|
|
|
 Re: لجنة ازالة التمكين، هي لجنة سياسية في الم� (Re: د.محمد بابكر)
|
| Quote: شنو يعنى سياسية ؟ الثورة نفسها فعل سياسى و ما تستخدمه من اجسام و ادوات هى لانجاز و امضاء هذا الفعل السياسى .. |
يا دكتور هو الكيزان امثال هذا المورجغ عندهم فهم قدر دا
الثورة عندهم الا بالسلاح والقتل والاعتقال والتعذيب
زي نوع ثورتنا دي ما بفهموها
| |
 
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: عمر التاج)
|
مرحبا دكتور..
| Quote: الثورة نفسها فعل سياسى |
هذا في المفهوم القاصر لقيادات البلد الحاليين
أما في مفهوم عامة الشعب،
فإن الثورة مجموعة من الانشطة والحقوق والأدوات المشروعة
للتغيير السياسي والاجتماعي والاقتصادي والعدلي ، نحو الافضل.
ولجنة ازالة التمكين يفترض ان تكون لجنة عدلية في المقام الأول
تصدر أحكاما قضائية في شأن متهمين بقضايا فساد سياسي أو مالي .
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: عمر التاج)
|
Quote: الثورة عندهم الا بالسلاح والقتل والاعتقال والتعذيب
زي نوع ثورتنا دي ما بفهموها |
ثورتكم يا تا يا هيثم
قول حكومتنا لكن ما عندكم علاقة بالثورة
حكومتكم الجوعت الناس وافسدت حياة المواطن
ولكن الثورة في الأصل ثورة شعب انتفض ضد الجوع والغلاء والفساد وضياع الحقوق
وجات حكومتك لتجوع الشعب أكثر، وتزيد الغلاء وتضاعف الفساد وتضيع الحقوق والعدالة
لجان الحكومة الانتقالية يفترض كلها تشتغل من أجل إرجاع الحقوق، ورفاهية الشعب
ولما تتحول للجان سياسية فانها تمارس نفس عفن الكيزان وتكرس عملية ضياع الحقوق لصالح جهات سياسية معينة
وهذه بالطبع تمثل مرحلة نهاية العدالة واخر مذابح القانون ..
والبقاء للسياسي أو العسكري الأقوى.
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: محمد أبوالعزائم أبوالريش)
|
كل أعضاء اللجنة قالوا ذلك في بداية عمل اللجنة ..
وإليك مقتطفات من حديث وجدي صالح الغضو البارز في اللجنة عن عملها ..
Quote:
نحن نسترد اموال الدولة المنهوبة بموجب القانون
++
ليست هنالك اي قرارات صادرة بحق المؤسسات او الاشخاص ،استندنا فيها لحيثيات سلمية وتقارير صحيحة ، ومن يتضرر من القرارات عليه تقديم طلب مراجعة للجنة بالقانون
++
قراراتنا تصدر وفق قناعات بالقانون ومازالنا مؤمنين بهذه القناعاتبكل يقين.
++
اي ادعاء بأن اللجنة تعمل وفق اهواء شخصية او تصفية حسابات شخصية هي محاولة لتشويه صورة اللجنة ،هذه اللجنة تعمل بموجب القانون وبتسلسل اجرائي يبدأ من المعلومة ثم تحليلها ثم تقديم هذه المعلومة للجنة المختصة ثم اللجنة القانونية ثم المقررية ثم اللجنة العليا لاتخاذ القرار |
عندما تصرح وانت قيادي كبير باللجنة بهذه التصريحات الفطيرة
ويؤيدك في مسعاك السياسي في عمل اللجنة قحتاويين تابعين لا يفهمون ابعد من مصالحهم الحزبية
فانك :
١- تؤكد على صحة عمل لجان الكيزان السابقة والتي فصلت الناس على اساس حزبي بحت ..
٢- تعمل على تسييس مؤسسات الدولة وادارة البلاد على اساس حزبي بحت
٣- تضع القانون تحت رحمة الحاكم وتسخر مواده لخدمة جهات حزبية معينة
٤- تفصل الدستور على مقاس جهات معينة وبالتالي تجرد فئات كثيرة من الشعب من وطنيتهم
٥- تضع رجال السياسة فوق القانون وتضع القضاء تحت مذبحة السياسيين
٦- تشكك في نزاهة اي قرار صادر من اللجنة وتدمغه بأنه قرار سياسي يجب الغاؤه فورا عند تغيير النظام السياسي
٧- يتبع
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: محمد أبوالعزائم أبوالريش)
|
٨- تصريح محمد الفكي بمثابة اعلان صريح بأن قرارات اللجنة سياسية وليست قانونية، وبالتالي يحق لاي جهة محاربة القرارات والاعتراض عليها بكافة الوسائل السياسية المتاحة ..
٩- تسخير القانون والقضاء واستغلال ادواتهم لصالح العمل الحزبي والسياسي وخدمة جهات حزبية معينة ( حادثة فصل القضاة ووكلاء النيابة ودفع النائب العام للاستقالة ..الخ)
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: Abdullah Idrees)
|
Quote: عليك قول كلامك بدون تحفظ وكمان خليك واضح عشان التاريخ والحقيقة
والناس عايزين يعرفوا منك الحاصل |
كلامي في اللجنة يا زهير هو احلام كل السودانيين
يجب أن يزال الفساد ويحاسب كل المفسدين
ولكن وفق القانون فقط ودون دوافع سياسية أو حزبية
المحاكمات السياسية يقوم بها الشعب ومكانها صناديق الاقتراع
أما الفساد فلا يزول والحقوق لا ترجع الا بمحاكمات عدلية مكانها ساحات القضاء
الفكرة لا تحاكم ، ولا يمكن محاسبة الناس ومحاكمتهم حسب اعتقادهم
العدالة تامر بذلك ودولة القانون تحتم هذا..
