فاطمة السمحة

Quote: فاطمة السمحة ««::::»»««::::»» كل ما جاءت سحابه تقوقي عشمانه الأمل الفوق الحته توزع المطر البيهو نزرع تدي الشوق مساحة إلفة تضم الناس منحه وريده جاءتنا الريح تكندك فينا حامله صغارا همها تسرح تغلب وتقلع تذبح في باقي شبابنا دراويش الحلة قعدوا يعوعوا انو المطر من غضب الله إلا نتوب نرجع لله إنو الحاكم جاي من الله ود الامين ود الحلة مما قام زاني وقاتل يسرق عيش يادوبه مبتق فوق للأرض ينهب ويمرح فوق للبرش إمام الحلة كان لنعلاتو بوت وسفنجه وكت يتنحنح يقول شرع الله ناسي المقبرة كانت جماعة إلا الحلة قعدوت تكورك الروراي وصل السهلة شال القبلي مطراً لينا كانت معاهو اكبر صفقة باقي الظلمه بقت تتسحب إلا الراعي نادي غنماتو صنقر قعد فوق للحته جوه عرباتو خته حجباتو فاطمة السمحة الحمل الشايل ناساً قالوا باكر توضع وحدين كذبوا لسه شويه كان بتتوجع كانت ولدت اصلو الوجع ما بستنى اصبروا شوية كل طلق ليهو إشارة إلا حمل خاتي علامة عشق البوخه وكت المرقه جابو حكيم جاي من بره فحص كشف رطن وعجن همهم وقال عدمان الدم من شريانا لازم تجهض قبل أوانه طلع رشته من الشنطة لازماً وصفه ودِرِب من بره قعدنا نطنطن ما رضينا تلك الوصفه لا جلكوز جاي من بره طلعنا الشارع الديمه يفسر لباقي الناس باقى معلم رفضنا الوصفة الباقية تأرق غنينالك أغاني تحير طعم الوعي الببقى نشيد ومشيناك بدون إلتباس خطاوي تغتح موج الضفة كل الخطاوي باقيه هدير ورتبناك لزمن جاي لسه في السكة طالع جديد ورشحناك للعرق البرشح يسيل فستان نيل غيمه وشاح ودم الناس الفجر اللاح إلا ود الامين الجره عصايتو باقي الدراويش السوه سواته مره يهللو مره يصيحو والدكتور ما هميهو إلا روشتة جاية من بره تعزز صلاتو في كرسيهو غلبو قعادو مره يعاين فوق للشارع مره يقبل يناظر عسكر إلا الشارع ألفاً أحمر عادل البراري ٠١ يوليو ٢٠٢١ الخرطوم - البراري