|
|
|
 Re: من امس الخميس في تراجع سريع في سعر الدولا (Re: Osman Musa)
|
يبدو ان بعض البنوك
شاركت في هذا المزاد بشراء كمية كافية من الدولار
بدليل ان السعر لم يتغير منذ أربعة أيام في بنك فيصل
مثلا كان سعر الريال يوم الاثنين 114.7077
الثلاثاء هبط إلى 114.6986
الأربعاء
الخميس
الجمعة
السبت لازال متوقف في نفس السعر
الجمعة عطلة
ولكن السبت دوام في بعض الفروع لشراء وبيع العملة فقط
لهذا كانت قائمة الأسعار تتغير في يوم السبت
ولأول مرة يتوقف سعر الريال السعودي عند هذا المؤشر
ولا يتغير للأعلى لخمسة أيام متتالية
بالنسبة للسوق دخلت البيت قبل قليل
زيت أربع ارطال ونصف اسمه شمس 4300
كوم البامية الصغير 200 الف بالتقديم
والله.بصلة توم واحدة ب 100 الف
كيلو الفاصوليا 800
ربطة ملوخية صغيرة جدا 100
كيلو الضأن 2600
كيلو الدجاج 1700
طبق البيض 1700
رطل الحليب 120
الزبادي 140
الاندومي 120
مرات 200 مليون لا تكفي في الشهر
عشان كدة يامغتربين لاتزعلوا
الفين ريال بالكاد للأكل والشراب والكهرباء
طبعا منها بنزين كاقل تقدير ب 40 مليون
هجمة مرتدة + 18
عادي ممكن يقابلك راجل اغبش
لمدة شهر كامل
كل شيء بقى غالي
الطلح بي الفين يادوب يكفي مرتين
الباقي تاني الا تتمو موية زرقاء
قال حياة رومانسية قال
| |
  
|
|
|
|
|
|
|
|
Re: من امس الخميس في تراجع سريع في سعر الدولا (Re: ابوحراز)
|
استاذ ابوحراز
السلامات ربط ربط .
ياخ الزول الكتب المداخلة حقتك دي اتخيلتو يكون الراجحي .
تفاصيل دقيقة عن العملات والسوق .
بس عليك الله ابعد من اتنين الاندومى والطلح.
الطلح زاد بعد تهريبو واكتشاف الحاجات.
وطبعا الطلح ثروة قومية.
اكرر أرجو الابتعاد عن الاندومى واستبدالو بام تكشو.
وبالمناسبة يا حراز ام تكشو حقتنا بتاعت ضهر الجدول دي
في المكسيك هي الوجبة المفضلة لعمال حصاد البطاطس .
اها الاسعار كوم والكهرباء كوم .
نزول شديد في أسعار المراوح والمكيفات.
وارتفاع عجيب في سوق ابوزيد في أسعار الهبابات.
تخيل هبابتين سعف ماركة LG سعرها كم ؟
وفي زلابية جديدة حبة كبيرة اسمها ح نعبر ههههههها
السودان عالم تاني .
| |
|
|
|
|
|
|
|
|
|
Re: من امس الخميس في تراجع سريع في سعر الدولا (Re: Osman Musa)
|
في هادي البلاد المهمومة والمجغمسة
جد مسكينة الطبقة الكادحة من المغتربين ناس خمسة ألف ريال ولي تحت.
وخاصة المنهم عندهم بنات في الجامعات.
الاولاد الطلبة هينيين.
لكن الكلام البنات المسكينات.
صحن الفول المصلح خمسمائة.
وعلبة النيفيا الصغيرة الفين .
والقلم الجاف ميتين.
والكوكولا الصغيرة 70 .