اي محاكمات أو أحكام لجان سياسية حدها زوال هذه اللجان
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: عمر التاج)
|
حبابك عبد الله إدريس..
اذا كانت اللجان الحكومة سياسية ، فهذا يعني أن احكامها وقراراتها ستكون سياسية
وبالتالي سيكون هناك موظفي دولة يخدمون احزابا سياسية معينة
وهناك مدانيين سياسين ومعتقلين سياسيين في سجون الدولة ومؤسساتها
وهذا ما يتنافى مع أبسط ابجديات الدولة المدنية ..
واذا كان الكيزان قد اجرموا أو فسدوا في قطاع سياسي أو مجتمعي أو غيره
فعلى الدولة المدنية الا تكون مثلهم وتستخدم نفس الياتهم
بل عليها التمسك دوما بشعارات الحرية والسلام والعدالة التي أتت بها
والعدالة المطلقة لايمكن أن تتحقق في منصات السياسة بأي حال.
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: Abdullah Idrees)
|
| Quote: قرارات اللجنة سياسية وليست قانونية، وبالتالي يحق لاي جهة محاربة القرارات والاعتراض عليها بكافة الوسائل السياسية المتاحة .. |
اللجنة سياسية تحارف فعل سياسي وفق قانون
دا أولا و ثانيا يحق لأي متضرر من اي قرار مناهضته سواء كان قرار سياسي أو قانوني, أحكام القضاء القانونية تناهض في الدرجات الأعلى, القوانين نفسها يتم مناهضتها في المحاكم في المحاكم أو الدوائر الدستورية, هو اذا الدستور نفسه يمكن تعديله بل و استبداله و الاؤه بالوسائل المتعارف عليها!
من قال لا يمكن مناهضة الاحكام القانونية!
| |
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: محمد البشرى الخضر)
|
| Quote: اللجنة سياسية تحارف فعل سياسي وفق قانون |
ويين استقلالية القضاء يا ود البشرى؟
لما تحشر عشرمية قانوني من قاضي ووكيل نيابة ومحاميين في لجنة سياسية تاني خليت شنو للبلطجية؟
وعندما تتقول لجنة سياسية على مهام القضاء ، لدرجة انها تفصل قضاة وتجبر النائب العام على الاستقالة تاني فضل للعدالة شنو؟
وبعدين انت بتفكك مؤسسات سياسية .. والمؤسسات دي مؤسسات حزب وليس دولة
فهل يعقل ان تفككها بمؤسسات سياسية مثلها ؟
يعني لو عايز تفكك مؤسسات رياضية حاتجيب ليها مؤسسات رياضية
ولا حاتكون ليها لجنة مختصة محايدة تدرس المؤسسة من كل نواحيها وترفع توصياتها للجهات العدلية المنوط بها رد الحقوق وتحقيق العدالة..
الحق حق يا جماعة ..
الكيزان غلطوا وادخلوا السياسة في الخدمة المدنية والعسكرية..
لكنهم لم يوصلوا بالأمر لدرجة تسيس القضاء
فهل ستصبح عدالة قحت أسوأ من عدالة الكيزان؟
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: Asim Ali)
|
ممكن الناس تحمل كلام السيد محمد الفكى على أنه زلة لسان لقلة خبرته فى الحياة السياسيـة أو القانونية..
ما ذكره أن اللجنة سياسيـة كلام أخرق وفضيحـة فى الافـاق.. لا تدافعوا عن الخطأ البين.
مجرد قولك أن الجنة سياسيـة نفيت عنها الحيادية القانونية. والشئ المؤسف الذين يدفعون بأن الإنقاذ قرارات تمكينها كانت سياسيـة.. طيب انت جاى ليه أساساً لو أن الإنقاذ هى مثلك الأعلى فى
عدم الفصل بين السلطات..
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: Abureesh)
|
عمر يا بوي سيب اللف والدوران ده
الثورة دي قامت عشان شنو ؟ عشان تشيل البشير ونافع والزعماء وتسيب النظام بتاعهم زي ما هو ؟
انت عارف والبشير واي كوز عارف انو الكيزان سيطروا علي الخدمة المدنية بطرق ملتوية لاسباب
معروفة وفصلوا عشرات الالاف واستحدثوا قوانين جديدة ومناصب وممارسات جديدة ومؤسسات وكلو عشان
يسيطروا علي البلد لدرجة انهم دخلوا فيها امنجية .
عشان ترجع الامور لنصابا وتخدم قضايا الثورة والمواطن مفروض نعمل شنو يعني؟
سيبك من السياسة ، انت بتتخيل انو انصاف المتعلمين الكيزان الجابوهم مسكوهم مفاصل البلد لحد ما وصلوها
الوضع الكئيب ده ممكن يقدروا يسوقوا البلد لي قدام؟ لا يا عزيزي اخدو فرصتهم بالكامل ودي النتيجة .
تقول عليها سياسية ولا رياضية ده ما بغير اي حاجة في انو لابد من تطهير الخدمة المدنية من عفن الكيزان
وفشلهم . ديل اذناب نظام انقلابي ما يستحقوا يقعدوا في مناصبهم يوم واحد ، مش كده وبس مفروض يخضعوا
لابراء ذمة بأثر رجعي عن بكرة ابيهم ومراجعة كل ممتلكاتهم وحساباتهم البنكية وسجلهم المهني .
