|
|
|
 Re: الدولار (يعبر ) حاجز ال٥٠٠ ألف جنيه (Re: Dr. Ahmed Amin)
|
حبابك عاصم
حضرة الموظف الأممي شابكنا كل يوم "سنعبر وننتصر"
حتى عبر بالدولار فوق حاجز ال٥٠٠
ومرتب الموظف بقى ما بيغطي وجبة فطوره ..
واحد ساخر قال لجنة التمكين شغالة لصالح الكيزان
وبتخارجهم من الخدمة المدنية بعد بقي الشغل فيها بالخسارة
| |
 
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: عمر التاج)
|
*إعلان الكارثة*
اعلان من البنك المركزي السوداني بإدخال بعض التعديلات
للعملة السودانية
أعلن مدير إدارة السياسات والبحوث ببنك السودان المركزي مصطفى محمد عبدالله عن اتجاه لمراجعة التركيبة الفئوية للعملة خلال الفترة المقبلة مع توفير الفئات المختلفة للعملة في المصارف، موضحا عن بدء تنفيذ برنامج لحل مشكلة السيولة داخل المصارف خلال شهر ونصف.
والتغيرات هي سحب الصفر من العملة لتصبح قيمتها حقيقية
ال 10 تصبح 1 جنيه
ال 50 تصبح 5 جنيه
ال 100 تصبح 10 جنيه
ال 500 تصبح 50 جنيه
واعلن عن تداول ال 10 ألف ورقة واحدة
وال 5 ألف ورقة واحدة
*وهي أصلآ حقيقة واقع معاش فقط كان ينقصه الإعلان الرسمي*
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: Ahmed Yassin)
|
Quote: شئ غير طبيعي.
غايتو انا في محلهم بعدم الجاز وعلي
عثمان ولو عصلجت مرة بقبض برهان
وحميدتي.
لازم حسم ثوري يا ود التاج |
زمان يا دكتورة حميدتي قال نفس كلامك ده
قال بعد كده، الله اكبر على الدولار
حانخش معاه الحلبة عديل، يا اما غلبناه أو غلبنا
ثم حدس ما حدس
اسه الشغال فيه المؤسس ده ، وحتى الآن
ياهو الحل الثوري ...
بتاع البصيرة ام حمد(وك)
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: عمر التاج)
|
Quote:
خلاص مفروض يعلنوا موته |
اوع تقول كده يا احمد ..
حايطلعوك كوز ومندس كمان ..
اعلان زي ده ياهو البنقول فيه مما مسكت الحكومة دي وكشفت عن سياساتها
وقلنا السياسات دي حاتودي البلد في ٦٠ داهية (الكيزان ودوه في ٤٠ داهية )
الا أنت عارف الفرق شنو يا احمد ..
انا كنت بطعن في الفيل مباشرة ..
وكلامك انت ود.اخلاص وآخرين.. حتى الآن ..
بيطعن في ضله.
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: Ahmed Yassin)
|
الطعن في الضل يا احمد هو أن تقول ..
الدولار سعره زاد .. والصحيح ان الجنيه سعره انخفض
والطعن في الفيل هو أن تقول ..
فلان فاشل، وبسبب سياساته الفاشلة (عبر) الدولار حاجز ال٥٠٠ جنيه و(انتصر ).
واحد من المبرراتية بتاعين # شكرا فرجكون قال:
(الناس يفترض تتماسك..
دي خطة من الخبير الاقتصادي المؤسس..
عايز يرفع الضولار لي أعلى مرحلة
و يجي داقي بيهو الواطة بب لمن يموت)
هههههه.
..
..
حبابك أحمد عمر ..
بناديك و انت في القلب و المنبر يعلوه صمت الأقلام ..
بس كنت بهظر مع أحدهم..
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: عمر التاج)
|
Quote:
اوع تقول كده يا احمد ..
حايطلعوك كوز ومندس كمان
|
عمر التاج يا زبون
كدا بعيد عن موضوع الضورار الطار السما دا
وبالنسبة للمقتبس الفوق أنا بديك أنت والشيخ
وأي زول مستسهل حكاية التصنيفات دي اقتراح
أو قول حل نهائي للقصة دي ..
لكن قبل الحل لازم أقول ليك ملاحظة في (خضم) الموضوع خخخخخ
أنا بالجد في البداية كنت مستنكر تصنيفك بالكوز
لكن لما راجعت بوستاتك ومداخلاتك لقيتك أنت البادي
بتصنيف الناس .. دا قحاتي ودا شيوعي ودا تبع
حمدوك ودا تبع القطر قام ..
ما هو أنت تصنف طبيعي تتصنف غض النظر
عن تطابق التصنيف دا مع شخصيتك وقد قيل
في المقام: طباخ السم بضوقو
طيب الحل شنو ؟؟ ببساطة متناهية
لا تأمر بالبر وتنسى نفسك عشان كدا غلط .
.........
اتا فهمتنى واللا تشرب نشادر ؟؟ خخخخخخخ
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: عمر التاج)
|
Quote: أعلن مدير إدارة السياسات والبحوث ببنك السودان المركزي مصطفى محمد عبدالله عن اتجاه لمراجعة التركيبة الفئوية للعملة خلال الفترة المقبلة مع توفير الفئات المختلفة للعملة في المصارف، موضحا عن بدء تنفيذ برنامج لحل مشكلة السيولة داخل المصارف خلال شهر ونصف.
