غايتو اصلو ظني فيك ماكان قدر كدي:) طلعت برضك (مدكن) في الادراج شعر واشعار. حاجه روعه فعلآ.
تسلم على الجمال.
كسرة: ابوذر يا حبة- ده ياهو (حسين) القلتو ليك. كان كتب عن (عبدالله محمد خير) كتابة رائعه جدآ- امسكلو فوق رقبتو -الزول ده راسو ملان ملي جد بي الاشعار والقصايد :)
06-22-2021, 04:45 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8795
حسين طلع شاعر ليهو ضل كمان - علا لابت بي شيتو وما شغال بينا شغلة :)
حاجة حلوة فعلآ وننتظر منه المزيد.
Quote:
معليش يا حسين ملينا ليك الفجة الندية السمحة دي ب النضمي الشيخ دا دائما بخلي الزول يسرف في النضمي
هههههههه
هو داب نضم :) اريتو نضم الناس يبقى متل نضمكم السمح دا. البارح قلت لي حبيبنا اسامه الخواض يوريني الوصفة السحرية لكتابة الشعر الشعر ده يا ابوذر حالة روحانية مهيبة. لكن اكان لحقت وقدرت كتبتلي بيتين حقات شعر معناها تعبتو معاي:)
مع تحيات ودنا ومحبتنا الى (حسين) صاحب المتن.
06-26-2021, 03:17 PM
حسين أحمد حسين حسين أحمد حسين
تاريخ التسجيل: 09-04-2014
مجموع المشاركات: 1281
حسين طلع شاعر ليهو ضل كمان - علا لابت بي شيتو وما شغال بينا شغلة :)
حاجة حلوة فعلآ وننتظر منه المزيد.
Quote:
معليش يا حسين ملينا ليك الفجة الندية السمحة دي ب النضمي الشيخ دا دائما بخلي الزول يسرف في النضمي
هههههههه
هو داب نضم :) اريتو نضم الناس يبقى متل نضمكم السمح دا. البارح قلت لي حبيبنا اسامه الخواض يوريني الوصفة السحرية لكتابة الشعر الشعر ده يا ابوذر حالة روحانية مهيبة. لكن اكان لحقت وقدرت كتبتلي بيتين حقات شعر معناها تعبتو معاي:)
مع تحيات ودنا ومحبتنا الى (حسين) صاحب المتن.
حبيبنا الشيخ سيد أحمد تحياتي من ثان،
الحق لله، زمان كنا مولعين بالشعر قراءةً وكتابةً، وكنا نتابع الشعر والشعراء ونقَّادهم أينما حلُّوا، وأنا أعرف أسامة الخواض وحميد والأسباط وعمفريب وكل الشعراء والأدباء في الحقيقة من منابر الشعر والسجالات حوله. ولكن الآن لا أسمح إلاَّ للقصيدة الملحاحة واللاَّيوقة، ولذلك تتباعد عندي الكتابات الشعرية وأحياناً القصيدة الواحدة أكتبها في عقد من الزمان. وببساطة الشعر عندي الآن مسجور حتى إشعار آخر.
وبعدين ما تنسى حبيبنا الشيخ سيد أحمد إنو المتلقي/القارئ كاتب/شاعر محتمل. فلا تبخل علينا بما تكتب. وحبابكن عشرة بلا كشرة، فالمعافرة الزي دي سمحة كان إتلقى الوكِت.
محبات.
06-26-2021, 02:40 PM
حسين أحمد حسين حسين أحمد حسين
تاريخ التسجيل: 09-04-2014
مجموع المشاركات: 1281
حسين بعرفو حق المعرفة من اول مره جانا هنا يمكن قبل اكتر من ستة سنين
ومن اول كتاباته عرفت انه زول مميز ومتميز وممتاز
حسين دا يا الشيخ شاعر شاعر
شاعر التانية دي ما للتاكيد، دي الوصف
قول لي كيف
ما اي زول بنظم ويكتب الشعر بكون شاعر في كتار جدا بكتبو وينظمو ويقولو الشعر، لكن ما شعراء
وزي ديل الواحد بكون اسمه شاعر ناظم
والزي حسين كدا، بكون اسمو شاعر شاعر
زي الفنانين برضو
ياما ناس بتغني لكن ما بكونو فنانين مطربين الواحد بكون مغني مؤدي وخلاص
وناس بكونو فنانين حقيقيين والواحد بكون مغني مطرب
معليش يا حسين ملينا ليك الفجة الندية السمحة دي ب النضمي الشيخ دا دائما بخلي الزول يسرف في النضمي
نعم إلتقينا يا عزيزي أبو ذر قبل بضع سنوات في قصيدة "البوح العالي" إن لم تخنِّي الذاكرة.
