|
|
|
 Re: استاذ بياع تذاكر (Re: عبدالحفيظ ابوسن)
|
الحبيب أبوسن .. تحياتي
خبر محزن جدا لقد وصلنا لدرجة لا يمكن وصفها
بما أنني معلم سابق من الزمن داك
سبحان الله كنا نساعد أباء التلاميذ في كل مناسباتهم
شيء مؤلم جداً
التعيين كان 28 جنيه
الفائض من الراتب آخر الشهر تقريبا 20 جنيه اذا كنت في نفس منطقتك
مهما كان هذا السلوك لا يليق بالمعلم
ربما الكارثة الاقتصادية غيرت من سلوك الناس
والمعايش كمان
يخرب بيت الكيزان دمروا البلد
تحياتي الحبيب أبوسن
| |
 
|
|
|
|
|
|
|
 Re: استاذ بياع تذاكر (Re: علي عبدالوهاب عثمان)
|
سلام عليكم
بتذكر فى التسعينات وانا خريج جديد وظاهره الدروس والمعاهد وهلمجرا تحول التعليم لبيزنيس الاساتذه اصحاب الشهره و مراجعه الشهاده يؤجر الاستاذ قاعه فى كليه (الظاهره تقريبا بدت فى كليه الزراعه او معهد) ويكون العائد كبير بحسابات الايام ديك
بعض الاساتذه البسيطين بعد حضور الطلاب للفصل يبدا بجمع المال زى الكمسارى (حتى اطلق البعض علي نوع الحصص بالدفار).
دا حال البلد اهمال التعليم سيحول التعليم الى بيزينيس وتجاره ويتحول المعلم لتاجر يفاصل فى الاسعار بدلا عن ان يكون رسول قيم ومبادىء وحامل مشعل نور
.
حاليا التعليم والعالى على خط واحد
ناس التعليم العام نوعا ما متحدين والان فى عز معركه اقتلاع حقوق وتعديل هيكل مرتباتهم بما يتوافق ورساله المعلم ونتمنى يكون النصر حليفهم
التعليم العالى منهم من تسرب الى (كمتعاون) فى التعليم الاعام مستفيد من الدروس الخصوصيه ومزايا مؤسسات التعليم الخاص وحديث الم ووجع فى قروبات المطالبه بتعديل الهيكل الراتبى ورفع المرتبات لكن مشكلتهم عدم الوحده واستمرار الصراع حول تكوين نقابات تكون واجهه المطالبه بحقوقهم (ماعدا ج الخرطوم)
زالان بدت تتبلور موجه هجره جديده واستعداد لترك العمل مقابل اى عمل مجزى يحافظ على الكرامه الانسانيه
.
مستقبل التعليم قاتم حتى الطلاب هم ايضا فى صراع بين التخلى عن الدراسه او الموائمه قدر الامكان
ربنا يلطف
| |
|
|
|
|
|
|
|
|
|
Re: استاذ بياع تذاكر (Re: عبدالحفيظ ابوسن)
|
برضو معلمين علي ذمة السوشيال ميديا
وزارة (التربية) تفتح تحقيقاً في فساد وتلاعب بجلسة امتحان “الكيمياء”مقابل (50) دولار
الخرطوم- تسنيم عبد السيد
فتحت وزارة التربية والتعليم تحقيقاً في حادثة الطلاب المصريين، الذين جلسوا لامتحانات الشهادة الثانوية السودانية في مركز غير مخصص للطلاب الأجانب، بمحلية جبل أولياء، بأرقام جلوس “طوارئ”، وذلك مقابل (50) دولاراً عن كل جلسة.
في وقت كشف فيه عضو لجنة التفكيك وإزالة التمكين بوزارة التربية والتعليم، أبوبكر عبد العزيز، عن تورط قيادات لجنة المعلمين في مخالفة لوائح الامتحانات والإضرار بالأمن القومي. وأكد عبد العزيز أن رئيس لجنة المعلمين هو من أحضر أرقام الجلوس للطلاب الأجانب بالمركز الذي خُصص لهم داخل مدرسة في الكلاكلة.
وقال عضو لجنة التفكيك أبو بكر عبد العزيز لـ(النورس نيوز) إن هذه القضية كبيرة وتمس الأمن القومي، وسمعة امتحانات الشهادة الثانوية السودانية، لأنه وباتفاق مسبق بين الطرفين، كان يتم “فتح المراقبة” لهؤلاء الطلاب، منوهاً إلى أنه تم اكتشاف هذا التلاعب في يوم جلسة امتحان مادة “الكيمياء”، فهبت قيادات وزارة التربية والتعليم إلى موقع الحادث وتم نقل الطلاب إلى مركز الأجانب بـ”بحري”، ومن ثم فتح تحقيق عاجل مع أمين مخزن الامتحانات بجبل أولياء القيادي بلجنة المعلمين، وتم التحقيق مع مدير المدرسة التي جلس فيها الطلاب الأجانب بأرقام “طوارئ”.
