|
Re: عمر التاج جزء من حملة تقويض الفترة الانتق� (Re: Hafiz Bashir)
|
Quote: مجهود زميل المنبر عمر التاج غبر مبرا من المشاركة في هذه الحملة التي هي تحت شعار تقويض الانتقالية |
والله ما سمعت بالحملة دي الا منك يا مولانا كدي انفتش اشوف دربها بوين ؟ لكن والله هم غلطانين .. الفترة الانتقالية يقوضوا ليها شنو يا زهير ما ياها تراها براها مقوضة ! حكومة ما قادرة توكل شعبها ، يقولوا ليها شنو عليك دينك؟ حكومة سنتين وفي القرن الواحد وعشرين ما قادرة توقف صفوف البنزين والغاز يقوضوا ليها شنو؟ حكومة ما قادرة تحاكم سنة نظام في سجونها ، يقوضوا ليها شنو تاني؟ حكومة ما عارفة تجيب حق دم الشهداء بتاعين ثورتها .. دي عايزة تفويض عليك الله؟
| |
|
|
|
|
|
|
Re: عمر التاج جزء من حملة تقويض الفترة الانتق� (Re: زهير عثمان حمد)
|
تحياتي يا زهير وكل الزملاء الكرام
مهما كان من أمر
ما تستهينو بالكيزان والشي الممكن يعملوه في كل مكان وزمان
الاستهانة والاستخفاف واللامبالاة ده اساسا هو الجاب الناس ديل سنة ٨٩
وصدقوني هم لغاية اللحظة ما مصدقين ولا حيصدقو إنه سلطتهم انتهت وحيستميتو ويعملو كل شي وما لا يخطر حتى على بال ابليس ل إنهم يرجعو تاني
عشان كده الناس ما تستهون مستصغر الشرر
| |
|
|
|
|
|
|
Re: عمر التاج جزء من حملة تقويض الفترة الانتق� (Re: muntasir)
|
فلينتقد الحكم الإنتقالي ـ بمسؤلية بل وليطالب بتغيير الحكومة بأخري أكثر ثورية وإلتزاما بإهداف الثورة وتطلعات الجماهير ـ وأكثر حزما تجاه الفلول والطابور الخامس والسلفية المتكوزنة وقيادة العسكر ـ مانرفضه هو إستهداف الثورة نفسها وإعادة تلمييع الإنقاذ وتسويقها بإعتبارها أفضل من الوضع الحالي ـ ومانرفضه هو التروييج لقوي الردة ومحاولة إعادة عقارب الساعة للوراء .. منو أصلا اللي بفتكر إنو الحكم الحالي علي قدر قامة وسمو الثورة وعلي قدر تطلعات الثوار أو إنه قد إلتزم بتحقيق أهداف الثورة؟ لا ـ أحد وليس فينا من يقول ليس في الإمكان أحسن مما كان ـ أو من يقدس رموز الحكم؟ معظمنا يقف ما بين مختلف وناقد للحكومة ـ ومن يسعي لإصلاحها بل ومن يدعو لتغيرها وتعديل الوثائق الحاكمة ولكن لماذا يقف كل هولاء أو معظمهم ومع إختلافهم مع اكحكومة ضد ترهات ومواقف عمر التاج ؟ وضد إسفاف فضيل وقناة طيبة المأجورة؟ إن كان عمر التاج يعبر عن رأيه أو صح أنه يعبر عن أجندة بوعي أو بغيره عن أجندة قوي تسعي لتقويض أركان الثورة سعيا لإعادة عقارب الساعة للوراء أو حتي ظهور القوي أياها ـ في قناني جديدة فإنه غير مؤهل لأدأ هذا الدور ولايملك أدواته والقدرات اللازمة لتحقيقه - فتدوير الأكاذيب ـ وإظهار الحنين المبطن ـ لعهد الكيزان بالقول ـ الكيزان كعبيين ولكن الحكومة دي أكعب إذا تدوير الأكاذيب والتسويق المبطن للجماعة أياهم وحتي اللعب علي وتر الدين لا يكفي لإنجاز هذا الدور ـ لأنه يتطلب مقومات أخري لاتتوفر للتاج
| |
|
|
|
|
|
|
Re: عمر التاج جزء من حملة تقويض الفترة الانتق� (Re: muntasir)
|
Quote: ود التاج كايس الشهرة و الترند، و أسهل طريقة اليومين دي تتميز بيها انك تنتقد الحكومة الانتقالية |
أخطأت التقدير يا ود البشرى، فوالله أنا ابعد الناس في حياتي العامة عن الأضواء.. ولو كنت انشدها لبحثت عنها في السلطة لا المعارضة.. صورة واحدة مع وزير أو رئيس يمكن ان ترفع اسهمك ، ولكن طول حياتي لم أقف امام وزير أو مسؤول في الفضاء، ولك أن تبحث في كل المواقع والمؤسسات -ومع كثرة الصدف التي كانت تجمعني بهم- عسى أن تجد ولو صورة صغيرة أو مقطع فيديو لي في اي موقع .. لن تجده ابدا يا ود البشرى لان طبيعتي هي العمل .. والعمل الجاد في صمت . ما حدث هذه الأيام من نشاط لي مرده يا زهير حكوكمتك الفاشلة لا شخصي الضعيف.. قول لي كيف، حا ألخص لك الواقع بكل أمانة .. تعودت ان اقضي نهاية كل