ولك مني عظيم الامتنان على حسن ظنك بما أكتب على علاته، ويجب أن نُنبِّه إلى أنَّ الأمر لم يكن كلُّهُ ذا ارتباط بما أكتب من عدمه، وإنَّما يرتبط بذاتك الغنية بالجمال.
وحبابك دائماً وحباب الشيخ، والبدور الشيخ أنا يا ناس بدورو.
06-26-2021, 01:33 PM
حسين أحمد حسين حسين أحمد حسين
تاريخ التسجيل: 09-04-2014
مجموع المشاركات: 1281
غايتو اصلو ظني فيك ماكان قدر كدي:) طلعت برضك (مدكن) في الادراج شعر واشعار. حاجه روعه فعلآ.
تسلم على الجمال.
كسرة: ابوذر يا حبة- ده ياهو (حسين) القلتو ليك. كان كتب عن (عبدالله محمد خير) كتابة رائعه جدآ- امسكلو فوق رقبتو -الزول ده راسو ملان ملي جد بي الاشعار والقصايد :)
أهلاً بالحبيب الشيخ سيد أحمد، وطاب منك الجسد والروح يا عزيزي ولا أوحش الله منك.
وبعدين والله ظنك في محلو، أنا هجرت الشعر من زمن طويل، وقطعت عصاتي لى اقتصاد السجم والرماد الما عارفين راسو من قعرو دا. ومرة مرة تناتق قصيدة وتجي مارقة بي خيرا وبى شرها، وتُشكر على الإطراء يا حبيب الذي أرى أنِّي لا استحقه واللهِ مع فطاحلة الشعر في هذا المنبر، ونرجو أن يغفروا تطاولنا على مساحاتهم.
وبعدين ياخي ما تكبر راسي ساكت، وتحرِّض علىْ ناس أبو ذر والنَّّّاس كُبار كُبار ديل، أنا زول عابر سبيل ساكت في "مساحات الشعر" زي ما بيقولوا أهل الفصاحة. وكما قال شاعرنا الكتيابي: "والشعر لا ديني ولا وطني ولا رزقي عليه".
أعزَّك الله في الدنيا والآخرة، المحبة التي تعلم.
06-26-2021, 12:50 PM
حسين أحمد حسين حسين أحمد حسين
تاريخ التسجيل: 09-04-2014
مجموع المشاركات: 1281
أُستاذنا أبو ذر بابكر حياك الله وزادك من أفضاله ونعمه ونأسف للتأخير.
في البدء أشكرك على تكبُّد القراءة في هذا الزمان القلِق الذي بالكاد يسمح للمرء اغترافاً على الطائر من كل شئ، والشكر لك من ثان على التقريظ يا عزيزي وأرجو أن أكون بما يوازي حسنك ظنك وقولك الطيب.
أما "لأنَّكِ غيمُ القداسة تشتهيه قفاري العِطاش" بدلاً عن "لأنَّكِ غيمُ القداسة يغشى قفاري العِطاش" ففيه نظر يا عزيزي. أولاً، تشتهيه قِبالة تغشى إذا عرضناها على عروض سيدنا الخليل بن أحمد الفراهيدي، سنجد فيها إغواء موسيقي لا تُخطئه العين، وهو قضية يُمكن غض الطرف عنها على أيِّ حال. ثانياً، مجئ القداسة اشتهاءاً قد يصطحبه عنصر الفجاءة الذي من الممكن أن يوقف قلب المشتهي ويورده المهالك إذا جاء المُشْتَهَى من حيث لا نحتسب. فمثلاً، برغم الحوار الطويل الذي دار بين كليم الله موسى عليه السلام وربه عزَّ وجلَّ حينما جاء لميقاته و"قال رب أرني أنظر إليك قال لن تراني ولكن انظُر إلى الجبل فإن استقر مكانه فسوف تراني فلما تجلَّى ربه للجبل جعله دكا وخرَّ موسى صعقاً فلما أفاق قال سبحانك تبتُ إليك وأنا أول المؤمنين).