من المعلوم، أن وزارة التربية والتعليم تخصص مراكز محددة للطلاب الأجانب وأرقام جلوس معينة، ولا يسمح لهم بالجلوس في أي مركز.
من جانبه، أكد أبو بكر أن التحقيقات ما تزال جارية، ولم يتم الكشف بعد عن مصير الطلاب أو المعلمين والإداريين المتورطين في هذه الحادثة
| |
|
|
|
|
|
|
|
|
|
Re: استاذ بياع تذاكر (Re: عبدالحفيظ ابوسن)
|
كنت اظن ان احد الاساتذة الاجلاء يبيع تذاكر سينما او حفلات محمد الامين
واضعف الايمان في السوق الشعبي.
اخر شىء كنت اتخيله يحصل في العملية التعليمية هو ببع حفلات الدروس.
| |
|
|
|
|
|
|
|
|
|
Re: استاذ بياع تذاكر (Re: Ahmed Yassin)
|
واحد رسل لي دى علي خلفية البوست وهو ما عضو هنا
♦️استاذة بمنطقة جبرة تجمع 2 مليار دفعه واحده بحصة مراجعه لماده التربية الإسلامية 😬
قامت احدى الأستاذات اللواتي يقمن بمراجعة لطلاب الشهادة السودانية بتأجير قاعة تسع ألفين طالب وطالبة وهي صالة الدوحة بجبرة، وكانت قيمة التذكرة ١٠٠٠ جنيه لكل طالب حيث تحصلت الأستاذة على مبلغ ٢ مليار جنيه سوداني (بالجديد) او ما يقارب ال5 الف دولار من حصة واحدة قامت فيها بمراجعة المنهج كله للطلاب، نسأل الله لهم النجاح.🙂
| |
|
|
|
|
|
|
|
|
|
Re: استاذ بياع تذاكر (Re: عبدالحفيظ ابوسن)
|
تحياتي اخي عبدالحفيظ
*
لكن لامن ألقى اعلان لاستاذ منزل صورتو واسمو ويعلن عن بيع تذاكر . ايوة تذاكر
تذكرة تخش بيها عشان يدرسك
عشان كدة انهارت شخصية المعلم في نفوس الطلاب والمعلم صار تاجرا جشعا يستغل المناسبات ليزيد اسعاره
الاستاذ يعلن عن بيع التذاكر قبل يوم الامتحان بيوم وبحدد سعر اكيد بكون اكتر من سعر الايام العادية
*
شيء مؤسف للغاية ومحبط
| |
|
|
|
|
|
|
|
|
Re: استاذ بياع تذاكر (Re: عبدالحفيظ ابوسن)
|
الليلة أبو سن ما جايينا بهدوءه المعتاد بل متحسر ومنفعل كعادتي أنا في المشاركات. لذا لا بأس من تبادل الأدوار الليلة واكون أنا الهادئ
صاحبنا من الدفعات الورانا بعد اتخرج اشتغل استاذ ثانوي وبقى مدير مدرسة وفي وقت من الأوقات عمل مدرسة خاصة قبل ما تحاصره الضرائب والمصروفات العالية ويرجع يشتغل استاذ في المدارس الخاصة تاني
آخر مرة نزلت السودان لقيته قاعد في بمبر ومولع صاج طعمية تحت كبري لأنه مرتب التدريس ما بفتح بيت !
في عام 2011 تقريباً مشيت قرية ود شنتور لي عزاء ولقيت دفعتنا في العزاء فلما سألته الجابه القرية دي شنو قال إنه بيدرس في مدرسة ود شنتور للأساس. وحكى لي إنه المدرسة فيه 4 أساتذة فقط بالمدير وإنه أي استاذ بكون بدرس فصلين في نفس الوقت، يعني تكتب لي ديل في السبورة تقول ليهم أنقلوا وتمشي تدرس ديلك شوية، وهكذا
قلت ليه كدة مستحيل الطلاب يفهموا أو يتفاعلوا مع الدرس وانت نفسك بتكون مرهق شديد، قال لي انت من زمن الأساتذة البفهموا الطلاب في الحصة! بتشرح البتقدر عليه وتطلع الفهم فهم الما فهم يفهموه أهله
ود شنتور تقع على ظلط الفريجاب وبينها وبين ظلط الخرطوم مدني 8 كيلو كلها مسفلتة. يعني ما بنتكلم عن ريف بعيد مقطوع!
