|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
ليهو خمسة دقائق ود الهرمة (الزول الجمبي) شابكني محمد البشرى الخدر محمد البشرى محمد الخ الخ الخ قدر ما قلت ليهو دا منو ما عندنا زول هنا اسمو محمد الخ الخ الخ وهو مصر انو يوجد بكثرة غايتو بعد سين وجيم وملاوة عرفت انو قاصد جرجير قلت ليهو كيف تضمو للقائمة ؟؟ الزول دا ما بطال لو خلى حركة الجر والمط والبلا بلا بلا دي قال لي أبدا هسة عليك الله البوست الغاغا بتاع غرد فلان وغرد فلان دا مش المفروض يدوهوا فيهو أوسكار الفارغة ومقدودة ؟؟ رغم اقتناعي بمنطقو لكن ميعت ليهو الموضوع. جرجير دا برضو مهما كان معاط لكن صاحبي ياخ خخخخخ
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
هيااااااا حيدروف ألحق الزول قال يضيفوك ومصر قال لي يا نضيف حيدروف الصلد يا اما بحرد بالله عليك شوف (نضيف) دي كيف .. لا وماسك الكيبورد عديل . غايتو كدا أيقنت بما لا يدع مجالا لمثقال ذرة شك انو الزول الجمبي دا عميل مزدوج مدسوس. ........... ما عايز أجيب سيرة أحمد محمد عمر عشان الزول الضربو رمى دا ما يتذكر ويخربا مرة واحدة..خخخخخخ
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
حاشية: البوست دا قعدة جبنة يوم الجمعة أي زول في القائمة دي أو ح يجي اسمو لاحقا شايف انو ما مزعج ومعوق البتاع القلنا دا وزعلان يجي هنا يعبر عن زعلو وطوالي بدون أي تردد ح نشيلو ولو عايز نكتب عليهو أكتر زول مهذب ورزين ومريح الخ الخ الخ وشكرا التوقيع طلحة عبدالله الزول القاعد جمبي.
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: احمد عمر محمد)
|
النت اصلا خلق لكي يهدر باندويثه والشيخ سيد أحمد افضل من يهدره بحقه في هذا المنبر .. وزهير خير من يحسن اهداره .. وللحقيقة فإن المشكلة ليست في إهدار الباندويث بل المشكلة في اهداره دون وجه حق ، تماما كما حدث في هذا البوست. .. .. وبالمناسبة، ولفائدتك وصفك لي في بوست الشيخ، لا علاقة له بوصفي لك في بوست زهير لا في المفردات ولا القواعد ولا المعاني . انت فاهمني؟
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
يا جرجير حقارتك بي أنا بس شوف نفسك أول قبل كدا قلت قطيع الطيور يحلق وهو فرحان وشوف عمر التاج قال سألتقيك في الأيام الخوالى وفي خضم تعبيري هي جات على تعويق الباندويث يعنى ؟؟ أيوة اهدارو في الفارغة ومقدودة كما تفعل أو في الغلاط وتلقى الحجج كما يفعل عمر التاج والشيخ سيد أحمد هو تعويق وإن كره سيبويه .......... أحمد عمر أنا مركز ما تخاف عليك .. خخخخخ
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: محمد البشرى الخضر)
|
عمر التاج يا هههههههههه قلت لي وصفي ليك ما بنطبق على وصفك لي واللا شنو ؟؟ طيب خليتو الوصف وانت جبت من معجمك براك أها بالله تعال أشرح لينا كيف زول في السفح يكون قمة وقامة ؟؟ وشنو يعنى خضم تعبيرك وشنو يعنى حاجات كتيرة بتكتبها وأنا المسطح دا ما بستوعبا ؟؟؟؟ قودني إلى النور بالله عليك عشان ما نظلم جنابك بس .. ............... جرجير قلت يعنى قلت ما تركب لي مكنة الشيخ دي .
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
8- ودو كمائن .............. ود كمائن الشهير بمحمد الصايم نواحي السعودية اشتهر ب (كمائن) بسبب نكتة الكمين الشهيرة التى قالها لا يلوى على شىء كان قدس الله سره يفتح بوست كل كم دقيقة ليسخر فيه من صاحبو فيصل نوبي الله يطراهو بالخير من باب (حقيرتا في بقيرتا) وقد اشتهر بصورته الضاحكة والتى ظل يحشش بيها فخورا مختالا بمناسبة ودونها حتى في بوستات العزاء سامحه الله وبارك فيهو .. خخخخخ
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: زهير عثمان حمد)
|
Quote: 1 - الشيخ سيد أحمد 2- الشيخ سيد أحمد 3- الشيخ سيد أحمد 4- الشيح سيد أحمد 5- ..... ....... يتبع ان الله هون |
هههههههه بالله شوفو الظلم ده كيفن.
