|
Re: الحكومة دي لو خطفها عسكري نجيض مافي زول حا (Re: عمر التاج)
|
الحبيب عمر تحياتي يا جميل ما بعيد يا عمر يتكرر نموذج السيسي عن طريق المخابرات الاجنبية
أنا شخصياً بالنسبة لي حمدوك أكن له التقدير والمحبة ولكن ربما لم يجد البيئة المناسبة لقيادة الوطن
الله يكون في عون الوطن
شكرا الحبيب عمر .. يا سلام عليك بدونك المنبر فيه جمود
| |
|
|
|
|
|
|
Re: الحكومة دي لو خطفها عسكري نجيض مافي زول حا (Re: اسماعيل عبد الله محمد)
|
العالم اليوم يرفض منطق الإنقلابات ـ شعبنا خرج رافضا الشمولية وحكم العسكر .. من ينادي بالإنقلابات ـ يتحدي إرادة الشعب ويسعي لتحويله لقطيع من الأغنام ... سبب دمار السودان هو العسكر وحكم العسكر -- المليشييات المسلحة بما فيها الجنجويد إفراز وإنتاج إنقاذي يضاف إليه كتائب الظل وزوار الليل ـ يحن البعض لعهود العبودية والذل والعزلة الدولية وربط البلاد بالإرهاب .عهود بيوت الأشباح والتعذيب ... )* العسكر هم فرض في التراب والسيادة الوطنية - عبود أغرق الشمال لصالح مصر وسمح السماح المخابرات الدولية لإجهاض ثورة الكنغو -نميري كان عميل للسادات ومبارك ـ التكامل الفوقي -أما نظام الإنقاذ فقد فرط ـ في حلايب والفشقة وحول شباب السودان لمرتزقة يقاتلون من أجل أجندة الغير -قيادات العسكر ـ في السودان هم الأكثر تفريطا للتراب والسيادة - لاخيار سوي المضي في درب الديموقراطية ـ وقيام إنتخابات حرة ونزيهة -يختار الشعب من يحكمه ...
| |
|
|
|
|
|
|
Re: الحكومة دي لو خطفها عسكري نجيض مافي زول حا (Re: اسماعيل عبد الله محمد)
|
طبعا القوات المسلحة مازالت مليانة كيزان، والكوز عمر التاج هنا يحلم بفتى أحلامه الذي سوف يخلصه من الحكم الديمقراطي.
وتمنياته بي واحد "|زي سوار الدهب " ما مصادفة، دلها أمنيات الكيزان، وهي أمنيات مستحيلة طبعا.
قصة الانقلابات العسكرية انتهت تماما في السودان ول أعتقد بأن هنالك من سوف يغامر بذلك.
| |
|
|
|
|
|
|
Re: الحكومة دي لو خطفها عسكري نجيض مافي زول حا (Re: زهير عثمان حمد)
|
امس الاتحاد الافريقى علق عضويه مالى فى التحادالافرىقى بعد مسكايكواس العصايه من النص بعد الانقلاب على الانتقاليه هناك القوى الخارجيه -مجتمع دولى / محاور....الخ -عندها شكليات زى دى لكن فى النهايه احيانا بيتجاوزو القصه دى وبتجاوزو فيلم القيم والحاجات دى طالما كان الطرف التانى من القوه بحيث يسيطر على الوضع فى الارض ومن العماله بحيث يكون مطيع والى اى محور دولى مسنود امريكا , روسيا ,الصين وكل شيخ ليهو طريقنو البيسند بيها واكليشيهات التصريحات والعقوبات قدام الاعلام وتحت تحت الايادى تتصافح تحت التربيزه وتتبادل المصالح وعندك وضع اقلاب ميانمار وضعو شنو هل اثرت العقوبات على قياداتو وعندك حاجه تانيه مختلفه ومفاوضات اكريكا مع طالبان عبر سفاره طالبان فى قطر(مجرد مبدا وجود سفاره/ممثليه لطالبن فى دوله فيها قاعده امريكيه (على الاقل) فى السودان ماف زول بيقول لا طالما كان مرضى عنو من القوى الخارجيه بعدين وين هو الداخل ؟ هل النسيج السياسى الداخلى متماسك بحيث تكون مواقفو متسقه ؟ مش ياهو المشهد الان المشبوح بين المحاور والقوى الخارجيه ومخالب داخليه ومطبلاتيه ومطيباتيه لكل وضع مختل الان البلد فى حاله انقلاب (ناعم) مش ابيض (لان الانقلاب الابيض محصور فى فتره زمنيه ) لكن الانقلاب الناعم (انقلاب تدريجى ممتد فى البعد الزمنى وباقل رد فعل مقاوم متوقع ). انقلاب بمعنى بيان رقم واحد بعد كدا الله اعلم لكن ربما الانقلاب هو وضع اللمسات الاخيره على الانقلاب الناعم الحاصل الان ومافى زول حيقول (لا) لانو كل زول وكل ظرف بيكون فى حاله جدال مع اطراف اخرى والاهم فى حاله حساب لموقعو من الوضع والموازنه بين المكاسب والخسائر (شخصيه /حزبيه /مليشياويه...الخ ) لتحديد موقف مبنى على الاساس دا لكن حسابات الوطن عائبه تماما عند كل الاطراف وهو ما افرز الواقع المتردى فى كل الابعاد
| |
|
|
|
|
|
|
Re: الحكومة دي لو خطفها عسكري نجيض مافي زول حا (Re: عمر التاج)
|
السلام عليكم الاستاذ عمر ( لو خطفها و عسكري كارب) تعبيران هما قلب البوست ههههههههههه بالنسبه لدلوي اعتقد انو مافي .. عمر البشير وحزبه سلبوا روح القياده لدى الشعب بل محوا الشخصيه السودانيه المتميزه وابدلوها باخرى مهزوزه وجبانه ،، نتفاءل للاجيال الجايه لعل وعسى ان شاء الله تحياتي
| |
|
|
|
|
|
|
Re: الحكومة دي لو خطفها عسكري نجيض مافي زول حا (Re: طارق محمد الطيب)
|