ما عارف الحاصل على المدرسة شنو لكن بعديها بي كم سنة صاحبي دة كمل الدكتوراة واشتغل استاذ مساعد في جامعة قطرية
| |
|
|
|
|
|
|
|
|
|
Re: استاذ بياع تذاكر (Re: أحمد محمد عمر)
|
لو دخلت أي مدرسة حكومية حتتفاجأ بالوطاويط والمباني المهدمة والحمامات الما بتقدر تقرب بي جمبها. لأنه إذا كان فريق التدريس ما مكتمل تفتكر ممكن يوفروا فريق نظافة!!
مافي استاذ في التعليم العام عايش على مرتب الحكومة، وخلاص ما عاد التدريس رغبة زي زمان. بل كليات التربية ما بدخلها إلا الطالب الجايب خمسينات وما لقى كلية تقبل بيه
البكونوا متفوقين ما بدرسوا في الفصول الصغيرة وبستثمروا تفوقهم في تدريس طلاب الشهادة السودانية عشان دخلها عالي ولأنه ما أي استاذ بقدر ليها، كونك بتتعامل مع امتحان ما واضعه انت
يبقى نمرة واحد لا توجد بيئة دراسية سليمة
نمرة اتنين المعلمين عايشين على الكفاف، في نفس الفترة المذكورة أعلاه سألت زميلي بدرس في مدني الثانوية مرتبك كم؟ قال لي 650 جنيه
قلت ليه ومؤجر بيتك بي كم؟ قال لي بي 700 !!
الاستاذ دة بجي من المدرسة يتغدى ويلبس الأفرول يمشي المنطقة الصناعية يشتغل لحدي بالليل
| |
|
|
|
|
|
|
|
|
|
Re: استاذ بياع تذاكر (Re: أحمد محمد عمر)
|
في كارثة الناس ما واضعاها في الحسبان وهي المناهج
لو أي زول فيكم دخل موقع وزارة التربية والتعليم ولاية الجزيرة حيلقى جميع المناهج الدراسية .. أعمل يا إيدي شيليني واعزل أي منهج اتصفحه
حتتفاجأ بمستوى الإعداد!
مناهج منجورة من الراس وتفتقر لأدنى مقومات التصميم التعليمي
العلم في حياتنا، نحن والعالم المعاصر، القبس، الانسان والكون، الينبوع، النبراس ... دي أسماء مواد بالمناسبة!! والله صحي
المذكرات الكانت زمان بتتعمل للفصول النهائية بقت تتعمل لكل الفصول لأنه الكتب ما بتشرح حاجة! مجرد رطانة وحشو مبالغة
كتاب الرياضيات لأولى ثانوي 267 صفحة!
يعني حتى لو الطالب عاوز يقرأ براهو من غير استاذ ما حيقدر. لأنه مناهجنا دي ما بتتبع أي اسلوب تصميم تعليمي متعارف عليه، ليّس ليّس ببقى كويس
| |
|
|
|
|
|
|
|
|
|
Re: استاذ بياع تذاكر (Re: أحمد محمد عمر)
|
نجي لموضوع شخصية المعلم
الموضوع دة يا جماعة الزمن تجاوزه
داك كان في زمن سابق لما كان ما أي زول بقدر يدخل معاهد اعداد المعلمين ولا بتخرج منها إلا وهو مؤهل على أيدي أساتذة أجلاء تعليم انجليز
نحن في زمن الما عندو عربية ما عندو شخصية فما ممكن الاستاذ البركب معاك شماعة في المواصلات وبزوغ من بتاع الدكان عشان دينه ثقل تقول ليه خلي عندك شخصية المعلم!
الشهادة السودانية موسم .. بجي مرة واحدة في السنة زيها وزي الدراما الرمضانية
من حق المعلم زيه وزي أي صاحب مهنة يتكسب مادياً من المواسم! ما سمعنا بي زول بتكلم عن جشع الممثلين في رمضان ولا زول بشتكي من سعر الفنان تانية العيد
الاستاذ البدرس حصة خاصة في زمنه الخاص من حقه يتلقى مقابل مادي ليها
ومن حقه يتحصل على المقابل المادي دة بالطريقة البشوفها مناسبة
هو في النهاية مجرد فرد! ما عندو سكرتيرة ومكتب محاسبين
يعني لازم يتحصلها بمجهوده الخاص سواء كان في الباب قبل الدخول أو عن طريق تذكرة مشتراة مسبقاً
| |
|
|
|
|
|
|
|
|
|
Re: استاذ بياع تذاكر (Re: أحمد محمد عمر)
|
نجي لموضوع استاذة جبرة
مع الأسف رسالة الأخ دة ما بقدر اعتبرها غير حسادة منه
الجراح بخش المستوصف نص ساعة بعمل عملية زائدة ويطلع، في الاستقبال بلقى ظرف فيه 300 ألف بشيلها ويمشي
المحامي بياخد منك 10 ألف عشان يديك توكيل مطبوع مسبقاً
فني الصيانة بجي بفحص الجهاز ويصلحه في ربع ساعة وبشيل منك 20 ألف
اشمعنى المعلم بس الحاسدينو في النقاطة بتاعته؟
دي حصة واحدة في السنة! ودي المرة الوحيدة الممكن الطلاب يدفعوا فيها لاستاذ اسلامية! وبعد دة بتحسبوا قروشها في جيبها ودايرينها تعيش على مرتب الوزارة!!!
