[____ تراجِمُ شارِدةٌ في دَوزنةِ الحُروف بدارجيَّةِ لِهَيجنا السُّكري___]

●أخوي مصطفى يا نكهة البوح المستباح والفضفضة
بالعربي القُراح و السفسلة قروض ساي ، برا ملاح. خلاس
اعتمدناك مثالاً بارعاً و خيرَ جليسِ في زماننا، يا من تحمل
إزميل فدياسَ و روحاً عَبقريا .. فخلينا نخرِق لك الروتين
بوقفات تمحيص و تأمل مع صيغ نضمينا السمح دا..حيث
هناك كثير من العك الذي يستعصى و يُشكِل كثيراً على
السامع و المتلقي هضمها بالمعنى الشائع بين الأمم.

فياخ ، رمضان الفات كريم ،،،،،،،،،،،،،،
و دمتم.. دمتم .. دمتم سالمين

ود ال ح يدي ش ا ن ال ت لا تة
مؤمنٌ ملدوغ من جُحرٍ مرتين و ...
مؤذنٌ محجورٌ منزلياً بجزيرة مالطا

☆فمثلاً أمسك عندك، عدَّاً و ليس حصراً قاعدين نقول لي
حبوبة عجوز: مشتهينك ياخ؛ ترد ليك: تشتهيك يايابا العافية.
تقصد طبعن: إنها ما تفارقك. يعني دوماً بخير ولكن لو قلَّبناه
مليَّاً يمين شمال و طُرة و كتابة، نلقاها أقرب إلى مُقعدٍ كسيح
و مشتهي العافية من مرضٍ لا يكاد يُرجَى له برءٌ أو شفاءٌ.

☆ برضو لمان نقول الحاري و لا المتعشي؛ فبها خطاٌ شائعٌ و عكٌّ
مخلٌّ وفاضحٌ.لكون الحاري موعوداً بعشاءٍ بوش مدنكلٍ و متعوبٍ
علبه و المتعشي هو الماكل دباها و رتح يغطُّ في سَباتٍ عميقٍ. فكيف
يستقيم الأمر بأن نفضل عليه مجردَ حالمٍ بعصيدةٍ بريدةٍ، و ملاحا في
الريف؛ {متل بديد و حوية} و بعيرن في أم هلج بطانة أب علي} و لكن
حبوبتي بت ود تاتاي عندها تصويب وجيه مجازفاه براها لهذا المثل الأعور
بأن :الأحري بنا أنوتقول: (الحاري و لا المتعشم) , و المتعشم هنا من يتأمل
و يظن ظنا بأن تنزل عليه مائدة من السماءتكون له عيداً، يعني زي هفت
ليهو في راسو ساااه،و بكدا ممكن يكون المثل مبلوع شوية!!!

☆ وكمان عندنا ( يا شافع) جٌر معاك الباب وراك,
و لا أقفل معاك باب الشارع!! و معروف أنو الشارع
ليس له باب، و لو كان له باب لا يسمى شارعاً، و الأحرى
مغارة , و لكن المقصود باب الحوش الفاتح في الشارع.
#☆م لو رجعنا لي (شافع) ذات نفسِها ، و التي نطلقها جُزافاً
من آخر مناخيرنا في حالة غضبنا من لقلقة الشُّفَّع لامن يجوطو
اادنيا، إنما أصل اللفظة في أبجديات معاجم مختار الصِّحاح و
المصباح المنير ، هو من (شفع) الطفل يشفع لوالديه حال موته
(سلفاً).أي : صغيراً غيرَ مكلَّفٍ و هذا من إعجاز لغتنا الدارجة.
#كذلك نسمي سخان الشاي (البراد) لتبريده و كمان
جايبنو بصيغة المبالغة براد يعني تلاج عدييبل كدا .

☆ و أغرب ما دقش عضاني في بلاد العجب العُجاب
أن الحرية التي نعبيها سائلاً غازياً سائغاً للشاربين بلونها
البرتقالي الجذاب الأنيق، لنشتق منها اسما لأحد أقدم كبارينا
و الذي يكب مباشرتن في سوق السجانة (جمع سجان) بالله
شوف؛مع إنو مفروض يؤدى لميدان التحرير حيث جرى فض
الاعتصام، ول دا موش كدا؟!يلا،دا بس أشان تأمن إننا ناس
مناكيد و ماشين خلف خلاف فى كل شيء يانا الراستات و
و الناس الوقفو قنا.. و بردو أدلات تبش و أروق باااامبَي
وراجعين نعمل تسعة طويلة ويط اازحمة نواحي ميدان
جاكيون ، قبال ما نوصل موغف كلاكلة لفة لفة.