رمضان مع امي وابي واخوتي في السودان، أسرة بسيطة أستمتع بانسهم وارتوي من حبهم ثم أعود لغربتي، وكان ديدني ان اسافر بالبر واستمتع بمشوار الطريق من حدود الخليج وحتى أطراف السودان الغربية .. بس السنة دي مااتوفقت ، احد الاسباب شخصي، والأخر هو ظروف البلد.. غاية امنيتي يا زهير ان اذهب الى السودان واجده ذلك البلد الذي يفتخر المواطن بالعيش فيه والتجول في ربوعه، ولكن هذا الواقع لا يتوفر البتة الان .. اذا ذهبت فقد لا أجد بنزين لسيارتي للعودة، وانا من النوع الذي لا يلجأ ابدا لأمور اللف والدوران في الشراء والتملك، وجدت خبزا متوفرا للعامة اخذت منه ، قيل لي انك يجب أن تقابل فلانا أو تدفع تحت الطاولة فضلت الموت جوعا ، وهذا الانطباع ينسحب على كل طلباتي للخدمات وأساليب الحياة .. طبعا عدم السفر خلق لي فراغ يومين فملاته بالكتابة في المنبر، ولو ان حمدوك أو عزرائيل أو إسرائيل بنفسه قام بإصلاح واقع البلد نحو الأحسن لقلت له # شكرا إسرائيل قبل أن يكتبها اي مطبلاتي منتفع، لكن حال البلد وانت الأدرى يا زهير لا يسر صديقا ابدا .. أما قصة اني كوز وبتلقى تعليمات من جهة وأنسق مع جهة فاعتبره مجرد خطرفات عاجز ، غلبته حيلة في السلطة التي يتولاها أو المهمة المكلف بها لتزيين وجه الحكومة فلجأ لتأديب نسيبته زي ما بقول المثل ..
| |
|
|
|
|
|
|
Re: عمر التاج جزء من حملة تقويض الفترة الانتق� (Re: عمر التاج)
|
عمر التاج بدا بداية مختالة يكتب وكانه محايد بعد ان انكشف امره قل التاثير
لا اعرف ان كان عضوا منظما مع الكيزان لكنه يدعم خطهم فى مداخلاته في هذا البوست يقول ان نظام الكيزان قد ذهب ثم ينطلق للحديث عن سلبيات الفترة الانقالية ويهدد بطرف خفي ان الكيزان لديهم المقدرة على الرد ولكن يمنعهم الحلم
بعد هزيمة الكيزان اختفي من كانوا يجاهرون بدعم الكيزان امثال ود الباوقة وغريبة وملاسي ليظهر عمر التاج بكل مراوغاته المكشوفة
| |
|
|
|
|
|
|
Re: عمر التاج جزء من حملة تقويض الفترة الانتق� (Re: عمر التاج)
|
Quote: الكيزان قوة غير قابلة للابادة .. |
خلاص في الحالة دي خليهم يجيبوا لينا الغناي يا صفاق.
بعدين يا عمر التاج ما تبقى كيشة وتردد كلام طبالين قحت بدون فهم. الكيزان هزمهم ولفظهم الشعب وليس حكومة عسكر/قحت/حركات الكسيحة. الحكومة بتستخدم الكيزان كفزاعة تخوف بيها الشعب وتحاول تبرر فشلها بأن ثورة الشعب ناقصة ولم تقضي على الكيزان. المبرر الوحيد لقبول الناس بحكومة عسكر/قحت/حركات الكسيحة وصبرهم عليها هو خوف الناس من باقي الروح ال في الكيزان، اوظر وايز كان الناس قالت لخالد سلك خُت المفتاح تحت الفرشة وقشة ما تعتر ليك.
| |
|
|
|
|
|
|
Re: عمر التاج جزء من حملة تقويض الفترة الانتق� (Re: Hafiz Bashir)
|
Quote: خلاص في الحالة دي خليهم يجيبوا لينا الغناي يا صفاق |
سأنقل لهم هذا الكلام ، واتوقع منهم احد ردين .. ١/أما ما عندهم غناي فاضي ليك ، كلهم متفرغين لبرنامج "اعدوا" ، وما حاتكتشفوهم الا صبيحة يقولوا ليكم نحن اسيادكم الأعلى.. ولكني يا حافظ لا أخشى عليكم من ديل ولا جماعة علي كرتي، بل اخاف عليكم من الاسلاميين الذين خاصموا البشير ولم يفجروا، فوالله ان فيهم أناس أشرس من الأسود الضارية، واحرص على الموت والسجون من كل ثروات السودان. ٢/ ربما يقولوا ليكم: للأسف ما عندكم لينا أكفاء نخرج اليهم، وسيفضح غروركم عمر التاج إلى حين يقتنع بجدواكم خرجنا إليكم. .. .. بس بيني وبينك وللحقيقة.. كيزان سودانيز ضعفاء جبناء .. عدا بشير ووراق فهما يستحقان الاحترام، أما كبيرهم محمد جمعة فهو المناسب للعودة في هذا التوقيت، ورغم الخلاف معه فهو الأجدر بالحوار والنقاش .. على عكس ذلك الملاسي الذي يشبه حافظ في كل شى ، حتى السذاجه .. اقول قولي هذا لا عن قطيعة ولا نميمة لانهم جميعا مازالوا أعضاء في هذا الحوش.