طيب امسك عند اللائحة دي: 1- حافظ بشير. 2-muntsir 3-يحيى قباني 4-عادل امين 5-وداللصيل 6- ابوحسين 0-بكري ابوبكر. شفت رقم صفر ده كيف بالله:)
بوست بتاع اجازات وعطل رسميةخخخخخخ
رشهم يا طلحة. لكن انا ما معاهم.
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: زهير عثمان حمد)
|
يا زهير عثمان شوف والله أنا لا أحمل ليك إلا التقدير ما عندي معاك أي مواجد شخصية وبعتبرك زول بسيط وعلى نياتك وبوستاتك بعتبرا (عتالة حميدة) تكفي الزول عناء يمشى يفتش للإخبار لكن الحاجة الوحيدة السلبية ونهبتك ليها ( لمصلحتك) قبل مصلحة البورد عدم ذكرك للمصدر أو على الأقل تقول (منقول) .. يعنى هسة في بوستك الأخير بتاع الخلاف بين وزراتي الخارجية السودانية والمصرية دا جبتو هنا كأنك كاتبو أنت بل والأدهى من كدا شلت من التقرير حتى الإشارة إلى المصدر ( أوضحت المصادر للعربي للجديد) التقرير ما بتاعك يا زهير وممكن يعمل ليك مشكلة باعتبارك أنت الكاتبو زي مشكلة زوجة وزير الصناعة الورطت فيهو نفسك داك .. بوستات نقلك للأخبار هنا كويسة ياخ لكن بس جيب معاها المصدر أو قول منقول بس.. دي فقط نصيحتي ليك ولك أن تقبلها أو ترفضها رغم أنها ترتبط بطريقة مباشرة أو غير مباشرة بمصداقية المنبر. ............... دفاعك عن عمر التاج أو حتى وقوفك في صفه ضدي ما فرقت كتير بالنسبة لي إذا ما اتحسبت عليكم الاتنين لكن المؤكد أنا برد كان عليك كان عليهو .. بس تخلوا روحكم رياضية .. بالنسبة للبوست لو مزعلك ورود اسمك فيهو نشيلو ليك طوالي خخخخخخخخ أنا فوق نبهت للنقطة دي.
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
Quote: زهير عثمان شوف والله أنا لا أحمل ليك إلا التقدير ما عندي معاك أي مواجد شخصية وبعتبرك زول بسيط وعلى نياتك وبوستاتك بعتبرا (عتالة حميدة) تكفي الزول عناء يمشى يفتش للإخبار لكن الحاجة الوحيدة السلبية ونهبتك ليها ( لمصلحتك) قبل مصلحة البورد عدم ذكرك للمصدر أو على الأقل تقول (منقول) .. يعنى هسة في بوستك الأخير بتاع الخلاف بين وزراتي الخارجية السودانية والمصرية دا جبتو هنا كأنك كاتبو أنت بل والأدهى من كدا شلت من التقرير حتى الإشارة إلى المصدر ( أوضحت المصادر للعربي للجديد) التقرير ما بتاعك يا زهير وممكن يعمل ليك مشكلة باعتبارك أنت الكاتبو زي مشكلة زوجة وزير الصناعة الورطت فيهو نفسك داك .. بوستات نقلك للأخبار هنا كويسة ياخ لكن بس جيب معاها المصدر أو قول منقول بس.. دي فقط نصيحتي ليك ولك أن تقبلها أو ترفضها رغم أنها ترتبط بطريقة مباشرة أو غير مباشرة بمصداقية المنبر. ............... دفاعك عن عمر التاج أو حتى وقوفك في صفه ضدي ما فرقت كتير بالنسبة لي إذا ما اتحسبت عليكم الاتنين لكن المؤكد أنا برد كان عليك كان عليهو .. بس تخلوا روحكم رياضية .. بالنسبة للبوست لو مزعلك ورود اسمك فيهو نشيلو ليك طوالي خخخخخخخخ أنا فوق نبهت للنقطة دي. . |
