|
Re: توضيح من محمد الفكي سليمان عضو مجلس السيا� (Re: أحمد محمد عمر)
|
سلام احمد عمر أصلا دي من ثمار الديموقراطية - مبدأ المراقبة والمحاسبة والشفافية وتمليك الحقائق للرأي العام ! - اصرار من له حق او يزعم ان له حقا -في انتزاع حقه بالوسائل القانونية وتوظيف الضغط الإعلامي لتحقيق هذه الغاية من دون وجل وأخوف من تبعات - حق المسئول الحكومي في الدفاع عن نفسه وسلطاته- واثبات ان العقار المعني تحت تصرفه - *** طالما ان عضو مجلس السيادة المعني قد اثبت. ان العقار -كما تبين له- مسجل باسم الأشخاص ذو الاعاقةً فيبقي ان يعود لهم فالسلطة التي منحتهم العقار كانت تملك السلطة السيادية وقتها علاوة علي السلطة التنفيذية ** ومن ناحية اخري يتوجب علي الامانةً العامة لمجلس السيادة ان تتبع الخطوات القانونية وتستشير الإدارة القانونية بمجلس السيادة للتأكد وبصورة قاطعة ان السكن المتوجب تخصيصه لاعضاء مجلس السيادة خالي من الموانع وانه. يقع تحت سلطة المجلس وادارته
| |
|
|
|
|
|
|
Re: توضيح من محمد الفكي سليمان عضو مجلس السيا� (Re: كمال عباس)
|
موقفه كعب يا كمال ما احترمته نهائي من بداية المطالبات كان ممكن يخطو الخطو بتاعة شهادة البحث دي علماً بإنه شهادة البحث البتكلم عنها دي طالعة يوم 13 ابريل يعني زيادة من شهرين وكذلك تمت مخاطبته من قبل وزيرة التنمية والضمان الاجتماعي ورفض الخروج بحسب ما ورد في البوست الآخر يعني باختصار الزول دة كان بلاوي وعارف الحاصل لأنه ما ممكن الوزيرة تحول ليه طلب المجلس القومي لذوي الإعاقة بدون مستندات هسة بعد ما الموضوع انتشر وعم القرى والحضر داير يعمل فيها رضخ للحق مع الأسف يا كمال هنا مافي ديمقراطية ولا شغل مؤسسات بيوت بتتوزع ساي ومخاطبات وزراء بتتجدع في المكاتب. هنا المتحكم الرأي العام فقط ولولا تناول الناس للموضوع بالكثافة دي كان حيمر عادي
_________ المهم وتاني قام واحد جميل في بلدنا مات كدة مجلس السيادة فضل لينا فيه زول ولا علمنا الله !
| |
|
|
|
|
|
|
Re: توضيح من محمد الفكي سليمان عضو مجلس السيا� (Re: أحمد محمد عمر)
|
واللله يا احمد عمر كلامك مرتب وسجالي فيهو حجج ومنطق
مصر تقول ليهو too little too late! انت ما عايز تديهو. مخرج انت ماعايز تديهو مخرج بمقولة ان تاتي اخيرا خيرا من الا تاتي ! بس الدبموقراطبة. دي فيها ضغط الرأي العام وسلطة الاعلامً وحتي التراجع المتأخر خوفا سوط النقد ونبش الحال
| |
|
|
|
|
|
|
Re: توضيح من محمد الفكي سليمان عضو مجلس السيا� (Re: كمال عباس)
|
بديهو مخرج لو اختلفت الفئة العاوز يشيل حقها يعني لو كانت القطعة بتاعة وزارة الشباب والرياضة مثلاً بديهو الـ benefit of the doubt لكن مفروض من ما قالوا ليه دة مقر لذوي الاحتياجات الخاصة طوالي يوقف الإجراء لحدي ما يتأكد دي فئة إنسانياً كدة لو ما دعمتها مفروض تناصرها لحدي ما تشيل حقها
| |
|
|
|
|
|
|
Re: توضيح من محمد الفكي سليمان عضو مجلس السيا� (Re: بدر الدين الأمير)
|