● نرجع نقول: ياخ عايشنا معظم شعوب الأرض و الله
ما لقيت أطعم مننا و ألذ نما ننفرد به كقولنا: ده كلام ساكت".
فكيف بالله زول بتكلم و ساكت يعني زي (الصمت الصاخب )
و لا الهدوء الذي تعقبه عاصفةٌ ذهنيةٌ. و لا گانو ما قال حاجة،
زي (Hollow Talk أو Empty Speech) و سمعت تعليقاً
للمتحزلق الهالك/محمد حسنين هيكل مفاده: إن هذه إما
تكون عبقرية حد الغباء ، أو تكون هراءً ككلام الببغاء .

▪قبال نخش غريق، عندنا شوية تخريمات سريعة
على بوست قديم متجدد لصاحبه الغائب/ الزول زاتو .
طالعته في ما بعد الأرشفة و بما أن الحديس جاب العريس
و دخل الحوش و كأنما ظخل القش و ما قال:(كش)، باعتبارنا
أسياد اللسم فلقد آثرنا المداخلة فيه مكانه؛ و لكن لمَّا تعذر علينا
الدخول هناك لسبب فني أو لآخر . فعمومن قلنا نرحب بيك يا زول
يا ظاطوووو ،لا بأس بأن ندلي معك بأشطان دلونا لعموم الفائدة حول
التسمية و هي ماركة سودانية مسجلة بلا منازعةٍ. و لو أعلمنا فيها جانباً
من علم الصرف فالصواب الراجح فيها أن تكون من باب التركيب الإضافي
بمعنى إضافة الاسم (دَفْعُ) لايم الجلالة(اللهِ)كما ورد في غيرما آية. ذلك
بخلاف التركيب الاسنادي أي: بإسناد الفعل إلى فاعله و مثلع جَادَ اللهُ و
فَتَحَ اللهُ وهلمجر . و أيضاً بخلاف التركيب المزجي مثل حًضْرََمَوْت و بَعْلَبَك.
☆ و لكن دَفَعَ اللهَ تُكْتَبُ في لهيجنا السُّكَّري بصيغة المركب الإسنادي ،أي :
على أن اسم الجلالة هو الدافع و ليس المدفوع كما ذهل إليه أحدهم.و لكنه
أيضاً خطأٌ شائع . و لعله متأثرٌ إلى حدٍّكبير بالمد الصوفي السائد عندنا
و ضارب بأطنابه ، و (بكثافة) و بخاصة في أوسط البلاد.
هذا ما لزم و أمكن توضيحه،و العلم عند الله.
تخريمة:
بالموناسبة في بيوتنا ، لو ناديت
يا دفع الله دا يجوك جارين كم متلاب
يعني زي القلتا "يا كيس "في الملجة.

 

 دفع الله يعني شنو؟!! (Re: خالد العبيد)


● شرفتنا ود العبيد يا غايب عن عيني بس حبك في قلبي
و أحسنت بنا صنيعاً بإشراقاتگ الضافيةو تگبدگ وعثاء السفر
إلى بطون أمهات المعاجم؛ رغم أن الأسامي قد تحتمل التعليل.
☆ و إن گان لا بد في المية من إضافة نقطة بعد فواصل إشاقاتگ
عاليه، فيمگننا القول: إن من نفس المادة يشتق الدفع بمعنى الهبة ،
و دفع الله أي : هبته. و على أنه ، گما سبق، مرگب إسنادي بإسناد
الفعل ( دفع أي :وهب) إلى فاعله/ اسم الجلالة:( براهو الواهب
العطاي). على قولة:سماعين ود حد الزين و الفرعون/ وردي.

¶ گذاك يمگن إسناد الفعل إلى مفعوله مثل،: عوج الدرب
و ضوَى البيت عند الطيب صالح. و گذا تأبط شرا؛ أو حتى
إلى نائب فاعله مثل سُرَّ من رأى ، و هلم جرا.

