|
Re: حمدوك يدعو لإيقاف تصدير خام منتج الصمغ ال� (Re: ترهاقا)
|
Quote: عفارم عليهو ، ده هو الشغل الصاح ، عقبال اللحوم وهلمجر |
وين الشغل يا تهراقـا؟ هل شفت شغلانة واحدة فى الكلام دا، أم كله وعود وتمنيات.. هل حتى فيه برنامج أو ملامح برنامج؟ طيب شوف كلام الرجل فى نقاط:
Quote: "أكد رئيس مجلس الوزراء" "ضرورة إيقاف تصدير خام منتج الصمغ" "وقال بان هناك شركات عالمية لا يزرع الصمغ بمناخها تقوم بتصدير الصمغ في شكل بدرة" (كل الناس عارفين دى وهى مصر تصدرصمغ السودان) "مشيرا إلى انه لابد وضع قيمة مضافة للصمغ كسلعة عالمية" فعلا لابد والله!!! "ووعد برفع دخول المنتجين ووضع سياسة تمويلية من البنوك أو التعاونيات لتوفير التمويل في الوقت المناسب" "ولفت حمدوك لأهمية مراجعة السنة المالية" لفتـة بارعة.. "وتعهد حمدوك بإنشاء بورصة بالأبيض للصمغ العربي والفول السوداني" "مؤكدا حجم التحديات بالولاية خاصة الحصول على مياه الشرب والكهرباء" "وقطع حمدوك بحلحلة وتحويل التحديات لفرص عبر خصوصية السودان وتفرده" (قطع بحلحلة) "عاد يؤكد بأن المجتمع سوداني يعتبر نموزج للتعايش السلمي بتلاحمه مع بعضه البعض بالأخص في مدينة الأبيض ." دى تحتاج مذكرة تفسيرية. |
دا كلام زول قاعد فى بيته فى ضل العصر.. ما كلام رجل فى فوهة البندقية فى الجهاز التنفيذى. كلام بارد وميت.. نفس وعود البشير، ورثها صاحبنا.. ونفس كلام المرحوم الإمام الصادق.. ينبغى..وينبغى.. ياخ قوم أعمل حاجة وبعد داك قول عملت كدا وكدا.. أو على الأقل لو مستعجل للكلام كون لجنة من ناس الأبيض وأديهم قروش فى يدهم عشان يشوفوا الخطوات المحددة للتنمية.. بعد داك ممكن تمشى المكروفون وتقول فى مشاريع شغالين فيها وبدأناها..الخ.
| |
|
|
|
|
|
|
Re: حمدوك يدعو لإيقاف تصدير خام منتج الصمغ ال� (Re: Abureesh)
|
Quote: دا كلام زول قاعد فى بيته فى ضل العصر.. ما كلام رجل فى فوهة البندقية فى الجهاز التنفيذى. كلام بارد وميت.. نفس وعود البشير، ورثها صاحبنا.. ونفس كلام المرحوم الإمام الصادق.. ينبغى..وينبغى.. ياخ قوم أعمل حاجة وبعد داك قول عملت كدا وكدا.. |
دا كلام صحيح شوف العنوان ذاتو (حمدوك يدعو) ....المفروض حمدوك يقرر...يفعل...يضرب بيد من حديد يدعو؟؟!!
| |
|
|
|
|
|
|
Re: حمدوك يدعو لإيقاف تصدير خام منتج الصمغ ال� (Re: ترهاقا)
|
Quote: وين الشغل يا تهراقـا؟ هل شفت شغلانة واحدة فى الكلام دا، أم كله وعود وتمنيات.. هل حتى فيه برنامج أو ملامح برنامج؟ طيب شوف كلام الرجل فى نقاط: |
حبيبنا الباشمهندس ابو الريش الاخ حمدوك يتعامل مع ظروف صعبة جدا ، هو يعلم تماما أن الشق العسكري في مما يسمى مجلس السيادة هم الاعداء الحقيقيون للشعب السوداني، لكنه مادي حبل الصبر ، وحيوريهم النجوم في نص النهار
| |
|
|
|
|
|
|
Re: حمدوك يدعو لإيقاف تصدير خام منتج الصمغ ال� (Re: ترهاقا)
|
Quote: الاخ حمدوك يتعامل مع ظروف صعبة جدا ، هو يعلم تماما أن الشق العسكري في مما يسمى مجلس السيادة هم الاعداء الحقيقيون للشعب السوداني، لكنه مادي حبل الصبر ، وحيوريهم النجوم في نص النهار |
مرحبا ترهاقا مرة تانية.. عدو السودان هو الفقر وعدم الأمن.. الفيصل هو: هل عنده المقدرة والخطة العلمية لتخطى هذه الظروف الصعبة؟ إذا كانت الإجابة لا فليقدم إستقالته.. لو ما خايف على منصبه يجمع وزراءه ويدى كل واحد الهوم ويرك بتاعو حسب خطته هو كرئيس تنفيذى للدولة.. يعنى هو يضع سياسة حكومته ويتابع معهم. هل هذه صعبة؟ لو اعترضت طريقه مراكز قوة مسنودة من العسكر يعلن هذا للشعب بالتفصيل وبكل شفافيـة ثم يستقيل والثورة ما زالت تتقـد وستأتى بأخرين.. القيادة ليست سهلة.. أساليب السياسيين العقيمة لا تصلح فى زمن الثورة . بل ان الثورة كانت ضد التعتيم الحكومى على سير الحكم. وقديما قال الشاعر لولا المشقة ساد الناس كلهم.... الجود يفقر والإقدام قتـال. المجلس العسكرى ليس عدو الشعب (per se)، ولم يكن الترابى ولم تكن الإنقاذ، ولكن سياسيون مترددون وطامعون.. وليسوا على استعداد للتضحية بوظائفهم، دع عنك ارواحهم، من أجل الشعب ووجود السودان كدولة الان فى خطر عظيم.
| |
|
|
|
|
|
|
|