|
|
|
 Re: ميسي وبرشلونة-- الروح والجسد (Re: بدر الدين الأمير)
|
ازيك يا بدر يا أمير
انا زيك برضو والله ما بريد كورة الانجليز
لكن اتمنيت بس يمش ال سيتي عشان يكون مع غوارديولا
لانه هو الوحيد البقدر يتعامل مع ميسي ويخليه يواصل بنفس الطريقة
انا متأكد وجود كوومان مدرب برشلونة الحالي ساهم لحد كبير في عدم رغبة ميسي انه يستمر مع برشلونة
من يوم كوومان طرد سواريز كوومان بقى ما نافع مع ميسي
الاخبار بتقول انه احتمال يمش باريس سان جيرمان
خلينا تشوف
| |
  
|
|
|
|
|
|
|
|
Re: ميسي وبرشلونة-- الروح والجسد (Re: أبوذر بابكر)
|
ياابوذر
تصدق اولادى الكبار لبيد وغسان
هلالاب زى وفي قطر بشجعو نادى
الغرافة بحكم انهم لمن كانو صغار
كانا نسكن قرب نادى الغرافة بس
بعد ماكبرو وجو اشتغلو اكتشفت
انهم بشجعو ريال مدريد بتعصب
وزيك بتوقع مسى يمش باريس في
ظل الكرونا والكساد الاقتصادى باريس
هو البقدر على ضم مسى
| |
|
|
|
|
|
|
|
|
|
Re: ميسي وبرشلونة-- الروح والجسد (Re: بدر الدين الأمير)
|
ع أفي يا أمير
توقعك طلع صحيح ميه الميه
مافي نادي حاليا بقدر يوفي ميسي غير سان جيرمان
ال سيتي ما كان متخيل مجرد تخيل انه ميسي حيفوت برشلونة
ودفع القريشات العندو للاعب تاني من الدوري الانجليزي
غير كدا غوارديولا ولو كان في حتى مجرد احتمال ضعيف انه ميسي يخلي برشلونة
ما كان بفرط فيهو
كل الامنيات ل ليو بالسعادة والنجاح والراحة والابداع في باريس
| |
|
|
|
|
|
|
|
|
|
Re: ميسي وبرشلونة-- الروح والجسد (Re: Ahmed Yassin)
|
كلامك صاح
الليد الطايله تجيب المافي
علي قول ود بادي
لكن برضو الظروف حكمت والله
الكورونا من ناحية وتعنت وقوانين رابطة الدوري الاسباني من ناحية
لكن سيظل برشلونة وسيظل ميسي
زي ما قال أبو صلاح
وغنى كرومة
أجسامنا ليه جسمين
روحنا واحدة وكيف
اتقسمت قسمين
شي بديع في غرامك
يا فريع ياسمين
| |
|
|
|
|
|
|
|
|
|
Re: ميسي وبرشلونة-- الروح والجسد (Re: أبوذر بابكر)
|
ابوصلاح قال
بفارق الروح لو يفارقني
ولكن امس دموع ميسي ذكرتني دموع العبادي السكبها في رياضنا الغنا
عمل الدهر دى العملة.................جرد على الحملة
فارقت دورن جملة....................تفرغ عيوني وتملا
مر يانسيم بى جارى.................واحكيله كل الجاري
قول ليه دمعه الجاري...........في خدوده سوى مجارى
ذكرى الحبيب عاطرانى...........كابه الدموع ماطرانى
| |
|
|
|
|
|
|
|
|
|
Re: ميسي وبرشلونة-- الروح والجسد (Re: بدر الدين الأمير)
|
ازيك يا بدر
المال هو وقود الحياة كلها طبعا
وميسي بستاهل أكيد
هنيئا لباريس وللخليفي ولكل عشاق الإبداع والتميز الكروي
وهنيئا برضو لقطر والعقلية الرياضية القطرية
كل يوم بتثبت تميزها في كل أنواع الرياضة
الحكمة في العقلية والتفكير يا بدر
في دول كتيرة جدا عندها أموال اكتر من قطر، وبرضو ما عرفو يحققو ربع انجازات قطر
| |
|
|
|
|
|
|
| |
أبوذر بابكر
بدر الدين الأمير
Ahmed Yassin
فيس بوك
تويتر
انستقرام
يوتيوب
بنتيريست