∆كذلك بمعنى الحماية و المنع منه (جهاد الدفع) ،
بخلاف جهاد الغزو و الفتح , و تُشتق منه وزارة الدفاع.
و بمعنى (اللز و الدفر) منه المدفع الرزَّا ، و مدفع رمضان
و مدفع الدلاقين، إن شِئْتَ. هگذا و لنا عودة بالنية.

[} بمناسبة الدفع تحضرني طرف قديمة متجددة:
أيام الزمن الجميل گنا في قصر الشعب قبل(الأنقاض).
و عمنا عوض جاد الرب گان نميري عينو بدرجة وزبر دولة
لما سماه آياميها: (مگتب دفع المظالم). حاجة كدا زي ما تقول:
لجنةُ حقوقِ أنسانٍ محليةٍ مصغرةٍ، على الطريقة (الدولدماسية)
و هو منهمگ بتعيين سكرتاريا و معاونين ليه في اامكتب. قام جات
زميلتنا(...) حنگوشة گدا مصارين بيُض و ناعمة سألت عمك بكل براءة
الأطفال: إتا يا عمو عوض/ مگتب رفع المظالم ا بتاعكم ابجديد دا متين يعني
ح يباشر مهامو و كدا؟!! لگن عمگ گان رباطابي مقرم و حاضر البديهة قال لها
يا بت أخوي كدي أول حاحة هو الشي ظاطو مو (رفع) و إنما (دفع) ساي.
رغم إنو يعني عادتن، مفروض يكون (الدفع قبل الرفع).هذا مع رجاء
المعذرة و آسفين جدن لأي قلة أدب غير متعمدة (If Any).

عمومن اادفع خشوم بيوت منو دفع رباعي
و دفع ورا ورا. رغم إنو دفاعنا المدني تعيس شديد. بذكر لامن طايرة الأردن الحرقت في مطار الخرتوم مكان تيارة دا بقوم و المخلوع داك كان بنوم . يلا فرق( الأنقاذ) بتاعننا الله لا يجيب باقيهم قد تنادوا خفافاً فهُرِعوا هابين إلى بكان الحادس و بدو يشيلو في المصابين(طب العصب) لامن واحد فيهم كان ماسك خرتوش المطافي قام لاحو ليك رماه جوة ألسنة اللهب. هذا،و ناهيك عن ثقافة دفاعات أخرى كالدفاع النووي البايولوجي ؛فذاك يُعدُّ ترفاً يُشْتَهَى. ياخي لسانا براهو فاكي ما دايرين نكتر التخريمات و نقلب المواجع ساي .
☆أها تحين يا صيام قت لي السادة الوالدين ما نظروا في ابن منظور و لا يكون كمان قصدك كتاب أبلة نظيرة لللتباخة؟!
☆ ياخي نحنا ناس بنعيش حياتنا الغالية بالنية السليمة.
و كوتار مننا ما فارزين ظاطو (طظ من سبحان الله).

☆علا لكن بس يبدو و لله الحمد، الفطرة لسة دبلان يعني كويس إننا قبال نضبح السماية للشافع بنفتح كتاب الله علا لكن سمعت قالوا:شعوب الصين الشعبية و الكورية و اليابانية قالو: بيرمو ليهم شلن و لا ين في البلاط ،بس الرنة البتطلع منو
بسمو بيها المولود. شايف كيف كيف؟!ما عشان تلقاهم
مرطبين يناتم وو أشلانم مغلباتنهم سااه!!

☆ يرحبوبك إن شاء الله في الجنة و نعيما أخونا عادل إبراهيم.
الغالي تمر السوق ، الهن قسَّمو ما بحوق. و جعلني الله و إياك حملةً لمداليل
أسامينا بكل ما أوتيت من أبعادٍ و مقاصدَ لعبو.. و الدفع بمعني العطية الما
من وراها جَزِيةٌ، من المعاني المتجذرة في سمتنا الإخلاقي السمح. و بالذات
الدفع في المواصلات. علا شايف الأيــامات دي مع سخانة الجيوب دي
الناس الواحد بقى يسردب و يعمل حميل و غزتنا عادات وطباع دخيلة
متل قولة: (إنقلش بَوْكِتْ ) يعني كل زول يتنحنح و يحك جيبو.