أمَّا حينما يجئ غيمُ القداسة "تغشياً على قفار الروح، ذاك الذي لم تنزعج له الفراشات لأنَّه غيمُ جمال لا غيمُ جلال، فلن تكون معه أيَّ صعقة؛ لأنَّه سينزل برداً وسلاماً. قال الله عزَّ وجلَّ (إذ يغشيكم النعاس أمنةً منه وينزل عليكم من السماء ماءاً ليطهركم به ويذهب عنكم رجز الشيطان وليربط على قلوبكم ويثبت به الاقدام). وبالتالي الاشتهاء غير مأمون العواقب، والتغشي دائماً يصحبه الأمان.
فنحن ناس جِرسة يا صديقي وأهل باردة، كما قال ذلك الصوفي: "اللهم ارزقني محبةً بلا ابتلاء".
شكراً كثيراً لهذه المداخلة الكريمة.
06-26-2021, 03:28 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8795
الحق لله، زمان كنا مولعين بالشعر قراءةً وكتابةً، وكنا نتابع الشعر والشعراء ونقَّادهم أينما حلُّوا، وأنا أعرف أسامة الخواض وحميد والأسباط وعمفريب وكل الشعراء والأدباء في الحقيقة من منابر الشعر والسجالات حوله. ولكن الآن لا أسمح إلاَّ للقصيدة الملحاحة واللاَّيوقة، ولذلك تتباعد عندي الكتابات الشعرية وأحياناً القصيدة الواحدة أكتبها في عقد من الزمان. وببساطة الشعر عندي الآن مسجور حتى إشعار آخر.
وبعدين ما تنسى حبيبنا الشيخ سيد أحمد إنو المتلقي/القارئ كاتب/شاعر محتمل. فلا تبخل علينا بما تكتب. وحبابكن عشرة بلا كشرة، فالمعافرة الزي دي سمحة كان إتلقى الوكِت.
محبات.
من تالا المحقة فعلا الوكت بقى ممحوق محقة شديدة:)
أها النجي للقصيدة الملحاحة- أنا تعاملي معاها كقارئ وناقد (عنقالي) سااااي. فهمي للشعر انو فكرة مفروض تكون صياغتها فيها جرس موسيقي. امبارح كنت في نقاش مع حبيبنا (اسامه الخواض) عن المعيار وضرورة وجود الجرس الموسيقي للقصيدة. يمكن معياري شوية مرتفع -لأنو بكون بقرأ وفي بالي اشعار (حميد- وعبدالله محمد خير- ومصطفى سند) وإرتفاع المعيار ليس لأنني متميز أو مثقف ولكن لان هؤلاء الجميلين رفعوا سقف النظم والقصيد. صحيح يا حسين ملتقى النيل عنده شاعرية خاصة ويكاد لا تخلو (ساقي- ساقية ) من شاعر. لكن أنا تيقنت بفشلي في نظم الشعر - خصوصآ بعد ملاحظة (أسامه الخواض) بإعتباره شاعر رقيق فقد كنت أحاول مجاراته في قصيدة لكنه قتل موهبتي في مهدها هههههه حين قال بأن مجاراتي لقصيدته تحتاج إلى سمكرة هههههههههه. وحسنآ فعل ذلك حتى أرعوي وما (أتشالق) ههههه. لكن هذا لا يمنع انني لازلت مشجع ومتذوق للكلمة المنظومة في شكل قصيدة ذات جرس يأثر الأذن الشجي كما قال (صديق مدثر).
ودي وتقديري.
06-26-2021, 04:07 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2735
بالمناسبة يا حسين (ابوذر) تحدثنا انا وهو في عجالة عن المرهف (خضر محمود) وعن أغنيته الي تغنى بها (النعام آدم) " مقسوم لي ومقدر" القصيدة التي تحتاج الى مترجم خاص :) هذا الشاعر مظلوم يا حسين في الإعلام ولا يذكر كثيرآ حين نبدأ في حساب الشعراء. ياخي أكان عندك وقت وعندك تعريف بسيط ليهو نكون ممتنين اذا تعرضت له
مع محبتي الأكيدة.
