|
Re: السودان يتوعد بمقاضاة الشركة المنفذة لسد (Re: محمد البشرى الخضر)
|
والله يا دفعة انا حضرت الفيديو عشانك لكن عارفو كلام فارغ والوزير ما امين مع نفسه ولا مع الناس البسمعو يعني هسي مشكلته كلها انو خزان الروصيرص علي بعد ١٥ كيلو ومصر قلبها علي السودان والخزان لحد ما عايزة تدخل حرب عشان سواد عيوننا ده استغفال واستحمار ما اكتر من كدة
| |
|
|
|
|
|
|
Re: السودان يتوعد بمقاضاة الشركة المنفذة لسد (Re: Gafar Bashir)
|
كان من المفترض ومنذ بداية فكرة وخطة سد النهضة أن تقوم حكومة السودان ـ بالإستعانة بخبراء و علماء متخصصين في مجال المياه والجيلوجيا والسدود وتأثيرها ـ سلبا وإيجابا لدرسة أثار وعواقب وفوائد ومضار سد النهضة علي السودان وإعادة دراسة علمية تستند عليه الحكومة وتبني بناء موقفا تفاوضيا ـ يراعي مصالح البلاد ـ بدلا من التخبطط والقفز من موقف يراعي مصلحة دولة معينةلموقف يساند الدولة الأخر ي ـ
| |
|
|
|
|
|
|
Re: السودان يتوعد بمقاضاة الشركة المنفذة لسد (Re: Gafar Bashir)
|
يا دفعة استهبال كيف! لحدي مفاوضات واشنطن السودان موقفه مع حق اثيوبيا في بناء السد وعمل على تقريب وجهات النظر بينها ومصر وتجسير الخلاف حول سنين الملئ و كمية المياه الدنيا المفروض تمرر! لكن فاجأت اثيوبيا الجميع برفضها التوقيع على الاتفاق اولا و ثانيا بقيامها بالملئ الاحادي الاول و الاكاذيب التي صدرت من وزارتي الري و الخارجية! دا يشي بسوء نية اثيوبيا حينها السودان لم يغير موقفه من انشاء السد لكن اصر على ان لا تتكرر تجربة الملئ الأحادي بدون اتفاقية! ودا موقف سليم يراعي مصلحة السودان في المقام الاول ولا يعتدي على حق اثيوبيا! اثيوبيا تلعب لعبة تطويل و تدوير التفاوض لتكمل الملئ و يصبح السد أمرا واقعا ثم تبتز السودان بالمياه و التشغيل! خاصة ان الفشقة للمتنفذين من الامهرا اهم من انارة القرى في الاقاليم الاخرى! لكن آخذ على الوزير تصربحه بنية مقاضاة الشركة المنفذة و الحكومة الاثيوبية على عدم الالتزام باطمال الدراسات البيئية كوسيلة ضغط على اثيوبيا للتوقيع على الاتفاق! يعني لو وقعت ما كان السودان سيلقي بالا لموضوع استكمال هذه الدراسات ولا كيف؟
| |
|
|
|
|
|
|
Re: السودان يتوعد بمقاضاة الشركة المنفذة لسد (Re: Gafar Bashir)
|
صحيح طبعا ودا يوريك انو الكونسيرن بتاعنا مختلف عن المصريين! هم شايلين هم نقص المياه في فترة الملئ او في فترات الجفاف الممتدة في حين السودان مهتم بالتنسيق و تبادل المعلومات آنيا ليحافظ على تشغيل سدوده بالطريقة المثلى و تجنب الخلل! لكن ما يخيف هو مراوغة الاثيوبيين و تغيير نغمة حديثهم من ان السد لانتاح الكهرباء لان النيل الازرق نهر اثيوبي و المياه مياه اثيوبية! ما معروف ماذا يخبؤون للمستقبل وهل فقط السد بالنسبة لهم منشأة تنموية أم وسيلة مساومة و ضغط!
| |
|
|
|
|
|
|
|