والتغيرات هي سحب الصفر من العملة لتصبح قيمتها حقيقية
ال 10 تصبح 1 جنيه
ال 50 تصبح 5 جنيه
ال 100 تصبح 10 جنيه
ال 500 تصبح 50 جنيه
واعلن عن تداول ال 10 ألف ورقة واحدة
وال 5 ألف ورقة واحدة
|
(المسعول) ده يفترض ما يحذف الاصفار يا دكتور ..
الإجراء الإسلم بعد كده ، اما يحذف نفسه من موقع المسؤولية
واما يحذف المواطن من قاموس الوطن ..
لانه من غير المعقول أن يكون مرتب المواطن في حدود ١٥ مليون في الشهر ..
ومنصرفاته لوجبة واحدة فول ، ١٥ مليون جنيه في الشهر ..
وبعد كده تنتظر من هذا المواطن أن يكون صالحا لوطنه ويعمل بجد واخلاص من أجل أن يعبر وينتصر ..
..
..
مؤتمر باريس يا عاصم طلع برنامج نزهة وتنشيط ل١٥٠ ناشط وناشطة ...
والمنتظر باريس أو واشنطن أو دبي تعمر له بلده .. اليفتح خشمه للترابة دي ..
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: الشيخ سيد أحمد)
|
عمر التاج تحياتي وعودا حميد ايها الاسلامي اللاعب الفنان
انت متخصص تحرق دم ناس الحكومة والانتقامية ربنا يكون في عون اهلنا
يا اخي بالله ماتنسي الاصدقاء والاقرب من قحة وناس العواصم البعيدة من صالح الدعاء
لانهم في هذه المرحلة ما احوجهم للعمل الصالح والتقرب من الاولياء عسي ان يكون في الامر فرج قريب
اعمل حاسبك ماتقعد تجدع في الحجر لحدي ما يفلقوك
| |
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: زهير عثمان حمد)
|
اقبض زبون آخر ههههههه
Quote: التوقيع- الكوز الشيخ سيدأحمد
. |
أيواااااااااا تلك
أنت يا الشيخ يا خوى برااااااااك تصنف نفسك فأنت حر ولا شك
ان شاء الله تكتب تحت توقيع : الإرهابي أو النازي الشيخ سيد أحمد
ويجوا يسوقوك يودوك أسفل السافلين خخخخخخ
وبعدين تغنى مع وردي .. براي سويتا في نفسي
لكن ما تستسهل تصنيف غيرك لأنو كدا بتضرو
في حاجات كتيرة عن جهل أو عن عمد
خصوصا لما يكون الزول دا ما عندو تصنيفك ليهو دا
..........
اتا برضو فهمتنى واللا تشرب جردقة ؟؟
النشادر خلاص شطبنا خخخخخخخ
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: زهير عثمان حمد)
|
Quote: عمر التاج الكوز.
إختشي ياخ - ما ممكن كده.
يعني انت ما شايف الإنجازات الكتيرة العملتها حكومة قحت |
والله قدر ما حاولت اختشي يا شيخ، ما قدرت ..
والله التغيير ده كنت خات ليه جنس امال واحلام .. مبالغة لكن ..
تفتكر انا كنت مفتكر بعد يومين بس من سقوط الكيزان ..
البنزين حايرقد هبطرش لامن الناس تستحمى بيه في الشوارع..
وكنت فاكر القروش الكانوا بيسرقوها الكيزان ، حا تتحول فورا للشعب
فتبقى فجأة الاربعة رغيفة الكبيرة بجنيه
والشقق تبقى وااسعة، والمواصلات فاضية ..
كنت بعتقد ان التعليم حايبقى مجاني زي ما عندنا في الخليج
ودور المؤتمر الوطني تحولت للمستشفيات ضخمة للذرة والسرطان
وبحوث الأمراض المستعصية .. حتى يأتينا الخلايجة بعقالاتهم فيتعالجوا عندنا ..
كنت بظن ان الخبير في سنة ممكن يربط البلاد من شرقها لغربها بطرق أسفلت جديدة وحديثة
ومطار الخرطوم القديم يصبح مجرد متحف يعبر عن مخازي الكيزان بعد ان يقوم المؤسس بتاسيس مطار عالمي في عامين ..
والخرطوم تتحول إلى بؤرة من النور ليلا و الضوء نهارا ..
والبلد تعبر وتنتصر ويصبح الغلاء والتضخم والجوع والخوف مجرد ذكريات من الماضي ..
آآي والله .. ده الكنت متوقعه من التغيير
ولو كنت عارف ان مصير البلد حايكون كده .. كان الواحد قال نعم للكيزان حتى ولو قعدوا في السلطة ١٠٠ سنة ..
اخير للبلد من الهوانات ديل
تحسبهم معا وقلوبهم (شطة) .
..
..
حباب المرهف زهير ، الرجل الوطني الغيور ..
Quote: تحياتي وعودا حميد ايها الاسلامي اللاعب الفنان
انت متخصص تحرق دم ناس الحكومة والانتقامية ربنا يكون في عون اهلنا |
والله يا زهير لو اني (حريت) فيهم خيرا .. لوقت معهم بقلمي وسيفي ..
ولكنهم ما أتوا لخير قط .. كل تفكيرهم تحت حقدهم على الكيزان
وكل عملهم من أجل تمكينهم الجديد واستمرارهم في السلطة ..