07-01-2021, 11:16 PM
حسين أحمد حسين حسين أحمد حسين
تاريخ التسجيل: 09-04-2014
مجموع المشاركات: 1281
Quote: بالمناسبة يا حسين (ابوذر) تحدثنا انا وهو في عجالة عن المرهف (خضر محمود) وعن أغنيته الي تغنى بها (النعام آدم) " مقسوم لي ومقدر" القصيدة التي تحتاج الى مترجم خاص :) هذا الشاعر مظلوم يا حسين في الإعلام ولا يذكر كثيرآ حين نبدأ في حساب الشعراء. ياخي أكان عندك وقت وعندك تعريف بسيط ليهو نكون ممتنين اذا تعرضت له
مع محبتي الأكيدة.
لعلي قرأت عن شاعرنا خضر محمود نصاًّ أُفرغ من مقابلة تلفزيونية موجود في الفيس بوك. وإذا تفآجَّتِ السانحات لاسجلبه هنا إن شاء الكريم بعد استئذان أهله.
المعلوم.
07-01-2021, 11:04 PM
حسين أحمد حسين حسين أحمد حسين
تاريخ التسجيل: 09-04-2014
مجموع المشاركات: 1281
أها النجي للقصيدة الملحاحة- أنا تعاملي معاها كقارئ وناقد (عنقالي) سااااي. فهمي للشعر انو فكرة مفروض تكون صياغتها فيها جرس موسيقي. امبارح كنت في نقاش مع حبيبنا (اسامه الخواض) عن المعيار وضرورة وجود الجرس الموسيقي للقصيدة. يمكن معياري شوية مرتفع -لأنو بكون بقرأ وفي بالي اشعار (حميد- وعبدالله محمد خير- ومصطفى سند) وإرتفاع المعيار ليس لأنني متميز أو مثقف ولكن لان هؤلاء الجميلين رفعوا سقف النظم والقصيد. صحيح يا حسين ملتقى النيل عنده شاعرية خاصة ويكاد لا تخلو (ساقي- ساقية ) من شاعر. لكن أنا تيقنت بفشلي في نظم الشعر - خصوصآ بعد ملاحظة (أسامه الخواض) بإعتباره شاعر رقيق فقد كنت أحاول مجاراته في قصيدة لكنه قتل موهبتي في مهدها هههههه حين قال بأن مجاراتي لقصيدته تحتاج إلى سمكرة هههههههههه. وحسنآ فعل ذلك حتى أرعوي وما (أتشالق) ههههه. لكن هذا لا يمنع انني لازلت مشجع ومتذوق للكلمة المنظومة في شكل قصيدة ذات جرس يأثر الأذن الشجي كما قال (صديق مدثر).
ودي وتقديري.
حبيبنا الشيخ سيد أحمد حياك الله وزادك من كل نفائل الخير بسطة
صدقني يا عزيزي ليس ثمة شئ عبثي البتَّة مما يُقرأ أو يُكتب أو يُقال. وتظل أيُّ قراءة لأيِّ نص هى زاوية شوف مغايرة وعلينا أن نحترمها (قال ذلك الموسوعي الطيب الصالح: علينا أن نقرأ بحب، وأن نكتب بحب، وأن ننقُد بحب).
أقول ما أقول، وأنا تنتهي قراءتي للقصائد (تبعي أو تبع الآخرين) عند فقدان الشعر لموسيقاه الداخلية لا يهم أنَّه مقفى أو مرسل؛ فروح الشعر الموسيقى يا صديقي. وبعدين يا عزيزي مافيش حاجة إسمها الفشل - that's just a mind set، وتستطيع أن تكون ما تريد بحول الله وقوته؛ فلا توئد التجربة يا حبيب.
وباختصار قارئُ الشعرِ شاعر ولو بعد حين. المعزة التي تعلم.
07-01-2021, 10:02 PM
حسين أحمد حسين حسين أحمد حسين
تاريخ التسجيل: 09-04-2014
مجموع المشاركات: 1281
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حسين أحمد حسين
أبوذر بابكر
الشيخ سيد أحمد
فيس بوك
تويتر
انستقرام
يوتيوب
بنتيريست