شكلك ما انكويت بسياسة التمكين الطفشتنا من البلد ، اتخرجنا اوائل واتقفلت في وشنا حتي وظائف الوظائف
الاكاديمية المفروض يشيلونا فيها اوتوماتيكلي ما لمينا فيها والبلد فيها مليون جامعة وبشغلوا ناسهم متخرجين
بي تقدير جيد نظام 4 سنوات !
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: Abdullah Idrees)
|
يا جماعة ما تكابرو ساكت الفرق بين المهنية والسياسة فرق الليل والنهار
حينما يقال أنها سياسية معناها منحازة لموقف سياسي
أو جماعة سياسية ومعناها سوف لا تكون المرجعية هي فقط
القانون والحقوق ولا العدل
إنما الموقف السياسي والمصلحة السياسية التي ليس بالضرورة
مضبوطة بالقانون
يعني السياسة الكيزانية مثلا فصلت وشردت وقتلت
وسجنت واغتصبت كله كان فعل سياسي
فالسياسة فعل لا يضبطه ضابط ولا قانون
فقط المصلحة الخاصة لمن يمارس هذه السياسة
أو من تمارس لأجلهم
يعني القانون والعدل شيء والسياسة شيء آخر
السياسة فعل لا تحده حدود
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: منتصر عبد الباسط)
|
| Quote: يسيطروا علي البلد لدرجة انهم دخلوا فيها امنجية . |
أيواااا
أنا ذاتي عندي شك في اللجنة دي بتحقق مصالح
أمنجية كيزانية
خد مثلا جهاز أمن الكيزان لا زال يعمل
لو تمكنت لجنة ازالة التمكين هذه من تصفية وتفكيك
جهاز الأمن الكيزاني الذي لا زال يعمل
بعد داك بقتنع باللجنة دي ومن غير كدا
بياخدني فيهم الشك والظن
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: منتصر عبد الباسط)
|
Quote: ويين استقلالية القضاء يا ود البشرى؟
لما تحشر عشرمية قانوني من قاضي ووكيل نيابة ومحاميين في لجنة سياسية تاني خليت شنو للبلطجية؟
وعندما تتقول لجنة سياسية على مهام القضاء ، لدرجة انها تفصل قضاة وتجبر النائب العام على الاستقالة تاني فضل للعدالة شنو؟
وبعدين انت بتفكك مؤسسات سياسية .. والمؤسسات دي مؤسسات حزب وليس دولة
فهل يعقل ان تفككها بمؤسسات سياسية مثلها ؟
يعني لو عايز تفكك مؤسسات رياضية حاتجيب ليها مؤسسات رياضية
ولا حاتكون ليها لجنة مختصة محايدة تدرس المؤسسة من كل نواحيها وترفع توصياتها للجهات العدلية المنوط بها رد الحقوق وتحقيق العدالة..
الحق حق يا جماعة ..
الكيزان غلطوا وادخلوا السياسة في الخدمة المدنية والعسكرية..
لكنهم لم يوصلوا بالأمر لدرجة تسيس القضاء
فهل ستصبح عدالة قحت أسوأ من عدالة الكيزان؟ |
دا شنو أسي! شنو علاقة حشر القضاة و المحامين و شنو ما عارف و باقي الورجغة دي بكون اللجنة سياسية تعمل بقانون لتحقيق هدف سياسي منصوص عليه في الوثيقة الدستورية و اللهي عمل سياسي برضك نتاج ثورة وهي عمل سياسي على نظام انقلب على السلطة الشرعية و عمل لتمكين نفسه سياسيا!
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: محمد البشرى الخضر)
|
اخونا ابو الريش
والاخ عاصم علي
ماقلتما الا الحق ..
وسأعود حتما للحق الذي به جئتما
أما الاخوان ود البشرى وعبد الله ادريس
فمازال الغباش السياسي يسيطر على رؤيتها الوطنيه ..
اولا هناك فرق كبير بين الجهة السياسية والجهة التي تخدم غرض سياسي ..
الجهة السياسية أو المؤسسة السياسية هي مؤسسة قائمة على فكرة خدمة جهة أو حزب أو تنظيم سياسي معين ..
وده مبدأ مرفوض في كل الديمقراطيات والحكومة المدنية لانه بيكرس لمفهوم الشمولية
وده بالضبط البتعمل فيه لجنة ازالة التمكين الحالية ..
بتفصل موظفي دولة على بناءا على توجههم السياسي أو انتماءهم العقدي
وهم بالتالي بيعلنوا صحة نفس الإجراء عندما قام به اسلافهم الكيزان
ومن الثابت الان ان موظفي الدولة في زمن الكيزان ما كانوا كلهم كيزان ..
ولا حتى نصفهم .. بدليل ان كثير من قيادات قحت الحالية موظفي دولة في درجات عليا
وان المؤسسات التي تم فصل الكيزان منها لم يبلغ عدد المفصولين نصف القوى العاملة حتى الآن..
وان الموظفين الذين كانوا يترقون السلم الوظيفي وصولا للدرجات القيادية ما كانوا كلهم كيزان
بل كان بعضهم قيادات في الحزب الشيوعي والبعثي يعقدون مؤتمراتهم في قاعات مكشوفة وتحرسهم شرطة الكيزان .. مش كده يا وجدي؟
يحدث هذا الفصل الوظيفي من الخدمة العامة من قبل جهة تقول انها سياسية
بينما القوانين واللوائح موجودة في كل مؤسسة ..
