|
|
|
 Re: أنباء عن تقديم حمدوك إستقالتــه (Re: أحمد محمد عمر)
|
فى الاخبار العاجله على التلفزيون الان
حمدوك يدعو وزراء الداخليه والدفاع ومدير جهاز المخابرات ووالى الخرطوم لاجتماع وتوقع اصدار بيان
.
لو كان متوقع استقاله كان يكون دعوه لاجتماع مشترك للوزراء والسياده او اجتماع مجلس الامن
لكن اجتماعو دا يبدو اجتماع لجنه امنيه مصغره
وربما ديكتاتور جديد يبرز لكن الله اعلم يستقيل طالما قعد فى الكرسى الوقت دا كلو رغم كل مايحدث دون موقف واحد يحسب له كرئيس وزراء ثوره حتى استهان العكر وكتائب الظل بالثوره والثوار
.
| |
 
|
|
|
|
|
|
|
 Re: أنباء عن تقديم حمدوك إستقالتــه (Re: Asim Ali)
|
الحبيب أبريش تحياتي
بعد هذا العمر أكتشف وبكل صدق
أننا من طينة واحدة لا نجيد القيادة والادارة
إلا في الخارج
مشكلتنا كبيرة .. خلال اكثر من 75 عام لا نجد قائد ملهم
لا أكذب عليكم أنا اقتنعت بأننا من طينة واحدة كلنا
العسكري والمدني والعلماني والاسلامي ... الخ
بطولات ووعود ونضال بمجرد الوصول الى الكرسي
يتساوى السابق واللاحق والسلف والخلف
حالة ميؤوس منها لا علاج إلا مستعمر جديد
تحياتي الحبيب ابريش ..
| |
|
|
|
|
|
|
|
|
|
Re: أنباء عن تقديم حمدوك إستقالتــه (Re: أحمد محمد عمر)
|
Quote:
رئيس الوزراء فى بيانه :ان ماحدث هو جريمه مكتمله الاركان استخدم فيها الرصاص الحى ضد متظاهرين وهو امر لايمكن السكوت عنه مطلقا او تجاهله
|
دا كلام مسئول ولا اجاويد فى نص مشكله ولا شنو ؟؟
الناس طبعا متوقعه قرارات
قرارات !! ؟
منو البقرر ؟
بعدين عارف انو مافى سلطه الايد العسكر
| |
|
|
|
|
|
|
|
|
|
Re: أنباء عن تقديم حمدوك إستقالتــه (Re: منتصر عبد الباسط)
|
ياهو نفس الجهاز
ونفس الوجوه
وحتى ناس الشعبى بدوا يظهروا
عارف كلامى دا فى ناس مابرضوهو عشان حمدوكهم رئيس الحكومه البننتقد عجزها
رئيس وزراء لايعبر عن الشعب
.
مسئولين من الخير
فى ناس اختفت الليله تماما لافتحوا بوست ولا اتداخلو ديل جداد جيش ولا جداد حمدوك ياربى ؟؟
| |
|
|
|
|
|
|
|
|
|
Re: أنباء عن تقديم حمدوك إستقالتــه (Re: منتصر عبد الباسط)
|
كل القدرو عليهو قالو تنحصر مهمة الجهاز
في جمع المعلومات!
كأن المواخذة و إشكالية الجهاز
فقط في السجن والتغذيب
متجاهلين أن المهمة المخابراتية
هي الخطرة وتركها لجهة من كوادر النظام
السابق يعني أنك مخترق
من قبل كوادر النظام السابق
| |
|
|
|
|
|
|
|
|
|
Re: أنباء عن تقديم حمدوك إستقالتــه (Re: Ali Alkanzi)
|
الجهل بالحقيقة مصيبة و التجاهل مصيبة اكبر
سؤالى مسئولية حمدوك شنو فى جريمة القيادة دى
____
انا و انت و داك كلنا مشئولين فى الكارثة دى
يوم قبلنا بشراكة العسكر فى الحكم
لا و كمان سلطتهم فى الامن كاملة و لا يشاركهم فيها احد
القاتل هو البرهان
لماذا تتجاهلون هذه الحقيقة
و هو شريك اصيل فى الحكم بموجب وثيقتكم الزفت ام دى
لماذا تحلمون بى استقالة حمدوك و لا تطالبون باستقالة البرهان
و اعتقاله و تقديمه للمحاكمة
تانى بقولا
من قتل الثوار هو الجيش
من امر بالقتل هو البرهان
لو رجال صحيح اهمسو بالكلام ده همس بس
بحسبكم مع الرجال
| |
|
|
|
|
|
|
|
|
|
Re: أنباء عن تقديم حمدوك إستقالتــه (Re: جلالدونا)
|
| Quote: لا و كمان سلطتهم فى الامن كاملة و لا يشاركهم فيها احد |
يا جلالدونا منظرك وإنت بتكتب عامل زي فضيل، الفاسم المشترك بيناتكم الجهل.
الرابط التحت دا بتلقى فيهو الوثيقة الدستورية وتعديلاتها.
