|
|
|
 Re: بت سودانية تعنفنا لنشرخبر زواج القونه عاش (Re: زهير عثمان حمد)
|
سلام عليكم
يمكن نظرتى مختلفه عن المحتجات والمحتجين
لكن احيانا مجالس المدينه والوسائط قد تصنع قيمه وتخلق رموز هم مش دون المستوى وانما رموز وجه اخر للمجتمع بحتاج النقد والمعالجه
سواء كان ديل بيقولو عليهم فنانين او شعرا .....الخ وهم يمقلو تردى لكل مجال يدخلوهم
ديل اصلا زى الشهاب يلمع فجاءه ويجبو لكن تناول الوسائط وجالس المدينه ليهم يعطى هم زمن لمعان اكبر
الوسائط ذاتها خلقت مشاهير مشكله انهم لاقيمه لهم سوى تقديم محتوى فارغ اقرب للتخدير لايقدم شىء للمتلقى زمنهم من تلقفتو القنوات عشان تستفيد من الشعبيه والمتابعين ليقدم برامج (ويجذب اعلانات) ودا الاهم
طبعا فى النهايه المجتمع حر فى خلق رموزو كدا ولا كدا
لكن نفتقد فى اعلامنا لصفحات اخبار المجتمع اللى دائما بتكون ناقله لاخبار ديل اضافه لدور بين العلاقات العامه والتابلويد
لذلك نلتمس العذر للغاضبات والغاضبين لانو الواحد فى الوسائط يقعد يقلب ويفتش لانو كل شىء محتلط ببعضو
زمان كنت اقرا مجله صباح الخير الواحد يكون عارف الترتيب ويملك الخيار مثلا مفيد فوزى وناديه عابد وعبدالله الطوخى وفاكهه العدد (عندى) كان منير عامر والتحقيقات الاستقصائبه اما صفحات اخبار الجتمع وتابلويد الفن كانت مجرد مسار عبور للصفحه الاخيره
الان اختفت الورقيات واصبحتصفحات الوسائط هى البديل
تحياتى
| |
 
|
|
|
|
|
|
|
 Re: بت سودانية تعنفنا لنشرخبر زواج القونه عاش (Re: زهير عثمان حمد)
|
بالله عاينوا ابوالزوز دا
ياخ انا في 2015 شهر 8 في القاهرة
اها في مرة كدة في احتفال سمعت واحدة نطقت اسمك وهي قاعدة في طاولة كلها بنات شباب
قلت يمكن تشابه اسماء.. قمت مشيت جنب الطاولة حقتهم وسالتها حتى اتاكد
قالت نعم هو الاستاذ /زهير عثمان حمد وهو موجود الان في القاهرة وبكتب في سودانيزاون لاين
ياخي انت علي الايمان زول صاح ... وبشهادة التاس.
الغنماية تاكل عشاي قال
| |
|
|
|
|
|
|
| |
زهير عثمان حمد
محمد البشرى الخضر
Asim Ali
Ahmed Yassin
عزالدين عباس الفحل
فيس بوك
تويتر
انستقرام
يوتيوب
بنتيريست