يا عمر التاج شرط عيني سوار الذهب الكوز بتاع منظمة الدعوة القرا فيها البشير بيان الانقلاب 1989 البلد تدار بي اللجنة الامنية والمخابرات المصرية ومعاهم بعاعيت مايو الشيوعيين والبعثيين والناصريين وجماعة الهندي وحزب الامة المخستك نسخة الصادق (قحت ) التي ضل سعيها في الحياة الدنيا ومرض دخول الجنرالات دي مرض مصري عضال السودان دولة مدنية قوية جدا من مؤتمر الخريجين لحدي مشو الانجليز 1956 السودان قوة القانون (المحكمة الدستورية ) وليس قانون القوة الجيش البايظ والجنجويد وحمدوك عاطل عن المواهب من الاساس وبنفذ في مخططات الدول الناهبة للسودان انت قايل السودان ده ما فيه غير بعاعيت مايو وايتام التربي وترهات مثلث الحمدي السودان مقبل علي المهدية الثالثة فقط ثورة الوعي والبصيرة ثورة ثقافية دستورية بي مرجعية دستور 1973 وقوانين 1974 والحكم الاقليمي اللامركزي باسس جديدة نحن السودانيين (الجنسية الخضراء ) ما ناقصين عقل ودين يسيرونا بي الانقلابات والمخابرات المصرية والمشاريع المصرية كل الشباب ان شاء الله حيوعو وينضمو الي الحركة الشعبية الشمال الجديدة والنظيفة والمتحالفة ما اكبر وانظف قوة دينية سياسية في السودان (الختمية) واعلان المبادي واضح الفدرالية هي الحل وترامب طار ونتنياهو مجهجه ودول السيرك الامريكي مصر السعودية الامارات قطر تركيا في اتعس اياما والمحكمة الجنائية جات السودان بتبدا بي احمد هارون لكن ما بتنتهي بي الانقاذ كل الانقلابات المجرمة والتاريخ المشين حيمرق للشعب السوداني لحدي انقلاب عبود 1958 وغرق حلفا نحن ما محتاجين لي جنرال ماجن متهتك حذاء للمخابرات المصرية ابدا في السودان محتاجين لي المحكمة الدستورية والمراجع العام والاقلمة والانتخابات والشعب مصدر السلطات والخروج من الحرب في اليمن والعودة الي جنوب السودان اي حاجة غير كده تافهة وانحطاط شديد ومخزي والساقية مدورة غايتو بايدين ده انا بريدو قال اماطة الاذى في خطابه واماط الاذي عن امريكا عايز سودانيين اذكياء مش عرطات يضح عليهم ترامب وبومبيو عشان يرجع السودان الرائد للديمقراطية في افرقيا ذي مكان لو كايس ليك سياسة شوف الحركة الشعبية لو عايز دين عندك الراتب والمولد والغيب الحقيقي الخمسة ديل رجس من عمل الشيطان الشيوعي والبعثي والناصري والسلفي والكوز وقررررط علي كده ده المشهد يونيو 2021 وكل ما تشوف علم مايو ده حايم وسط الشباب اتاكد الناس ديل ما وعو ولازلنا في جهاد الفطايس بتاع الشيوعيين وقحت والصعود علي جثث الشباب بدون رؤية دستورية ووطنية وديمقراطية حقيقية واضحة الدولة مؤسسات وليس اشخاص من االاول
| |
|
|
|
|
|
|
Re: الحكومة دي لو خطفها عسكري نجيض مافي زول حا (Re: يحي قباني)
|
Quote: يا جماعة don’t shoot the messenger
عمر التاج بوصل رسالة اسياده الكيزان فقط مجرد كوبري ..
الكيزان الان ظنهم الوضع مناسب لقلب النظام و رسائلهم المرسلة عن طريق اذيالهم الزي اخينا ده هي جس نبض لمعرفة استعداد الناس لتقبل فكرة قلب النظام ./ |
وانت برضو عايز تطلع الناس وتسقط الحكومة في فراغ يا شيوعي يا مخستك لا معترف بي الحركة الشعبية ودستور 2005 ولا مرجعية الختمية 1973 وقوانين 1974 وخستكت مع قحت واعلان الدستوري القبيح كيسك فاضي وترفس مش كده \ انت بتجيب الاسوا الفوضي الخلاقة والتتار عبر انيهار المركز والفصل السابع وراس الحية اتقطع ترامب وانتو تنططو مع الازناب في مصر والخليج الشيوعي ما فايت احذية المخابرات المصرية شبر وخم وصر انت والتاج بتقودو البلد في نفس الاتجاه العدمي والمجرم برنامجك شنو للتحول الديمقراطي قبل امرق الشارع تعال قعدو لي هنا
| |
|
|
|
|
|
|
Re: الحكومة دي لو خطفها عسكري نجيض مافي زول حا (Re: طارق محمد الطيب)
|
تحياتي طارق الطيب..
Quote: عمر البشير وحزبه سلبوا روح القياده لدى الشعب بل محوا الشخصيه السودانيه المتميزه وابدلوها باخرى مهزوزه وجبانه ،، نتفاءل للاجيال الجايه لعل وعسى ان شاء الله تحياتي |
عمر البشير اذل الجيش قبل أن يذل الشعب واذاقه من الهوان والذل ما جعله مجرد تابع ذليل والغريبة في ضباط احرار وقلوبهم الحارة مع الوطن.. لكن اغلبهم ذاب أو اتفصل ثم جاء الدعم السريع وهيئة العمليات وتمت الناقصة في إقصاء الجيش .. بعد الثورة نهض الجيش قليلا ، وقام بادوار مقدرة ولكن تسلق دفة قيادته مندسون وعملاء وتحالفوا مع عملاء مدنيين فكانت النتيجة حكومة الهوانات الحالية .. الا ان الأمل في وجود ضابط واحد .. راجل ود مرة يعدلها ويجيب واطيها عاليها أمر وارد ومنتظر .. والشعب كله في انتظار هذا الفارس الهمام الذي ينقذ البلاد من حكومة العملاء والذل .. ويسلمها فورا.. لحكومة وطنية ديمقراطية منتخبة .. تحكم البلاد باسم الشعب .. تقوم بامره وتذول بصوته.
.. ..
Quote: وتمنياته بي واحد "|زي سوار الدهب " ما مصادفة |
طبعا ذكرى سوار الذهب ليست صدفة .. لانه العسكري الوحيد الذي شهد عهده وقف للتدهور الاقتصادي والامني ولانه العسكري الوحيد الذي إنحاز للشعب وقادهم عن طريق حكومة كفاءات حقيقية وهو العسكري الوحيد الذي ضبط الجيش واجبره على التخلي عن السلطة طواعية وهو الوحيد الذي قامت في فترته الانتقالية انتخابات مشهودة مبهرة .. سلم بعدها السلطة لحكومة وطنية منتخبة اختارها الشعب وانجز كل ذلك في عام واحد مش أربعة سنوات تتجدد كل كم شهر ..
