|
♧ المريسة،الخندريس، الخمر «بنت الحان» £
|
03:22 AM July, 18 2021 سودانيز اون لاين دفع الله ود الأصيل- مكتبتى رابط مختصر
● نتقدم أولن بشكرنا للأخ / الرشيد العطا من مسقط معتذرين لإعمالنا يد النبش في ما نقل حول المريسي وگنيتها« بنت الحان» : ● سألتني يوماً بت الشيوخ ( سارة ) ، إن كان في جعبتي شيئٌ يساعدها ، في التوثيق للشيخ العارف الجليل ( إدريس ود عامر ) ، رحمه الله بقدر ما عمر المجالس بذكر الله. إعتذرت لها. قدمت بين يدَي اعتذاري انعدام ثقافة التدوين عندنا ذلك الزمن. وطيش الصبا الذي كان يشغلني باللهو عن الشيوخ ، قلت لها ( في فترة شيخنا إدريس ، كان العلماء مهملين ، لا يلتفت إليهم سوى القلة القليلة بينما نحن شريحة الشباب كنا (مطاميسَ) إلا من رحم الله. والغلبة الغالبة من المجتمع كانوا سُكارى أغلب الأحيان . لا ينتبهون للشيوخ الا عند (خت الحبل) فوق إحداهن. وهو عقدة النكاح. و تلك حقيقةٌ . فاعذريني يا بت الشيوخ.)
(عدل بواسطة دفع الله ود الأصيل on 03-03-2022, 05:04 AM)
|
|
|
|
|
|
|
|
Re: Rمe: ♧ الخندريس £ (Re: دفع الله ود الأصيل)
|
▪قبال نمش بعيد من حكاية الدِّفَّير دي نذكر من مضحكات ناس ساس يسوس البغال و الحمير "لتركبوها و زينةً "فهو راجلٌ مسوِّسٌ بامتيازٍ. ▪فا داعمنا حاج البلة قام بي طشمة كدا رامي الطلاق فوق مرتو البِخَينة و بسبب تافه جدن : إنو لقاها مسوية المنجرية في غداها لًقمة بريدة بموية زرقاء ؛ و هي لأنها عكليتة وما من النوع الأحمق اللي أول تسمع: إنتي طلقانة تحمبك تختف توبا و تلحس راحاتا و فللي على بيت أبوها. ▪بالعكس خالتو البِخَيتة سوت شُغل تناحة الدولة العميكة ، فبعدما مرقت ضربت حماسيها في سداسيها و جاتو قالبة تتاوق بالشباك و ناغمتو : هييي آالبلة ود عمي خلاس ما تزعل بفقع ليك فوقا بانضورة ، أها بترجعني في مسماي؟ و يلا فضلت تناور يوماتي بتجي تتنصت برقراق الباب، فعسى و لعلو ربنا يفرج الحال و الصنارة تغمز تاني، وهو زاتو مشتهيها و حاسي بحركتا و عايز يجس نبضها ، رفع يدينو وقعد ينهم: يابوي الشيخ فرح ود تكتوك هيي تلحقني و تفزعني ترجع لي مرتي هسي دي، يلا زولتك ما صدقت طوالي جات دافرة الباب بي قرونا و تزغرت، يابا الشيخ يا (تكتكة)بشويشك عليا و ما تدفرني براي بمش. تخريمة سريعة : ♧ أها قالك: حزب المنصورة بجاي دفن رفاة أبوها المنصور، قدس الله سِرَّه و طيَّب ثراه و [دفرا] بجاي ترجع "تبرطع" مع قحاحيط الحرية والتغيير.