@ لكن ذكرتني بالعكس ، مرة عمك شغال لياس بيوت. رابط
عراقيهو طب بي دباة فوق أكتافينو و كان خامج لو حوض زبالة
في جيهة السوريبة دي و خلاهو يعفن و مشى متراوح أهلو في قرية
بقادي جنوب مدني يبيت و يجيهو معوقب لي باكر. فوقف في الدرب
راج( يا بو مروة) جا فوقو هوستنداوودي وقف لو ركب شوية وقف
لكورجة نسواين جايات لهن من بكا يورجغن سااهركبن و بعد شوية
تلب عليهن الجنا الكمساري ، بالأصح (مساعد الحَلَّة) . يفرطق ليهن في
أصابعينو داير يخلس منهن يطلع حق الجاز. يقوم عمك يقوللو: ما تشيل منهن.
قبل عليهو قاللو سمح جيب أنتا حقك أول شيء و (ادفع) لهن معاك.عمك دنقر
و قاللو: ما عندي،حرم معلم الله. -يا زول إتا حكايتك شني لاك دافع و لا كمان
تخلي الحروم يدفعن. أها اتلقت منو عليهن تاني و قاللهن عمكن دا بهرج
ساي يلا أدونا حقنا نتخارج.

@ عمك تاني قاللو: يازول قت لك حرم ما بتشيل منالعوين.
الشاهد بقينا في حاو و تر و حاجة كدا متل حجوة أم ضبيبينة .
لغاية ما شاب محترم كان راكب في التندة ، قام نزل سلم لعمك
الدايناصور دا في جبينو و دفع ليو حقوو حق الحريم . و غمت
ليو حويجة في جيبو إكراماً لشهامته ودمه الحار و عينه البصيرة،
رغماً عن يده القصيرة. و هكذا يمكن القول أنه يذكرنا بقول
النبي الكريم (ص)" غلب درهمٌ ألف درهمٍ".
                   

 
قف تأمل ، في مجاهل أسامينا البتملأ الخشوم الناضحة
بنفحات الخير و حسن الفأل و راحة البال و نفيس الدر في قيعانهاقابعٌ,. هذا ،إذ ما تأولناها على محملٍ طيب كحامل المسك فجيب الله دفع االله المعنى واحدٌ.. حتى جيب العراقي و الجلابية نابع من نفس الفكرة ، إذا قصدنا إنو بجيب بس ، شريطة إنو ما يودي (ولا يودر).لأنو في ناس بالمناسبة جلود جنهم الواحد تقوللو: جِيب تقول بالله يا كافي البلا و يا حايد المحن، جيوبم دي جيوب أنفية، ما بتحمل الهبشة كأنو مكتوب عليها " لا مساس . ولا تقول ساكناها عقارب!!

أخْطاءٌ شائعةٌ(شائنةٌ) تعكِسُ
عقليَّةً ضَحْلةً و ثقافةً شائهةً!!
♤ انظر يا هداني و رعاك الله ،إلى
مثلِ هذه ( المَقولةِ ) الزاعِمةِ جُزافاً
بأنَّ :"خطأً شائعاً خيرٌ من صوابٍ مجهولٍ"
▪ أوليس هذا بحدِّ ذاته أفدح خللٍ عقليٍّ من
شأنه أن يُسوغَ الأمر لكلِّ ناسفٍ لقضية الثقافة
من عروشها و لجعل عالي هويتها سافلها ؟! فيا له
من تفكيرٍ سلبيٍّ مُتقاعِسٍ عقيمٍ و دعوة متخاذلة لوأدِ
هِمَم البحثِ و التقصِّي للصوابٍ؛ و بالتالي(تعبيد)السبل
لسُلحُفائيَّة سعيٍنا الدؤوب وراء الصواب و تحرِّي الدقة
و الشفافية في أقوالنا فضلاً عن أفعالنا؛ ما قولكم؟

