|
|
|
 Re: يا اخوتى تعالو فضو الاشتباك المدام رسها و (Re: بدر الدين الأمير)
|
كتير من السودانيات العلم ما بغير في عقليتها التقليدية
وفي النهاية يا تنجح في تحريرها من تأثير الثقافة التقليدية
والناس يقولوا علينا شنو.. ونحن مقتدرين لو ما ضبحنا
والأقل مننا ضبحوا تبقى عيب في حقنا. والأولاد لازم ما نظلمم
وتشد الحبل شوية شوية لحدي ما توصلك المربع بتاع الثقافة التقليدية
وتكون إنهزمت يعني غيروك وما غيرت
| |
 
|
|
|
|
|
|
|
 Re: يا اخوتى تعالو فضو الاشتباك المدام رسها و (Re: muntasir)
|
يا منتصر انت مالك يعني ما عارف ود الامير ما من المله حقتنا ومن زمن بس بنقول اخونا سوداني لكين قصة اسلام دي ماعندو
العروب دا كافر ما مسلم يضبح شنو يا أخو انت خلي يشتري خروف احتفلا بالعيد زي سعادتنا كدا ويشتري كرتونة ويسكي
والسلام خاتم
| |
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: Yasir Elsharif)
|
الضحية دي زي البدعة وما بعرف أساسها شنو. زيها وزي زكاة الفطر. لا، زكاة الفطر هي أم البدع، وأكثر بدعةً من الأضحية.
أنا مسلم protestant في الحاجات دي لأني ماني قادر أفهم أصلها شنو. اليهود قال الذبيح اسحاق، نحن جينا قلنا ليهم كسر رقبة كدا الذبيح هو سماعين ونحن لازم نضبح كبش أملح أقرن وكل صفات الخرفان السمحات. وزكاة الفطر دي دخلت في مشاكل بسببها مع الأخوان والأصحاب. قالوا فرض على كل زول حتى لو ولدوه الليلة دي!!!! طيب يا العشا أب لبن، داير تديها منو بعد تجمعها إذا انت فرضتها حتى على الرضيع؟
الأضحية برضو ما مقتنع بقصتها من أولها لآخرها وأنا مصدّق اليهود، لأنهم الأصل. لكن لو المراة ضغطت عليك أتوكل واشتري لك حمل مضبلن وكافي البلاء بالبليلة.
أنا جربت الأضحية دي مرة واحدة وكنت مجبور. وزكاة الفطر أصلاً كانت وما زالت بالنسبة لي لغز ومضحكة وهبل. زكاة مفروضة على الجميع؟ الفقير والغني والفقير والرضيع حتى.
في بزنس ديني جاري في الشغلات دي.
| |
|
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: بدر الدين الأمير)
|
يا عبداللطيف
حانعقد اليوم جلسة مباحثات
حول خروف الضحية وحايدر
الجلسة امير بدرالدين ذو الستة سنوات
ونا بينى وبينك حنكت امير وقلت له بدل
خروف الضحية نمش نقضى يوم فى المدينة
المائية هنا في قطر عملو مدينة مائية قرب الحدود
القطرية السعودية فيها شلالات ونوافير واوحواض سباحة
والعاب مائية وعييييك على قول الرطانى بشاشة بس ربك
يبعد عننا الشرير انور عقد الجلاد شايفو ادى المدام الوصفة
بتاعت شربوت عرب الجزيرة انت بس دعو لنا بالانتصار على
الاعداء
| |
|
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: بدر الدين الأمير)
|
شانتير
كلامك وقع لى في جرح بس
شنو البقنع فلانة تصدق هى
استاذة جامعية لاكثر من عشرة
سنوات يعنى خرجت اجيال وبتسمع
كلام نسابتها وانو الاصول الولد يتربى
على الاصول ويعرف ضبح الخروف فى
عيد الضحية ومايسمع كلام ابو المتفلت
يعنى انا مصنف حميدتى في صمة خشمى
وشكرا حمدوك وسلمية سلمية ضد عادات
عرب الجزيرة
| |
|
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: بدر الدين الأمير)
|
ههههههههههههههههه
اميرنا البدر
حياك الله و ابقاك
و تضبح لعشرات السنين لقدام
و انت كما انت جمال و اناقة و صحة و عافية
..
