|
|
|
 Re: التحيات النواضر والشكر والعرفان لسيد الح� (Re: بسمات الشيخ)
|
Quote:
امتثال طريحة الفراش لوعكة المت بها بعد وصولها لارض الوطن وكلفتني ان انقل تحياتها وشكرها وعرفانها للاساتذة الاجلاء:
الباشمهندس سيد الحوش الكبير
دفع الله ود الاصيل
بدر الدين ود الامير
ابو الريش
اسماعيل عبد الله
وتقول ليكم انها ستعود قريبا جدا بعد ان اوحشها المنبر العام وبعد زوال الاسباب التي منعتها من الكتابة
وتقول ليكم كل سنة وانتو طيبين وسالمين ولامين وربنا يديكم الصحة والعافية ،،،
بسمات |
نسأل الله لكي السلامة والعافية والشفاء العاجل بتنا امتثال عبدالله.
والشكر أجزله لكي بت الشيخ.
بسمات الشيخ
| |
 
|
|
|
|
|
|
|
|
Re: التحيات النواضر والشكر والعرفان لسيد الح� (Re: ترهاقا)
|
بسمات
لك والود والتقدير
اكيد هذه القروية امتثال عبدالله الامريكية
مقرحة ضد الكرونا اللعينة على
فكرة ياناس المدن مقرحة تعنى
ماخدة التطعيم بتاع الكرونا ولو
جاتها ملاريا الامر عادى لكل قروية
وقروى سودانى بس بشريها ان عمها
ابوالزهور سافر للسودان بعد طول غيبة
عن طريق الخطوط الجوية القطرية وامتثال
مجرد ماتجيبى لها سيرة الخطوط الجوية القطرية
بتصحصح عندها جن اسمو الخطوط الجوية القطرية
ههههه
| |
|
|
|
|
|
|
|
|
Re: التحيات النواضر والشكر والعرفان لسيد الح� (Re: بدر الدين الأمير)
|
شكرا ليكم كتير على امنياتكم الطيبة ،،،
نحن برضه سافرنا للسودان من نيويورك بالخطوط القطرية يوم الوقفه بالليل وعيدنا في مطار
الدوحة التي قضينا فيها ثلاث ساعات وقضيناها جري نفتش في الGate البسفرنا لمطار الخرطوم
....وما عارفة متين ناس الخرطوم حيبنوا مطار زي مطار الدوحة.
وكنا مفروض نسافر على الخطوط التركية لكن زي ما قلت انت يا بدر الدين امتثال عندها عشق للخطوط
القطرية واقنعتنا نسافر بالقطرية ....وفي الحقيقة ما ندمنا ابدا لاننا فعلا وجدناها خطوط فخيمة وخدماتها
الف الف نجمة ونجمة.
ابو حسين وصلت لومك لامتثال وقالت ليك انت مقامك عالي لان صفاتك نبيلة وانك رقم يصعب تجاوزه في منبر
الحوش الكبير ...وربنا يديك الصحة والعافية يا صاحب المبادئ السامية .
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: Osman Musa)
|
ربنا يقومك بالسلامة و الصحة و العافية
الإبنة إمتثال ....
و إقامة طيبة لكم جميعاً في أرض الوطن
وسط الاهل و الأحباب و ماء النيل.
و شكرا بسمات و أرجو أن لا يطول غيابك عن المنبر
مكانك و مكانتك شاغرة و المنبر يحتاج الي الاقلام
المتميزة ..... و عبرك تحية خاصة لمدينة عطبرة
و أهلها الكرام...............
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: Abureesh)
|
حمدلله على السلامة الإبنة بسمات و الأميرات.
نورتو البلد أم كهارباً قاطعة .
ألف سلامة للإبنة العزيزة إمتثال .أصلاً يا إمتثال
الميكروبات هنا تسرح و تمرح و ما تصدق تلم في
ناس العالم الأول 😂
ربنا يعجل بالشفاء التام و ترجعي و معاك كمية أوسكارات .