وما انا كاسلامي أو مسلم أو مواطن عادي، بمتأثر بخيباتهم وحكومتهم الانتقامية
ووالله لو قعدوا ١٠٠ سنة ، فلن يضروني بشئ الا وقد كتبه الله لي ..
ولو جعلوني أميرهم خلال هذه ال١٠٠ سنة، فلن ينفعوني بشئ ،
ولكن نظرتنا للوطن أكبر وأعمق يا زهير ..
ماعندنا حاجة خاصة مع القحاتة أو الكيزان ،
لكن البلد لازم تنتفض وتتقدم ،
والتقدم لايعني بأي حال من الأحوال الرجوع خطوة بعد الان ..
انت لو ناجح، ومن اول يوم .. بيظهر نجاحك في شكل تقدم وإنجاز ولو قليل
أما وان الوضع يتردى في يدك كل يوم، والأمور تزداد سوءا تحت ادارتك
والدولار يعلو، والفقر يزداد، والصفوف تطول .. وحبل كذبك يمتد كل يوم ( سنعبر وننتصر)
فايم والله انت لست مجرد فاشل، بل فاسق وديكتاتور ومختل .
| |
|
|
|
|
|
|
|
|
 Re: الدولار (يعبر ) حاجز ال٥٠٠ ألف جنيه (Re: الشيخ سيد أحمد)
|
يا طلحة يا اخوي انت الظاهر ما عرفت .. انا بعوق الباندويث ليه ؟
مو في مثل كلامك ده ..
| Quote: بعيد عن موضوع الضورار الطار السما دا |
البوست يا صاحبي عن ارتفاع سعر الدولار .. واثره في معايش الناس
معقول ماعندك اي احساس بالبلد دي ماشى على وين؟
ما حصل فكرت في موظف أو عامل يومية أو مواطن غلبان بعيش كيف ؟
ما فكرت كيف مواطن مسكين مرتبه اقل من ١٥ مليون حايعيش كيف مع أسرته..
وكيلو اللحم وصل ٣ مليون .. وطبق البيض ١٥٠٠ .. والرغيفة ١٠ جنيه ..
وقرمة البطيخ بقت ب٥٠ جنيه..
والله صحي..
اها.. انا بتشغلني مواضيع زي دي، ويشيل هم الوطن زي ده ..
تاني مستحيل التفت لتصنيفات الناس ..
عايز تقول عني كوز .. حا اريحك ، واقولها نيابة عنك .. نعم (انا كوز) .
يلا ورينا حلك للمشكلة الاقتصادية شنو؟
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: Hafiz Bashir)
|
| Quote: معادلة الإنتاج والإستهلاك |
الشعب السوداني ، وبحسابات المتوسط
هو أضعف الشعوب استهلاكا
واقلها ميلا لمنحنى الرفاهية
ولو تضاعف الاستهلاك الحالي ٣٠٠% في كل المواد والخدمات
فالواجب ان يتوفر الانتاج والاستيراد الذي يغطي ذلك ..
المشكلة اذن وين؟
في الانتاج والإدارة..
نمشي قدام ونقول مسؤولية فشل الانتاج والإدارة على مين؟
الكيزان طبعا، والقحاتة ماشين في دربهم .. عشان يرموا باللوم على الشعب .. بما فيه المعارضة .
وطبعا دي فيها نسبة صحة .. ولكنها بسيطة.. وقد لا تتجاوز ال٥%
الباقي كم؟
٩٥% من الفشل يقع على الحكومة بشقيها أو قل "بشقوقها"
وسياساتها الفاشلة وتوجهها الخاطئ ..
نجي لل٥% ..
المنتج حاليا- وفي اغلب أنواع المنتحات-
ينتج بالخسارة ، والسبب الأول هو ارتفاع تكلفة مدخلات الانتاج..
وارتفاع معدلات التخضم ..
ولذا فهو يبحث عن الحلول السهلة والتي تبعده عن مواقع الانتاج..
كما ان جزء كبير منهم، لايهمه الانتاج في شئ ..
بقدر ما يبحث عن التغيير الجذري
وهذا التغيير يبدأ من فوق .. من السياسات ، من التوجيهات، من فكرة الاستيعاب ، من طينة البناء ومونة المعمار
فإذا كانت متماسكة .. تماسك البناء ..
وان كانت متفككة ، كتفكك احزابنا .. فهو ما نرى
والسلام
..
..
ماتنسي يا طلحة.. رطل اللبن بقى ١٥٠
وجالون البنزين التجاري -وجزء منه منتج محلي- فات المليون
والكهرباء والموية والفتريتة والقمح .. والاخلاق
ودي كلها مدخلات انتاج وما قبلنا على السلع الاستهلاكية
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: عمر التاج)
|
يا عمر التاج تاكل وريحة ملاح القرع في يديك وبرضو تنكر ههههههه
Quote:
البوست يا صاحبي عن ارتفاع سعر الدولار
عايز تقول عني كوز .. حا اريحك ، واقولها نيابة عنك .. نعم (انا كوز) .
|
عمر التاج بالله البوست عن الضورار بس ؟
كان كدا معليش يا عمر التاج أنا بس
زي القريت أنك قلت لأحمد هسة بجوا يقولوا
ليك كوز .. المهم كان أنا شوفى ظلمني أو ما قدرت (أستوعب ) كلامك
اعتبرني ما قلت أو ممكن أمسح المداخلة دي والفوق .. لكن
كان جاءت فيهو سيرة التصنيفات وأنت كوز وما كوز
أنا دخلت أعلق على النقطة دي تحديدا.. أما الحلول
الاقتصادية القلت لي جيبا دي أكضب لو قلت ليك خبير فيها وحتى
لو خبير فأنت أخبر أظنك .. واللا شنو ؟؟ خخخخخخخ
المهم لو أنت قاصد تكتب في البوست اللي هو عن الضورار
زي ما قلت (بقولوا ليك كوز) اذن هي ضمن الموضوع ..