انا مع كلام حبيبنا منتصر
لو الكمونية و ام فتفت و المرارة و الذى منو ..حيزين الصينية
جاهزين للضبح
ولو انو كل مرة نتقشا زى الشفع
ينضفوه و يختوه ف الفريزر .. ثم ينسوك .. ثم يرموه
...الله غالب
شوقى للضحية ف السودان
و الظروف لا تساعد
..و عيد سعيد .. و شية شهية
و شربوت منعش مع قليل من السفن اب هههههههه
و كل عيد و عام و انت و الدكتورة و اميرنا الصغير بالف خير
| |
|
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: محمد بدرالدين)
|
الامير الجميل .. تحياتي
ربنا يديم المحبة بينكم وحفظكم من كل سوء
طبعا نحن ناس ضواحي الدنيا والجيل داك
ما شاء الله انتو منفتحين للاخر ..
الخروف عندنا هنا 90% وأكثر من لحمه يستهلك في الغداء
والعشاء الشباب من الجمعية ما شاء الله معسكر من الغداء وحتى بعد منتصف الليل
كمان الكوتشينة والونسة .. كل يوم عند عائلة
عيد سعبد وأدام الله سعدكم
| |
|
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: محمد بدرالدين)
|
الحبيب الامير الرائع
احتلال حلفاوي ودنقلاوي ( رطانة كما تسمينا )
حبيبنا محمد بدرالدين يا سلام .. ديل أحفاد سيد تلول
دي حكاية عن سيد تلول ( شوف كيف حاضر البديهة )
أيام الانتخابات والاحزاب
Quote: في اخر انتخابات ديمقراطية تذيل مرشح الجبهة الإسلامية عوض داؤود
قائمة مرشحي الدائرة 58 منطقة المحس والسكوت والتي فاز فيها الاستاذ
/محمد صالح ابراهيم مرشح الحزب الشيوعي، وكان العم والحكيم النوبي ( سيد تلول )
مساندا لمرشح الحزب الشيوعي ،استنكر عوض داؤود أن يساند سيد تلول
مرشح الحزب الشيوعي قائلا: يا سيد انت كيف تأيد محمد صالح الشيوعي؟
فأجابه العم سيد ببديهته الحاضرة:
نحن مهمد سالح عاوزينو يمثلنا في البرلمان
ولو عاوزين نرسل حد عند ربونا..
ح نختارك انت |
| |
|
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: بدر الدين الأمير)
|
ود الأمير بالله إنت ضابح هنا وما شاء الله ضيوفك كلهم من أندينا مع بعض الأجانب (وجه ضاحك نختو كيف ما عارف هههه)
يا زول الجرسة ليك شنو وإنت بتاع أم فتفت ومرارة وكبدة نية وبلاوي تانية مع كاسات الهوي والحب --- خروف سوداني كامل
الدسم بي 780 ريال في شركة وندام مضبوح جاهز ومقطع بي مزاجك تستلم من الشباك وترش البنقالي 10 ريال عيدية وبقشيق
ولو عايز من عرب الشحانية تسوق الخروف سوداني بـ 650 ريال والضباح 100 شغل نضيف مية مية وشية علي كيفك
والله تمشي أكوابارك وكافتيريتهم 1500 ريال ما تحلك فأعمل حسابك الأمير ما يضيعك زي ما قال خضر والولد شيطون من يومه
فأحسن تسمع كلام زميلة المنبر النجمة وأمشي ضبظ الشربوت من هسه ومهرجان التمور شغال في سوق واقف والله يحب المحسنين.
| |
|
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: محمد محمد قاضي)
|
Quote: المائية هنا في قطر عملو مدينة مائية قرب الحدود
القطرية السعودية فيها شلالات ونوافير واوحواض سباحة |
فعلا بديل جميل ، لكن بعد تضرب الخروف ..