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: MOHAMMED ELSHEIKH)
|
منتصر
خلال الخمسة الايام الاخيرة قبل السفر كنا بنمشي نقعد في الحديقة الصغيرة قدام Macy's في
شارع ٣٤ مع البرودواي وناكل فلافل من المصري الواقف بعربية الاكل هناك عشان نتعود على طعمية
السودان وننسى البيغل مع الكريم جيس والموكا ايس كابتشينو ،غير اننا بنمشي من وقت لاخر
لي مطعم لبناني في Beeker st. في داون تاون من اجل الوجبات العربية والمطعم اليمني في
اتلانتيك بروكلين..يعني السوفت وير مغير عندنا قبل وصولنا لوطنا الحبيب هههههههههه
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: بسمات الشيخ)
|
| Quote: وناكل فلافل من المصري الواقف بعربية الاكل هناك عشان نتعود على طعمية |
يعنى عملتو إكسرسايز قبل تسافروا السودان.. فكرة كويس.. الحتة اللى ذكرتيها دى سكتى لنيوجيرسى أركب منها قطر الباث ترين من محة شارع 33
دائما أشق الحديقة الصغيرة الفى هيرالد إسكوير بدل المشى فى برودواى..
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: بسمات الشيخ)
|
اخي ابو الريش
عيدك مبارك
امريكا ده زي اقليم السافنا ( غنية ماديا / فقيره روحيا ) .
كنت في كلفورنيا ، ساكرامنتو و ديفيز
سامحه ساكت بدون روح ( الخدار في اي مكان بس متعه مافي ) الايام ده السودان خموج محل تقبل بس تشعر كده بانبساطه من المطر و جو الخريف .
الزبير الختمي
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: Abureesh)
|
نفس الحتة البنقعد فيها قاعد فيها الراجل الجالس على شمال الصورة ...
وبعدين يا الزبير الختمي مافي زول مهموم في نيويورك . .الا اذا انت
بتقصد الولايات الثانية ....
ان شاء الله تكون زرت نيويورك قبل كده....
اذا انت قعدت في الحديقة الصغيرة دي تنسى همومك ومشاغلك ..ناهيك عن السنترال بارك..
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: بسمات الشيخ)
|
مع العلم ان اثنتين من قروبنا ما حيرجعن الى نيويورك ،ولكن الاكيد ان ابتهال سترجع
عشان تقدم الاقامة لزوجها الذي يقيم في السودان ،وهي مرتبطة اكثر مننا بامريكا ....
وطبعا نحن بنفور دمها لمن نقول ليها اننا بنظن ان راجلك ده اتزوجك عشان يفارق السودان
ويهاجر لامريكا وما عشان سواد عيونك ...هههههههههه..
لكن الاكيد اننا بنحب وطنا الكبير السودان ،وبنعشق وطنا الصغير عطبرة
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: بدر الدين الأمير)
|
شكرا بدر الدين الامير للخبر الجميل الذي سيسعد امتثال بالتاكيد ،وسننقل لها الخب
السعيد صباح الغد ...وعند متابعتنا للاخبار عرفنا ان افضل مطارات العالم بعد مطار حمد الدولي
هي مطارين في طوكيو -اليابان، ومطار في كوريا الجنوبية ، ومطار شنغهاي ،ومطار ميونيخ، ومطار
هيثرو في لندن ..
ولكن الشئ العجيب ان مطار جون كندي ومطار اوهارا في شيكاغو لم يدخلا ضمن العشرة مطارات الاولى
في قائمة المطارات الفائزة بجائزة اسكاي تراكس ،،،
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: بدر الدين الأمير)
|
Quote: بس الداير
يزعل امتثال عبدالله يقو لها
عندو راى سلبى في الخطوط
الجوية القطرية |
السيد المدير بدرالدين،
وزى ما عارف أنا سافرت بالقطرية عشرة مرات تقريبا لو ما أكتر بين الدوحة والصين.. هل القطرية الان تملك ِA380 ؟ لأنو سافرت بال A380 وفرق كبير جدا بينها وبين باقى الطائرات.. خصوصا المسافة بيثن المقعد والتانى حتى فى
الدرجة السياحية. تمد رجليك أبعد من لحافك. والكراسى واسعـة والإنترنت.. تتكلم بالواتساب عادى مع الأهل فى الأرض. الملاعق والشوك فضية stainless steel ما بلاستيك. مع اننه صحيا البلاستيك أضمن.
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: muntasir)
|
| Quote: أبو الريش القطرية ومعاها عدة شركات أخرى أعلنوا إنهم لن يستخدموا الA380 مرة ثانية ولن يستكملوا استلام طلباتهم الجديدة منها لأنها غير مجدية إقتصادياً من ناحية صرف الوقود ومضرة بالبيئة |
عارف اخ منتصر، بس ما حبيت ازعل بنتنا امتثال.. ممكن تكون ما إقاصادية للشركة لكن للركاب مريحة جداً، ومن ناحية أمان تعتبر من أمن الطائرات.