| |
|
|
|
|
|
|
|
|
|
Re: استاذ بياع تذاكر (Re: أحمد محمد عمر)
|
الخلاصة: الحصة الإضافية بمقابل مادي زيها وزي أي عمل إضافي في الدنيا
وزي ما الناس بتعلن لي شغلها من حق الاستاذ يعلن
وزي ما الناس عندها الوسائل البتتحصل بيها المقابل دة من حق الاستاذ يخلص قروشه
التذاكر وسيلة حضارية للمحاسبة والجانب التنظيمي فيها عالي جداً لأنه ما حيكون في ازدحام وأي طالب ما اتحصل على التذكرة ما حيخسر مشوار ولا حيضايق الناس الدافعة عشان تقرأ
التحية للاستاذ المبدع دة وفي ظل التدخل الحمدوكي وحربه على تغييرات المناهج وإبقاؤه على المناهج الحالية وإهماله لوزارة التعليم العالي لدرجة إقالة الوزير ثم ترك الوزارة حايمة ساي بلا وزير، ما عندنا حل غير الأساتذة، ولا الطلاب ممكن يفهموا بدونهم .. يعني (ممتحنون من منازلهم) دي تاريخ
شكراً للاستاذ صاحب التذاكر ولأنه حمدوك مواصل معانا فالتعليم حيواصل انهيار وما عندنا حل لأولادنا غير خبراتكم، ونتمنى السنة الجاية تكون التعاملات المصرفية أسهل، ويتم الدفع اليكترونياً
| |
|
|
|
|
|
|
|
|
|
Re: استاذ بياع تذاكر (Re: أحمد محمد عمر)
|
حبيبنا أحمد محمد عمر .. تحياتي يا جميل
يا مداخلاتك بالتسلسل اطفى الغضب الذي انتابني
لأنني معلم من الجيل القديم ..
شعرت بزعل
ولكن مداخلاتك هدأت من روعي .. كلامك واقعي
ورائع .. بفضل مداخلاتك بدأت أتعاطف مع المعلم
صورة حزينة يا الحبيب أحمد تدمي القلب
يا سلام لهذه التراجيديا .. رسمت صورة محزنة للمعلم
Quote: الاستاذ البركب معاك شماعة في المواصلات وبزوغ من بتاع الدكان عشان دينه ثقل تقول ليه خلي عندك شخصية المعلم!
الشهادة السودانية موسم .. بجي مرة واحدة في السنة زيها وزي الدراما الرمضانية
من حق المعلم زيه وزي أي صاحب مهنة يتكسب مادياً من المواسم! ما سمعنا بي زول بتكلم عن جشع الممثلين في رمضان ولا زول بشتكي من سعر الفنان تانية العيد
الاستاذ البدرس حصة خاصة في زمنه الخاص من حقه يتلقى مقابل مادي ليها
ومن حقه يتحصل على المقابل المادي دة بالطريقة البشوفها مناسبة
هو في النهاية مجرد فرد! ما عندو سكرتيرة ومكتب محاسبين
يعني لازم يتحصلها بمجهوده الخاص سواء كان في الباب قبل الدخول أو عن طريق تذكرة مشتراة مسبقاً |
شكرا أحمد .. تحياتي ( الحبيب احمد انت محامي خريج قانون ؟؟ ) ما شاء الله
التحية للحبيب أبوسن ..