أقراها وحاول أفهم
لو ما فهمت كلم حبوبتك ليمياء تفهمك، لو ما فهمتك شوف جدك أب يداً طالوش داك أكيد حيستعدلك.
moj.gov.sd/files/index/28
| |
|
|
|
|
|
|
|
|
|
Re: أنباء عن تقديم حمدوك إستقالتــه (Re: Hafiz Bashir)
|
يا مولاهم تجيب وثيقة دستورية تجيب ليلى علوى
تجى راكب غنماية طايرة ده كلللللللو ما بحوّجنى اسأل حبوبتى ليميا
ملف الامن بيد عسكر السيادي فقط لا غير
تعيين وزير الدفاع حق لعسكر السيادي فقط لا غير
تعيين وزير الداخلية حق لعسكر السيادي فقط لا غير
على ذلك
البرهان هو القاتل
وكل المسئولية يتحملها البرهان
خلى التنظير بتاعك ده
و ياها دى قدامك
البرهان هو القاتل
نشوف مطالبتك للنائب العام بى رفع الحصانة عنّو و اعتقالو و التخقيق معه و تقديمو للمحاكمة
يلّا نسمع منّك
قال فضيل قال
ياها فضلة خيرك
| |
|
|
|
|
|
|
|
|
|
Re: أنباء عن تقديم حمدوك إستقالتــه (Re: Hafiz Bashir)
|
حمدوك بعد القاعده الشعبيه ليهو فى الايام الاولى ربماتوازى انتخاب شعبى مباشر
مكان زى ماقلنا انو يكون قائد ثوره حقيقى بعد جلوسو على كرسى الوزاره بالتالى يكون مصدر قوتو الشارع ولحان المقاومه (اللى تم تشتيت جهدها وتفريق كلمتهم وعدم الاهتمام بتنظيمهم) لكن حمدوك سكت لناس ق ح ت وخجمهم والمنشقين عنهم ومهازل جوبا واولا وقبل ديل سيطره العسكر واستخدامو مجرد (سفير فك حصار ) وشغلو عن البيت الداخلى ومانيس يسرح ويمرح من الايام الاولى وزياده الفجوه بينو وبين الشعب سكت على ضعف ق ح ت وسمح بمجلس الشركاء بعد مهزله جوبا فى الوقت اللى فيهو هو المسئول الاول والعسكر فى السيادى مجرد تشريفات (كما يجب)
فعلا الغلط من يوم الناس مشت للعسكر عشان ينحازوا تقليد اثورات الحريق العربى ونسوا انو ديل ربائب الكيزان وباى حال يجب فرض واقع الثوره والتغيير وهم خارج المعادله السياسه ومحصورين ضمن دورهم المعروف فى دساتير المحترم العالم كلها
حتى دور العسكر الشرفى فى السياسه والسياده كان مفروض يكون بتقديم من رجال الجيش ضحايا مجزره الصالح العام بدايات الانقاذ يكرم فى الجيش فى شخوصهمبيتمثيل الجيش فى السياده بل ومشاركتهم فى قياده الجيش
لكن مخطط الخدعه الكيزانيه لامتصاص زخم الثوره والاننقلاب عليهخا بعد استدراج الشعب لساحات الاعتصام من جهه وشراكه احزاب الكيزان الاخرى (كافراد زى مابقولو ايامها) وكملت الرصه بكيزان الحركات المسلحه
والمشهد يتم اعدادو لهبوط ناعم يفلت معه المجرمين الحقيقيين لنظام الانقاذ من العقاب والتسليم للاهاى وانتاج وانقاذ 2 او 3 حسب منظور القارىء
| |
|
|
|
|
|
|
|
|
|
Re: أنباء عن تقديم حمدوك إستقالتــه (Re: Asim Ali)
|
Quote: تعيين وزير الدفاع حق لعسكر السيادي فقط لا غير
تعيين وزير الداخلية حق لعسكر السيادي فقط لا غير |
يا جلالدونا كلامك دا ما صاح ومبني على جهل.
وزير الدفاع ووزير الداخلية يعينهم رئيس الوزراء من بين قائمة ترشيحات يقدمها عساكر السيادي.
وزير الدفاع ووزير الداخلية مسؤلون أمام رئيس الوزراء عن أداء وزاراتهم.
| |
|
|
|
|
|
|
|
|
|
Re: أنباء عن تقديم حمدوك إستقالتــه (Re: Hafiz Bashir)
|
هووى يا مولاهم| Quote: وزير الدفاع ووزير الداخلية يعينهم رئيس الوزراء من بين قائمة ترشيحات يقدمها عساكر السيادي. |
كلامك ده تقول لى زول ما ساق عجلة فى عطبرة
و لا ركب حمارة فى كريمة
ياخى هم تعيينين حصلن و الاتنين اسم وزير الدفاع واحد و وزير الداخلية واحد
ياخى حمدوك ما عندو حق تعيين مدير عام الشرطة
يا مولاهم شكلك شهادة الملونة دى اداك ليها النائب العام
____
شكرا عاصم و انت تهبش اصل المشكلة و مكمن الداء
شراكة العسكر دى ح امشى فيه لى قدام و نشوف دور ابراهيم الشيخ فيها شنو
ما يبقى كمان قريب مولاهم و يقوم يدخلنى كمان فى كستبانة
قريت كلام عاصم ده يا مولاهم
امشى غالتو كمان
| |
|
|
|
|
|
|
| |
Abureesh
Asim Ali
علي عبدالوهاب عثمان
منتصر عبد الباسط
جلالدونا
Ali Alkanzi
Hafiz Bashir
فيس بوك
تويتر
انستقرام
يوتيوب
بنتيريست