|
Re: رامادام في بلاد العم سام (Re: Tagelsir Elmelik)
|
رمضان في امريكا بايخ يا تاج السر بل قاتل عديل والمعاناة فيه لا تطاق. المغرب يؤذن الساعة تمنية وتمنية ونص ومرات قريب تسعة.. ويكون قدامك ساعة او اتنين عشان تاكل وتشرب وتدخن وتزبط راسك بالشاي والقهوة عشان تلحق تنوم وتقوم الدغش على شغلك..معقولة ياخي! غايتو كان الله حيانا السنين الجاية يمكن نلحق المغرب بتاع الشتاء ابو الساعة خمسة ونص داك 😅
| |
|
|
|
|
|
|
Re: رامادام في بلاد العم سام (Re: Amira Hussien)
|
يا أديبنا الأريب الزول القاعد جنبي وعبدو ليمون في الهوا سوا فيكفيك منهما أن رمضان عندهما موسما للبرطعة النهارية، يعمدا إلى مخزن جدي ود المتعارض الكائن في طرف الحلة فينظفانه و ويرشانه ويضايرانه ليقيما فيه مهرجانا للكمونية والكوارع وسلطة الدكوة والشطوط حمراءها وخضراءها وما يلى اللهط الصاخب أو قبله (ما متأكد) أعظم .. خخخخخخ ثم أن كلاهما هلالابي مسكين ياخ .
| |
|
|
|
|
|
|
Re: رامادام في بلاد العم سام (Re: Tagelsir Elmelik)
|
بمناسبة حبيبنا ابوالريس وقومه العظام شعب البحة العريق
يزعم عون الشريف قاسم وغير عدد من العلماء أن "سواد" أعل السودان يتحدرون من تكرون وبلاد الفولان العظمى اندحنا على سهل السودان و"تمكنا" قال اهل ابوالريش بلطفهم المعهود الله ينأل التكارين جابوا لينا الكدنكة والرمدان
عسي دخين يا بتي كچة تراكم جبتو الرمدان لمس ويلسي لكن يحمدوا الله جاب ليهم عمك كاتربيلار🐸
| |
|
|
|
|
|
|
Re: رامادام في بلاد العم سام (Re: Tagelsir Elmelik)
|
عزيزنا الأديب الأخ ابوالسرة سلامات ورمضان كريم عليك والاسرة الكريمة . لو طلبك الرامادامي دا قدمتو ل خالك ابوجودة ود حجر الدرب. في محالج الزيداب كان اداك اسبوع اجازة وقطعلك تصريح بالدرجة التالتة في اكسبريس حلفا. تحياتي
| |
|
|
|
|
|
|
Re: رامادام في بلاد العم سام (Re: Osman Musa)
|
حبيبنا ابو السرة رامدام كريم دا خم رماد عديل مرة يا ابو السرة نفس القصة دي حصلت لي حكاها لي واحد صاحبي ههههه قبل يوم من رمضان كلمتا رئيسي الانقليزي قلت ليه اسمع يا جانكوف بكرة رمضان و انت عارف انا بدرس فل تايم و بشتغل فل تايم و انا يتيم عشان يحس بي حالي البيا اصبح كيف اها وضعي حيكون تمانية ساعات ؟ قال لي أكيد , طيب التدابير كيف يا حنين قال لي الشئ البقدر اعملو ليك اني اديك البريك وكت الفطور بتاع رامادام قلت ليه كده عصرتا علي شديد , يعني ما فيها ساعة قبل و بعد و إن بتوين راحة قال لي نهي نهي , اذا ما بتقدر تصوم جلي الفكرة , الظاهر كان داير يطلعني من الاسلام في بريطانيا الصيام من 18 الى 19 ساعة , اتصلت على المركز الاسلامي في مانشيستر خلونا على توقيت مكة حنين قالو لي امشي صوم في مكة , و الله دا الحصل شوفو لينا فتوى يا شيخ حاولوها البياض بجيبا , قال لي مستحيل دا دين ما حيطة قام للتعترو جاني صاحبي شغال في ارامكو السعودية ما خميس مشيط بتاعتك ديك يا جانكوف و الزول دب و متعود على ساعات صيام حنينة , اتصل على الدب دا قال لي انا في بيرمنغهام عندي اجتماع بخلص منو و ببقى مارق عليك , خلص الإجتماع و جاني الساعة تلاتة العصر اتونسنا و الأمور طيبة , قال لي الفطور عندكم الساعة كم ؟ قلت ليهو الساعة 9 و ربع اتهجم قال لي 9 و ربع بالليل قلت ليهو لا بالنهار , اعصابو باظت و إنهار قال لي انا عاوز انوم انا من المطار للإجتماع لي بيتك الكئيب دا قتا ليهو ابشر اطلع فوق اول غرفة على يسارك ابقى داخل الساعة سبعة و نص بديت اطبخ خلصتا حوالي الساعة تسعة مشيت صحيتو لقيتو حالتو صعبة شديد , قال لي اسمعني انا بكرة عندي اجتماع بخلص من الإجتماع بجيك لكن ما صايم انا عيان و الله تاني بريطانيا دي ما اجيها في رمادام لو يرفدوني يا حليلك يا نادر يا دب هههههه
| |
|
|
|
|
|
|
|