| |
|
|
|
|
|
|
Re: الحكومة دي لو خطفها عسكري نجيض مافي زول حا (Re: يحي قباني)
|
المقولة أصلا " الديموقراطية دي لو خطفها كلب مافي زول "ح" يقول ليهو جر اصطكها الشريف زين العابدين الله يرحمو بلا مبالاة - واختطفها الكيزان وأصبحت إنجيلهم المقدس يرددونها لتبرير انقلابهم رددوها مع بعض المعلبات الاخري التمرد قرب يحصل كوستي - اتفاقية الميرغني اتفاق استسلام وحا تمزق البلد - مقتل أميرة الحكيم * وطبعا اي عسكري يجي يزعم انو ما محزب وانو ضد الحزبية البغيضة -* سوا الدهب ر البعض الذي يهلل البعض هنا هو من كرس لتمكين الجبهة وصاغ قانون انتخابات مفصل لمصلحتها وعمل في منطماتها وواجهاتها !
| |
|
|
|
|
|
|
Re: الحكومة دي لو خطفها عسكري نجيض مافي زول حا (Re: كمال عباس)
|
يلا قلتوا الجواكم؟ الحمد لله .. طيب نواصل ونفسر، الوضع في البلد اصبح لا يطاق بمعنى الكلمة .. الوضع المعيشي والحالة الاقتصادية في أدنى مستوياتها .. الا لمن هو في السلطة أو حركة مسلحة أو مغترب أوعميل بياكل من فتات المنظمات الدولار أتجاوز ال٥٠٠ في سنتين ، بعد ان استلمته الحكومة في حدود ٦٠ .. قادرين تتخيلوا الزيادة في حدود كم؟ والتضخم والانفلات الاقتصادي وصل وين؟ الوضع الأمني مافي أسوأ منه إلا في سوريا .. مليشيات مسلحة وعصابات نيقرز تتجول في الشوارع وتفرغ رصاصها في الناس ... وانتقلت الحالة مؤخرا لداخل الأحياء، ثم لداخل البيوت والشقق وبالامس حادثة مقتل د.مجدي وأمه داخل امه لم تأت من فراغ، بل تأكيدا على الحالة الأمنية.. الوضع السياسي ماشي للأسوأ ومافي اي امل لانتخابات وديمقراطية ، بل فترة انتقالية إلى أن تقوم قيامة السودان .. أو يأت الفرج البلد باختصار انهارت تماما .. وكل مواطن من الداخل يحس بذلك لكن العملاء يجدون في ذلك متعة وعقاب للشعب ويقولون شكرا حمدوك، شكرا البرهان.. . . الناس الجربوا فترة سوار الذهب والجزولي يدرسون انها كانت فترة انتقالية قصيرة ولكنها افضل الف مرة من فترة البرهان حمدوك .. وذلك لاختلاف الدوافع والنيات سوار الذهب أخذها من عسكري ظالم وادارها عن طريق كفاءات وطنية .. ماشكى وقال كيف حانعالج لكم دمار ١٦ سنة ، بل عزم وجر فرملة اليد لوقف التدهور، ثم مضى للتحسين وفي ظرف سنة أوفى بما وعد وعبر وانتصر لشعبه وسلمها حكومة وطنية منتخبة .. فهل لنا من عسكري قح يعدل ميل هذه الطاغية المسماه خطأ بالانتقالية ؟ ويحسن فوضى حميدتي والبرهان وحمدوك وشلة المزرعة الفاشلة نعم، ربما يبدأ المجتمع الدولي في التحرك ولكن إذا شعر بأن الحكومة العسكرية الجديدة جادة في إنقاذ البلد وتسليمها لحكومة وطنية منتخبة فمن المؤكد انه سيقف معها ، ويحقق معها ارادة الشعب في إنقاذ وطنهم ويعطي أملا لوقف هذا التدهور المريع في الاقتصاد والأمن.
| |
|
|
|
|
|
|
Re: الحكومة دي لو خطفها عسكري نجيض مافي زول حا (Re: عمر التاج)
|
حبيبنا علي عبد الوهاب.. تحياتي،
Quote: ما بعيد يا عمر يتكرر نموذج السيسي عن طريق المخابرات الاجنبية |
السيسي لا ياعلي .. أو من السيسي يا حبيب داك سمبك وركب في مصر بعد الثورة ونحن عندنا سمبك برضو ركب في ثورتنا ، الاسموشنو ده بس بينك وبينك .. ووفقا لفقه الموازنات فإن السيسي يعتبر حالة اخف مما نحن فيه .. على الاقل السيسي ثبت الدولار في مصر ، وفرض حالة أمنية مستقرة وقام بمشاريع تنمية واضحة وكبيرة، وقدم اقتصاد بلده درجات في سلم الرفاهية.. مصر وبعد عام واحد من الثورة .. ماكان فيها مشكلة دولار، ولا مشكلة وقود، ولا مشكلة خدمات ، ولا مشكلة اكل وشراب زي العندينا
| |
|
|
|
|
|
|
Re: الحكومة دي لو خطفها عسكري نجيض مافي زول حا (Re: عمر التاج)
|
Quote: ههههههه الجيش مخصي ماعندك غير حميدتي!!!!!! أمران أحلاهما مر إما الجنجويد وإما الجبهجية اختار ما بين الجنة والنار |
والله يا سمعة ، خياراتك كلها شطة .. قشطة مافي تب ، الا اقول ليك وبوضوح.. حميدتي حده الفترة الانتقالية وبعدها ما حايشم عافية في السودان والجيش رغم التطهير التم فيه، الا ان فيه خير كتير وفيه من الرتب الوسيطة بقايا رجال اسود .. لم يعجبهم البرهان، ولا الصيام مع حميدتي .. ولا جبريل ومناوي وفيهم عساكر قح، لاهم بعثيين ولا هم كيزان .. عساكر دغريين شايلين هم البلد.. وحات الله يقلبوها ليك زي الركشة .. ويختوا حركات الفوضى والمرتزقة في فتيل وتاني ما في ود مرة .. شمالي او غرباوي أو شرقاوي يشيل سلاح داخل العاصمة الا مكتوب عليه "قشم" .. الجنجويد والحركات المسلحة والقوات الدولية تبقى امام خيارين ... أما تندمج طواعية في القوات المسلحة ، وتبقى جزء من مكوناتها وفق قانونها المعروف أو تشيل سلاحها وتدقش اثيوبيا أو تشاد أو جنوب السودان ، وتبدأ من جديد .. أما فوضى داخل البلد زي العملتها الحكومة الانتقالية دي .. تاني ما بتتكرر جيوش متعددة في عاصمة واحدة .. تاني مابتبقى يا سمعة يا اخوي.