انا جيت قطر زيارة 6 شهور سنة 1999 والخروف اشتريناهو جاهز لافيهو
جلد لاكمونية ، مشينا اشترينا فحم عشان نحس بالعيد البنعرفو ، اها كما وين
(الشفع ) البتلموا ساعة الضبيحة والكواريك العويرة الذيذة ديك
غايتو نص عمركم ضايع هههه
| |
|
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: بدر الدين الأمير)
|
محمد القاضى
طبعا احسن ضلع ممكن تاكلو
هو بيت خالك صلاح عبدالله
العجب لو تسلطن ومسك العود
ودندن لعثمان حسين انت تانى
مابتطلع من بيتو بس ناس الابيض
لايعلا عليهم في المشاوى خلينى اجى
اسوقك انت وبدوى الدويم خضر الطيب
ونفطر يوم العيد عند مولانا ود الابيض
سعادة المستشار بشير معروف انت مابتعرف
تاكل شنو وتخلى شنو دا غير شربوت القنقليس
وتبا لبشاشة وعرب الجزيرة
| |
|
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: muntasir)
|
ياجماعة
الاخ والصديق العزيز عبدالعزيز السليطى
رئيس مجلس الادارة فض الاشتباك ورسل
رسالة لزميلة المنزل مافادها خلو المندب يجى
ياخد لكم الزبيحة متى ماتقررو لكن تعالو شوفو
الحاقدة عملت شنو
رسلت لى رسالة بكشف طلبات
اولا دايرة اتنين شغالات يساعدوها فى الخدمة
وديل بشتغلن بالساعة ولازم يتم الحجز من الان
وتانى كمية الطلبات بصل ابيض وبصل بنفسجى
وكمين من البهارات من ضمنها لبن الطير دا غير
الخضروات والفواكه والعصاير والكسرة الجاهزة
ولازم تكون شغل بيت يا اخونا اقنعو الزولة دى
خلوها تطلقنى
| |
|
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: بدر الدين الأمير)
|
Quote: الحاقدة عملت شنو
رسلت لى رسالة بكشف طلبات
اولا دايرة اتنين شغالات يساعدوها فى الخدمة
وديل بشتغلن بالساعة ولازم يتم الحجز من الان
وتانى كمية الطلبات بصل ابيض وبصل بنفسجى
وكمين من البهارات من ضمنها لبن الطير دا غير
الخضروات والفواكه والعصاير والكسرة الجاهزة
ولازم تكون شغل بيت يا اخونا اقنعو الزولة دى
خلوها تطلقنى |
شغالتين ؟ اصلو شنو هي جايبة خروف و لا ديناصور
يا زول بتنجزو براها العيد الفات كان معاها شغالة واحدة بتغسل بس و انحنا كنا عشرة وبهناك كان معاها صاحباتا
و زوجات اصحابنا و اطفال
و امورنا كانت طيبة ما شاء الله طباخة ماهرة ربنا يديها الصحة و العافية
بعدين البهارات و الخضروات و الفواكة ولبن الطير دي كلها ما عندكم
اذن تمشو تعيشو في الصحراء الضب بكون ما عندو الحاجات دي و بعيش
هسي عليك الله انت يطلقو ليك شنو ؟
ياخ الدكتورة دي متبنياك عديييل عشان تكسب ثواب ربي يجعل كل ثانية في ميزان حسنات ام امير
ياخ دي كونها تتحملك انت و أمير و الله بالغت
هسي المهم انتو ضابحين متين ؟ بس عاوز اسأل شيخ ابو الزوز .. هل تجوز الضحية بخروف الصدقة يا شيخنا بارك الله فيك؟
هاك الكضباشي دا
https://www.0zz0.com
| |
|
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: بدر الدين الأمير)
|
| Quote: لايف دالي الآن موضوعه الضحية |
دكتور ياسر لك التحية
انتو من زمن محمود ضد الأضحية ، وكل عام يزداد الناس به تمسكا بالرغم من اسعارها التي صارت خرافية ،،،
لا دين محمود ولا الفقر استطاع ابطال الأضحية ، حقو تشوفوا شغلة تانية بدلا من الاصرار على دخول معارك نتيجتها حتمية ......