دا المصدر بتاع التقرير بتاع (العربي) يا زهير https://www-alaraby-co-uk.cdn.ampproject.org/c/s/www.alaraby.co.uk/politics/%D8%AA%D9%85%D8%A7%D9%8A%D8%B2-%D9%85%D8%B5%D8%B1%D9%8A-%D9%80-%D8%B3%D9%88%D8%AF%D8%A7%D9%86%D9%8A-%D9%85%D8%B1%D9%8A%D9%85-%D8%A7%D9%84%D8%B5%D8%A7%D8%AF%D9%82-%D8%A7%D9%84%D9%85%D9%87%D8%AF%D9%8A-%D8%AA%D9%84%D8%BA%D9%8A-%D8%B2%D9%8A%D8%A7%D8%B1%D8%A9-%D8%A7%D9%84%D9%82%D8%A7%D9%87%D8%B1%D8%A9؟amphttps://www-alaraby-co-uk.cdn.ampproject.org/c/s/www.alaraby.co.uk/politics/%D8%AA%D9%85%D8%A7%D9%8A%D8%B2-%D9%85%D8%B5%D8%B1%D9%8A-%D9%80-%...9%87%D8%B1%D8%A9؟amp
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
ودا بوستيك .. طيب على الأقل كان تخلى حتة ( وأوضحت المصادر لـ"العربي الجديد"،)
Quote: خلاف مصري سوداني يلغي رحلة مريم الصادق المهدي إلى القاهرة
كشفت مصادر دبلوماسية مصرية عن تطور وصفته بـ”الخطير” بشأن الموقف السوداني، قائلة إن خلاف دبّ أخيراً بين الطرفين، تسبّب في إلغاء لقاء كان مقرراً أن يعقد يوم الأحد الماضي، بين وزيري خارجية البلدين، المصري سامح شكري، والسودانية مريم الصادق المهدي، في القاهرة.
قرار الإلغاء و الخلاف وأوضحت المصادر أن إلغاء اللقاء تقرر قبل ساعات قليلة من مغادرة الوزيرة السودانية للخرطوم في طريقها لزيارة القاهرة. وأضافت أن هناك تحركات غير مفهومة من جانب وزير الري السوداني ياسر عباس، ورئيس الحكومة عبد الله حمدوك، بشأن الملف، مشيرة إلى أن حمدوك يرفض التلويح بورقة القوة في الأزمة، حتى لو كانت من باب رفع السقف لإجبار الطرف الآخر على العودة الجدية للمفاوضات، وعدم الإضرار بمصالح الشعبين المصري والسوداني.
وبحسب المصادر، فإن “حمدوك يرفض الربط بنسبة مائة في المائة بين الموقفين المصري والسوداني، مروّجاً بأن هناك تباينات يجب مراعاتها في الموقفين”.
وذكرت أن “رئيس الوزراء السوداني يدفع الشق المدني في منظومة الحكم السودانية للضغط على المكون العسكري، الذي يتخذ مواقف إيجابية للغاية بالنسبة لمصر، لوضع هامش في العلاقة بين البلدين يسمح للخرطوم بعدم الانسياق الكامل وراء القاهرة في تلك الأزمة، من منطلق أن للسودان مصالح حقيقية في تشغيل السد، وأن مخاوف السودان في الأزمة تتوقف عند حد التنسيق في الجوانب الفنية وعدم الضرر.
ولفتت المصادر إلى أن حمدوك يروّج داخل الدوائر السودانية المختلفة أنه يملك ضمانات حقيقية بشأن الموقف الإثيوبي الخاص بمراعاة المخاوف السودانية بشكل منفصل عن مصر، والتنسيق الفني الكامل مع أديس أبابا قبل الشروع في الملء الثاني، وتشغيل السد مستقبلاً. من هنا ارفع القبعات الدكتور عبد الله حمدوك.