Quote: محمد الفكي سليمان جا يكحلها عماها.. شوف بقا يا سعادتك إنت شفت شهادة البحث بعيونك ، فكان بدل تكتب بيانك (الطابز للعيون) ده تعمل كالآتي: 1️⃣ تعلن عن إخلاءك للعقار ورد المظالم لأهلها فوراً. 2️⃣ تقدم إعتذار رسمي لأصحاب الحق. 3️⃣ تحمل الأمانة العامة لمجلس السيادة مسؤولية الخطأ ده بكل وضوح.. يا خوانا دي مصايب شنو الوقعنا فيها دي؟ |
| |
|
|
|
|
|
|
Re: توضيح من محمد الفكي سليمان عضو مجلس السيا� (Re: بدر الدين الأمير)
|
العضو السيادي وبعد تاكدو من ملكية العقار من خلال شهادة بحث اقتنع هو بصحتها وبدل ما يمشي لي قدام رجع. تاني خطوة للوراء وذلك بطلبه من الامين العام لمجلس السيادة. التحقق من مدي صحة وقوع العقار ضمن اختصاصه ودائرة ادارته *. كان مفترض يمشي خطوة لي قدام ويقول أيا كان الامر فاني لن اسكن في هذا المبني تفاديا. لاستغلال النفوذ وبعد عن الشبهات. حتي وان ثبت. ان العقار. يخص مجلس السيادة ! * وانو ذوي الإعاقة احق في كل الأحوال به حتي وان كان تحت تصرف مجلس السيادة ! ولكن فقط ومن باب التحقيق ومعرفة الملابسات أطالب الامين العام للمجلس السيادي التحقيق. والتأكد. من هذا المبني يخص السيادة وان لم يخصها لماذا. خصصت. الامانةً العامة مسكنا في مبني لا يخصها ؟ وهل تم التحقيق في الملكية والسجلات الرسمية ؟ هذه النقطة بتاعت الرجوع لامين المجلس -سواء ان كانت لحفظ ماء الوجه او البحث عن الحقيقة قد تشكل مخرج في الجرجرة السابقة بس كان من الممكن ان بحمل امين عام مجلس السيادة مسؤلية الخطأ الإجرائي الكبير ويتحمل مسؤلية التأخير في اعادة الحق لاصحابه وليتعلل بانه كان يبحث ويتقصي
بس المشكلة انو انو ناس ممكن تصدق اي زعم مغلوط بانو الراجل دا. مشي سجل البيت بأسمو او نزع الملكية وامتلكها لشخصه طرد ذو الإعاقة من البيت وجاب كل اهلو وعشيرتو وسكنهم فيهو ! كل هذه التوضيحات والتراجعات ممكن. ما تقنع كثيرين. وحا يقولو لسة ما طلع منو وانو ضرب قروش والممتلكات المصادرة ! ما كان في داعي ترك القصة تجر كدةً كان يجب حسمها في وقتها وقفل الباب. البجيب الريح !
| |
|
|
|
|
|
|
Re: توضيح من محمد الفكي سليمان عضو مجلس السيا� (Re: عبدالرازق يوسف الحاج)
|
يا ود الأمير الموضوع ما محتاج لوائح موارد بشرية ووصف وظيفي وقانون عنل وهم عندهم إدارة قانونية بكل مستشاريها ومنظريها فالأمر سياسي وسيادي وحسن تصرف في الوقت المناسب ومحمد الفكي تأخر بعد علمه بأيلولة العقار لجهة تانية فاللوم والقصور والمسئولية مشتركة بين الأمانة العامة لجلس السيادة أو الجهة المسئولة من إسكان أعضاء مجلس السيادة وعضو مجلس السيادة محمد الفكي. والسؤال هل أعضاء مجلس السيادة الساكنين في منازل حكومية يتم منحهم هذه المنازل ملكية حرة أم هو سكن مؤقت مربوط بفترة عضويته في المجلس ويسلم كل ما في عهدته بعد إنتهاء الفترة؟
| |
|
|
|
|
|
|
Re: توضيح من محمد الفكي سليمان عضو مجلس السيا� (Re: أحمد محمد عمر)
|
مرحب الاخوة محمد عمر و بد الدين و عبد الرازق كلمة ذوي الإعاقة هي عبارة واضحة و لا تحتمل التأويل نعم
لكن هناك مسميات مستحدثة مثل ما ذكر بدر الدين (ذوي الإحتياجات الخاصة ) و في الإمارات يطلق عليهم اسم (أصحاب الهمم) لكن التعريف الرسمي هو الأشخاص ذوي الإعاقة
| |
|
|
|
|
|
|
|