قوانين الخدمة والتعيين ولوائح الفصل والجزاءت
كلها موجوده ويمكن من خلالها تطهير الخدمة المدنية وتصويرها من عاطلي المواهب والإنجاز، مش من الانتماء السياسي للافراد..
البيحصل الان هو فساد سياسي ليس الا ..
تشيل موظف دولة باعتبار انه بينتمي لجهة سياسية
وتعيين مكانه موظف اخر كل مؤهلاته انه بعثي أو شيوعي ولا قحتاوي
دي ياها العدالة الكنتم بتنادوا بيها وغاشين بيها الناس؟
قلنا في بداية المداخلة ان وجود جهة سياسية في مرافق الدولة مرفوض جملة وتفصيلا
فما بالكم اذل كانت هذه الجهة لجنة عليا تقوم بفصل وتعيين موظفي الخدمة المدنية والعسكرية والقضاء الذي يجب أن يكون فوق كل شئ ..
القضاء يا محمد البشرى الذي اصبح الان تحت رحمة وسيطرة جهة سياسية وانت ماشايف فيها حاجة..
لا وكمان بتقول لي لو اللجنة ظلمتك امش القضاء ..
وأتت عارف ان الجهة دي بتحكم اول شى من وجهة نظر سياسية، وبعدين تتحرى وتستفسر ، وممكن ما تتحرى مع المتهم اصلا..
وبعد كده انت عايزني انا كمواطن امشي اجري بالسنوات، وانفق المليارات
عشان القضاء الذي تسيطر عليه نفس الجهة السياسية يحكم ضدها لصالحي؟
المؤسسات الحكومية يا جماعة يفترض تكون قومية .. لا خزبية ولا سياسية
الوزير ممكن يكون سياسي في شخصه، ويمثل جهة سياسية ..
ولكنه كوزير يجب أن يعمل للوطن، والوطن للجميع
رئيس الوزراء ممكن يكون شيوعي أو اسلامي، لا بأس
لكنه في منصبه يجب أن يكون شخصية قومية .. عندما يركب طائرته الرئسية أو المستأجرة ويسكن افخم الفنادق بالخارج، فانه يمثل البلد، ولايمثلها بصفته السياسية بل القومية .
في داخل الدول من الممكن عادي تتكون مؤسسات تخدم قضايا سياسية أو مجتمعية أو قانونية ..
مثل اللجنة العليا للانتخابات والدستور وفض الاعتصام ..الخ
ولكن يجب التدقيق في ان تكون الجهة قومية مستقلة ، لا تخلط في عملها اي صفة سياسية كما تعمل لجنة هذا الفكي .
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: عمر التاج)
|
| Quote: بتفصل موظفي دولة على بناءا على توجههم السياسي أو انتماءهم العقدي |
ليس من سلطات وصلاحيات لجنة إزالة التمكين فصل موظفي الدولة بناءً على توجههم السياسي او إنتمائهم العقدي.
وعلى العكس من ذلك لجنة إزالة التمكين تسعى للكشف عن وإنهاء عمل كل موظف في الدولة تم تعينه في الوظيفة بناءً على توجهه السياسي وإنتمائه لحزب النظام البائد خلال فترة حكم نظام الإنقاذ.
هنالك الكثير من الإنتقادات التي يمكن توجيهها لقانون إزالة التمكين وللجنة إزالة التمكين و وتكوينها وطريقة عملها.
والأهم من ذلك نتائج عملها ومجي تحقيقها للـهداف التي أنشأت من أجلها.
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: Hafiz Bashir)
|
Quote: وهم بالتالي بيعلنوا صحة نفس الإجراء عندما قام به اسلافهم الكيزان
ومن الثابت الان ان موظفي الدولة في زمن الكيزان ما كانوا كلهم كيزان ..
|
لا يا بوي ما تلخبط المواضيع وتتخيل انو امورك حتمشي !
الكيزان ما لقو تمكين ، الكيزان لقو بلد ديمقراطي وخدمة مدنية مافي اي حزب بسيطر عليها
ولقو تقاليد مرعية ، حتي وان شابتها بعض الشوائب ، متين تعيين مساعدين التدريس في الجامعات
كانت بتتدخل فيهو الدولة ؟ الموضوع مختلف تماما والبشير في الفيلم بتاع العربية الكلنا شفناهو
اعترف بسياسة التمكين والسيطرة على الفضاء المدني والعسكري انت بتغالط في شنو بالظبط؟
++
الكيزان يعملو شنو بوظيفة في الدرجة 14 راتبا 500 جنيه ؟ نعم ما كل الموظفين كيزان وده اصلا ديمغرافيا
مستحيل لانو حجم عضويتهم ما ممكن تغطي كل وظائف الخدمة المدنية في البلد.
