|
|
|
 Re: المرأة في فهم (ماسورتوف منفوخوف) (Re: الشيخ سيد أحمد)
|
الواحد اذا جعان بيمشي لي (النسوان- أمو).
وغذا مزاجو مش رايق بيمشي يتكلم مع (النسوان- اختو)
وإذا راودته نفسه بيمشي لي (النسوان- زوجته).
وفي كل الحالات دي لن تجد الصد والرفض.
ليه؟
لأنهن في قمة الوعي والعاطفة والصدق.
ياتو راجل البيستحمل تنقنق ليهو ليل ونهار وتقعد تشكي ليهو
ولا يستحملك تتونس معاهو اكتر من ساعه بالكتير.
| |
 
|
|
|
|
|
|
|
|
Re: المرأة في فهم (ماسورتوف منفوخوف) (Re: الشيخ سيد أحمد)
|
بعدين ياخي- انت قلت انك إنتهيت من الثانوي العالي
في (سنه ونصف)- ياتو مدرسة دي البتخلص المنهج في سته شهور.
شنو المنهج بتاع التدريس- يعني بتدرسو شنو- عربي ورياضيات (الفرحان بيها)
ما بتدرسوا (تربية اسلامية وتربية وطنية )
ياخي في الدين انو المرأة تكرم و تعامل بالرقة واللين.
انتو اللين عندكم معناها (لين البلي) ولا شنو؟؟
ليك حق تخلص في ستة شهور طالما دي نظرتك عن المرأة.
رؤية غارقة في الرجعية والتخلف.
الكلام ليك انت ايوه- انت عارف نفسك.
ابقى راجل وتعال هنا عشان املطشك زي البوست الفات.
ماسورتوف: ماسورة.
منفوخوف: منفوخ.
تجي هنا بنفسك (تس-بكسر الناء).
كسرة: بوست تم تصنيفه ( منطقة تقويم وتنفيس للنفخة الفاضية).
| |
|
|
|
|
|
|
|
|
|
Re: المرأة في فهم (ماسورتوف منفوخوف) (Re: الشيخ سيد أحمد)
|
أخي الكريم الشيخ سيد أحمد
تحياتي
لا عليك ولا تغضب كنت علي يقين بأن الرجل لا يحمل علم أو أقلها طبائع تحترم الاخر حتي عند الاختلاف والخلاف
فالمغرور والنرجسي يفضحه سلوكه
نسال الله العافية لنا ولكم ويبعدنا من قذف الجهلاء وتجريحهم للعقلاء في دينانا
ونفارق الروح بالسيرة الحسنة والقول المعقول والسلوك القويم
ربي انت العليم بالنوايا فلا يُكَلِّفُ اللَّهُ نَفْسًا إِلَّا وُسْعَهَا ۚ لَهَا مَا كَسَبَتْ وَعَلَيْهَا مَا اكْتَسَبَتْ ۗ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا ۚ رَبَّنَا
وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا ۚ رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ وَاعْفُ عَنَّا وَاغْفِرْ لَنَا وَارْحَمْنَا ۚ أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ
| |
|
|
|
|
|
|
|
|
Re: المرأة في فهم (ماسورتوف منفوخوف) (Re: زهير عثمان حمد)
|
السلام عليكم الشيخ
الموضوع لا يخص السيد ماسورتوف منفوخوف وحده
وانما مشكلة متجذرة في المجتمع السوداني وثقافة سلبية متوارثة جيلا بعد جيل
اذكر عندما كنّا اطفال نتشاتم بـ "يا مره" اي الشخص المرخرخ والما شادي حيلو
وكانت شتيمة مؤلمة للغاية
واذكر ايضا كنا نلعب لعبة سخيفة تسمى "هرا" او نحو ذلك
وكانت تلعب بان يمسك الشخص بمحجر او نحوه ثم يقول لصاحبه "هرا" اذا كان الرد "يدك مره"
اي ان يدك لا تصيب كالرجال, فيحاول الشخص ان يصيب صاحبه بالمقذوق او الحجر واما ان كان الرد
"يدك راجل" فيسلم صاحبك من الرمية
ولكن كل هذه العوارات تنتهي عندما يكبر المرء ويتعلم فتصبح ضربا من الماضي
واعتقد بان صاحبك الفيلسوف هو ضحية هذه الثقافة فرغم تفوقه الواضح في الرياضيات والفلسفه
الا انه يحتاج ان يعيد النظر في هذه النقطة
| |
|
|
|
|
|
|
|
|
|
Re: المرأة في فهم (ماسورتوف منفوخوف) (Re: الشيخ سيد أحمد)
|
المأزوم نفسيآ دائمآ ينظر للجنس الآخر نظرة ريبة
وتخوف.
الرؤية مختلفة عند علماء النفس.
يا ريت بتنا (زينب محمد عبدالله) تزورنا وتدينا لمحة عن
المأزومين من المرأة.
ممكن يكون شاكوش من زولة (بقاقة- سمحة سماحة الككو)
ف زولنا لم يستطع التحمل - وبقى يكره جنس النساء فقط.
كدي خلونا نتخيل شكل الشاكوش- ممكن تكون قالت ليهو NO
وطبعآ NO حارة فعلآ.
ويمكن كان زول (لايوق) بعدما حصل بينهم موقف- وفي النهاية
إتصل عليها وقال ليها - يعني يا (هنايه) يهون عليك (عشرة الايام)
وكلامي (المعسول) و (كبكبتي) الشديدة ؟؟
فكان ردها- لو سمحت يا ماسورتوف- تاني ما تتصل علي وانساني خالص :(
السيناريو التالت كالآتي:
هو المسكين قاعد في الشمس لمن (وشو بقى يلعن قفاهو) منتظر مرورها (بالعصر :)
جات ومعاها صاحباتها ماشات لي مناسبة- البنوته (قاشرة على سنجة عشرة)
وصاحبنا (عرقو ينقط من الشمس)- تملكتو الجرأة ومشى عليها- كيفك يا هناية؟
رد البنوته: في شنو
فلان: يعني عايزك في كلمتين كده.
البنوته: كلمتين شنو العندك معاي- صاحباتها بقو يضحكو.
فلان: ياخي ان ليه بتحرجيني كده:
البنوته:احرج ليك شنو- اصلا مافي شي بيني وبينك- اوعك تتقاطع لي
قدام وشي- امشي استحمى ولا اعمل ليك حاجه في ريحتك العفنه دي:(
صاحباتها بقو يضحكو شديد - وصاحبنا اخد ليهو (شاكوش) على الملأ.
بالمناسبة انت ما عندك (مزيل عرق ) عشان الرائحة الغير محببة دي :(
السيناريوهات دي ممكن تكون سبب في كراهيتو للنساء.
يا جماعة البورض فيكم زول عالم نفس - ولا واحد ينادي لينا بتنا (زينب).
| |
|
|
|
|
|
|
| |
الشيخ سيد أحمد
زهير عثمان حمد
نصر الدين عشر
فيس بوك
تويتر
انستقرام
يوتيوب
بنتيريست