ولو ما قاصد تكتبا وفلتت منك سهوا ساي
قول وبعتبر كلامك الفوق دا في محلو
لكن تجيب سيرة البحر وأول ما زول
يقلع هدومو يعوم أو يرمى سنارتو تقول
ليهو لا دا رهاب ساي ما بحر كدا ما كويس وبتكون (عوقتو).
طيب ......
بالنسبة لاحساسي بالبلد يا دكتور عمر دي خليها
علي أنا أنت بس ركز في احساسك بيهو ويا حبذا لو تشيل لافتة
تعلن فيها احساسك بالبلد أو ممكن تعمل مؤتمر صحافي للموضوع دا
أنت يا عمر موش عندكم جامع وفيهو مايكرفون ؟؟؟؟؟؟
تييييييييييب يا خوي .
المهم اتصرف بالنسبة لاحساسك بالبلد وأترك الآخرين يحسوا بطريقتهم الخاصة.
يعنى حتى في احساس الناس عايز( ين) تتدخلوا ؟؟
بصراحة كدا كتير .
...........
أقول ليك كوز لي شنو يا عمر التاج ؟؟؟
ما خلاص أنت قلتها أخيرا .. خخخخخخخ
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: طلحة عبدالله)
|
Quote: أيواااااااااا تلك
أنت يا الشيخ يا خوى برااااااااك تصنف نفسك فأنت حر ولا شك
ان شاء الله تكتب تحت توقيع : الإرهابي أو النازي الشيخ سيد أحمد
ويجوا يسوقوك يودوك أسفل السافلين خخخخخخ
وبعدين تغنى مع وردي .. براي سويتا في نفسي
لكن ما تستسهل تصنيف غيرك لأنو كدا بتضرو
في حاجات كتيرة عن جهل أو عن عمد
خصوصا لما يكون الزول دا ما عندو تصنيفك ليهو دا
..........
اتا برضو فهمتنى واللا تشرب جردقة ؟؟
النشادر خلاص شطبنا خخخخخخخ |
نسيت اعمل في نهاية ردي على (عمر التاج )
CC طلحة.
انت بالله متأزم للدرجة دي من التصنيف:).
اها رايك شنو في ال500 - يعني نص الألف.
يعني ليه كده يا حمدوك الغطس حجر البلد.
بالمناسبة وين ناس شكرآ حمدوك.
شكرآ طلحتوك.
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: الشيخ سيد أحمد)
|
يا الشيخ الكوز
يعنى مثلا بالنسبة لي (كمتأزم) لغاية هسة مستغرب
في كونك تقول لي أولاد حمدوك .. لا حصل قلت
ليك أنت كوز ولا جردل ولا جبت ليك سيرة ذاتو.
أها قلتها لشنو يا شفيف ؟؟
ما في حتى مجرد أثر للبعير يدل على أني ولد حمدوك
الإشارة الوحيدة المزعومة أنت جبتها بعد حاصرتك بين حجر الطاحونة وسيرا
البوست بتاع (سيبلهم) الرشيتكم فيهو كفلول نظام بائد .
ودا أصلا ما جبت فيهو سيرة تدل على أني طبلت لحمدوك
زي ما ادعيت أنت .. وحتى في زعمك التاني القلت فيهو
أنا بطير للناس البتنتقد حمدوك في حلقهم ما جبت لي أي
بوست أو مداخلة أو رد بالخصوص دا .. يبقي بهتان
واللا ما إفك يا بتوع الكذب الضار أنتوا ؟؟ خخخخخخخ
غايتو لو عايز رأيي
حكاية متأزم دي كدا خلي النقاش حولها لغاية ما تحتدم
المعركة خخخخخخخخخخخخ
أمسك هسة في قصة أنك جيت طاير قلت طلحة
اولاد حمدوك دي وخليك عادي لما ألبد ليك بيها في
أزقة البورد دا كما هو حاصل الآن ..
أووووووووووعك تستغرب عشان أنا كمان ما استغرب
فيك أكتر من كدا خخخخخخ.
..........
قول يا فراج يا الشيخ أخوى .
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: طلحة عبدالله)
|
هياااااااااا عمروف Quote: والله يا زهير لو اني (حريت) فيهم خيرا .. لوقت معهم بقلمي وسيفي ..
ولكنهم ما أتوا لخير قط .. كل تفكيرهم تحت حقدهم على الكيزان. |
غايتو يا عمروف كان شافوا كلامك دا وتأكدوا أنك
ما ح تقيف معاهم صدقني ح يعملوا حفلة شهر كل يوم بفنان من جميع
قارات العالم .. يا عمر تقيف شنو ياخ كدا استهدى بالله
الله يهدينا ويهديك هههههههههههه
أنت بالمناسبة شنو حكاية السيف الماسك فيها دي
لازم تدخل في كلامك سيف وحربة ومنجنيق وجماجم يعنى؟؟
أرهبتنا يا رجل 
ثم ياخ قلنا ليك دا عصر الصواريخ والذرية والنووي
شنو حركات العصور الوسطي دي خخخخخخ
..............