| |
|
|
|
|
|
|
|
|
|
Re: لجنة ازالة التمكين، هي لجنة سياسية في الم� (Re: Abdullah Idrees)
|
لجنة ازالة التمكين لجنة سياسية
محمد الفكي عضو مجلس السيادة ورئيس اللجنة
كرر هذا الكلام مراراً وتكراراً ( ليست المرة الاولى التي يقول فيها
بأن اللجنة سياسية وتقوم بتفكيك تمكين سياسي )
يعني لا زلة لسان ولا عدم خبرة كما يحاول ابو الريش تصوير الموضوع
يا عمر التاج كلم الكيزان يجهزوا البامبرز حيكون في بل من أمه
لا اجتماع تاني ولا مظاهرات
حزب المؤتمر الوطني حزب محلول بالقانون وممنوع من ممارسة السياسة
بالنسبة لاسترداد الاموال المنهوبة دي مهمة دستورية نصت عليها الوثيقة الدستورية
واللجنة تعمل وفق قانون وتفويض ولا تستطيع اي جهة في السلطة تكسر قراراتها
لا برهان ولا حمدوك ولا اي جهة
بل بس يا كيزان
| |
|
|
|
|
|
|
|
|
 Re: لجنة ازالة التمكين، هي لجنة سياسية في الم� (Re: عبدالعظيم عثمان)
|
للاسف لجنه الزالهالتمكين سياسيه او خلافو ماعملت شىء حقيقى كان جمع اموال او نضافه مؤسسات
مالو موجودين لاتخطئهم العين يقدلو فى البلد وفى المؤسسات واصبح بعضهم جزء من النظام الجديد
(مسجل كليه) مؤهلو دبلوم كمبيوتر ..بدا خدمه وطنيه واكتشفو مؤهلاتو القذره فاصبح كوززكادر امن والان 19 او 20 سنه فى نفس الكليه اللى بدا فيها يقضى خدمه وموظف ثم مسجل الكليه
ولجنه ازاله التمكين تم حلها من شهور فى المؤسسه دى
وانعمو بطول يافلول وامنجيه
دا مثال
وكتيرين قاعدين فى كل مؤسسه ممكن يتلقطو زى اى زرعه فاسده من الارض فى نهار واحد
ليه ازله التمكين ماحركت ساكن
.
لذلكالناس قبل ماتندفع فى اتجاهالدفاع عن سياسيه اللجنه
هل حتى وهى سياسيه نجحت فى ازاله التمكين واسترداد الاموال ورد (الحقوق)* ؟؟؟
تديها كم فى الميه انجاز سواء ازاله تمكين او استراداد اموال ورد (حقوق)؟؟
.
*رد الحقوق رد مظالم وتصحيح اوضاع الناس الاتظلمو على حساب من تم وضعهم بسياسه التمكين
ديل خلاف ناس الصالح العام
هل فى جهه فى ازاله التمكين مسئوله عن رد الحقوق ؟
ام كان يجب اقامه مفوضيه اصلاح الخدمه المدنيه لتكون اشمل فى ادوارها فى ازاله التمكين ؟؟
| |
|
|
|
|
|
|
|
|
|
Re: لجنة ازالة التمكين، هي لجنة سياسية (Re: Abdullah Idrees)
|
Quote:
٨- تصريح محمد الفكي بمثابة اعلان صريح بأن قرارات اللجنة سياسية وليست قانونية، وبالتالي يحق لاي جهة محاربة القرارات والاعتراض عليها بكافة الوسائل السياسية المتاحة ..
٩- تسخير القانون والقضاء واستغلال ادواتهم لصالح العمل الحزبي والسياسي وخدمة جهات حزبية معينة ( حادثة فصل القضاة ووكلاء النيابة ودفع النائب العام للاستقالة ..الخ)
|
عشان كـــدا يا عمر الكيزان المتمكنيين بالقانون وحافظنوا عاملين رايحين والمتعافي لمن قالوا ليهو بلوك ضحك ...
دا اسموا البل المستعجل لفترة إنتقاليه يعني قول حا يستمر كم عشرة (سنه) ...
الإنقاذ استمرت 30 (عام ) إضطرت خلالها ارجاع كل الأملاكالمصادرة بفعل سياسي لإصحابها ...
| Quote: عشان ترجع الامور لنصابا وتخدم قضايا الثورة والمواطن مفروض نعمل شنو يعني؟ |
يا عبد الله ادريس عايز مثالين فقط قحط خدمت فيهم المواطن أو الثورة ...
وعشان ما أعصر عليك ممكن يكونوا المثالين للمواطن أو للثورة 
Quote: ديل اذناب نظام انقلابي ما يستحقوا يقعدوا في مناصبهم يوم واحد ، مش كده وبس مفروض يخضعوا
لابراء ذمة بأثر رجعي عن بكرة ابيهم ومراجعة كل ممتلكاتهم وحساباتهم البنكية وسجلهم المهني . |
ما قلنا حاجه يا عبد الله بس المفروض الشغل يكون بالقانون ...
لكن استعجال احزاب الفترة الإنتقاميه شغلهم فطير وني والني للنار ...
Quote: شكلك ما انكويت بسياسة التمكين الطفشتنا من البلد ، اتخرجنا اوائل واتقفلت في وشنا حتي وظائف الوظائف
الاكاديمية المفروض يشيلونا فيها اوتوماتيكلي ما لمينا فيها والبلد فيها مليون جامعة وبشغلوا ناسهم متخرجين
بي تقدير جيد نظام 4 سنوات ! |
دا واحدة من سقطات الإنقاذ وانا شخصياً ابديء كامل تعاطفي مع كل ضحايا الإنقاذ واتفهم غضبهم ...
لكن ...
هل إنت الإنكويت دا ترضاها لي غيرك يتكو بيها برضو معقول تدعم حكومة تمارس نفس الظلم وفش الغباين وتطبيق السياسات التمكينيه الخاطئة ،
وان تكون أخطأ الإنقاذ نموذج ونبراس وقدوة ...
