
عذبة انت كالطفولة كالاحلام
الشابي كان كوكب متوهج في مجرة الشعر
اختفى وفات سريع
بس العمر مفروض يقاس ب العرض مش ب الطول
| |
|
|
|
|
|
|
|
|
|
Re: حقيقة العمر (Re: ترهاقا)
|
تعرف يا ترهاقا
الحان صلاح مصطفى منسجمة ومتوافقة لأقصى درجة مع صوته وطريقة الأداء عنده
عشان كدا الأغنية بتكون متكاملة
قلت الشي دا ل جلالدونا بخصوص سلاف وصوتها
بالله اسمع عند صلاح مصطفى
حبة شوق
ما بغيرني صدودك عني
لحن عجيب ب الجد والله
صلاح بالمناسبة زمان كان ملقب ب المدني
ما عارف سر اللقب
لكن الناس نسوه حاليا
| |
|
|
|
|
|
|
|
|
|
Re: حقيقة العمر (Re: Ahmed Yassin)
|
التجاني سعيد
الزول دا يا احمد واحد من عبقريات الشعر الغنائي
ثاني اثنين في غار الغناء
مع هاشم صديق
قلت ارحل دي ماستر بيس غنانا كلو
فيها أبعاد فلسفية وروحية غير عادية
والاغنية كلها مختلفة في طريقة بناء النص عن كل الشعر الغنائي
وزيها كمان اغنيته التانية، من غير ميعاد
شوف الجزء بتاع
حزنا وشوقا وصبرا
هي نفس مدلولات الأزمان التلاتة
الماضي والحاضر والمستقبل
الماضي - حزن
الحاضر- صبر
المستقبل - شوق
معاك حق تفتتن بيها
وكلنا زيك
| |
|
|
|
|
|
|
|
|
|
Re: حقيقة العمر (Re: Ahmed Yassin)
|
Quote: عشان كدة ابراهيم الرشيد لن يستعطف الزمن ويترجاه ان يتوقف لحظة شوية
وبعد داك يشيل باقي عمره كله |
شاعرنا الجميل أباذر تحياتي
والتحية لفنانا احمد ياسين
بالمناسبة ومع الحديث عن (الزمن) رغم أننا من الجيل الزمان
كنت زمان أكثر اغنية اعشقها ( يا زمن ) لابراهيم عوض
طبعا نحن بعيدين في ضواحي الدنيا ( راديو فقط) آه يا زمن الشباب
في قناة أمدرمان وبالصدفة شاهدت برنامج كان الضيف الشاعر ابراهيم الرشيد
طبعاً أول مرة اشاهده رغم عمره والكبر ( رحمه الله ) تحدث عن الزمن وعرض صور
فتوغرافية يا سلام كان في غاية الوسامة والاناقة ورغم السن كان حديثه جميل ورائع
يبدو أنه كان متأثر جداً بابراهيم عوض حتى في قصة الشعر واللبس .. أول مرة اشكر حسين خوجلي
لاستضافته هذا الشاعر الجميل ..
بعد البرنامج بشهور سمعت خبر وفاته .. رحمه الله ..
يا سلام على جمال أمدرمان وأهله..
يا زمن وقف شوية
وبعدها شيل باقي عمري
حكمة بالغة .. يبدو أن هذه الاغنية أخذت الشهرة لأنها مرتبطة بالزمن وتخص كل الاعمار من البشر
تحياتي الحبيب أباذر شاعرنا الجميل
| |
|
|
|
|
|
|
|
|
|
Re: حقيقة العمر (Re: علي عبدالوهاب عثمان)
|
حبيبنا ع. ع ع.
صاحب العيون التلات
اغنية يا زمن من روائع غنانا
ابدع فيها الابراهيمان الاتنين
وثالثهم الملحن الفذ عبد اللطيف خضر
تصدق يا علي
علي الرغم من توفر كل وسائل ووسائط السمع والشوف حاليا
انا لغاية اللحظة الراديو يستحيل يفارقني
في كل لحظة وكل مكان
وانا مدين طول العمر لاذاعة ام درمان
منها اتعلمت وعرفت ذخيرة هائلة وثرة وغنية من المعرفة في كل مجال
عشان كدا بقى بينا عشق سرمدي للأبد
| |
|
|
|
|
|
|
|
|
|
Re: حقيقة العمر (Re: Ahmed Yassin)
|
كان ملقب ب المدني
لاحظت وقريت اللقب دا وكان بنكرر كتير جدا في الإعلام
خصوصا في مجلة الإذاعة والتلفزيون والمسرح
ما عارف ليه المجلة دي وقفت
كانت شي رائع والله ب الجد
| |
|
|
|
|
|
|
|
|
|
Re: حقيقة العمر (Re: أبوذر بابكر)
|
الأخ ابوذر
سلامات
مجلة الإذاعة والتلفزيون كانت مجلة رائعة.