بالمناسبة تاني غير المناسبة الأولى أنت زعلان منهم
عشان ودوا البلد في ستين داهية واللا عشان ( حقدهم على الكيزان)؟؟
اعترف يا عفريت
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: طلحة عبدالله)
|
Quote: يعنى حتى في احساس الناس عايز( ين) تتدخلوا ؟؟
بصراحة كدا كتير |
ما كتير ولا حاجة يا طلحوز ..
لأن الاحساس هو روح الكتابة للمتابع
الاحساس هو الانعكاس الحقيقي للدوافع،
والدوافع هي التي تحدد المواقع،
ويبقى احساسك بالكتابة هنا هو البعبر عن مسارك
أو حال الشعب في الأفراح والمواجع ..
..
..
نحن حقيقة ما عايزين نخش في احساسك يا صديق،
ولكن نتمنى انك تحس بينا وبحال الشعب وانت بتشكر حمدوك أو تسب الكيزان ..
# فهمتني ول اشوف زول تأتي افهمه؟
..
..
Quote:
أقول ليك كوز لي شنو يا عمر التاج ؟؟؟
ما خلاص أنت قلتها أخيرا .. خخخخخخخ |
ماقلت ليك أفقك شنو كدة وادمنت على تجزئة الخطاب؟
كدي حاول أقرأ السطر الذي جاء فيه قولي ذاك وحاول تفهم مرامية والمقصود منه !
ثم عد للدولار ..
انت يا طلحة ما بتتأثر بالغلاء البيحصل في البلد دي ول شنو؟
يا اخ نحن المغتربين البنصرف بالدولار بنتأثر (نفسيا) بزيادة سعر الدولار .
بنتمنى والله الدولار يبقى بجنيه، عشان اي حاجة ترقد هبطرش في البلد
والمواطن ده (يحس) بطعم الدنيا والرفاهية لعام في حياته
نتمنى الجنيه يبقى أغلى من الدولار عشان نودع غربتنا ونجيب معانا كم (اجنبي) يشتغل تحت خدمة بلدنا
نتمنى البلد تصبح منتجة وخيرات السودان تعم الشعب ثم القحاتة والكيزان والشيوعيين والبعثيين والطليحيين
ونصدرها لامريكا وإسرائيل ونعقد مؤتمر دعم باريس في الخرطوم..
المافي شنو لو خلصت النوايا واشتدت العزائم و اتوفرت الارادة؟
لكن ان يظل حال البلد واقف والناس تشكر ..
واقف شنو ؟ .. البلد ماشة للوراء والناس ما قادرة تعبر ؟
ماشاء للوراء شنو؟ .. البلد تنهار وناس طلحة ولا حاسين ؟
هنا تبقى المصيبة ..
وهنا يحدق الخطر الذي ينذر بالطوفان يا بني وطني.
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: طلحة عبدالله)
|
عمر التاج يا زول منو الفاسق ومختل انت زول مسلم ومواطن بسيط. وماتنسي احترام الجميع للمؤسس حمدوك
يعني انت الان بسب في قيادي مهم للثوار
ارجع عن ما انت فيه والا سيفك ودرقت كل بني كوز لن تنجدك
اللهم لا تاخذ الصديق عمر التاج فيما قال في القايد حمدوك انه منفعل وحزين لا جل العملة الوطنية
والاضرار بمعاش البسطاء
اعفو عنه انك عفو تحب العفو
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: زهير عثمان حمد)
|
| Quote: وماتنسي احترام الجميع للمؤسس حمدوك |
تحياتي زهير..
حمدوك في شخصه نحترمه ونقدر علمه
تماما كما نحترم رجولة البشير ونقدر عسكريه
لكن في الشأن العام يا زهير ..
كلهم يأخذوا بالجزمة،
ولا عاصم لهم منا الا بالإنجاز
ولا انت عايز الحاكم يتصرمع ويدمر كل شئ ونقول له أحسنت ..
لا والله .. بل سيجد اقلامنا و سيوفنا عند كل منحنى للخروج من خط الإصلاح المستقيم
وليكن فينا وفيهم قدر الله .
..
..
الاقلام يا طلحة هي رمز الإصلاح الناعم الشغالين فيه في المنبر حتى وان وصل لحد اسالة الكرامة
اما السيوف فهي رمز الإصلاح الخشن ، وتبدأ من الطعن بالكلمات وتنتهي بالصواريخ عابرة القارات وربما تزيد
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: اخلاص عبدالرحمن المشرف)
|
Quote: كدي يا ود التاج شوف سلام دارفور
ما يكون جبريل دفع ل مني اركو مناوئ الكوز
جبريل كوز واركو كويز .
غايتو |
كاااااك يا دكتورة ...
أخيراً ... لما غلبتكم تمشّوها .. كالعادة رميتوها في عيال داركوز ؟؟!!
بعد إزاحة البشير ... قفز الإنتهازيون علي كراسي السلطة ... بنفس العقلية .. و نفس الأنانية ... كأننا في عام 1956 .... و الإنجليز مغادرون و تركوا الجنيه يساوي ثلاث دولارات أمريكية ...
و ظنت النخبة أن الجنيه قوي لسواد عيونهم ... و أنهم شعب الله المختار
و ناموا في عسل قطن الجزيرة اللذي كان يغذي مصانع يوركشير ...