| |
|
|
|
|
|
|
Re: الحكومة دي لو خطفها عسكري نجيض مافي زول حا (Re: اخلاص عبدالرحمن المشرف)
|
Quote: الخرطوم اليوم يمشي في طرقاتها أناس اخرون.. الشقي يجرب هذه المرة أن يلعب بالنار! الجاري عليهو ما بلحقو. |
الناس الآخرين ديل با عمر عبد الله ما جوا من القمر .. ياهم بتاعين الحركات والخلا البعرف الجيش اسودهم وضبعهم يا هم نفس قوات مناوي وعقار والحلو .. الكانوا شاركوا البشير في حكمه ولما انقلب عليهم وانقلبوا عليه، رضاهم رش العيش ورجعهم لتمردهم القديم .. ياهم جيش حميدتي العمله البشير ، ويمكن لأي عسكري نجيض ، وخلال ٢٤ ساعة يرجعهم الف سنة للوراء.. غير كدة الآخرين ديل حايتضخموا ويكبروا، الى ان يبتلعوا البلد باكمله وعندها سيدرك الجيش، والشعب .. إلى أي مدى كانوا مخطئين في سكوتهم وترقبهم .. عزيزي الجياشي العتيد.. #أقلبها وتوكل.
| |
|
|
|
|
|
|
Re: الحكومة دي لو خطفها عسكري نجيض مافي زول حا (Re: طلحة عبدالله)
|
Quote: يا عمر التاج انت مصر علي ضلالك القديم انقلاب شنو يا شيخنا والله لو فيه حل لوضع الاخوان ما كانوا ترددوا لحظة ولكنه سوف يعقد الامور والمسالة ح تبقي صعبه جدا في الداخل اولا في الخارج ثانيا الحلول الحمقاء ما اظنها مجدية الان |
هي ليست دعوة للانقلاب، لاني ماعندي اي تواصل اصلا مع الجيش ولكنها رسالة صريحة للحكومة الانتقالية .. مفادها ان حكومتكم فاشلة، عبيطة ، فاسدة، لئيمة، منتهية الصلاحية .. ولو وقعت في البحر أو خطفها عسكري ، ما في مواطن حا يفقدها او يتحسر عليها، سيظل التاريخ يشهد بأنها افشل حكومة في السودان منذ الاستقلال .. وأنها أسوأ حكومة في التاريخ الحديث تعود بالوطن ملايين الخطوات للوراء وأنها الحكومة التي تسابقت مكوناتها المتناقضة للارتهان للأجنبي وبيع كرامة المواطن وأنها الحكومة التي يمتلك فيها رئيسها جيشا، ونائبه جيشا، ووزير المالية جيشا ، ووزير المعادن جيشا ، وحاكم دارفور جيشا، ورئيس الوزراء جيشا أجنبيا كمان .. وأنها الحكومة الوحيدة التي تحالف فيها قتلة الشعب مع ممثلي المقتولين، من أجل إذلال المواطن .. وأنها الحكومة التي شهدت فيها البلاد انهيارا في كل شئ .. كهرباء ومياه ووقود وخبز وأدوية وتعليم وأمن وخدمة مدنية وإنتاج.. والشئ الوحيد الذي ازداد في العاصمة هو السلاح، وعربات التوسان والانفينيتي بتاعة المسؤولين.. .. .. والانقلابات أصبحت حلال بلالا يا زهير، فالبرهان بذات نفسه قال انه كان مشاركا في انقلاب رمضان ضد البشير .. وضحايا ذلك الانقلاب أصبحوا ابطالا اليوم.. وتم تكريم بعضهم على أعلى المستويات مما يشجع على المزيد من الانقلاب .. الوضع يا زهير قد يكون صعبا اذا حدث انقلاب .. لكنه لن يكون بأي حال.. أصعب من الحالي، وأسوأ من الغد الذي تلوح نذره في الافق في ظل الحكومة الحالية.
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: عمر التاج)
|
Quote: يا جماعة don’t shoot the messenger
عمر التاج بوصل رسالة اسياده الكيزان فقط مجرد كوبري ..
الكيزان الان ظنهم الوضع مناسب لقلب النظام و رسائلهم المرسلة عن طريق اذيالهم الزي اخينا ده هي جس نبض لمعرفة استعداد الناس لتقبل فكرة قلب النظام ./
|
بالضبط
كلام يحي دا هو البيرفكت انالايسس
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: عمر التاج)
|
Quote: طبعا القوات المسلحة مازالت مليانة كيزان، والكوز عمر التاج هنا يحلم بفتى أحلامه الذي سوف يخلصه من الحكم الديمقراطي.
وتمنياته بي واحد "|زي سوار الدهب " ما مصادفة، دلها أمنيات الكيزان، وهي أمنيات مستحيلة طبعا.
قصة الانقلابات العسكرية انتهت تماما في السودان ول أعتقد بأن هنالك من سوف يغامر بذلك.
|
برضو كلام دينق صحيح تماما
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: أبوذر بابكر)
|
هذا السيناربو غير متاح الأن لأسباب كثيرة الشيء الآخر هو أنه لم يحدث في تأريخ السودان إنقلاب عسكري خالص دون أن يكون ورائه قوة مدنية حزبية إنقلاب عبود كان ورائه حزب الأمة إنقلاب نميري كان ورائه القوميون العرب والشيوعيون إنقلاب 30 يونيو 1989م كان ورائه حزب الجبهة الإسلامية إنقلاب 30 يونيو2019م أول انقلاب مدني بحت ينقلب علي قيام الإنتخابات والمطالبة بحكم شمولي مدني يقوده القحاته وكان هذا الإنقلاب بدعم الكيزان واليسار وكل غبي مضلل فلا نحلم بتحرك عسكري من غير أن يكون ورائه قوة مدنية وهذا غير متاح اليوم السعاليق أولاد الحرام ما خلو لأولاد الحلال حاجة قد استنفذت الفرص نسأل الله أن يفرجها من عنده هو الكريم الحليم
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: منتصر عبد الباسط)
|
تحياتي عاصم علي..
Quote: امس الاتحاد الافريقى علق عضويه مالى فى التحادالافرىقى بعد مسكايكواس العصايه من النص بعد الانقلاب على الانتقاليه هناك القوى الخارجيه -مجتمع دولى / محاور....الخ -عندها شكليات زى دى لكن فى النهايه احيانا بيتجاوزو القصه دى وبتجاوزو فيلم القيم والحاجات دى طالما كان الطرف التانى من القوه بحيث يسيطر على الوضع فى الارض ومن العماله بحيث يكون مطيع |
الاتحاد الافريقي معروف ، لابهش ولا بنش ولا عنده دور سياسي معروف أو تنموي واضح هو فقط جملة موظفين زي اخونا داك ..حدهم لسانهم ولما يفيقوا ويقيموا الوضع ويعملوا اتصالاتهم، بتكون الثورة حققت أهدافها واصلا ما في حكومة شرعية عشان الاتحاد الافريقي يبكي عليها ويقول رجعوها .. الاتحاد الافريقي حايقول سلموا الحكومة لجهة شرعية منتخبة وده البننادي بيه نحن العساكر الجدد فإذا طلعوا زي سوار الدهب واوفوا بما وعدوا .. كسب الشعب والوطن واذا ركبوا رأسهم وقالوا ما بنفكها، اهو نضالنا شغال والمنا متواصل .