| |
|
|
|
|
|
|
|
|
|
Re: استاذ بياع تذاكر (Re: علي عبدالوهاب عثمان)
|
بالله انتبهتوا لمداخلة الاستاذة امتثال وهي تقول:
Quote: طبعا يا ود ابو سن نحن ما ممكن نلوم الاستاذ ده ...ومفروض نسال نفسنا سؤال مهم : وهو : من الذي اوصل هذا الاستاذ لهذه المرحلة!!!؟؟؟؟؟
والجواب : الحكومات السودانية المفروض توفر الاحتياجات الاساسية للمواطن وتحارب الغلاء وتوفر السلع للاساسية باسعار معقولة يستطيع مثل هذا المعلم ان يشتريها بدون ان يسرق ... |
هنا بيت القصيد بالمنسبة للمعلم
في قريتنا الشوال (بالمناسبة ذكرى جنيف هرت الناس بس ذكرى الشوال ما فيش حد مهري) اشمعنا
نعود للقصة
في الشوال هناك سوق يوم الجمعة تأتي له القرى المجاورة والبعيدة قيلا ويرتاده جمع غفير
حكى لي احد الاصدقاء ان الاستاذ فلان من ابناء الشوال نزل المعاش منذ عشر سنوات او اكثر كان جالس على كرسي
ومر عليه صديقي هذا
فسأله يا فلان ممكن تشتري لي طماطم ؟
وصديقي هذا لم يدرسه هذا الاستاذ فقد درس من في سه بل من يكبره
قال لي صديقي: سقطت دمعة حييا من عيني
وقلتا ليهو يا استاذ الليلة قفتك كلها علي مش الطماطم
واعلموا ان هذا الجيل الذي بفضله وصلنا لما وصلنا اليه نحن كافراد
وهذا حالهم في الكبر
شئ محزن
واستاذ الشوال هذا مثال لكثر من الاساتذة والاستاذات
| |
|
|
|
|
|
|
|
|
|
Re: استاذ بياع تذاكر (Re: علي عبدالوهاب عثمان)
|
بالله انتبهتوا لمداخلة الاستاذة امتثال وهي تقول:
Quote: طبعا يا ود ابو سن نحن ما ممكن نلوم الاستاذ ده ...ومفروض نسال نفسنا سؤال مهم : وهو : من الذي اوصل هذا الاستاذ لهذه المرحلة!!!؟؟؟؟؟
والجواب : الحكومات السودانية المفروض توفر الاحتياجات الاساسية للمواطن وتحارب الغلاء وتوفر السلع للاساسية باسعار معقولة يستطيع مثل هذا المعلم ان يشتريها بدون ان يسرق ... |
هنا بيت القصيد بالمنسبة للمعلم
في قريتنا الشوال (بالمناسبة ذكرى جنيف هرت الناس بس ذكرى الشوال ما فيش حد مهري) اشمعنا
نعود للقصة
في الشوال هناك سوق يوم الجمعة تأتي له القرى المجاورة والبعيدة قيلا ويرتاده جمع غفير
حكى لي احد الاصدقاء ان الاستاذ فلان من ابناء الشوال نزل المعاش منذ عشر سنوات او اكثر كان جالس على كرسي
ومر عليه صديقي هذا
فسأله يا فلان ممكن تشتري لي طماطم ؟
وصديقي هذا لم يدرسه هذا الاستاذ فقد درس من في سه بل من يكبره
قال لي صديقي: سقطت دمعة حييا من عيني
وقلتا ليهو يا استاذ الليلة قفتك كلها علي مش الطماطم
واعلموا ان هذا الجيل الذي بفضله وصلنا لما وصلنا اليه نحن كافراد
وهذا حالهم في الكبر
شئ محزن
واستاذ الشوال هذا مثال لكثر من الاساتذة والاستاذات
| |
|
|
|
|
|
|
|
|
|
Re: استاذ بياع تذاكر (Re: علي عبدالوهاب عثمان)
|
بالله انتبهتوا لمداخلة الاستاذة امتثال وهي تقول:
Quote: طبعا يا ود ابو سن نحن ما ممكن نلوم الاستاذ ده ...ومفروض نسال نفسنا سؤال مهم : وهو : من الذي اوصل هذا الاستاذ لهذه المرحلة!!!؟؟؟؟؟
والجواب : الحكومات السودانية المفروض توفر الاحتياجات الاساسية للمواطن وتحارب الغلاء وتوفر السلع للاساسية باسعار معقولة يستطيع مثل هذا المعلم ان يشتريها بدون ان يسرق ... |
هنا بيت القصيد بالمنسبة للمعلم
في قريتنا الشوال (بالمناسبة ذكرى جنيف هرت الناس بس ذكرى الشوال ما فيش حد مهري) اشمعنا
نعود للقصة
في الشوال هناك سوق يوم الجمعة تأتي له القرى المجاورة والبعيدة قيلا ويرتاده جمع غفير
حكى لي احد الاصدقاء ان الاستاذ فلان من ابناء الشوال نزل المعاش منذ عشر سنوات او اكثر كان جالس على كرسي
ومر عليه صديقي هذا
فسأله يا فلان ممكن تشتري لي طماطم ؟
وصديقي هذا لم يدرسه هذا الاستاذ فقد درس من في سه بل من يكبره
قال لي صديقي: سقطت دمعة حييا من عيني
وقلتا ليهو يا استاذ الليلة قفتك كلها علي مش الطماطم
واعلموا ان هذا الجيل الذي بفضله وصلنا لما وصلنا اليه نحن كافراد
وهذا حالهم في الكبر
شئ محزن
واستاذ الشوال هذا مثال لكثر من الاساتذة والاستاذات
| |
|
|
|
|
|
|
|
|
|
Re: استاذ بياع تذاكر (Re: عبدالحفيظ ابوسن)
|
لا ألوم الأستاذ على بيعه للتذاكر بقدر اللوم على عدم الإهتمام بالطالب (الدافع على الأقل).