|
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
Quote: يا فنان عليك الطلاق دي في الخاص ما بتتقال .. أقول ليك حاجة كوني أرسلا لى نفسي في الخاص وأقراها ملاوز .............. مرة عملت فيها دمي خفيف حكيتا لبلدياتنا بتاع شربة ومزمزة وحاة الخوة لسة مقاطعنى قال لي أنت فاسق خخخخخخ |
الضحك الفوق دا في الجوزئية دي
جوزئية دى كدا صاح ؟
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: عبداللطيف حسن علي)
|
Quote: ممكن تكتبها بلغة ;g l,hqdu hglkfv hi]hv ggfhk],]e
|
با عبداللطيف قول شفت من الشفوت طلع عارف اللغة دي .. أنا أودى وشي وين ؟ ................ يا زول زي النكت دي لو كتبتها بلغة النمل بتاع النبي سليمان بطلعوا واحدين متخصصبن نكت زي دي يترجموها ويحكوها ليك بحركاتا كمان .. ما بجازف ما بجازف ياخ .. خخخخخخ
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
Quote: هسة كان ما قصدانية منك الشيخ يطلع شنو بالنسبة لي ابو حسين؟ عدد البوستات البفتحها الشيخ في اسبوع ابو حسين بشرب بيها شاي الصباح |
شفت كيف بالله يا ابو حميد. انا قلت الزول ده فرحان بي القونين بتاعة (سيف تري) وانها حالة وبتعدي. لكن اظنو خايف يغني (صدقني ما بقدر اعيد )- ولا عزاء للرشاشات:(
انت يا طلحة البوست ده حالة تجلي ولا حالة سكون خخخخخ
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: الشيخ سيد أحمد)
|
Quote: حالة تجلي ولا حالة سكون
|
حالة جنون هاهاهاهاهاها . ............. يا زول هدفين شنو في أبو الهل البتفرح الزعماء حكاية المريخ يغلب أبو الهل المبشتن دي أضحت أكتر من عادية وما فيها اية اثارة عشان نجي نكورك بيها هنا . دي تلقاها عند ناس زوووووط ( واخد بالك يا جرجرة ؟) لما بالصدفة فريقهم يغلب ان شاء الله في تقسيمة داخلية.
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
Quote: يا زول هدفين شنو في أبو الهل البتفرح الزعماء حكاية المريخ يغلب أبو الهل المبشتن دي أضحت أكتر من عادية وما فيها اية اثارة عشان نجي نكورك بيها هنا . |
هههههه
بالله يا صفوة قت لي بقو زيهم و زي توتي و العامل ؟
زمان واحد رشاشة فرحان قال لي الهلال غلب توتي 6 صفر ..!!
قت ليو .. نقول بعد الستة شال توتي ضرب بيها الواطه .. اها حصل شنو ؟ غلبتو المريخ !!!
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: جلالدونا)
|
يا جلالدونا لا توصى حريصا النكتة دي بلعتها وحاليا مركونة في المصران الغليظ مرة مرة لما أحن لشقاوة الجاهلية بمشى الجبل لامن شاف لا من درى .. عشان اتخيل منظر ودو كمائن وهو بحكيها فأنفجر مقهقها ثم اتعوذ منو ومن نكاتو قبل أن أقفل عائدا متخذا طريقا مهجورا .. حتى الحدية والطيور البرية المحلقة فوق الجبل ما بخليها تنقش خخخخخخخ
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
عارف يا طلحة الفنان والممثل ابراهيم خضر الشهير ب(ابراهيم كوميك) كان قبل سنتين قضى معانا اكتر من شهر.... الزول دا فظيغ بمعنى الكلمة طبعا هو موسوعة بتاعة نكات وبحكيها بالتمثيل ..ييعني لو نكتة زول سكران تحلف تقول ابراهيم دا شارب في نهار رمضان..انا من كترة ما ضحكت زااله كنت قاعد اطرده....بعدين نكاته مؤدبة ومهذبة شديد واكتر واحدة مختشمة عنده ياها زي بتاعة ودالكمائن دا الليلة الليلة وازاي االيلة .. حرق بى نار الكائن ديلة
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: Ahmed Yassin)
|
يا طلحة كتر خيرك اصبحت من العارفين في مجال قول الحق والحقيقة
وكلامك ورايك الرهيب دا ليه ما قلت من زمن يا طلحة وما تنقل كلام غيرك خليك شجاع وقول كلمة حق بدل العبط دا انا عارف بسوي في شنو لكين اللي بسمع كلام الناس بدخل النار انشالله تفهمني يا بتاع العربي الجديد عسك بخير
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: زهير عثمان حمد)
|
Quote: هههههههه بالله شوفو الظلم ده كيفن.
