|
Re: الشيوعيون والكيزان ... هل يسقطون الحكومة؟ (Re: اسماعيل عبد الله محمد)
|
يا اسماعيل الكيزان مفترض أصلا يكونو برة المعادلة فالحكومة علي علاتها وإخفاقاتها لم توسم بفساد او استبداد ولم تفرط في تراب او سيادة ولم تعذب او ترتكب مجازر جماعية ولم توسع نطاق الحروب ولم تدمر علاقات البلاد الخارجية
ولكنها اتسمت بالعجز وفشلت في تحقيق اهداف الثورة
وعشان كدة. ان ذهبت فليكن بديلها من داخل حقل الثورة فالثورة هي المرجعية وهي القاسم المشتركة للقوي الوطنية والثورية فيا اسماعيل انتو ما عايزينها تسقط ؟ حقكم ! بس استعدلوها وصححوا مسارها وإلا فان صبر الشعب قد ينفد
| |
|
|
|
|
|
|
Re: الشيوعيون والكيزان ... هل يسقطون الحكومة؟ (Re: كمال عباس)
|
Quote: وعشان كدة. ان ذهبت فليكن بديلها من داخل حقل الثورة فالثورة هي المرجعية وهي القاسم المشتركة للقوي الوطنية والثورية
|
صدقني يا كمال لو سقطت سيعتلي ظهرها الكوز النتن.
Quote: بس استعدلوها وصححوا مسارها وإلا فان صبر الشعب قد ينفد |
هذا واجبي وواجبك وواجب كل وطني شريف ووطنية شريفة. فلنقم نحن اصحاب الحاجة إلى حاجتنا.
| |
|
|
|
|
|
|
Re: الشيوعيون والكيزان ... هل يسقطون الحكومة؟ (Re: اسماعيل عبد الله محمد)
|
بس استعدلوها وصححوا مسارها وإلا فان صبر الشعب قد ينفد ------------------------------------------------------------------------ يا كمال ولماذا ينادى الحزب الشيوعى باسقاطها وهو لا يملك بديلا يضمن تحقيق شعارات الثورة؟ لماذا لا يستغل كل امكانياته فى اصلاح مسارها ودعمها ضد من يقفون حجر عثرة فى طريق العبور الوقوف ضد التعاون مع البنك الدولى كانت له مبرراته ابان عصر الحرب الايدلوجية الباردة بين الشرق والغرب ولكن بعد تفكك الاتحاد السوفيتى وتحول روسيا الى الى النظام الرأسمالى ينبغى اعادة النظر فى ما ترفعه من شعارات
| |
|
|
|
|
|
|
Re: الشيوعيون والكيزان ... هل يسقطون الحكومة؟ (Re: Hassan Farah)
|
الشيوعيين ما يعملوا إنهم إتفاجأوبأنهم لقوا الكيزان سابقنهم في خندق إسقاط الحكومة ولو صحي إتفأجأوا تكون المصيبة كبيرة شديد شغلهم دا ما بسقط حكومة الثورة لكن من شأنه أن يضعفها فكدا كدا أحسن ليهم وللسودان إنهم يواصلوا في الضغوط لإصلاح الحكومة ويستعدوا بكل إمكانياتهم للإنتخابات القادمة وكان الإنتخابات فأجأتهم يكونو بالجد أطفال سياسة
| |
|
|
|
|
|
|
Re: الشيوعيون والكيزان ... هل يسقطون الحكومة؟ (Re: Nasr)
|
ماهي الضمانات في حال سقوط الحكومة بسيناريو الفوضى الشغال دا أن يكون البديل من حقل الثورة؟ حتعمل شنو للحركات المسلحة الموقعة على اتفاق سلام وحتعمل شنو لي العساكر والدعم السريع ومصير شركاء الفترة الانتقالية كلهم شنو ؟ التحالف الجديد حيكون فيه منو مع الحزب الشيوعي ؟ السيناريو الوحيد المتبقي هو تحالف الكيزان مع الشيوعين مع العساكر والدعم السريع في مقابل الشعب السوداني بكافة قطاعاته (تحالف العقائديين دا كان وصل السلطة) حتشوفوا القمع والإرهاب الاله خلقه ..ديل ناس دم وارهاب
| |
|
|
|
|
|
|
Re: الشيوعيون والكيزان ... هل يسقطون الحكومة؟ (Re: Nasr)
|
سواء أسقطها الشيوعيون او الكيزان ام لم يسقطوها، الحكومة الحالية لن تعمر كثيراً. الحياة في العاصمة الخرطوم تكاد تكون توقفت تماماً. وسيزداد تفاقم حالة الشلل في كل المرافق مع تراكم آثار سياسات الحكومة الغير مدروسة. وما أسقط الحكومات من قبلها إلا ظنها أنها في مأمن من السقوط.