عيدكم مبارك جميعا
| |
|
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: بدر الدين الأمير)
|
ود الأمير ده يا شباب ما عندو موضوع وعايز "يسولف" ويتونس ويقضي بيكم وقت -- قوم يا عاطل شوف ضحيتك
الزول ده معلوم عنه الكرم وصاحب أيادي بيضاء وبتاع قعدات ومزات ومسرات وليالي أنس وعربدة وحاجات تانية
وبعدين ليه أكتر من أربعين سنة حضر ونظم وأكل و"شرب" وخلص علي كل البوفيهات المفتوحة في جميع فنادق
ومنتجعات ومطاعم الخمسة ستار والسبعة ستار في قطر ومن ثم رجع يورق الملوخية وينضف البامية ويلخ العجين
ويقطع السلطة والسيجار في قدومه والكأس مجراه الشمال ههههههه # فشكرا نجمة
بالله يا ود الأمير تحياتي لإبن كردفان مولانا المستشار بشير عبد الله معروف والله إفتكرتو رجع آخر مرة قابلته قبل
حوالي أكتر من عشرة سنين في منزل أخونا عبد الله جابر في حفل إستقبال أمير المجانين جابر جمعة سهل - زمن
لاحظ كل المستشارين القانونيين في قطر تقريبا من مظاليم الكيزان الملاعين أمثال بشير معروف وبشير معاذ ومحمد
المصطفي حمد والأمين مستور ود. خالد إبراهيم وعبد المنعم أبو تفة ووووو فلهم التحية والتقدير ولنا الفخر والاعتزاز
| |
|
|
|
|
|
|
|
|
|
Re: يا اخوتى تعالو فضو الاشتباك المدام رسها و (Re: بدر الدين الأمير)
|
تواجهنى مشكلة ومشكلة صعبة جدا
ماعندى لاصديقة ولاصديق بيطرى
وانا تاجر الترجمة
في ظل الكرونة ممنوع
الذبح في البيت تنسق عن
طريق التطبيق وجيك خروفك
مضبوح جهاز من الكمونية للراس
حاولت افهمهم اي ناس المسلخ اهم حاجة الاتى وهو اهم
عنصر في المراراة وبكون مجاور للكبد
اناس المسلخ ما فهمونى وماقادرين يفهمو
قصدى اتصلت بالصديقات والاصدقاء المترجمين ومعظمهم
من الجنسيات العراقية اللبنانية السورية المغربية عشان يترجمو
يعنى شنو كلمة اتى عشان ارسلها لناس المسلخ مافى واحد فيهم
قدر يفهنى وقالو لى رسل صورة الاتى عشان نترجمها لك هنا وفي
سرى لعنت سلسفيل بشابشة وعلى عبدالوهاب وقلت قطع شك الكلمة
كلمة رطانا وشاكلتهم وقلت لهم انتو البشير فى افتتاح سد مروى لمن
قال للمحكمة الجنائية الدولية قراركم دا سوطو واشربو مويتو ترجمتوها
كيف قالو خمنا قصد البشير بالعامية السودانية بس انت الان يابدرالدين
ودك تاكل كبدة وكرشة وفشفاش من غير نار بس المهم عندك هو الاتى
الماقادر تفهمنا هو شنو
عملت رايح ويروح دينى زاتو
| |
|
|
|
|
|
|
| |
بدر الدين الأمير
زهير عثمان حمد
عبداللطيف حسن علي
Yasir Elsharif
Shinteer
محمد بدرالدين
خضر الطيب
علي عبدالوهاب عثمان
محمد محمد قاضي
نعمات عماد
فيس بوك
تويتر
انستقرام
يوتيوب
بنتيريست