طيب امسك عند اللائحة دي: 1- حافظ بشير. 2-muntsir 3-يحيى قباني 4-عادل امين 5-وداللصيل 6- ابوحسين 0-بكري ابوبكر. شفت رقم صفر ده كيف بالله:)
بوست بتاع اجازات وعطل رسميةخخخخخخ
رشهم يا طلحة. لكن انا ما معاهم.
|
☆ أنا اسمي هنا مكتوب¿ ياخ بالغتو والله؛ انجبدنا من زاماااونك و نزلنا التحتانية ؛ بقينا لامن يطرانا واحد زي شيخي شيخ الترابلة نقول : 《يَا وَيْلَنَا مَن بَعَثَنَا مِن مَّرْقَدِنَا ۜ ۗ هَٰذَا مَا وَعَدَ الرَّحْمَٰنُ وَ صَدَقَ الْمُرْسَلُونَ 》. دا كلو خوفن من وجع الوش و كترت الطلة المسخت خلق الله ؛ نجي نتاوق ساااه ينط ليك واحد بوكوو حرامي(متجلي) يقبقبك يقوللك إليك يا عدو الله، دي ريحتك و لا عملت بوركينا فاسو"
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: دفع الله ود الأصيل)
|
عزيزنا ود الأصيل حقيقة شرفت البوست أنت يا حبيب بوستاتك زي بوستات ناس تاج السر الملك ودهب وأبوذر والجماعة الغلاد ديل بتاعت قراية بس.. شخصيا بتابعا بصمت .. كلها وبنهم شديد. ياخ أنا مرة مرة لما أرد على بوست كاتبو الملك براجع الرد شخرمية مرة قبل ما (أضف رد ) وبعد دا بكون شايل قلبي في حتة ما حتتو لغاية ما أطمئن كان بالصاح واللا بالكضب انو ما شترت .. ثم بعد داك اتنفس الصعداء ........... شفت كيف ؟
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
Arif Nashed مشكور على الإطراء يا بلد توفيق جبناه مكبل ورد بخفة دم شديدة بصراحة أنا كنت متوقعو يزعل لكن واضح أنو أكبر من كدا بكتير جرجير دا بالنسبة لي زي الشيخ سيد احمد بحشرو في أية حاجة مع اختلاف بسيط لصالح جرجير وأنا مرغم أقول حاجة لصالحو. ........... باقي الجماعة الجبتهم ديل ما قاعد أشيل وأدى معاهم
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
أحمد يسنQuote: واكتر واحدة مختشمة عنده ياها زي بتاعة ودالكمائن دا
|
يا زول صاحبك دا لو سمع نكتة الكمين دي وعرف أنك قلت نكاتو زيها صدقني بفتح فيك بلاغ إشانة سمعة خخخخخخخخ ........... يا فنان أنا أجزم انو لما يقولوا ليك انو مجرم ما قبضوا بممنوعات قاصدين زي النكتة الشايلا دي .. خايف تحت أي لحظة يقبضوا علي متلبس..
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
يا ترى تنظير دا متخيل الاعضاء ب " عوقوا" الباندودث كيف؟ متخيل الواحد شايل عكاز وامدلدوم في الضهر ولا راقد ليه جوز وفي الانكل! يا ترى فيم كان يفكر - أو لا يفكر- تنظير وهو يكتب هذا العنوان "ضيق الأفق" دا 😀 هل يعلم تنظير ما هو الباندودث، أم الفحك الفحك كالعادة! هل يعي تنظير ما يكتب أم الفكرة التأكد من أم الباسويرد لسة شغال بكتابة اي ورجغة في الهنوان و أي ملخمة في متن المداخلة الافتتاحية وبعد داك البوست يسوق نفسه بنفسه حسب تداول الاعضاء! للاجابة على هذه الاسئلة و غيرها، تابعونا بعد الفاصل!
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: عمر التاج)
|
لا يا عمر التاج ههههههههه الشيخ أنا حاسبو واحد بس ثم ياخ أنا على كيفي أكتب العنوان 5 وأجيب في البوست 400 شنو الفرق أو شنو البلخبط الحكاية ؟ .. أنت مثلا لما تجي تلقى مكتوب في العنوان 5 اكتفي بالخمسة بس والباقي أرميهو في الزبالة .. الحكاية بسيطة ما تعقدا . بالنسبة لأخونا ود الأصيل أنا ما عارفو والله لغاية هسة رغم سؤالي ليهو الواضح مغير إسمي لشنو .. والبعقد الموضوع أنو جاب ليهو القرشي كمان .. لو كان خلالها طه ساي ممكن أقول زي ما قلت ليهو فوق بقصد جدي لكن المشكلة انو هو عمل نائم فأتمنى والله يجي هنا يوضح . .............. عمر التاج كدا خليهو جرجير أنت مالك بالجد ؟.. زعلان لورود إسمك واللا عشان قلنا ليك جود شوية عسى الواحد يقدر يستوعب كلامك. واللا ما زعلان ودي هترشة من هترشاتك ساي ؟؟ خخخخخخخ
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
Quote: ود الأصيل أنت عارف اسم جدي عشان كدا بتناديني بيهو واللا تابعتني في الفيس ( طه طلحة) واللا غلطان غلط الناس الواحد دا ؟ .................. تحياتي يا الحبيب أنت ظهورك نادر حتى وإن كانت بوستاتك مترية وبالتالي بعيد شديد عن القائمة دي.