كانت متنفس للشباب .
كنا ننشر فيها الاشعار في منتصف السبعينات وحتي بداية
الثمانينات.
بتخيل انها اتوقفت بعد هجرة رئيس تحريرها الديب الكبير
دكتور عبدالله جلاب إلي ولاية أريزونا.
له التحية
| |
|
|
|
|
|
|
|
|
|
Re: حقيقة العمر (Re: Osman Musa)
|
هيجت علي الحنين
واشعلت فيني الاشجان
يا عثمان
دا بنفع مقطع شعر استهلالي
هههههههه
بذكرى مجلة الإذاعة والتلفزيون والمسرح
تعرف وانا في سنة تانية في الثانوي العام
كتبت خاطرة يمكن من حوالي ٧ سطور ، اسمها همسة، ورسلتها ب البوستة
ام درمان - مجلة الإذاعة والتلفزيون والمسرح- ص ب ٥٧٢
صفحة الحياة من حولنا- محمد بيرم
كانت صفحة محمد بيرم في الصفحة التانية مباشرة بعد الغلاف الإمام
ولما اتنشرت بعد اسبوع واحد، شلت المجلة معاي المدرسة ووريتها للناس
بعد سنة من الكلام دا قابلت محمد بيرم
كان هو و حامد عطا عندهم ركن في شارع الجمهورية في السوق الافرنجي قريب محلات الجوهرة
بجو بالمساء بس وحامد عطا بعمل حاجة اسمها فن السلويت
بالمقص بقطع ورق السيلويت الأسود ويشكل صورة وجهك بكل تفاصيلها
والسعر طروادة ، ٢٥ قرش يعني
والناس ملمومين وواقفين وسعيدين
زي لمة الناس في مورنمارتر في باريس
شفت بلدنا كانت كيف يا عثمان
| |
|
|
|
|
|
|
|
|
|
Re: حقيقة العمر (Re: أبوذر بابكر)
|
شاعرنا الجميل ابوذر
تقريبا في بداية الستينات
كنا نجتمع في حوض عمنا حمانتود رحمه الله
كان عندو راديو ضخم وبطارية شبيهة ببطارية العربات اليوم
أحلى البرنامج :
ربوع السودان
صوت طه حمدتو ( هلال مريخ ) او مباريات الفريق القومي كان اسمه (الفريق الاهلي )
صديق احمد حمدون والدكتور عبدالله الطيب
أحب الاغاني حتى للترابلة اعمامنا كانت اغاني وردي وابراهيم عوض ( مين قساك)
الاذاعة كانت واضحة في الليل
بالنهار إلا صوت العرب والبي بي سي الاخبار وبرنامج الرياضة ( موسى بشوتي وأكرم صالح)
كمان ما ننسى ركن السودان من القاهرة كان سيد خليفة اكثر فنان له تسجيل في ركن السودان من القاهرة
كانت أغنية محبوبة للبنات في ذلك الزمن تقريباً اسمها ( نانا) سيد خليفة .. والليله سار يا عشايا ابن بادية
كانت حصرية للبنات لدرجة عيب اذا رددها الشباب
الحبيب ابوذر يا ريت ايقونة الفن والجمال الحبيب قباني بعبق أمدرمان ..
تحياتي شاعرنا الجميل وانت تثير فينا ذكريات السودان الجميل
| |
|
|
|
|
|
|
|
|
|
Re: حقيقة العمر (Re: علي عبدالوهاب عثمان)
|
تحياتي يا علي
السودان زمان والان وفي المستقبل
هو أجمل وأفضل واحسن بلد في الكون
رغم المشاكل والصعوبات حاليا ورغم كل المعوقات
صدقني مافي اجمل من السودان
جغرافيا وتاريخ
أرض وطبيعة وناس
ثقافات وفنون
التشويه الوحيد الحصل فيه علي مر التاريخ
هو القبح الاسمو الكيزان
لكن اكيد برجع زي ما كان
واحسن مما كان
مع كل التقدير ليك
و المحبة لاذاعة ام درمان
| |
|
|
|
|
|
|
| |
أبوذر بابكر
نعمات عماد
Ahmed Yassin
يحي قباني
ترهاقا
Osman Musa
علي عبدالوهاب عثمان
فيس بوك
تويتر
انستقرام
يوتيوب
بنتيريست