أصحي يا بريش ...
| Quote: مستحيل لانو حجم عضويتهم ما ممكن تغطي كل وظائف الخدمة المدنية في البلد. |
الكيزان يا عبد الله نفسهم كان طويل وعملوا مجالس تشريعيه تغطي كل فترة حكمهم لدرجة زادت تلك المجالس بالتعيين عن الأربعه فترات ...
وتم تعيين وتمثيل كل الوان الطيف السياسي بالبي يورجغوا اليوم فيها ومنهم من مات ومن بقي حياً ...
واحتفظت بالأغلبيه لتغيير القوانين وتجييرها لصالح فعلها بغض النظر عن صحته من عدمها لكن بالغانون ...
وجدي صواميل شغلوا دا اسمو( دفن الليل ابو كراعاً برا...)
بالنسبه للمقتبس الفوق دا يعني إنت شايف وظيفة محمد عصمت في بنك السودان وظيفه أم 500ج
أم تعيين نقد ويحي الحسين ومحمد وداعه وفاروق ابوعيسي ومين داك علي محمود حسنيين في البرلمان عضويتنا ما بتغطيهو ...
يا راجل ...
كلام ابو ريش واستاذ حافظ بشير ما ترميهو الواطه وقليل من الإتساق مفيد للصحة ...
| |
|
|
|
|
|
|
|
|
|
Re: لجنة ازالة التمكين، هي لجنة سياسية (Re: محمد حمزة الحسين)
|
Quote: يا عبد الله ادريس عايز مثالين فقط قحط خدمت فيهم المواطن أو الثورة ...
|
ما ح اديك ولا مثال .. نحن بنتكلم في موضوع محدد
Quote: ما قلنا حاجه يا عبد الله بس المفروض الشغل يكون بالقانون ...
|
كل الشغل ده بالقانون ، قانون لجنة التمكين الافرزتو الثورة القامت عشان تنهي سيطرة الكيزان علي
مفاصل البلد ، لو انت ما بتعترف بي قانونا يبقا انا وانت بنتحاور حوار طرشان.
| Quote: هل إنت الإنكويت دا ترضاها لي غيرك يتكو بيها برضو معقول تدعم حكومة تمارس نفس الظلم |
يعني بتسمي فصل زول اتعين علي ح زول بدون حق او مؤهلات ، دعم نظام القتلة وكان برفع تقارير ضد زملاؤه لجهات
امنية وبطلع في المظاهرات الكانت بتعزز انتهاك حقوقنا وربما شارك شخصيا في حروب ومذابح وانتهاكات ،
وشارك في فساد او غض الطرف عنو ،وكان بحصل على تعامل وامتيازات خاصة خارج اطار النظام
(قروض، بعثات، تدريب ، اراضي) لاسباب سياسية بتسميهو مظلوم وكمان بتطلب مني اتعاطف معاهو؟ و
بتساوي فصلو بي عدم توظيفي انا الما عملت اي حاجة غلط؟
| |
|
|
|
|
|
|
|
|
|
Re: لجنة ازالة التمكين، هي لجنة سياسية (Re: Abdullah Idrees)
|
انا ما أنكرت وجود سياسة تمكين الكيزانية ، ولا انكرت شموليتهم وتضييقهم على الحريات
بل ادنت كل هذا ..
ولكن الشئ الخلاني أدين وارفض سياسة التمكين الكيزانية
هو نفسه البخليني أرفض سياسة التمكين الحالية ..
ودي ما خافية على اي زول اتعين في السنتين الأخيرين كان انتماءه شنو ..
| Quote: الكيزان يعملو شنو بوظيفة في الدرجة 14 راتبا 500 جنيه ؟ |
خليها الدرجة ال١٤ ..
البرهان البعثي و وياسر العطا الشيوعي وكل قادة الجيش الان، حملوا رتب فريق اول وماتحتها في زمن الكيزان..
محمد عصمت قائد تنظيم المهنيين كان مدير فرع في أكبر مؤسسة دولة في عهد الكيزان ..
محمد المعتصم قائد التجمع والاصم ومولانا التاج وغيرهم .. كانوا قيادات في مؤسسات الدولة في فترة الكيزان
وزيرة التربية والتعليم والتعليم العالي وكل بروفيسرات لجنة التمكين الاعلنت بالأمس..
تم ترقيتهم لهذه الدرجة وهذه المراتب في عهد الكيزان .
٥٠% من وكلاء الوزارات ومدراء الوحدات وحتى الولاة (آمنة الفكي مثالا) ..
كانوا قيادات دولة رفيعة في زمن الكيزان ..
وانت زاتك ياعبد الله ، ومتصر وحافظ.. و٥٠% من زملاء البورد ده شغالين في مؤسسات الدولة من زمن الكيزان
وهذا دليل على أن هناك كثير من الوظائف ما كان التعيين فيها مبنيا على الولاء ..
والان تم فصل الآلاف بحجة انتماءهم السياسي دون النظر في مؤهلاتهم ، وتعيين أصحاب ولاء قحتاوي لا علاقة لهم بالمهمة مما أدى للتردي الكبير في الخدمة المدنية
وكان الأجدر للجنة التفكيك النظر في مؤهلات الموظف وملف أدائه غض النظر عن توجهه السياسي
هذا اذا كانت اللجنة وطنية تسعى لخدمة الوطن وليست سياسية تهدف لخدمة أجندة حزب البعث طبعا
| Quote: يعني بتسمي فصل زول اتعين علي ح زول بدون حق او مؤهلات |
بدون وجه حق كيف ؟
من حق أي سوداني التقديم لأي وظيفة في السودان..