|
هون عليك يا طلحة و تيك إت إيزي. زلة قلم و الله و لا جايب خبر ؛ لأني كنت مركب شريط ذكريات قديم مع ناس هاشم في العيد ، طه القرشي مريض ، و كلب عبد الجليل و حليمة بائعة اللبن؛ دي واحدة. ☆ أها و التانية زي ما قلت ليك و تفضلت أنت: أخوك فعلن بعيد كل البعد عن قوائم الإخوانيات زي دي حيث سقط اسمي سهواً ربما؛ و لو سأل عنا سائلٌ ، فهسي في أجواء تانية خالس، ناشقين نواحي الوعرة أم هبج، بطانة أب علي ؛ من قدام شال قبلي .. فوق عربي و فوق إبلي.. و يا بخيت أحلب لي.. لبن أم زور طايب لي. سلامنا لكل من حولكم.
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: walid taha)
|
Quote: عزيزنا ود الأصيل حقيقة شرفت البوست أنت يا حبيب بوستاتك زي بوستات ناس تاج السر الملك ودهب وأبوذر والجماعة الغلاد ديل بتاعت قراية بس.. شخصيا بتابعا بصمت .. كلها وبنهم شديد.
|
☆ تعرف يا طلحة ، بوستات الأسافير عامةً تراهي متل الدواجن ، آيوة، الجداد البكاكي دا. طبعاً منو البائض و منو اللاحم. و دا بالزات بربوه يطلعو من صدوره الطوامح فخدة طاعمة بلحيل دي لأولاد الزوات و المصارين البُيُض ؛ و منو أفخاذ و وراكين و كرعين (سهير ) و ديل حتهن ليهن ناسن القادرين عليهن. يلا ديل متل إخوانياتكم دي.. بالجد خفيفة الظل؛ الواحد أكان جاء رمالو بس حريف مهمل بلا نقط إعجامٍ بس يجوه المتداخلون و الخشامة اللعمى شايل المكسر ؛ ما شاء الله تبارك الله !! و أما ما يتبقى من جلافيط و أصابعين الجداد فيا إمتن تجمبع لامن يدوها خور المايقوما ، و لا كمان حتها ليها ناسا يخموها يودها يجقجقوها كوارع في سوق صابربن شارع الشنقيطي . يلا ترا حال أضافرين (صابربن) دا ياهو الباقي علي متل بويسات القراية أم دق المترية ألتنا ديك!! ☆ فا شنو ياخي، قالو: الريد قِسَم ♤ بوستاتنا تعيسة و غير موفقة !! مهما تنحت مخك و تكتب و تؤلف فالكتابة طبعن صنفان و البوست بوستان ، بوست في نعيم الجنة ، و آخر ربما في درك أسفل من ضحضاح السعير ، وبئس المصير . تلقى واحد برمشة عين يفتح ليك أحلى ركن نقاش، و آخر مهما جاهم هاش باش يضربوه طناش و سيبو إن شاء الله يتعشى كرشة و يحلي فشفاش!!
| |
|
|
|
|
|
|
Re: أكتر 5 أعضاء مزعجين ومعوقين ال Bandwidth في الم (Re: طلحة عبدالله)
|
muntasir يا قريبك هو في الحقيقة الزول الجمبي جاب سيرتك قال لي الاسمو بالانجليزي قلت ليهو كتار منو فيهم ؟ قال لي اسمو ملولو زي سلك لمبة الكهرباء قلت ليهو ما عرفتو ياتو ياخ ؟ قال لي الخطو كبار كبار داك برضو قلت ليهو يا تو ؟ قال لي وشوف عيني أخلاقو ماشة طالعة قربت تصل نخرتو ياخ الكتابتو زي حلاوة قطن داك ياخ كدا رشاك واللا حباك يعنى ؟؟ ......... خخخخخخ
| |
|
|
|
|
|
|
|