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: اخلاص عبدالرحمن المشرف)
|
Quote: غريبة ما ردموك للان |
ويردون ليه يا دكتورة.. الناس دي عندهم حساسية مع الكيزان، وانا ما جبت سيرتهم انا قلت انقلاب عسكري ، والعسكري ممكن يكون شيوعي، أو بعثي وممكن جنجويدي، وممكن قحاتي أو ثوري أو يكون عسكري ساكت ماعنده انتماء .. أما الكيزان فنحن قنعانين منهم وبعد التطهير العملته لجنة التمكين هههه تاني ما أظن عندهم ود إبراهيم في الجيش
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: اخلاص عبدالرحمن المشرف)
|
Quote: لي سنتين بقول الانقلاب حصل ما في زول مصدقني ، الان في تمكين للانقلاب حمدوك ده وش الملاح المدني |
في النقطة دي، كلامك مظبوط ١٠٠% الانقلاب حصل في الاول بعيادات الاسلاميين الكاونوا رافضين البشير وهو انقلاب عمر زين العابدين وكمال عبد المعروف وقوش، وديل بالمناسبة هم قادة الانقلاب الحقيقي وحميدتي الوقت داك كان بيتفرج ساكت، واسه اظنه حايتفرج لو قلبها ود قلبا تاني أعاد للجيش هيبته. الانقلاب الثاني هو انقلاب البعثيين، وجاء بالبرهان ورفع قياداتهم واليساريين في الصف الاول، على حساب الاسلاميين ومجزرة القيادة بالمناسبة تمت في عهد الانقلاب ده .. وتحالفهم مع حميدتي كان من قبل الثورة.. المطلوب اذن وفق لهذا التصحيح ليس انقلاب.. بل انعدال حراك عسكري قوي مفاجئ يصحح وضع الانقلاب الثاني ويعيد ضبط الوضع الأمني ويمنح سلطة الاقتصاد والولايات لعساكر ومدنيين تكنوقراط يوقفوا الانزلاق ده وضعوا حد الفوضى العاصمة..
.. .. #كده أو انتخابات مبكرة.
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: اخلاص عبدالرحمن المشرف)
|
الدم المسفوك والأرواح المزهقة كانت مهرا للتغيير ورفضا للعسكر وإستمرار الإعتصام كان رفضا للعسكر الدعوة لإنقلاب هي خيانة للدم وللشهداء ولإرادة الشعب ! شعبنا لم يخرج في تاريخه بثورة مطالبا بإنقلاب أو بحكم العسكر وإنما خرج ثائرا ومقدما الغالي والنفيس من أجل الديموقراطية ولإسقاط حكم العسكر ـ حينما نتحدث عن هذه إرادة الشعب ورغبته إنما نستند علي معطيات التاريخ والحاضر،الذي يبرر ويسوق لإنقلاب بدعوي أن هذه هي رغبة الشعب عليه أن يثبت هذا ، يثبته عبر ثورة أو إنتفاضة تطالب بحكم العسكر! أ أثبت بيانا بالعمل بأن الشعب قام أويقوم بثورة لعودة العسكر لتثبت إن هذه هي أرادة الشعب غير كدة تبقي هذه رغبتك أنت والفلول وأنصار الشمولية - من أراد أن ينتحر فليقوم بإنقلاب ! - ثانيا المليشيات والحركات المسلحة هي أفراز ونتاج حكم العسكر والشمولية الإنقاذ ........ فلتذهب هذه الحكومة وليأتي غيرها من قلب الثورة ولتقام إنتخابات نزيهة وحرة ـ بعد التجهيز والتخطيط والترتيبات اللازمة لاعبر إنتخابات القطر قام التي تكرس للأمر الواقع وتخيط الجرح علي الصديد
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: اخلاص عبدالرحمن المشرف)
|
Quote: الكيزان ظنهم الوضع مناسب لقلب النظام و رسائلهم المرسلة عن طريق اذيالهم الزي اخينا ده هي جس نبض لمعرفة استعداد الناس لتقبل فكرة قلب النظام ./ |
الكيزان ظنهم؟ ظنهم يا قباني ؟ طيب والشعب ظنه شنو في ظنك؟ هل تظن انه في مواطن واحد بيظن خير في الحكومة دي عشان يفكر في ظن الكيزان ؟ اظن ، وبعض الظن ما إثم .. أن كلامك ده بيتماشى مع رسالة واتساب قحتاوية حايمة الايام دي فيما تدعي انهل تسريبات كيزانية ..