الشايفنو الآن، لا فرق بين الطالب في المدارس الخاصة والحكومية.
الموضوع متروك بالمجمل على (ناس البيت).
زمان كانت (تذاكر) تنجح والآن باتت (تذاكر) تُدفع.
الله قادر
| |
|
|
|
|
|
|
|
|
|
Re: استاذ بياع تذاكر (Re: سامر دوشه)
|
حبيبنا سامر ... تحياتي
أنا مهتم بالبوست لأن التدريس كان مهنتي زمان
ولأن المعلم كان مميز في ذلك الوقت حتى في الترقيات
اسكيل ( J الى H ) في ظرف تقريبا ثلاث سنوات ونصف ثم ( DS) مباشرة بدون ( F)
ربما كانت اسرع الترقيات في كل المصالح
كنا نعمل بجد واصرار وتفاني بالاضافة الى المنافسة بين المدارس
كنا نعطي الدروس التركيزية مجاناً
درس عصر
وكذلك المذاكرة ليلاً
كلها بدون مقابل
عزاءنا الوحيد كنا نتباهى عندما تكون مدارسنا متفوقة
الحق يقال زمان كان العائد المادي ( الماهية ) مميزة
أنا أذكر أنني بدأت الوظيفة بـ 30 جنيه كان مبلغ كبير وخاصة نحن في ضواحي الدنيا
ما في صرف كل شيء من الساقية .. فقط ( السكر والشاي والزيت والجاز ... الخ )
العلاج والدواء مجاني في أقرب مستشفى بالبرقيق أو دنقلا
لو بالغت تصرف 10 جنيه .
مع جوع والمسغبة ( حتى الاسلام يرفع عن الشخص تطبيق الحدود )
لهم الحق في هذه الممارسات
مع التحية للحبيب أبوسن
| |
|
|
|
|
|
|
|
|
|
Re: استاذ بياع تذاكر (Re: علي عبدالوهاب عثمان)
|
عم علي مسكاقمي،،
Quote: كنا نعمل بجد واصرار وتفاني بالاضافة الى المنافسة بين المدارس
كنا نعطي الدروس التركيزية مجاناً
درس عصر
وكذلك المذاكرة ليلاً
كلها بدون مقابل |
ما ذكرته أعلاه ذكرني معلم الرياضيات/ محمود (من أبناء قبة سليم - السكوت) "مدرسة الكلاكلة الوحدة"
دروس العصرية وقتها كانت ب 250 قرش (طرادة) بعد صرحت إدارات التعليم رسمياً بالدفع مقابل دروس العصاري
والله أذكر بأن الأستاذ محمود كان يتناسى أخذ ما جُمع من نقود ويذكره أحد الطلبة وقت الدرس،
ويتنساها مرة أخرى في نهاية الدرس ، كنا بنجمع (الطرادات) ونرسلها مع أحدنا لمكتب الأساتذة لتسليمه،
يعني حتى ما بيعرف مين اللي دفع ومين اللي ما دفع،
في الوضع الحالي، التعليم يعتبر من الرفاهيات للأسف،
لأنو مقومات الحياة البسيطة باتت معدومة،
تحياتي ليك أستاذ علي وللحبيب أبو سن ،،
| |
|
|
|
|
|
|
|
|
|
Re: استاذ بياع تذاكر (Re: سامر دوشه)
|
أبداً والله يا عمنا علي
غير كمبيوتر الله والرسول دة ما عندي التكتح
تعرف! المشكلة هي النظرة لمعلم اليوم بعيون الماضي
لما كان الاستاذ مرتبه بعيشو ملك وكانن البنات بغنن جيب ليك معاك عريس شرطاً يكون لبيس من هيئة التدريس
الليلة التعليم العام مهنة طاردة تماماً لا يحترفها إلا مجبور أو منتظر اغتراب
الناس الآن بتتكلم باستغراب عن اساتذة ببيعوا الامتحان! مستغربين في شنو؟
قبل تمسكه امتحان اتأكد إنه شبعان أو حتى مكتفي مادياً، لكن زول ما لاقي حق المواصلات وتقول ليه أنعل الشيطان!