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: بسمات الشيخ)
|
اكثر ما احزن الجرسونة سارو هو ان صديقتها ورفيقة عمرها وبختها بشدة عندما علمت بالموضوع
ونددت بتصرفها وقالت لها انها حرمت نفسها وطفلتها من مال هي احوج اليه من غيرها لشراء الغسالة
التي ترغب فيها.
وقبل ان بتغلغل الندم الى داخلها اثر احتجاج رفيقة عمرها وصديقتها ،تلقت اتصالا من والدتها وهي تقول لها
بصوت عال وهي منفعلة:ماذا فعلت يا سارة ، وردت سارة بصوت خفيض ومرتعش خوفا من صدمة اخرى لا
تحتملها :لم افعل شيئا ،ماذا حدث؟واجابت والدتها: يشتعل الفيس بوك اشادة بك ومدحا بتصرفك ،فلقد وضع
الرجل وزوجته رسالتك لهما في المطعم الذي تعملين فيه في الفيس بوك بعد ان دفعت انت فاتورة حسابهما
وتناقلها الكثيرون وانا فخورة بك..
وعندها توالت المفاجاءات لسارة
| |
|
|
|
|
|
|
|
|
 Re: التحيات النواضر والشكر والعرفان لسيد الح� (Re: ABUHUSSEIN)
|
《 يا بنوت الحِلة العامرة.. أبشرن بي عديلة و زين》
▪لله درك بت الشيخ يا راقية لانفعالك فطرياً مع ظاهرة
الفتاة النادلة المعجزة سارة حيث جلب دِرهمٌ مئة ألف درهم.
▪و ما نستطيع أن نحسُّه، و نحن نتسكع مع (طق االحنك )
عبر حواري و نفافيج نيويورك ، أنكن دامغات روتين حياتكن
اليومية ببصمة وراثية فرعونية من زمان الكنداكة الكوشية ،
محقونة بحمض نووى شبه منقرض السلالة ليُغرينا بمتعة
التفاعل تلقائياً مع الراهن و ملكة الإمساك بشفرة البقاء
و التسامي إلى ما هو إنسانيِّ خالصٍ صامدٍ لصروف
القدر و نوائب الدهر و مُضاد لعوامل الاكسدة!
▪ المُدهش فيكن صوبحات يوسف هو تعاطى
حاجات البلد و أحداثها الساخنة فكلما يحدس ما قد
يحدس تتسابقن إليه من أبوابه الثمانية. بَاسِمات المُحيا؛
وَسِيمَا الفكرة ، سَدِيدَات القول، و تجلسن حيث يطيب
الجلوس في حضرة جنابك يا بلد؛ ولا يثير غباراً كثيفاً
أين سيمدد أبو حنيفةً النعمان رجليه. و ببراعة "الصاغة"
تأثرن التقاط جواهر و دُرَر المعاني، و نحن جلووسٌ
الفرفصاءَ نمارس متعة الفرجة من على مقربةٍ.
(عدل بواسطة دفع الله ود الأصيل on 08-08-2021, 04:51 AM)
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: دفع الله ود الأصيل)
|
شكرا الاديب الاريب دفع الله على سطورك النيرة المضيئة التي تتلألأ دائما
في سماء الحوش الكبير لتزيدها نورا وبهاءا ،والاتبراويين كلهم والاتبراويات
كلهن عصيوا الدمع وعصيات الدمع، ومتوقعة تصحيح المسار في وطنا الحبيب
حينطلق من ام المدائن ،مدينة النضال والكفاح ،
وعلى يقين ان تصرف سارة الامريكية جزء اصيل من عادات الاتبراويات والاتبراويين
والله يديك الصحة والعافية
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: بسمات الشيخ)
|
نتقدم بوافر الشكر والتقدير والعرفان للبروف سليمان صالح فضيل والدكتور ياسين محمد والدكتورة
ندي والدكتور زين العابدين والدكتورة الاء والنطاسين البارعين بمستشفى فضيل وكبير الجراحين بالمستسفى
وذلك للعناية الفائقة التي تلقتها صديقتنا العزيزة والصبورة ،وبعد ان من الله عليها بالشفاء قررنا بالاجماع ان تقضي
فترة النقاهة بام المدائن بعد ان وافقت شقيقتها التي تقطن بامتداد ناصر ...
ونود في هذه العجالة ان نتقدم بالشكر والتقدير لكم جميعا ،،،
وسوف نحول البوست من الان الى متنوعات وملاحظات عن وطننا الحبيب ..