Quote: تقرير الموقف 1. السمة المشتركة للخطة القادمة هي تنفيس السياسات التي وضعتها الحكومة الإنقلابية بعدم التنفيذ. وجاري العمل على الوصول لأعلى درجات السخط عليها والإيمان والقناعة التامة بفشلها وذلك بجدول أعمال ميداني ووظيفي، نفصله في الخطة التي ستصل إلى جميع المستويات. 2. فشل السياسة القائمة وجاري إقتراح سياسات بديلة عبر مختصين ووزراء حكومة حقيقيين يتم استضافتهم بعناية في القنوات والمؤسسات الإعلامية وتنشر مقالاتهم عبر المواقع ووسائل التواصل التي خطونا فيها خطوات متقدمة على وزارة المالية . 3. انخفض التأييد الشعبي للحكومة باستهداف أي عنصر فيها يتمتع بتأييد شعبي وتم التشويه والتشويش على عدد مقدر منهم في أذهان لجانهم التي وصلوا لدرجة لا يستطيعون مقابلتها أو مخاطبتها ففقدوا بذلك السند الجماهيري وانقلبت الطاولة لصالحنا. 4. تم التوظيف الجيد للإخوة شاغلي الوظيفة العامة لتمرير أجندة التعطيل الواجب لرفع درجة السخط وتم إبطال عدد من الخطوات في الكهرباء والمياه والوقود والبنك المركزي وتعطيل الكثير من الإجراءات الاحترازية بل حتى كشوفات الإحالة التي تعدها لجنة الدمار والشؤوم أهمها كشف الإخوة بالمالية الذين يبلون بلاء حسنا. 5. تم التنادي بصورة قوية لنهج الانتخابات العاجلة ووجد قبولا وقناعة من الإخوة العسكريين وهو ما سيتم تبنيه ودعمه من عدد من الدول بل حتى الاتحاد الأفريقي. 6. توصل الجميع لأن التخريب الذي يحدث نعزوه لفصل خبراء الحركة والتنظيم من الخدمة بإجراءات اللجنة سيئة السمعة. 7. تمت عرقلة الجانب التشريعي وتعطيل أي اصلاحات يمكن ان تخطوها الحكومة بدء بالسياسات النقدية وتجميع السيولة عبر الجهات المحددة التي تحتفظ بها في أيدي أمينة. 8. التنسيق التام مع الجهات الشرطية والقانونية والنيابة لذلك يرجى عدم التخوف من القوانين المعلنة وعقوبات اللجنة التعسفية لأنها إلى زول بإذن الله. 9. تم استخدم المسؤولين في الولايات لتنفيذ الخطة سواء بالتعاون الرسمي أو عبر تحفيزهم بما يطلبونه ومن لا يتعاون جاري التخلص منه وإظهار ملفات تعاونه السابق مع أجهزتنا والإخوان قادة الحركة والتنظيم. 10. إجراءات الشرق تتصاعد وتيرتها والتواصل مع الإخوان في الميناء لتنفيذ المطلوب منهم. 11. إيقاف العمل في شركات التأمين بذات الفعالية السابقة لإيصال رسالة للجميع بأن تلك الشركات عاجزة عن الإيفاء بالتزاماتها وهذا بدوره سيوقف الكثير من الإجراءات التي تتعلق بالمشروعات والاستثمارات الكبرى. 12. تم تعطيل تكوين المجلس التشريعي عبر الجهات المتعاونة في الأحزاب الموجودة في قائمة الاتصال. 13. جاري استخدام اللجان التسييرية ونقاباتنا واتحاداتنا وتلك التي تم تكوينها في البنوك والمؤسسات والوزارات لعمل إضرابات تتدرج وصولا للإضراب العام. 14. وضح جليا فشل الخطة الصحية الحالية وأن الأموال التي خصصت ووصلت من دعم خارجي تم تبديدها على أوجه خاصة وفساد يمكن الحصول على تقارير من المراجع القومي الذي أكد أن نسبة الصرف على الطواريء الصحية لم تتجاوز نسبة 24 في المائة من الأموال المخصصة لمكافحة الجائحة. 15. تم تحديد الفترة الزمنية الوجيزة للتصعيد الشامل على أن يكون سقفها 30 يونيو تخليدا لذكرى الثورة الظافرة في 1989م لأن هذا التاريخ يعني الكثير لإخوتنا في المؤسسة العسكرية. 16. تم الترويج والتنبيه لخطورة توقيع اتفاق السلام مع عبد العزيز الحلو والتشديد على عدم القبول بعلمانية الدولة وفي هذا الصدد نعمل مع عدد من المشاركين في المفاوضات للتمسك بالنقاط التي تمنع الوصول للاتفاق مذل بهذه الصورة. 17. تم تجريد النخبة السياسية الحاكمة وما يسمى بقوى الحرية والتغيير من أي عامل من عوامل الثقة وكشف انحرافاتهم السياسية والسلوكية للعامة (قادة – متحدثين رسميين- نشطاء.. الخ). 18. بالضرورة القصوى استخدام نظرية "الإرهاق الإصلاحي" واستنفاذ كافة الموارد المخصصة للمعالجات الاقتصادية في المركز والولايات، كالدخول في المزادات وشراء العملات وتأخير الإجراءات في جميع المؤسسات بالقدر الكافي وفي هذا نطمئن الجميع أن الدولاب تحت السيطرة في (القصر- مجلس الوزراء- النيابة- الداخلية- الدفاع..الخ) وبذلك يتضاءل الإصلاح بسرعة في غياب النتائج 19. تم التأكيد بأن جميع السياسات المتبعة غير ناجحة ، حتى وإن كانت كذلك لضرورة الظرف. 20. تم تحديد جميع شاغلي المناصب المؤثرين وكيفية التعامل معهم في كل المستويات. أ. منههم من يتخذ قرار على الفور. ب. منهم من يعتمد على نجاح أو فشل القرار وينظر النتيجة وهذا قد يتأخر . ج. منهم من يحشد لقراره شعبية كبيرة . د. منهم من يعمل بحسب الحافز 21. وليكن معلوم للجميع أن وزارة الداخلية وبعض الأجهزة ألقت القبض يوم السبت على 17 من أعضاء التنفيذ من الشباب الصادقين المخلصين وذلك عندما وقعت مداهمة بناء على معلومات من بعض الخائنين أمثال صاحب التسجيلات الحواتي، شمل ذلك عدد من الولايات وبذلك تعطل إكمال استخدام القرارات الاقتصادية الأخيرة للحكومة للتشكيك في قدرات الاقتصاد الوطني وتحريض المواطنين للوقوف ضدها. ونشكر الله أنه لم يتم العثور بحوزتهم إلا على بعض الطلقات "خرطوش" ورصاص. واسلحة مرخصة لأن بعضهم تجار ونظاميين لذلك ليس هنالك ما يخيف. ختاما: سيستمر التنوير صعودا وهبوطا على مدار الساعة وفق التكاليف المحددة. هذا والله ولي التوفيق |
وانا عايز أضيف ليها : ٢٢. بوست (غسيل العدة على منو) اتعمل من أجل خلق نوع من الرفض النسائي للغسيل يكون نواة للثورة ضد رجال الثورة .. ٢٣. تم قطع الغاز عن بيت الوزراء حتى يحدث تململ من الداخل ويخرج اولاد الوزراء للخارج. ٣٤. قام الكيزان بإرسال الواح زجاج عاكس للشمس، لتزيد من حرارة الصيف فيسخن الناس ويطلعوا مظاهرة.
هل لديك أقوال أخرى يا اباذر؟
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: عمر التاج)
|
Quote: سوا الدهب ر البعض الذي يهلل البعض هنا هو من كرس لتمكين الجبهة وصاغ قانون انتخابات مفصل لمصلحتها وعمل في منطماتها وواجهاتها |
سوار الدهب عمل شنو بالضبط يا كمال؟ كدي اشرح لينا البنود الوضعها سوار الدهب في قانون الانتخابات وخلت الجبهة الإسلامية -دون الحزب الشيوعي- تفوز بالانتخابات..
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: عمر التاج)
|
عمر التاج . go do your homework ........