في النهاية حيظهروا ستة سبعة من مئات الآلاف المعلمين المفلسين ديل جاهزين لطرح ذمتهم في سوق الله أكبر
وبنفس طريقة الخريف البفاجئ المحلية كل سنة، بتتفاجأ إدارة الامتحانات بالشهادة كل سنة وبتحصل نفس المشاكل التي ظلت تحصل لمدة 20 سنة متواصلة بدون ما يفكروا في حل جذري
| |
|
|
|
|
|
|
|
|
|
Re: استاذ بياع تذاكر (Re: أحمد محمد عمر)
|
تحياتى للجميع وتشكرو
يا امتثال واحمد وعلى
مافى زول بنكر سؤ اوضاع المعلمين . وانا ذكرت دة . لكن ما بنحط بالمهنة وهى مهنة تربوية في المقام الاول بالذات التعليم العام ما الجامعى . المعلم بربي وبعلم . صحى مصدر رزق ماقلنا شي لكن كمان احترم وظيفتها وخطورة السلوك السئ فيها . اشتغل دروس خصوصية دون ان تنسي انك معلم . المعلم الاشتغل طعمية ارتفع بالمهنة قبل ان ينحدر بها
نحن بنهاجم الاطباء مش في رسومهم العالية لكن في طريقة تعاملهم مع المرضى وتحصيل هذه الرسوم لانو الطب مهنة ذات خصوصية
المعلم لامن يتحول لفنان ومطرب مايلوم الطلاب لامن ينظرو ليهو كقونة
ومايلوم نفس الطلاب لامن يبقو رجال دولة وموظفين
كدة بساهم مساهمة مباشرة في الانهيار
نطالب بتحسين وضع المعلم ولا نرفض انحطاط المهنة
التبرير للخطأ ممكن ابررو بيهو لناس 9 طويلة زاتهم
| |
|
|
|
|
|
|
|
|
|
Re: استاذ بياع تذاكر (Re: عبدالحفيظ ابوسن)
|
بتاع الصيانة؟
معقول نقارن مهنة التدريس وما ادراك ما التدريس
بي بتاع صيانة ؟؟؟ السباك برضو بتاع صيانة.
بناء العقول وتربية الاجيال والامة..شىء مقدس
عموما...خلوتا نتجاوز انه المعلم ما لاقى ياكل
احترام المهنة التعليمية والنهوض بها ورفع شأنها اسمى
منى الاكل
| |
|
|
|
|
|
|
|
|
|
Re: استاذ بياع تذاكر (Re: Asim Ali)
|
ايوة يا عاصم
تحسين شروط عمل المعلمين
ووضع ضوابط لاختيار المعلمين
اولها التأهيل
لازم يكونو مؤهلين
الوظيفة الوحيدة المابتخضع لشروط تعليم تربوية الا الشهادة هى توظيف المعلمين
| |
|
|
|
|
|
|
|
|
|
Re: استاذ بياع تذاكر (Re: عبدالحفيظ ابوسن)
|
Quote:
الوظيفة الوحيدة المابتخضع لشروط تعليم تربوية الا الشهادة هى توظيف المعلمين
|
بالنسبه للمعلمين القدامى وديل بيكونو ااخدو كورسات تربويه شايف اغلب منتسبى الجامعه المفتوحه من المعلمين-فى تخصص المواد البدرسوها- لدرجه حسيت انها لو انسحب منها المعلمين حتكون خاويه على عروشها
لاحظ انو كليات التربيه بقى فيها اقسام تربيه اساس بخلاف الاقسام التقليديه فى التربيه لتخريج معلمين ثانوى
الوضع نظريا من ناحيه التاهيل للكوادر افضل من زمان المجال متاح اكتر للمؤهلين
المشكله بتاعت عدم التاهيل اكتر فى الناس الشغالين خاص
يعنى ناس التذاكر والقاعات ديل اغلبهم معلمين قدامى او ناس بنو الشهره فى المعاهد والمدارس الخاصه وديل اغلبهم ماناس تخصص اختارو تدريس المواد البتجيب قروش رياضبات فيزياء انجليزى واديك امثله من مشاهبر الرياضيات وبيدرس حصص فى التلفزيون اعرفو لما اتعين جديد (خريج هندسه مدنيه -دبلوم) وواحد تانى شغال من البيت دروس خصوصيه جودولو مليان رياضيات انجليزى ودا خريج اقتصاد ج جوبا رغم انز وجد قرص عمل فى المنظمات خلاها وقعد للدروس الخاصه. بالمناسبه من اكتر المؤسسات المحتاجه ضبط فى تعيين معلمين مؤهلين هى المدارس والمعاهد الخاصه
| |
|
|
|
|
|
|
|
|
|
Re: استاذ بياع تذاكر (Re: Asim Ali)
|
الحبيب عاصم ..