ونود ان نطمئن الاستاذ ابو الريش ان اطباء السودان في كفاءتهم وبراعتهم ومهاراتهم لا يقلون ابدا
عن اطباء نيويورك ...
والله يديكم الصحة والعافية
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: بسمات الشيخ)
|
الله يبشرك بالخير يا بت الشيخ.. وألف حمد الله على سلامة إمتثال.
وما عندى شك فى كفاءات الأطباء السودانيين ومشهود لهم عالمياًً فى لندن لم يكونوا يسألون خريجى كلية الطب جامعة الخرطوم ومنهم الان من يعمل فى البلاط الملكى.. فى فلاديلفيا الأطباء السودانيين بالعشرات إن لم يكونوا بالمئات
بعد أن ضرب الأوائل مثالا صارخا فى الكفاءة والأخلاق المهنية مما فتح الباب للقادمين الجدد للتعيين بكلرسهولة. ولى تجربة شخصية مع أطبائنا فى قطر فى مستشفى حمد.
تعليقى كان عن الإمكانيات الفنية واللوجستية والمعامل، وتطبيق نتائج اخر البحوث الطبية.
| |
|
|
|
|
|
|
|
|
|
Re: التحيات النواضر والشكر والعرفان لسيد الح� (Re: Abureesh)
|
Quote: وبعد ان من الله عليها بالشفاء قررنا بالاجماع ان تقضي
فترة النقاهة بام المدائن بعد ان وافقت شقيقتها التي تقطن بامتداد ناصر ...
|
▪يعني قررتو براكم كدا يا بت الشيخ، تختفو بتنا تودوها تتنقه في أتبرة النضال و الحديد و النار . و نحن [ امتثالاً ] لقراركم الصائب سميناها رضينا. و دا طبعن رغم إننا أعددنا العدة و العتاد لمهرجان استقبالها عندنا هنا في محراب الفن و الحب الجمال في بلادي، عدن النيل الأزق، أرض المحنة في قلب الجزيرة و نرسل للمسافر أشواقنا الكتيرة. ▪عمومن الحالة واحدة و الجزلان واحد و ربنا يكمل ليها نعمة الشفاء شفاءً تاماً لا بُغادر سقماً. ♡ و بما أن كلاً معجبٌ بمسقط رأسه مثلما أن كل فتاةٍ متيمةٌ بوالدها، نهديكم هذا اللحن مضمخماً بأسمى معاني الحب و التقدير : الجمال و الحب في بلادي - سيد عبد العزيز/ رمضان حسن ———————– ————– ♡ الجمال والحب في بلادي والحضارة إزدهارها وإنتشارها في المدارس والنوادي العلوم العالية والفنون الراقية جمالها بادي ينبي عن أثار قوة الأفكار والأيادي الأنجزت أعمال وخلدت تذكار في جبين الوادي سوداننا العاجبنا رسمو في نفوسنا مقدارو يسمو الطيور غنت بي اسمو وكم صايح ينادي أسمك يابلادي هتفتبو الجنود وغنتبو الشوادي في بلادنا مناظر الطبيعة حافيها السحر الحلال في الشرق المينا العظيمة بيها الثغر باسم الدلال والغرب حرست مداخلو الهيبة حصون التلال وجنوبها ينافس الشمال حيوية و عظمة وجلال في بلادنا القرى والمدائن أثر النعمة عليها باين وتاني محل العين تعاين تشوف بهجة وروح واعتدال في منظر جذاب ودادي أحيِّي السودان وأرضو و الأرض الطاهرة النقية أحيِّي السودان وأهلو أهل العبقرية أهني السودان بشعبو طوح النفس الأبية الوافي راعي المحارم أكرم من الغيث مكارم وأصلب من الحده صارم إن في الحرب و إن مسالم يمتاز بالروح القوية مقدام ومن طبعو هادي
| |
|
|
|
|
|
|
| |
بسمات الشيخ
ABUHUSSEIN
عمر التاج
اسماعيل عبد الله محمد
Abureesh
ترهاقا
بدر الدين الأمير
علي عبدالوهاب عثمان
علاء سيداحمد
علاء خيراوى
دفع الله ود الأصيل
ابو جهينة
Mahjob Abdalla
Osman Musa
Hamid Elsawi
نعمات عماد
الزبير بشير
MOHAMMED ELSHEIKH
فيس بوك
تويتر
انستقرام
يوتيوب
بنتيريست