أمشي أطلع علي قانون إنتخابات 86 ـ وخصص بالتحديد قانون دوائر الخرجيين - الذي تم إستغلاله ـ بواسطة الجبهة ـ تسجل وتصوت في دوائر الخرجيين بالجنوب وأنت مقيم بالخرطوم ولم تري الجنوب في حياتك - حكم سوار الدهب لم يصفي أثار مايو والمؤسسات الإسلاموية الطفيلية - ولم يحسم تدخل التمويل الأجنبي في الإنتخابات تمويل إيراني ـليبي وخليجي وأخواني -توزيع الدوائر الجغرافية تم بصورة مرتجلة تخدم جهات بعينها - الإعلام لم يكن محائدا - سوار الذهب سمح للجبهة بإختراق الجيش= مسيرة أمان السودان ومخاطبة علي عثمان للضباط - إستمرار منظمة الدعوة الإسلامية الأخوانية وبنك فيصل وسوار الذهب تمت مكأفته برئاسة مؤسسات الجبهة الإقتصادية ....... ..
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: يحي قباني)
|
واضح ان كمال عباس وقباني مغبونين من انتخابات ٨٦ مش بسبب انها ختمت فترة انتقالية قصيرة المدى .. بل لأن الشعب السوداني خيب امالهم في الديمقراطية .. وطلعهم من المولد بلا حمص .. ودي هي ضريبة الديمقراطية الهم خايفين منها حتى اليوم والبضوق قرصة الدبيب بخاف من جر الحبل .. انتخابات ٨٦ رغم السلبيات الصاحبتها الا انها من الاشراقات النادرة في تاريخ السودان .. وتعتبر الانتخابات الحرة النزيهة الوحيدة متعددة الأحزاب القامت في السودان وبعدها صام السودان تماما من الديمقراطية ، ولن يأتي بمثلها حتى في حكومة مابعد الثورة .. تجي تقول لي بعد كل السنوات دي يا كمال قانون الانتخابات كان معيوب في دوائر الخريجين ؟ وطيب ما كان عندك عشرمية دائرة جغرافية ، مالك ما انسترت فيها؟ حتى دوائر العاصمة الاستراكية .. مشت وين يا كمال؟
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: عمر التاج)
|
مضحك والله تبريراتك يا كمال ومثيرة للشفقة ..
Quote: حكم سوار الدهب لم يصفي أثار مايو والمؤسسات الإسلاموية الطفيلية |
الثورة أو الانتفاضة ساعتها ما كانت ضد الاسلاميين عشان الحكومة الانتقالية تصفي مؤسساتهم والمايويين الحكموا ١٦ سنة سوار الدهب حسمهم في سنة واحدة .. وحسم مؤسس مش زي بتاع ناس وجدي .. سنة واحدة من الحكم الانتقالي والاقتصاد كان أفضل بعشرة مرات من اقتصاد نميري سنة واحدة وقامت الانتخابات، والمايويين الحكمة ١٦ سنة ماشموا منها ولا مقعد .. في حسم أكثر من كدة؟
Quote: - ولم يحسم تدخل التمويل الأجنبي في الإنتخابات تمويل إيراني ـليبي وخليجي وأخواني |
اسه انت التمويل الأجنبي عامل له مؤتمرات وفاتح له سفارات .. والحكومة طول السنة نصها في الخليج ونصها التاني في أوربا..
Quote: -توزيع الدوائر الجغرافية تم بصورة مرتجلة تخدم جهات بعينها |
بالله .. يعني وزعوها كدة وفق صحيح البخاري ول حسب راتب الإمام؟ مش ياهو التعداد السكاني الأخير هو البنوك عليه التوزيع.. ولا انت عايز الفترة تكون ٤ سنوات يعملوا فيها تعداد ويوزعوا الدوائر بمزاج قحاتة الزمن داك؟ واذا كنت انت سنتين ماجبت سيرة انتخابات زاتو ، فمتوقع سنة واحدة حاتتوزع فيها الدوائر احسن من كدة كيف؟
Quote: - الإعلام لم يكن محائدا |
رغم اني ما بتذكر حاجة في الفترة ديك، بس كلامك الأخير ده صاح وده بخليني اطالبك تشوف اعلامك الحكومي الحالي شغال لصالح منو بالضبط؟ واخر اسلامي أو معارض لسياساتك ظهر في التلفزيون القومي متين؟
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: عمر التاج)
|
كتب عمر التاج....... Quote: واضح ان كمال عباس وقباني مغبونين من انتخابات ٨٦ مش بسبب انها ختمت فترة انتقالية قصيرة المدى ..بل لأن الشعب السوداني خيب امالهم في الديمقراطية .. وطلعهم من المولد بلا حمص ..ودي هي ضريبة الديمقراطية الهم خايفين منها حتى اليوموالبضوق قرصة الدبيب بخاف من جر الحبل .......... |
..... ... Quote: وتعتبر الانتخابات الحرة النزيهة الوحيدة متعددة الأحزاب القامت في السودانوبعدها صام السودان تماما من الديمقراطية ، ولن يأتي بمثلها حتى في حكومة مابعد الثورة ............ |
ياللتناقض بدأ البوست بالدعوة وختمه بالحرص علي الديموقراطيةأيوة ديموقراطية 86 ـ أفضل بمليون سنة ضوئىة من إنقلاب وحكم الإنقاذ ! -- بعدين حركات الكيزان التنميطية دي خليها بقت ماب تأكل عيش !من ليس بكوز يبقي شيوعي ! بمنطقتهم ثورة ديسمبر شيوعية والبت اللي طلعت من المسدس شيوعية ! ومع هذا أول الأحزاب معارضة لهذا النظام ـ هو الشيوعي وأول من إغتيلت كوادره وعذبو في بيوت الأشباح ولم يقل أنا مالي خلي الحكام ومن فقدوالكراسي يدافعو عنها ـ وهو نفس موقفه اليوم خاض الوغي وعف عند المغنم ولم يوقع علي الوثيقة والإتفاق السياسي ولم ينال مغنما !- نعم ديموقراطية ٨٦ لم تتغول علي مجانية العلاج والتعليم ولم تفرط في سيادة وتراب البلد ولم تصادر الحريات ولكن كان بها نواقص وسلبياتنحن هنانتحدث عن سلبيات وكوارث سوار الدهب لا الحكم الديموقراطيوالأهم أن مجلس سوار الدهب وكما قلنا Quote: - حكم سوار الدهب لم يصفي أثار مايو والمؤسسات الإسلاموية الطفيلية- ولم يحسم تدخل التمويل الأجنبي في الإنتخابات تمويل إيراني ـليبي وخليجيوأخواني-توزيع الدوائر الجغرافية تم بصورة مرتجلة تخدم جهات بعينها- الإعلام لم يكن محائدا- سوار الذهب سمح للجبهة بإختراق الجيش= مسيرة أمان السودان ومخاطبةعلي عثمان للضباط- إستمرار منظمة الدعوة الإسلامية الأخوانية وبنك فيصل وسوار الذهبتمت مكأفته برئاسة مؤسسات الجبهة الإقتصادية ........... |