التدريب مهم جداً جداً بالنسبة للمعلم بدون تدريب لا يمكن تقديم حتى لو حصة واحدة
كان في زمنا تعيين جديد ( معلم متدرب ) لمدة 3 سنوات .. في الثانوية العامة زمان
في سنة أولى ( الصف الاول حالياً ) كان يخصص للمعلمين المتدربين وخاصة في اللغة الانجليزية
والعربية والرياضيات ..
كان المعلمين ( تحت التدريب ) دائما في الصف الثاني ( سنة ثانية )
تخيل كيف يتم تدريس اللغة الانجليزية بدون تدريب
كيفية تدريس الحروف ( A,B.C ) النطق سهل ولكن كيفية نقل المعلومة للتلميذ
كيف تجهز وسائل الايضاح
تقسيم الحصة الى فترات كل عشرة دقائق والخمسة دقائق الاخيرة مراجعة ( الحصة 45) دقيقة
كيف تعرف فهم التلميذ للدرس
مثال في اللغة الانجليزية كان كتاب ( محمد التوم التيجاني ) طريقة تدريس اللغة الانجليزية مهم جداً الحصة مقسمة بالوقت
والكورس ( سنتين) تفرغ كامل .. في بخت الرضا ثم انتقلت الى معهد تدريب المعلمين بأمدرمان الحارة الثانية ( تقريباً )
بعدها تتحصل على اسكيل اتش (H) وتكون معلم كامل الدسم يعني يمكن تدريس الصف النهائي ( الثالث )
ثم بعد ذلك المفتشين تقريباً كل ثلاثة شهور اذا لم تخني الذاكرة
مثلاً في اللغة الانجليزية كراس التحضير بالنسبة للمعلم لا بد أن يكون مطابق لما هو مخطط له وبالتاريخ على نسق يومي
ولا بد أن يكون مطابق مع مرشد التدريس ..
وتكون المتابعة 100% ولا يمكن التزوير في التحضير لأن كراس تحضير المعلم لا بد أن يكون مطابق لتاريخ كراس التلميذ
نفس تاريخ الواجب المدرسي كان التزوير مستحيل
الوضع كان في غاية الدقة .. المعرفة والعلم بالمواد سهل جداً جداً بالنسبة للمعلم ولكن الصعب والأصعب كيفية نقل هذه المعلومة الى التلميذ
مثلا كل يعرف ( أ ، ب ، ت ، ث ) ولكن كيف تنقل هذه المعرفة الى التلميذ هنا يكون سر ( التدريب )
كيفية التعامل مع التلميذ
الموضوع كان صعب جداً
وكانت الترقيات والعلاوات حسب تقرير المفتش
وفي حالة فشل المعلم كان عيب كبير وخجل حتى فرع النقابة
كان يتدخل لمعرفة سبب فشل المعلم في التقييم
أسوأ شيء كان المعلم الفاشل لازم يهرب حتى من البلد الى منطقة أخرى
تحياتي الاحباب الكرام
رجعتونا للزمن داك .. لكن كل زمن برجاله وحسب معطياته
التحية للحبيب أبوسن ..
| |
|
|
|
|
|
|
|
|
|
Re: استاذ بياع تذاكر (Re: علي عبدالوهاب عثمان)
|
عمنا الحبيب على
والدى معلم بتذكر كراسات التخضير بتاعتو (رغم انو خريج معهد امدرمان العلمى بالشهاده العالميه لكن اتعين فى التدريس بعد ماتم تدريبهم -الكلام دا فى الستينات)
الان حتى خريجى التربيه المفروض مؤهلين ماملتزمين بكراسه التحضير والوسائل التعليميه زى زمان
عندنا فى الجامعه بيستعينوا بينا فى زياره طلاب التربيه فى التدريب فى المدارس عشان تقييم جانب ماده التخصص والجانب التربوى بيكون بواسطه الاساتذه المتخصصين فى المواد التربويه
لاحظت بخلاف تقييم جانب التخصص انو الجانب التربوى تعبان عندهم
المعايير انخفضت وفعلا محتاجين تدقيق وتجويد للاداء
| |
|
|
|
|
|
|
|
|
|
Re: استاذ بياع تذاكر (Re: Asim Ali)
|
الأخ أحمد محمد عمر ...
الكنته كولها في الإسبوتنج ...
معلم ما خطيير في الإسبوتنج ولا طالب بعيرو إهتمام ماف ...
دي اسمها استثمار المهارات الفرديه ...
يعني حصه بالف جنيه علوق شدة قبل الإمتحان فايدتها شنو ...
او حصة اقطع ليها تذاكر ...
| |
|
|
|
|
|
|
| |
عبدالحفيظ ابوسن
علي عبدالوهاب عثمان
Asim Ali
Ahmed Yassin
ابو جهينة
Ali Alkanzi
سامر دوشه
محمد حمزة الحسين
فيس بوك
تويتر
انستقرام
يوتيوب
بنتيريست