(عدل بواسطة دفع الله ود الأصيل on 07-31-2021, 08:24 AM)
| |
|
|
|
|
|
|
♧ ، المريسة، الخندريس الخمر«بنت الحان»£ (Re: دفع الله ود الأصيل)
|
[center ∆البوست مفتوح توثيقي بامتياز ، و لا يخلو بطبيعة الحال ، من طرائف و نوادر و مضاحگ أهل الگار.و لكن مستغرب أنو لسة مجمع و لم يتاوق فيه سوى أخينا النورس الحزين،جاء شاگيا من نوع الخط. ¶ فما معقول نفضل مبرطعين برانا (One Man Show) وعندنا گم مهول من بتاعين «السنة» لابدين في قاع البورد وهم مؤهلون بشهادة و جدرون جدن يفتونا لنا بما أن يقل به مالك في المدينة و أبو وناس في الخمر و الغلمان. ∆ فخلونا گدي ننتهزها فرصة سانحة لنتوجه بنداء عاجل لحبيبنا الغايب عن عيني .. و بس خاضر في قلبي شيخ عروبنا العبار/ بريمة، كما تخلو تسميته لدينق ، علما بأنو عبار بريمة بتاع غباشة روب قراح غير تسكر لا قبيله و لا حتى كثيره.
| |
|
|
|
|
|
|
Re: ♧ ، المريسة، الخندريس الخمر«بنت الحان»£ (Re: دفع الله ود الأصيل)
|
هاكم دي رمية من عمنا جقود دافنشي فيها مراشقات إخوانية ناعمة ولا أطعم مع حبيبنا وشيخ عروبنا بريمة بلل الشيب Quote: وليد بقارة حلاتو بي النضارة كويس جيت هنا **** توقيع جقود الجديد ارض سلاح في ديوان ود الاصيل كان منعوني من الريد. قلنالو يا عمو والجدي البحلمبو بر جع تاني للعرقي ومبيت الكمبو
|
قلنالو:شغلك نجيض يا عمو جقود و بركة البقينا (تاية) ولا حتى (إنداية) لي لمة الحبان. و كان لينا مراد نفتح دكان ود البصير هنا.
| |
|
|
|
|
|
|
Re: ♧ ، المريسة، الخندريس الخمر«بنت الحان»£ (Re: دفع الله ود الأصيل)
|
+ليس بعيداً عن الكنابي و هي منتشرة عندنا في ربوع جزيرة واغ الواغ تقطنها قبائل شُركيلة و تامة وبرقو جاء بهم إلينا جني القطن حتى استوطنو في قرى اساميها تقطع الوضوء و الخميرة من بيت النمل، ناس كجنة و حشرات و فج الحلا والوالي دقس بأرض المحنة و في قلب الجزيرة على ضفتيها بالهوج والرهد و قد ظهرت لهم الآن طبعن أصوات تنادي بحق المواطنة و لهم منا كامل الدعم في ذلك. +الشاهد عمنا بلة ود حامد ود عوض الكريم قدس الله سره و طيب اثرة و أندى ثراه من قرية أم شانق حاج إبراهيم شعال أخصائي لياس لجدران بيوت بزبالة روث البهائم و أحياناص بعر البني آديمين و سوقنا هناك يومين في بحرالأسبوع هما بالنسبة له عطلة رسمة سواء مدفوعة أو منزوعة الاجر ما فارقة ، ففي يومه ذاك وكعادته ،خلع ثياب المهنة وتوجه إلى حيث الأنداية في سوق أم شانق ود سعد المجاورة ، و قد سلك إليها ديداباً يمر ششاقاً جبانة التُّرَب( المقابر). + هناك لقى ليه كرتونة أو قُفة مكفيةً وهي تتموج و تضطرب كأنها جانٌّ ف"ولى مدبراً ولم يُعقب "، متوجساً مها خيفة ً بادي الرأي، و يلا راح ينده و ينهم في أهل أب حراز أسيادي و جميع ليهم بنادي ؛ما خلا دفع الله أبو صويان الدفق الوبان ، الشريف نسبو.. الجر الشمش مع ا لملايكة ماغلبولا يوسف أبو شراء سابق "يا"، ولا أبو عشة التور،لا جدي العليش القلب القطنعيش ـ لا