قصص تعمل طوحال
| |
|
|
|
|
|
|
|
|
|
Re: من امس الخميس في تراجع سريع في سعر الدولا (Re: Osman Musa)
|
نعم الأحد لا يوجد أي تغيير
بنك فيصل الإسلامي أنزل السعر السابق قبل أربعة أيام
وهو 114.7077 بالنسبة الريال
اليوم زيادة طفيفة في بنك فيصل
حيث أصبح السعر 114.723
طبعا نحن ناس قريعتي راحت بنعتبر الكسور التي تأتي بعد ال 114
بنعتبرها كلام فارغ وكسور خلاء ساكت على قول عمنا حميدان
لكن بالنسبة للتجار بتعني ليهم الكثير
يعني لو في واحد عنده مليون ريال سعودي في البنك
التغيير مهم بالنسبة له
فالسعر لمن كان 114.7077 الزور ذا مبلغه بعادل بالسوداني 114.707
مائة وأربعة عشر مليار وسبعمائة وسبعة مليون بالتقديم
لكن اتغير المبلغ وارتفع المؤشر ل 114.723
بصبح مبلغه 114723
الأرباح تساوي 16 مليون بالقديم
اما لو بكرة تغيير السعر وأصبح 115.723
طوالي عمك دا بيربح مليار
ولكن حركة البيع والشراء ضعيفة في البنوك
ويبدو أن بعض البنوك أصابتها متلازمة تخمة الدولار
هجمة.مرتدة
لا اريد ان أحبط المغتربين السودانيين
ولكن هناك أشياء غريبة
مفارقات مدهشة
والارزاق بيد الله .. ونفضل بعضكم على بعض في الرزق
وأحيانا تذهب لتبحث عن الأرزاق في براري كلهاري
بينما هي في السودان
مر علي مغترب من الدمام السعودية
38 سنة اغتراب
معاها كمان عمليتين في الرأس
أتى ومعه 4 مليار بالقديم = 40 الف ريال سعودي
طلب مساعدتي في شراء قطعة ليستفيد من أرباحها مستقبلا
اشترينا له في مخطط قدامى المحاربين
أخوه الأصغر معنا هنا
كلما جمع ليهو قرشين ثلاثة يشتري بها اراضي
لديه ثلاثة قطع على الظلت
القطعة الواحدة سعرها 75 مليار
| |
|
|
|
|
|
|
|
|
|
Re: من امس الخميس في تراجع سريع في سعر الدولا (Re: ابوحراز)
|
الأخ ابوحراز
سلام
البلد دي تحيرك .
الليلة وبدون أي مقدمات دا الحصل .
...
سعر الدولار في السودان اليوم
قفز سعر الدولار مقابل الجنيه السوداني،
في تعاملات السوق السوداء اليوم الخميس 10 يونيو/حزيران 2021،
فيما استقر لدى بنك السودان المركزي.
وبلغ سعر الدولار في تعاملات سوق النقد
الموازية غير الرسمية (السوداء)، 470 جنيها مقابل 447 جنيها الأربعاء.
| |
|
|
|
|
|
|
|
|
|
Re: من امس الخميس في تراجع سريع في سعر الدولا (Re: Osman Musa)
|
سجلت أسعار صرف العملات الأجنبية مقابل الجنيه السوداني في السوق السوداء الموازي حسب تحديث في المؤشر اليوم السبت 19 يونيو 2021 القيم الآتية :
العملةسعر الصرف دولار امريكي465 جنيه ريال سعودي120 جنيهدرهم اماراتي124 جنيهسعر الدولار الرسمي436 جنيهاليورو550 جنيهالجنيه الاسترليني640 جنيه ريال قطري122 جنيهالجنيه المصري29 جنيه
| |
|
|
|
|
|
|
|
|
|
Re: من امس الخميس في تراجع سريع في سعر الدولا (Re: Osman Musa)
|
رغم ان زيادة سعر المحروقات
لها مساوي
الا انها حاربت السوق الأسود
وقللت الحركة في الشوارع
وكل ذلك يؤدي لتقليل الصرف على المحروقات
مما يؤدي لتقليل الكمية المستوردة من المحروقات
وبالتالي يقلل من الصرف بالدولار على المحروقات
ولكن ربما يعود السوق الأسود مرة ثانية
اذا ارتفعت قيمة الدولار مقابل الجنيه في السوق الاسود
| |
|
|
|
|
|
|
| |
Osman Musa
ابوحراز
Ali Alkanzi
فيس بوك
تويتر
انستقرام
يوتيوب
بنتيريست