وقوانين المؤسسة ولوائح العمل هي التي تحدد المؤهلات المطلوبة
واذا في حد اتعين بمؤهلات لا تؤهله للوظيفة فيجب محاسبته بقانون المؤسسة .. لا بسلطة لجنة سياسية .
ولا يعني هذا ان كل زملاءه أصحاب نفس التوجه السياسي قد تم تعيينهم بدون مؤهلات..
| |
|
|
|
|
|
|
|
|
|
Re: لجنة ازالة التمكين، هي لجنة سياسية (Re: Abdullah Idrees)
|
Quote: كل الشغل ده بالقانون ، قانون لجنة التمكين الافرزتو الثورة القامت عشان تنهي سيطرة الكيزان علي
مفاصل البلد ، لو انت ما بتعترف بي قانونا يبقا انا وانت بنتحاور حوار طرشان. |
يا أستاذ عبد الله لا أعترافي مفيد ولا تأييدك بحل حاجه ...
القانون قانون وعندوا موجبات واليات ...
الياته النيابات والقضاء ...
وموجباته التسنين والتشريع عبر مجالس منتخبه أو معينه في حالة العدم ...
ودا ما لم يحصل في حالة لجنة وجدي ...
يبقي خلي وجدي يفش غبينته ويحتفظ بالأوراق والدوسيهات ومعهن النضاره عشان يبل ويشرب من مويتن ...
النضارهـ نجاعة الإحتفاظ بيها عشان يشوف تفاصيل الموية المبلوله بتنفع اي وجع ...
لان الأوجاع حينها ستكون كثيرهـ ومتراكمه ...
يعني مثلاً :
ارجاع املاك المتعافي وعلي كرتي بتكون عاملا وجع في الأورطه ...
فدي ما بينفع معاها الا تبل نفس الدوسي ...
لكن فصل موظفين مساكين من بنك السودان فدا ممكن يشرب ليهو اي حاجه شبيه او بديل ...
| |
|
|
|
|
|
|
|
|
 Re: لجنة ازالة التمكين، هي لجنة سياسية (Re: محمد حمزة الحسين)
|
اتفرجو علي الاستاذ المحجاج المعروف اصطلاحا بعمر التاج
Quote: انا ما أنكرت وجود سياسة تمكين الكيزانية ، ولا انكرت شموليتهم وتضييقهم على الحريات
بل ادنت كل هذا .. |
ده statement واضح ، بس شوفو الجاي :
Quote: البرهان البعثي و وياسر العطا الشيوعي وكل قادة الجيش الان، حملوا رتب فريق اول وماتحتها في زمن الكيزان..
محمد عصمت قائد تنظيم المهنيين كان مدير فرع في أكبر مؤسسة دولة في عهد الكيزان ..
محمد المعتصم قائد التجمع والاصم ومولانا التاج وغيرهم .. كانوا قيادات في مؤسسات الدولة في فترة الكيزان
|
الاصم والتاج ديل كانوا قايدين ياتو مؤسسة؟
ومنو يا عمر القاليك اني اشتغلت يوم واحد في الحكومة او اي جهة عندها بيها علاقة من اي نوع؟
بالمناسبة ما زلت احتفظ ببطاقة لجنة الاختيار !
Quote: وانت زاتك ياعبد الله ، ومتصر وحافظ.. و٥٠% من زملاء البورد ده شغالين في مؤسسات الدولة من زمن الكيزان
|
والطامة البدون ملامح لمن قلت ليهو انو الناس ديل اتعينو علي ح ناس مؤهلين اكتر منهم ..
Quote: من حق أي سوداني التقديم لأي وظيفة في السودان.. وقوانين المؤسسة ولوائح العمل هي التي تحدد
المؤهلات المطلوبة واذا في حد اتعين بمؤهلات لا تؤهله للوظيفة فيجب محاسبته بقانون المؤسسة .. لا بسلطة لجنة سياسية .
ولا يعني هذا ان كل زملاءه أصحاب نفس التوجه السياسي قد تم تعيينهم بدون مؤهلات.. |
رد نموذجي ما ما عندو اي معني غير انو التمكين ده ذاتو ما حصل ..
قانون المؤسسة مالو ومال محاسبة الموظفين الاتعينو بدون حق؟ عمر انت بتجيب الافكار الغريبة دي من وين؟
هي المؤسسة عينتهم؟ المؤسسة بتفع احتياجاتا للوزارة والوزارة بتراجع المالية اذا اذا وافقت بخطروا لجنة الاختيار
بتقوم بالباقي ..
| |
|
|
|
|
|
|
|
|
|
Re: لجنة ازالة التمكين، هي لجنة سياسية (Re: Abdullah Idrees)
|
جاييك ياقريبي عبد الله إدريس بالتفصيل ..
للتنبيه سقطت سهوا كلمة (اظن) قبل قولي عملك و٥٠% من البورداب في أجهزة الدولة زمن الكيزان ..
بس خلاصة القول هي:
أن مؤسسات الدولة يجب أن تكون قومية ولا ترتبط باي جهات أو توجهات سياسية
ولا تخدم اي أغراض سياسية لجهة على حساب جهة ..
مؤسسات الدولة يجب أن تخدم الجميع وتوجه خدماتها للجميع على اساس المواطنة ، ولا تستهدف الا المخالفين غض النظر عن انتمائهم واعتقادهم ..
