هل أتاكم حديث خالد سلك

Quote: خالد غلطان لكن !! خالد عمر يوسف (خالد سلك) ايوا غلطان وحديثه بتاع نخت المفتاح تحت الفرشة ما كان لطيف، لكن خالد ده في النهاية زول ما ملاك بالتالي متوقع منه زي ما متوقع من أي زول فينا ذلة لسان تعبير غير ملائم لحظة غضب.. الخ المهم في الموضوع خالد ده زولنا يعني في صف الثورة لا من الليلة ولا من أمبارح يبقي ما حقو نحاسبه (بالقطعة) وبالموقف الواحد الحساب مفروض يكون (بالجملة) بالمواقف الممتدة علي طوال مسيرته. ننقده ونتكلم معاهو وما نصنع حواجز بينا وبين من يتولي منصب وزاري ونتعامل معه كأنه بقي ما زولنا الزمان ياهو زولكم الزمان الي أن يثبت العكس والعكس ده ما بثبت بالسهولة دي ونقع في الراجل شتائم وتخوين و اتهامات. الدوافع معروفة ومفهومة ونبيلة لكن ما تنسي انه دوافعك النبيلة دي في ناس قاعدة ليها بالمرصاد عشان تستغلها وتوسع الشقة بين الناس الفي صف الثورة ديل خلو الناس تشتم اكرم وتشتم مدني عباس مدني وهسا زول عارف وزير التجارة منو مافي!! كنت متوقع أنه الحرب الدورة دي حتكون علي خالد سلك وشايف برضو مركزين مع نصرالدين عبدالباري والله يمسكوكم كده واحد وراء التاني ما يخلوا فيكم زول. شيل تلفونك اضرب لي سلك ما ياهو زولك الزمان او امشي ليهو بالدرب او رسل ليهو رسالة ياسلك كلامك ده غلط اعتذر عنه لكن ما تمسح تاريخه باستيكة. خلونا نعصر علي بعض وندعم الوزراء ديل مالم يفارقوا خط الثورة وتحصل منهم ردة بواح.

Quote: وهذه صورة هوادة غير متأكد من صحة معلومتها

Quote: هل نحن اجانب عن السودان يا زهير حتى نمتنع عن الخوض في شأن بلدنا؟

Quote: عمر قلنا ليك خوض كما تشاء في شأن بلدك بس بدون تدليس ونقل أكاذيب واقتطاعات وتحوير وتدوير أنت لغاية هسة ما عارف الناس بتصحح ليك كراسك في شنو ؟؟؟

Quote: ماداير تقول منو العينك في البنك زوجة المافون الزبير سعاد ام الزبير