و لم يستيقظوا علي الهبوط الناعم للجنيه السوداني في النصف الثاني من عقد ستينيات القرن الماضي .... عندما دخلت اليابان و بقوة لتنتج منسوجات في غاية الجودة و بأسعار تنافسية من مواد البتروكيمياء ... Petrochemicals
ليبدأ ضمور أسواق القطن عالميّاً .... بل بوادر كساد خطير ... و النخبة في سبات عميق ....
الغريبة بعد إختطاف الثورة بعد سقوط البشير بواسطة قادة عصابات المحاصصات الجدد - قحت - اللذين وجدوا أنفسهم في مقعد القيادة ... بعد سنتين من اللف و الدوران إتضح للجميع .. داخليّاً و خارجيّاً أنهم ليست لديهم أي فكرة لتسيير الدولة و لا خطط مدروسة جاهزة لإنتشال السودان من وهدة الإنهيار الإقتصادي ....
بل البعض منهم لا يزال تساورهم نوستالجيا مشروع الجزيرة و مؤسسات حكومية كانت تعتاش علي الحكومة مثل السكة حديد .... و أحلام السيطرة علي سلعة الصمغ العربي عالميّاً .... و قد غاب عنهم أن هناك دول في حزام الصمغ العربي الممتد من البحر الأحمر حتي ساحل السنغال قد ملأت فراغ إحتياجات العالم بحقول هشاب نتاج بحوث في معامل جامعات تكساس و إسرائيل و الصين لتبدأ شجيرة الهشاب في إنتاج الصمغ بغزارة في أقل من سنتين بعد شتلها.
العقبة الكبري هي عقلية النخبة اللتي تحجرت منذ قبل خروج الإنجليز علي إلغاء الآخر من مواطني السودان ..... ليدور السودان كدولة فاشلة في دائرة مفرغة من الإنهيار في كل شئ ... و يبقي معني الإستقلال عبء ثقيل لا يطيقه من يبيع السودان اليوم للإمارات و مصر و السعودية و إسرائيل .. بالجملة و القطاعي ... سيادة و أراضي .
بينما ينزلق السودان نحو الإنهيار الكامل ... لا يزال هناك من النخب المثقفة غارق في جدليات عقيمة أقعدت السودان منذ خروج الإنجليز (عقائدية و مذهبية و جهوية و إثنية )...
هل نحن نشهد حقيقة موت دولة؟
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: Mohamed Suleiman)
|
كيفك يا استاذ محمد سليمان
براحة يا زول ، ما في اي الغاء.
مرة طلع حميدتي قال السبب ،
الان نبحث عن السبب وده حق
اما عيال دارفور ف برضو معانا في
الغلاء ، يعني بيشتروا زينا من نفس الدكان
قروش دارفور كان اندفعت ووب ( الي حين) وكان ما
اندفعت ووبين علينا ( الي ابد الابيدين) المهم تمشي صاح
وكان صلحت دارفور الخير برقد هبطرش
بس بعد حين .
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: اخلاص عبدالرحمن المشرف)
|
Quote: وزير المالية #جبريل_إبراهيم: النقد الأجنبي
متوفر في بنك السودان المركزي وهناك إمكانية
لتلبية مطالب الأفراد |
يعني نفهم من الكلام دا شنو؟ إنو الناس البتشتري الدولار ب480 جنيه ديل ناس بليدين ساكت أم أن هذه هي طريقتهم في إخراج زكاة المال؟
بما أن بنك السودان فارش الدولار للبيع في السوق بسعر 420 والناس بتدفع 60 جنيه زيادة كصدقة وتشتري من السوق الأسود ب480، أقترح إستبدال كلمة السوق الأسود بالسوق التصدقي.
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: عمر التاج)
|
الجنيه من كترة الإبار انقلب فار
و الله حكاية
اها رأيكم شنو ااا جماعة بدل نضيع زمننا نسك في الدولار دا و ما اصلاً ما لاحقينو
نخلي الدولار دا ذاااااااااااتو عملتنا الرسمية
و جنيهنا دا الله لا عادو
و الله صحي
ود التاج عودا حميدا
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: عماد الدين الطيب عمر)
|
سلام أستاذ عماد الدين الطيب:
Quote: اها رأيكم شنو ااا جماعة بدل نضيع زمننا نسك في الدولار دا و ما اصلاً ما لاحقينو
نخلي الدولار دا ذاااااااااااتو عملتنا الرسمية
و جنيهنا دا الله لا عادو
و الله صحي |
العملة هي في حد ذاتها ليست غير وسيط لدفع ثمن المنتوجات أو الخدمات ...
قوة العملة تنبع من قوة إقتصاد الدولة اللتي تقف وراءها ...
تسمية جنيهنا ليكون دولار ... فهناك دول عدة سمّت عملتها دولار ....
فهناك بجانب الدولار الأمريكي, الدولار الكندي و الدولار الأسترالي و الدولار الليبيري ... و ثم أرخص دولار في العالم .. الدولار الزيمبابوي ( زي الجنيه السوداني)..
و ثمن كل عملة ... يرجع لقوة إقتصاد تلك الدولة ..
و يمكن أن تسمي عملتك بلغتك القومية .. و تكون عملتك قوية بغض الإسم ... مثل الين الياباني و المارك الألماني و الجنيه الإسترليني و الفرانك الفرنسي و الريال السعودي ..