مؤسسة عليا كلجنة ازالة التمكين واسترداد الأموال المنهوبة يجب أن تكون لجنة قومية عدلية في المقام الأول، لأن المنوط بها استرداد الحقوق لا العمل السياسي والأمني كما هو الحال الآن..
| |
|
|
|
|
|
|
|
|
 Re: لجنة ازالة التمكين، هي لجنة سياسية (Re: عمر التاج)
|
Quote:
٥٠% من البورداب في أجهزة الدولة زمن الكيزان ..
|
سلامات عمر التاج مداخلتى مشاركه هامه وبرضو توضيح للاخ عبدالله ادريس عن انوتكون ماكوز فى مؤسسات الدوله بيصادفك شنو
تعرف دفعتنا اتعين منها اتنين قبطى وجنوبى (الاول والتانى) -لاحقا خرجو للتحضير ومارجعو-وباقينا من حوالى اربعه درجاتنا كانت تسمح ننافس فى اى جامعه تانيه مع التوسع فى الجامعات فكان عاملين الاول ندره التخصص والطلب عليه بتذكر لما دخلت المعاينه وجيت طالع المدير قال لى بس ماتشردو السعوديه وتخلونا (الوقت داك كان يتم الفحص الامنى قبل اعلان نتيجه المعاينات دا غير موضوع التزكيه من اتنين بتذكر قدمت واحده من جارنا مدير سونا وقتها)
اما ناس التميكين
اول من اتعين من دفعتنا فى جامعه -وكر كيزان- كان متخرج بالتالته (مقبول)زكان معرقل اى محاوله من زملائو بدرجات اعلى
.
بنى كوز رغم درجاتهمالاقل كان تجيهم منح الخارج فى صمت اما الاخرين يتفرض عليكم تحضير فى داخل السودان رغم كل العوائق فى المراجع والمختبرات وحتى تكاليف ال(sandwich courses) او ارسال العينات للتحليل فى الخارج يتم عرقلتها مالم يكون عندك واسطه تظبط امورك
تكون زول ايجلابى وفاعل تلقى اللى اصلا هم امنجيه بوظيفه استاذ او موظف يمارسو الاغتيال المعهنوى والحصار النفسى والتضييق الادارى يعنى تكون (خيل تجقلب) و(الشكر لحماد)
| |
|
|
|
|
|
|
|
|
|
Re: لجنة ازالة التمكين، هي لجنة سياسية (Re: Asim Ali)
|
في دي صدقت يا عاصم ..
الكيزان رغم انهم بكونوا أقلية في المؤسسة الا أنهم بيستأثروا بكل خيراتها
في المؤسسة الأنا كنت شغال فيها كان بيتم ترقية جماعة بعينها بينما يتم تجاوزنا من كل شي
ترقيات ، سفريات ، مأموريات، درجات قيادية
وطبعا شغل في وضع مثل لهذا ماكان له ان يستمر ، فكانت مغادرتنا إجبارية
الان يتم نفس الشغل وبنفس المعايير ولكن في اتجاه اخر
وهذا ما يجعلنا نرى في هذه الحكومة نفس سلبيات الكيزان
بل أكعب ..
شوف مثلا زي ده..
| |
|
|
|
|
|
|
|
|
|
Re: لجنة ازالة التمكين، هي لجنة سياسية (Re: عمر التاج)
|
Quote: في المؤسسة الأنا كنت شغال فيها كان بيتم ترقية جماعة بعينها بينما يتم تجاوزنا من كل شي
ترقيات ، سفريات ، مأموريات، درجات قيادية
وطبعا شغل في وضع مثل لهذا ماكان له ان يستمر ، فكانت مغادرتنا إجبارية |
اتجاوزوك ناس بنك امدرمان الوطني يا عمر فلة؟
ياخ خاف الله
البنك دا ما بفتح حساب إلا لي كوز ناهيك عن انو يوظف زول ما ليهو علاقة بالكيزان
كفاية انهم ادوك الدكتوراة يعني كنت عاوزانهم يدوك فيلا من الفلل الرئاسية مثلاً ؟
كنت تتقرب من سعاد ... ما جاوبتا على سؤال بدر الدين الأمير !!
العينك في البنك تحديداً منو؟
| |
|
|
|
|
|
|
|
|
|
Re: لجنة ازالة التمكين، هي لجنة سياسية (Re: خضر الطيب)
|
| Quote: البنك دا ما بفتح حساب إلا لي كوز ناهيك عن انو يوظف زول ما ليهو علاقة بالكيزان |
نقابة البنك الان ماسكنها لجان مقاومة
واصغرهم في الدرجة السادسة ..
تفتكر ديل اشتغلوا بتوصية من حمدوك؟
| Quote: كفاية انهم ادوك الدكتوراة |
بالله الشهادات الجامعية كانوا بوزعوها في البنوك ؟
جنس بلادة غايتو!
ما ابلد منكم إلا المنتظر الاستثمار الأجنبي يدخل البلد ويشتغل مع بلد القانون فيها تحت امرة لجان سياسية
| |
|
|
|
|
|
|
| |
عمر التاج
د.محمد بابكر
محمد أبوالعزائم أبوالريش
زهير عثمان حمد
خضر الطيب
Abdullah Idrees
محمد البشرى الخضر
Asim Ali
Abureesh
منتصر عبد الباسط
Hafiz Bashir
عبدالعظيم عثمان
محمد حمزة الحسين
فيس بوك
تويتر
انستقرام
يوتيوب
بنتيريست