عبد الباقبي أرزق طيبة غرار العبوس دار الكمال ونقاص دوبة حليل أبوي اللي للعلوم درَّاس ، و لا حتى تور عفينة الشين الشيخ عوض الجيد البجيب البعيد ، إلى أن تبين له أن بداخلها كان عتوداً (سخل ماعز) حي يُرزق فتأبطه رزقاً ساقة الله إليه مستأنفاً طريقه إلى الإندية و هناك استل سكينه و بادربذبحه على الفور من الأضان + لللضان وباشر سلخه و تقططيعه و سلمه لتام زينو لتشويه الشاهد، في الأثناء كان هناك نديم آخر يسترق السمع و يطيل النظر إلى عمنا بلة ، إلى أن حملة الفضول على سؤاله : يا بلة إت العمبلوق دا هولك ول سارقو؟!عمنا بلة رد على سؤاله صاعاً بصاعين: أها و أن يا ود أبو الزين مالك بتسعل ، نعلك مودر لك بهيمةً من مراحك؟ داك أكلا في الللباد وقاللو ما ني مودر ،علا دا عتودي و إت لقيتو أنا ملبدو في المقابر قلت بعد تخف كراع الغاشي و الماشي للسوق . لكن عمنا بلة ناقشو من البداية، قاللو ياخوي سراق سرق سراق، تحين جر بنبرك و أدن جاي بي عبار مريستك و تعال نمزمز ونشرب سوا
(عدل بواسطة دفع الله ود الأصيل on 05-31-2022, 11:50 AM)
| |
|
|
|
|
|
|
Re: ♧ ، المريسة، الخندريس الخمر«بنت الحان»£ (Re: دفع الله ود الأصيل)
|
غايتو قصة مجلس الخليفة ووصفه للزول البخاف من الله وما بخاف منه ، والبخاف منه وما بخاف من الله ، والثالث الما بخاف من الله وما بخاف منه ،قصة ولا قصة الف ليلة وليلة .. ....شكرا دائما بتطلعنا من حالة الاحباط والياس البنعيشها من عمايل البرهان وحميدتي عشان نبتسم ولو للحظات ...ونعود نفكر في حالة الوطن الحزين والله يديك الصحة والعافية
| |
|
|
|
|
|
|
Re: ♧ ، المريسة، الخندريس الخمر«بنت الحان»£ (Re: دفع الله ود الأصيل)
|
+ اتنين فِرَد سنسنة و احد متوفي ليه عزيزٌ لديه والتاني كان طانشو رغم إنو كان حاضر جية الخبرية الفاجعة و الجماعة ركبو الزوامل من خشم بيتو و مشو اداء فروض العزاء وكان الصاحب بالجنب دا هو بس الغائب الحاضر على لسنات الخشامة .وحتىلامن لاقي صاحبو وعااتبو قعد يفتش للأعذار ما لقى حاجة يكب بيها زوغبير فاضطر يرفع كثافتو زيادة قاللو :والله عاد بعدا ما فضل لي عذر علا غايتو بس أقول ليك عدم عنية ساكت وقشها لينا في وشنا. + فعشان يصلح غلتتو بقى مراقب زولو لامن رفعا لفراش وجاتوالقريفة و هفت ليو مشى الأنداية، فبقى مباريه بالطوالة لامن دخلوقعد و جاء داخل وراه قرص الخادم الفدادية قالليها تدنكلي لينا صحن مزة ومعاه قزازة كرستال من عبقري الرباب نصيح من النوع داك البعد ما يقطرنو بالبوصة يخترن فوقو صُنان اباطاطن لزوم التعتيقة ، يا زول ، دا يرمي القرنتية و يدور البابور و أول ما المرة ختت لعمك المجعول قدامو ظهر ليومعاها صاحبو و وداير يشيل ليه الفاتحة ، لكن زولو نقش الهدية منزولو ، فطوالي عمك طفر قايم و قلدو وقعد يبكي قاللو: يازول أت بتعزي و لا بعزوك ياخي الفقد واحدـ و علا الله الفُراش هنا ولابلاش.
(عدل بواسطة دفع الله ود الأصيل on 09-10-2023, 02:20 PM)
| |
|
|
|
|
|
|
|