》حدثْ و لا حرجَ أغلاطِنا الشائعةٌ و كأن شيئاً لم يكُن》
(1)
♤هنا مقتطفاتٌ عشوائيةٌ كغيضٍ من فيضٍ لغَلَطاتٍ شائعاتٍ و بالهبل.
و قبل الغوص سحيقاً في مضارب هذا المبحث العلمي الجافِّ و المتبحِّرِ ،
دعونا ندردش ببعض الأخطاء النشاز و الشوارد من حظيرة بنت عدنانَ لغة
(الظَّـــاد) كما يحلو نطقها ، و بكل أسف، لكثيرٍ من أهل جزيرة العرب.
و تحضرنا من طرائفهم ذاك الاعرابي البغل ااجلفالذي عض بعلته فجدع
شحمة أذنها متل هنوووك. و لما كلبشوه أخذوه فاعتلوه ليمثل أمام
قاضي الاحوال الشخصية رافع عن نفسة محتجأ بدليل من قوله تعالى
" وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ ۖ
فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا ۗ إِنَّ اللَّهَ كَانَ عَلِيًّا كَبِيرًا "

● و لعل من أشيعِ الشائعات عندنا في بلدنا الحبوب هذا، و بزمننا الجميل هذا
هو الخلط لدى العامة و كثير جداً حتى من نخب الخاصة و بالذات رواد و رائدات
الفيسبوك، حيث فكرتُ و نجِّمتُ كثيراً و قرأتُ لأولئك المفسفسين و المفسفسات و
المتوترينو المتوترات و هم يجمعون مثلاً كلمة منشور على (مناشير) و أكثر تحديداً للأسف
أدمنات القروبات ، فقلنالم إذن فعلام تجمعون مفردة (منشار)؟! ما قد يعكس لك إلى أي مدى
نحن قومٌ جبَّا ون أنكشاريون و يدنا على آلة اللطش زناداً كان أم(منشاراً) لحسم قضايانا و
إسكات خصومنا بالسياسة و مخالفينا في الرأي . ذلك عِوَضاً عن مقارعة الحُجية بالحُجة،
و ضحد الفكرة بالفكرة. اللهم إلا لعض من رحم ربك ماقوُّوا روسينم و ما أخدتم العزة
العنطظة بالإثم و قبلوا منَّا على مضضٍٍ مشكورين صوبناها ليهم ب(منشورات).

♤ و لعل الخلط نفسه حاصل ما بين مشتقات بعض الألفاظ و المفردات ،
على أنها مترادفات. كقولهم مثلاً: استلام الرسائل ، أو الجوائز ، أو البضائع.
لكن الصواب هو (التسلُّم). و أما الاستلام فلا ناقةَ له و لا بعيرَ بشيء من ذلك.
بينما يصح بمعني الاحتضان و الالتزام ، كقولنا استلام الحجر الأسود)
عند الطواف ببيت الله الحرام ، حينما نريد أخذه بالأحضان.
هذا و دمتم دمتم دمتم سالمين،،،،

أشرقت الأنوار بقدوم صديقي اللدود
كما تحلو تسمتك/ أبا غفران قصي محمد عبد الله
طبعن عملت ليك ديباحة شكر و عرفان عل (دفعك)
عني بشهامة ، وجدانية طبعن يومذاك.بس شكلك ما قريتا
في الخاص. و أما جمع دفوع الله فساهلة و إنتا غالي و طلبك
رخيس. و أما حمد النيل و هو بالمناسبة أخوي الأكبر فدي و الله
علا نحولك على عمك غوغل أيرث . و لكن لو داير نجازفا ليك برانا
ممكن نقول هي في علم البلاغة من باب التشبيه البليغ (أي محذوف أداة
التشبيه و وجه الشبه) بمعنى أن(حمد هو النيل) . و في علم النحو أيضاً
ممكن نعتبرها من باب البدل و المبدول منه. كقولنا الخليفة عمر أي أنه
هو هو . و لعل في كل ذلك تكون مندوحة عن الوقوع في مظنة
الشركيات ، بعدم نسبة فضل الحمد إلى النيل مثلما يفعل
أولاد بمبة بتسمية مصر (هبة النيل) ( وَلَئِنْ سَأَلْتَهُمْ مَنْ
خَلَقَ السَّمَاوَاتِ وَ الْأَرْضَ لَيَقُولُنَّ اللَّهُ ۚ قُلِ
الْحَمْدُ لِلَّهِ ۚ بَلْ أَكْثَرُهُمْ لَا يَعْلَمُونَ)