التجارة بين البشر بدأت بالتجارة البكماء .... و يتم البيع و الشراء بلا عملة .. بل بالمقايضة ... حيث يذهب المزارع حاملاً قمحه الي الجزار فيتفقا علي تبادل سلعتيهما (كيل قمح مقابل قطع لحم) ... كذلك الخدمات ... يتفق البنّاء لبناء حوش مقابل غنم مثلاً .. و هكذا
ثم تدخلت القبيلة ( الحكومة لاحقاً) ... لتخترع العملة ... لتوحيد معايير قيم المنتوجات و الخدمات ... فكانت العملة في البدء من معادن نفيسة .. الذهب و الفضة .. و ثم خلق فئات دنيا من الحديد النحاس و البرونز .... و كلها الضامن فيها لقيمة وسيط التعامل (العملة) هي الحكومة ... و إتفقت كل الدول علي معيار الذهب كإحتياط لسند أي عملة محلية ( فأصبحت قيمة العملة هي معيار قوة أو ضعف إقتصاد أي دولة )
و قوة أو ضعف أي دولة إقتصاديا يعتمد علي ما يسمي بأل: Gross National Product (GNP) إجمالي الناتج القومي
| Quote: إجمالي الناتج القومي (GNP) هو القيمة الإجمالية لجميع السلع والخدمات التامة الصنع التي ينتجها مواطنو الدولة في سنة مالية معينة ، بغض النظر عن موقعهم. يقيس الناتج القومي الإجمالي أيضًا الناتج عن الأعمال التجارية للبلد الموجودة محليًا أو في الخارج. |
بإختصار يعني: الإنتاج و المقدرة علي التصدير و تبادل المنافع مع الدول الأخري ..
و تلك نفس أساسيات و قواعد التجارة البكماء ..... حيث جودة منتوجك أو مدي إمتياز خدماتك هم المعيار لرخاءك و ثروتك و رفاهيتك .... و ليس اللهث خلف الديون و إراقة ماء وجهك تحت أقدام من كانوا بالأمس حفاة عراة و اليوم يتطاولون في البنيان...
يجب الكف عن هذه المعالجات السطحية ( تعويم الجنيه و الجري خلف نادي باريس و رهن سيادة و موارد البلاد لدول مثل الإمارات و مصر و السعودية و غيرها) و الكف عن محاولات بيع السراب لهذا الشعب بتصريحات إعلامية خادعة عن مليارات الدولارات و اليورو ستأتي من أوروبا أو أمريكا أو تركيا أو الخليج....
هذه دول لها مجالس تشريعية تراقب أي مليم أحمر في خزينة دولها .. لأنها هي عرق شعوبها من الضرائب ... و لا يمكن بعزقتها لدول مثل السودان حتي اليوم لم يعرض مسؤول سوداني أي خطط للحكومة و لو في صفحة واحدة عن أهم المشروعات اللتي تنوي تنيذها في شهر .. ستة شهور .. سنة .. خمسة سنة .. و كيف يتم الإعتماد علي الذات و إنعاش الإنتاج اللذي هو المفتاح الوحيد للإستقلال الحقيقي.
كيف الخروج من عنق الزجاجة هذه؟
1- وضع الشخص المناسب الكفء في المكان المناسب
2- طالما هناك سلطات تُمنح ... لابد أن يكون هناك بالمقابل محاسبة و عقاب .
3- لابد من خروج العسكر و المليشيات من أي سلطة إقتصادية و عودة كل السلطات الإقتصادية من تخطيط و تنفيذ الي السلطة المدنية و إلغاء هذه المسارات الإقتصادية المزدوجة بل المتعددة (شركات عسكرية و أخري تابعة للمليشيات لها مسارات إقتصادية خارج سلطة و سيطرة الحكومة المدنية .. يجب إخراجها فوراً و توحيد النظام الإقتصادي لتعود كل السلطات الإقتصادية في يد الحكومة المدنية .. و اللتي ستخضع لاحقاً للمحاسبة من قِبل السلطة التشريعية).
| |
|
|
|
|
|
|
|
|
 Re: الدولار (يعبر ) حاجز ال٥٠٠ ألف جنيه (Re: Mohamed Suleiman)
|
Quote:
بإختصار يعني: الإنتاج و المقدرة علي التصدير و تبادل المنافع مع الدول الأخري ..
و تلك نفس أساسيات و قواعد التجارة البكماء ..... حيث جودة منتوجك أو مدي إمتياز خدماتك هم المعيار لرخاءك و ثروتك و رفاهيتك .... و ليس اللهث خلف الديون و إراقة ماء وجهك تحت أقدام من كانوا بالأمس حفاة عراة و اليوم يتطاولون في البنيان...
يجب الكف عن هذه المعالجات السطحية ( تعويم الجنيه و الجري خلف نادي باريس و رهن سيادة و موارد البلاد لدول مثل الإمارات و مصر و السعودية و غيرها) و الكف عن محاولات بيع السراب لهذا الشعب بتصريحات إعلامية خادعة عن مليارات الدولارات و اليورو ستأتي من أوروبا أو أمريكا أو تركيا أو الخليج....