| |
|
|
|
|
|
|
Re: عمر التاج جزء من حملة تقويض الفترة الانتق� (Re: muntasir)
|
Quote: اخاف عليكم من الاسلاميين الذين خاصموا البشير ولم يفجروا، فوالله ان فيهم أناس أشرس من الأسود الضارية، واحرص على الموت والسجون من كل ثروات السودان.
|
اسلاميين غير اسلامنا الواحد البنعرفوا دا واللا ياهم مننا وفينا .. كان زينا كدا البخليهم شنو يا عمر أسود ضارية أحرص على الموت والسجون من كل ثروات السودان والباقين لا ؟؟ المفروض انو دي صفات كل المسلمين بمن فيهم نحن ذاتنا الخايف عليهم ديل .. اللهم إلا اذا كنت شايف انو الخايف عليهم ديل كفار وجب عليهم الجهاد .. لكن غير كدا اذن دي هتافية وشرخ حنجرة ساي يا زول ما عندها قيمة المليم اللحمر الزمان داك . .......... يا عمر أنت بدل اللفة الطويلة دي ما ترسل للجماعة القلتهم ديل في الخاص وتقول ليهم الحقوني وتختصر
| |
|
|
|
|
|
|
Re: عمر التاج جزء من حملة تقويض الفترة الانتق� (Re: muntasir)
|
قلت كيف يا عمر برنامج اعدوا لهم ما استطعتم من قوة يا اخ الاسلام حرم عليك نحن برضو مسلمين القوة مع النصاري واهل الكتاب واليهوظ
بالله ارتقي بلغة الخطاب ما داعي تهدد القحاته بالاسود والناس اللي ما بخاف من الموت والجهاد هم ديل انت متخيل خايفين من شيء غير رجعة الاسلاميين ح تكون معركة رهيبه عليك ماتهدد لانو القصة ح تكون خصم علي السلوك الراقي للحوار والتحاور في المنبر بس اركز ونقاش ساي
| |
|
|
|
|
|
|
Re: عمر التاج جزء من حملة تقويض الفترة الانتق� (Re: زهير عثمان حمد)
|
حسب ظني يا طلحة، انو في حاجة اسمها مسلمين عاديين، وحاجة اسمها متأسلميين، وحاجة اسمها اسلاميين .. الفئة الأولى ديل عامة المسلمين، الواحد حظه في الإسلام نفسه نفسه .. والتانين اقرب للنفاق، يتظاهر بالتدين من أجل مكاسب دنيوية والفئة الثالثة هم المسلمين الدعاة، وهمهم ابعد من أنفسهم ومسؤوليتهم فوق نتصور .. وكلهم في النهاية مسلمين لكن مع فرق في الهم.. والموضوع ليس تهديدا ولا تحذيرا يا اخ زهير بل مجرد شرح لواقع من وجهة نظري ، ولك أن تصدقه أو تكذبه. وبالله مافي زول يخوض في كلامي ده أكثر لأن البوست -وكذا المنبر - ما بتحمل.
| |
|
|
|
|
|
|
Re: عمر التاج جزء من حملة تقويض الفترة الانتق� (Re: عمر التاج)
|
Quote: حسب ظني يا طلحة، انو في حاجة اسمها مسلمين عاديين، وحاجة اسمها متأسلميين، وحاجة اسمها اسلاميين .. الفئة الأولى ديل عامة المسلمين، الواحد حظه في الإسلام نفسه نفسه .. والتانين اقرب للنفاق، يتظاهر بالتدين من أجل مكاسب دنيوية والفئة الثالثة هم المسلمين الدعاة، وهمهم ابعد من أنفسهم ومسؤوليتهم فوق نتصور .. وكلهم في النهاية مسلمين لكن مع فرق في الهم.. والموضوع ليس تهديدا ولا تحذيرا يا اخ زهير بل مجرد شرح لواقع من وجهة نظري ، ولك أن تصدقه أو تكذبه.
|
كوجن وعاس عمر التاج الآبرى الفوق دا ثم قال:Quote: وبالله مافي زول يخوض في كلامي ده أكثر لأن البوست -وكذا المنبر - ما بتحمل.
|
............ لسة ما اقتنعت انك محتاج اجازة ؟؟ هههههههههههه
| |
|
|
|
|
|
|
|