المصريين نهبونا و روجوا عالميا انو الحلو مر منتج مصري

● ما تزعل يا عصمان، ينفجر ليك عرق
خليهم يروجو للحلو مر و البلح (السكوتي )
القالو: مصري. كل دا لصالحنا غصب عنهم. و لامن
العام يضوقو، خلي واحدة بت بمبة تقدر تحضر ليه
تكاوين الدواشات و تقعد تتفرشخ ليه تعوسو في
الدوكة طرقة طرقة و الكضب حبلو قصير.

● دي زي صلح الحديبية كان ظاهرها ظلماً و لكن
باطنها كان نصراً مؤزراً ؛ لما اشترط مشركو قريش
بأنو من أسلم من قريش يُرَد إليها و من ارتد من
المسلمين و يذهب إليها فلا يعود لمحمد.
●الشاهد، ذكرتني برضو مرة مذيع منهم بيدعي
عن حلايب إنها أرضهم بدليل عندهم هناك مشروب
عجيب يعدل الدماغ بصحيح اسمو (الجِبْنَة) أي ولاي
سهي نطقا كدا بكسر الجيم؛ لامن في زول لكزو صلحو
فبرضو ما كان عرفا هي حاجة بشربوها و لا بياكلوها
رتخي ثكلكم أمهاتكم و أخواتكم من الرضاعة.