هذه دول لها مجالس تشريعية تراقب أي مليم أحمر في خزينة دولها .. لأنها هي عرق شعوبها من الضرائب ... و لا يمكن بعزقتها لدول مثل السودان حتي اليوم لم يعرض مسؤول سوداني أي خطط للحكومة و لو في صفحة واحدة عن أهم المشروعات اللتي تنوي تنيذها في شهر .. ستة شهور .. سنة .. خمسة سنة .. و كيف يتم الإعتماد علي الذات و إنعاش الإنتاج اللذي هو المفتاح الوحيد للإستقلال الحقيقي.
|
قد اسمعت لو ناديت حيا ولكن لا حياة لمن تنادى
حتى لو توفر مال المنح والقروض ومدخلات الانتاج كمعونات ووصلت السودان تم تعويد الشعب على الكسل زى ايام الترول ايام الانقاذ بدل نشتغل كشعب فى الانتاج اتجه الناس للانشطه الطفيليه والسمسره وتركنا الانتاج والشعل الحقيقى للمصريين والهنود والحبش لو يذكر الجميع
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: Abureesh)
|
سلام باشمهندس أبو الريش:
| Quote: يا باشمهندس محمد سليمان، ما فهمته انه المقصود السودان يستعمل الدولار الأمريكى الواحد دا.. وليس تسمية العملة السودانية دولار |
تذكر ... أن العملة ليست غير وسيط فقط في التعامل لسلع أو خدمات لها قيمة ..
هناك طريقتين لدولة تتعامل مباشرة بالدولار:
1- Pegging و هو ربط قيمة عملة تلك البلاد بقيمة الدولار (تستدعي إتفاقية مع وزارة الخزانة الأمريكية) ... أي إن إرتفع الدولار .. ترتفع قيمة عملة تلك البلاد .. و العكس بالعكس .... و تلتزم هذه الولة عند إنخفاض عملتها بشراء الفائض (العرض و الطلب) حتي تعود المعادلة لتساوي قيمة العملتين .. و إن صعدت قيمة العملة الوطنية مقابل الدولار .. تقوم تلك الدولة بضخ مزيد من العملة المحلية لتنخفض القيمة و تنخفض القيمة لتتساوي قيمة العملتين ...فلابد من مراقبة العملة و التدخل فوراً لإستعادة التوازن .. و هذه العملية غالباً تتم مع دول ترغب في جذب إستثمارات الشركات الأمريكية الضخمة و أن هناك تبادل تجاري كبير بينها و بين الولايات الأمريكية حيث من دواعي هذه العلاقات التجارية أن يكون هناك إستقرار إقتصادي و سياسي و مالي حتي يمكن للشركات الأمريكية الضخمة الإستثمار بإطمئنان...
2- هناك دول مستقلة و لكنها إختارت أن تكون عملة الدولار الأمريكي هي عملة التعامل الوطني .... من فوائد هذا القرار هو إنتفاء الحاجة للتجارة في الدولار كسلعة في حد ذاته ... و يكون هذا القرار في بلاد تكون فيها السياحة و خاصة للأمريكان من أهم مصادر الدخل لتلك البلاد و علاقات تجارية قوية مثل أكوادور و تيمور الشرقية أو سياسيّا تابعة لأمريكا مثل جزر ميكرونيزيا و بعض جزر الكاريبي.
تطبيق مثل هذا القرار في السودان مثلاً .... فإن ذلك يحتم توفر كميات كبيرة من الدولار في متناول العامة و كل الدول الدولة... و هذا هو المأزق الحالي .... الندرة ... و الدولار لا يأتي في السودان عبر سياحة أو إستثمارات ضخمة أمريكية و دولية ليكون متاحا في متناول العامة كعملة في البيع و الشراء .... لذلك نعود مرّة أخري الي ضرورة توفير الدولار و كل العملات الصعبة بالطريقة القديمة الصعبة The hard way: تصدير منتوجات أو خدمات لدول العالم ... و من ثم يتوفر الدولار و الأسترليني و اليوان الصيني و الريال السعودي عبر إيراد الصادر ..... و حينها .. لن تحتاج لتغيير الجنيه السوداني لدولار أمريكي ... بل سيبدأ الجنيه السوداني تلقائياً في الصعود ..
تذكر ... ليس الدولار هو اللذي يصعد في قيمته .... بل الجنيه السوداني هو اللذي يواصل الهبوط لعدم تصدير منتوجات و خدمات للخارج تجلب العملة الصعبة لتدعم قيمته .
| |
|
|
|
|
|
|
|
|
|
Re: الدولار (يعبر ) حاجز ال٥٠٠ ألف جنيه (Re: Abureesh)
|
| Quote: شكرا باشمهندس محمد سليمان.. وأول مرة أعرف الأكوادور تستعمل الدولار الأمريكى.. كنت قايلها بورتوريكو بس (بوروريكو) |
و بل معها دول أخري ..
لكن الشئ المهم يا أبو الريش ... أن تكون للدولة عملتها الوطنية هي في ذاتها تعد مفخرة وطنية ... National Pride
فالعملة و بالذات الورقية تستخدمها الدول كصفحة من تاريخها ( تعرض فيها صور قادتها عبر التاريخ) أو لعرض إنجازاتها عبر الأجيال ( صور المعالم الرئيسة اللتي شيدتها أجيال سابقة) .. أو عرض أجزاء من ثقافاتها و تنوع تركيبة سكانها و مختلف التقاليد اللتي تفخر بها و تريد أن تخلدها عبر التاريخ و الزمن.
| |
|
|
|
|
|
|
| |
عمر التاج
Asim Ali
Ahmed Yassin
احمد عمر محمد
الشيخ سيد أحمد
زهير عثمان حمد
Hafiz Bashir
Mohamed Suleiman
Nasir Ahmed Elmustafa
Abureesh
فيس بوك
تويتر
انستقرام
يوتيوب
بنتيريست