حيَّ الله كل من ينتوي المتاوقة هنا.و بصراحة كدي النقول ليكم حاجة ،
أول مرة نكتشف إنكم يا ناس سوانيز على الخط دمكم خفيف و جوكم ظريف
و غداكم ظاطو قاتوه، موش رغيف، متل حقنا البجغور دا منشحطينلو صفوف
ن(دافع)الأخبثين، و نهاية اليوم الواحد يجي صارهن رغيفتين بعشرة جنيه، لامن
خجلان عليهن ، متل فسحة الدكتور. و برضو رضيانين بقسمتنا؛ و ما تفتكرونا صار كفنو
ولا متأبطين شراً و أصابعينا دوماً على الزناد. علا بالعكس لأنو ياخ الدونيا دي ما دايرة شيل
هم قدر دا .فاللهم فك تكشيرة أهل بلادي و فر البسمة على شلاليف الحزانى. دي أول حاجة ،
و تاني حجة ، أصلي ما كونتا قايل بويست ظريف زي دا ما يجيب دخل و يشرفنا بحضور
كوكبة من وجوهكم النيرة و بمقاماتكم السمهرية الرفيعة. لتدلوا معنا بأشطان دلائكم ، لكي
نقتل (دفع الله) و كتبر من أساميننا الشوارد بحتاً . و كل ما ذهبت إليه من تأويل اللخوان/
يُعتبر في الزون و بخاصة نسبة الاسم إلى الأعراك. و كل من ذكرناهم أسامي متكررةٌ
لدينا لدرجة لامن تتوهك ظاطو. عاملة زي كسرة رماد الذكرى ، لمصطفى
سيد أحمد أو لعله الرشيد كسلا يقول فيها : و حتى الباقي من
باقينا لا نلاقيهو لا يلاقينا لا نتلاقا لا نتلم.

● لقد أحين بي صنعاً أستاذي ود الحسين لما جاء أخيراً و ليس
بآخرَ ,و لعه ديدن الخيل الجوامح، و الجياد الأصائل،إذ لا تلحق إلا
توالياً. فطاب و طاب ممشاه ممشاك و تبوأت من الجنة منزلة.

# فوالله لقدأحسن إذ يسميها نزهةً و سياحةً فكريةً؛
و أنا ح أشيل منها نقطة و اخليها سباحة مع التيار بمعنى
الغوص عميقاً عميقاً في مجاهل تلك الأسماء الناضحة بنفحات
الخير و حسن الفأل و راحة البال و نفيس الدر في قيعانها قابعٌ,.
هذا ،إذ ما تأولناظفع وظجؤب الله على محملٍ طيب كحامل المسك.
® طبعن كلامنا كوتير في الحتة دي.علا فهمگ صاح مية مية.
يا ريت نلقالنا جهة تدعمنا نعمل لنا مشروع موسوعة(غينص)
لأسامي الدايناصورات البشرية ، و التي لا وجود لها، إلا في
مجاهل ربوع بلادنا المترامية الأطراف على الفاضي.

● تعرف، مرة إمامنا مصري مصر يناديني:
يا صلاح فيومنبهتو لأنو دا موش اسمي. فشافني
زي المطنقر كدا قام لاوز ، قال لي :و مال يبقى اسمگ إيه
يا سيادة البيه؟!! قتا لو : دفع الله. قام اتلفت جاي و جاي. و قال
لي:دا إيه الحلاوة دي،و الله عَنْدُگُو حلاوة أسامي: أهو زي دفع
الله مثلاً.يعني كبر دماغوركب الموجة وبالراحة أملص مني.

¶ و دا بودينا لحتة إنو( گل زول عاجبو الصارُّو).
فدا سعودي جلفبسأل في السوداني: ويش يسمونك يا
زول؟!! قاللو : بقولو لي : البلة،داگ استغرب، يعني لويش
ها الأساميالعجيبة يا الزيلان؟!! داگ قاللو: أهاخوي و إنتا
اسمگ شنو؟! قاللو: أبشرعاد، و أنا أخوگ بنادوني :صمعان
بن برمان بن ظعطان آل ظرطان الدوسري.الزول داير
ينفقع ضاحگن ، و قاللو : لا و الله عاد عاجباني جنس
أساميگم دي البتگطع الوضوء. الله لا جاب باقيكم.