,,,,, , وهذه معطيات حقيقية لن يدفعها نقاش حلب التيس وعقلية وإن طارت غنماية كتب Quote: الثورة أو الانتفاضة ساعتها ما كانت ضد الاسلاميين عشان الحكومة الانتقالية تصفي مؤسساتهم.. |
,, , كضبا كاضب ـ الإنتفاضة كانت ضد المؤسسات والفساد الذي كان الكيزان الضلعالأساسي فحتي قبل أيام من الإنتفاضة كان الكيزان شركاء مايو بلأن فساد مايو المالي بدأ بعد المصالحة ومشاركة الكيزان وفسادهم !كتب Quote: اسه انت التمويل الأجنبي عامل له مؤتمرات وفاتح له سفارات ..والحكومة طول السنة نصها في الخليج ونصها التاني في أوربا..... |
إي تمويل وعون وقروض غير مشروطة ولايمس السيادةمرحبا به وبها وأناهنالاأتحدث عن تعاملات الدول الخارجية .. وإنما التمويل الحزبي قلت
Quote: ولم يحسم تدخل التمويل الأجنبي في الإنتخابات تمويل إيراني ـليبي وخليجي وأخواني. |
حكم سوار الدهب التي تهلل لها ـ أخذت قروض وأعانات وبترول ولم نعد ذلك عيبا ولم نأخذه عليها كتب Quote: رغم اني ما بتذكر حاجة في الفترة ديك، بس كلامك الأخير ده صاحوده بخليني اطالبك تشوف اعلامك الحكومي الحالي شغال لصالح منو بالضبط؟واخر اسلامي أو معارض لسياساتك ظهر في التلفزيون القومي متين؟ .... |
عشان قلنا أمشي ذاكر تقصد منو بالإسلاميين ـ باشبوزق تركيا؟الصحف يملكها الان ويرأس تحريرها فلول ـ المؤتمر الشعبي ـ حزب قانوني يمارس نشاطه وكذلك جماعة غازيويكتبون وينتقدونوالفلول يتظاهرون بلا قتل أو عنف مفرط بينما الثوار يحصدهم الرصاص... ومع هذا قلتها ـ فلتذهب هذه ولتغيير بما هو أكثر ثورية
(عدل بواسطة كمال عباس on 06-03-2021, 09:30 PM) (عدل بواسطة كمال عباس on 06-03-2021, 09:32 PM) (عدل بواسطة كمال عباس on 06-03-2021, 09:34 PM)
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: كمال عباس)
|
كتب عمر التاج مدافعا عن الديموقراطية .... !Quote: ..... الشعب السوداني خيب امالهم في الديمقراطية .. وطلعهم من المولد بلا حمص ..ودي هي ضريبة الديمقراطية الهم خايفين منها حتى اليومو البضوق قرصة الدبيب بخاف من جر الحبل . |
من تزعم أن الشعب خيب أملهم في ديموقراطية 86 لم يقومو بإنقلاب من قام إنقلاب من فصلت دوائر الخرجيين لمصلحتهم ـ ومن ضخ المال الأجنبي في جيوبهم ... ضقنا قرصة إنقلاب نميري وسم أفاعي إنقلاب الإنقاذ وسموم هيمنة العسكر ومع هذا يبشرنا عمر التاج بإنقلاب ويحرض عليه
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: اخلاص عبدالرحمن المشرف)
|
Quote: لما قالوا (سيصرخون) ... |
للأسف الذين يصرخون الأن هم عامة الشعب السوداني المغلوب علي أمره لكنكم لا تسمعون صراخهم لأن التي تسمع هي القلوب التي لم يضلها الهوي والتحزب وانعدام الإخلاص والمروءة والغيرة للشعب والوطن أما الكيزان ما هو الذي يجعلهم يصرخون؟! مضي عامان وشهران علي سقوط سلطتهم ولم يحاكم منهم أحد ولا يوجد قانون يحاكمهم فالقانون الذي صاغة الكيزان باستثاء من بلغ سن السبعين أو تجاوزها لايزال يعمل وجهاز أمن الكيزان لا يزال يعمل ولم يتحقق أدني نجاح لمن خلف الكيزان علي كراسي سلطتهم بل أسقوا الشعب المرارات وجرعوهم كأس ذل الحاجة والغلاء والمرض وأروهم صور من التلافة والبلاهة وبل جعلوا للكيزان آلاف الفرص للشماتة والضحك والسخرية
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: منتصر عبد الباسط)
|
ده كلام زول الكاروو خاص مونتي كاروو تصاعدت حدة التوتر بين قادة المكون العسكري بعد ان رفعت قوات الدعم السريع وتيرة استعدادها القتالي داخل العاصمة القومية في كل معسكراتها الفرعية. وعلمت مونتي كارو ان حميدتي قد اعاد تمركز نحو اربعين قطعة مدرعة وسيارات همر مصفحة من وحداته الفرعية في مقر قواته شرق مطار الخرطوم(مقر عمليات جهاز الامن سابقا) استعداد لطارئ ما . وفِي المقابل وضعت القيادة العامة القوات المسلحة كل مناطق العاصمة السبعة تحت الاستعداد بدرجة ١٠٠٪
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: عمر التاج)
|
عسكري نجيض شاطر ، غض النظر عن انتمائه الفكري يقوم باستعدال النظام واستلام السلطة كاملة ، ثم يسلمها بعد ٦ شهور لحكومة منتخبة من قبل الشعب خير الف مرة من حكومة مدنية أو هجين، لا ترغب في نقل السلطة لحكومة ديمقراطية .. .. الضابط الذي يقوم بهذه العملية في هذا التوقيت سيجد تأييد الشعب وكافة الأجهزة الرسمية .. وسينقذ السودان من مصيره المشؤوم.
| |
|
|
|
|
|
|
Re: الحكومة دي لو خطفها عسكري نجيض، مافي زول ح (Re: عمر التاج)
|
أها يا الكويـز الناكرها..
لقد حاولتم وحاولتم وحاولتم..
لكن للأسف بعسكري غير نجيض قاشه مرخي فهل عادت سيرتها الأولى.. ؟؟
بل اعدتم السودان لمصيره المشؤوم يا شؤوم.
قال سيجد تأييد الشعب قال.. بل تأييد أقلية الكيزان الذين يتمسحون في الشعب ويختطفون مؤسساته.
| |
|
|
|
|
|
|
|