السيناريوهات المتوقعة للسقوط ولما بعد السقوط متعددة وبعضها كارثي. تقوقع الناشطين وداعمي المدنية والديمقراطية خلف حكومة فاشلة وعدم أخذهم زمام المبادرة في إحداث تغيير إيجابي سيفسح الطريق لحدوث أسوأ السيناريوهات.
| |
|
|
|
|
|
|
Re: الشيوعيون والكيزان ... هل يسقطون الحكومة؟ (Re: tasneem)
|
اهلاً العزيزة tasnem وهم مشو ؟ بالانتخابات ما بجو الا تزوير لجنة الانتخابات تنظر في الكشوف والطعون راي حزب او مجموعة تحاول تتحالف معاهم تحت الطاولة يطولها قانون منع المؤتمر الوطني الحلول قليلة ، واهم شئ الرقابة ، عشان كده بقول الاعداد للانتخابات ح يأخذ وقت ، امكن سنة تنقص أو تزيد قليلاً.
غير كده الثقة في الدولة نفسها ح يتاكل
| |
|
|
|
|
|
|
Re: الشيوعيون والكيزان ... هل يسقطون الحكومة؟ (Re: اخلاص عبدالرحمن المشرف)
|
ما تخافوا ساكت بعد الملايين الشفتها طالعة تسقط الكيزان في ابريل الكيزان تاني بالتزوير ما بجوا أستعدوا للإنتخابات ما في ديمقراطية بدون إنتخابات
مافي في الدنيا سياسي أتفه من ترامب الديمقراطية جابته رئيس قبلنا بيهو وسقطناه في الإنتخابات البعدها الديمقراطية دايرة صبر وكثير شديد من الإستنارة ودي ما في ديكتاتورية ولا حتي حكومة إنتقالية بتخليها تحصل الديمقراطية بس بتسمح بمزيد من الإستنارة والأستنارة عمل شاق وفرض عين علي كل المثقفين
| |
|
|
|
|
|
|
Re: الشيوعيون والكيزان ... هل يسقطون الحكومة؟ (Re: Nasr)
|
Quote: الانتخابات في هذا الوقت حاتجيب الكيزان ديل عندهم كل شي المال ،الجيش والدعاء والمكر والخلبث وتخصص تزوير يا دكتور اخلاص |
بالعكس هذا افضل توقيت لاجراء الانتخابات وخير للبلاد ات تٌجرى الانتخابات و مآسي الثلاثين عاما أمامنا حكاية المال والمكر والتزوير كوووولها مقدور عليها قد يكون المطلوب جبهة عريضة ضد الانقاذ والناس لا زالت تتذكر دائرة الصحافة وسقوط الدكتور الترابي في انتخابات ما بعد ابريل المشكلة الوحيدة في قيام الانتخابات دور التنظيمات العسكرية ( حركات ، ميليشيات ، دعم سريع ) و موقف الترتيبات الامنية ال over estimated غير كدا لا اعتقد ان الانقتاذ يمكن ان تأتي عبر بوابة الانتخابات
| |
|
|
|
|
|
|
Re: الشيوعيون والكيزان ... هل يسقطون الحكومة؟ (Re: Al Sunda)
|
مقال جيد اسماعيل الكيزان والشيوعيين فعلا حاجة واحدة وكت بدو الناس يوعو في البورد ويراهنو علي الشعب والانتخابات زمان اول برلمان واخر برلمان ديمقراطي 1954 انتخبو ناس اذكياء 90% اميين وطلعو الانجليز بدون خساير بشرية اطلاقا وفي زمن قياسي وجات مصر بي المخابرات ومشاريعا العفنة والحثالة في السودان والان بي المحاصصة والوثيقة الدستورية قعدت في راسنا وظهر نهب الشركة القابضة المصرية ومحزرة القيادة وتشبث مصر بالدولة المركزية والحثالة لحكم السودان في واقع مفضوح وهسة جابت ليها مناورات كمان الان 2021 90% من الشعب السوداني متعلم لكن ما واعي يجيب الكيزان كيف والانتخابات في القرن21 تحرسا مؤسسات راسخة المحكمة الدستورية المراجع العام الاعلام الحر الجنسية الخضراء ووثائق ما قبل 30 يونيو 1989 وقحت الغبية ماسكة الدولة لي ما تملا مؤسسات بي ناس محترمتين ؟؟ السبب واضخ االلشعب ما بنتخب ابدا الشيوعيين والبعثيين والناصريين والكيزان اطلاقا في انتخابات مؤسسة وواعية وهسة حلف الميرغني الحلو بي مرجعية دستور 1973 ووقوانين 1974 ده التحالف الديمقراطي الوحيد في السودان البشبه بادين ومرحلة بايدين وغير كده مجرد بلاعيط في البورد وفي السودان نايلو الهوا شايلو والانتخابات عقدة الكعوك الخمسة ديل الشيوعي البعثي الناصري والكوز السلفي ولي يوم الدين ما بجو بي الانتخابات خليهم يرتعو بي المحاصصة دي بتشبع نرجسيتهم بس علي حساب الشعب السوداني السياسة في السودان بعد الاستقلال امراض نفسية قبحت المشهد السياسي السوداني ما عندها علاقة بي الدولة والمؤسسات نهائي والله يجازي الحشرنا في جامعة الدول العربية وجاب لينا الرجال البتمسحو بي الكريمات وعايزين يكونو عرب كسر رقبة والحديث ذو شجون الدرب واضح الناس تتمسخر علي الفاضي
| |
|
|
|
|
|
|
|