الخبر: وزير الاستثمار والتعاون الدولي الهادي محمد إبراهيم يبحث مع المدير التنفيذي لشركة مركز بيانات الخليج طارق الاشرم إنشاء أول قاعدة لحفظ البيانات في السودان بقدرات تقنية عالمية ----------------------------------------
التعليق إنا لله وإنا اليه راجعون.. يا اخوانا ايه البلاء دا.. الحكومات ذات السيادة تدفع ال 400 مليون هذه عشان تؤمن سرية المعلومات القومية .. خصوصا الاقتصادية والصناعية.. بل تدفع ال 400 مليون لتجسس على معلومات الدول الأخرى.. حتى الصديقة منها. ونحن ندفع 400 مليون دولار لدول اجنبية لياخدوا معلوماتنا ويديروها لنا.
03-19-2021, 01:52 PM
Abureesh Abureesh
تاريخ التسجيل: 09-22-2003
مجموع المشاركات: 30182
لماذا فى هدا الوقت الذى فيه جميع دول العالم.. العظمى والصغرى.. تتسابق الى السودان لكسب وده ؟ لماذا الحكومة تفتقر إلى روح الفخر والإعزاز بما عندنا مما ليس لدى الآخرين؟ لماذا ونحن عندنا الكفاءات (الحقيقية) لتنمية البلد وتطوير بنياتها التحتية فى كل المجالات؟ لقد تحكم فينا من لا يرى أبعد من أرنبة أنفه ويدعى الكفاءة.
03-19-2021, 02:01 PM
Abureesh Abureesh
تاريخ التسجيل: 09-22-2003
مجموع المشاركات: 30182
إنا لله وإنا اليه راجعون.. يا اخوانا ايه البلاء دا.. الحكومات ذات السيادة تدفع ال 400 مليون هذه عشان تؤمن سرية المعلومات القومية .. خصوصا الاقتصادية والصناعية.. بل تدفع ال 400 مليون لتجسس على معلومات الدول الأخرى.. حتى الصديقة منها. ونحن ندفع 400 مليون دولار لدول اجنبية لياخدوا معلوماتنا ويديروها لنا. ----- والله يا دكتور دى حاجة تفقع المرارة.. الزول دا جابوه من وين. دى الانقاذ ما عملوها
03-19-2021, 03:20 PM
Abureesh Abureesh
تاريخ التسجيل: 09-22-2003
مجموع المشاركات: 30182
[3/19, 10:12 AM] Eng. Agricult: 🤔 بيانات دولة يتم حفظها بواسطة ( شركة ) فى دولة أخرى , دى نظرية جديدة يمكن تدريسها لطلاب العلوم السياسية هذه المهمة لا تحتاج الا لشوية أجهزة تقنية و موظفين , يمكن ترك هذه المهمة لطلاب جامعة السودان , ومنحهم مليون واحد فقط من هذا ال 400 مليون
[3/
03-19-2021, 03:22 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
أخونا ابوالريش يا ابوالريش التحقيق يتم معاو براهو؟ التحقيق يتم معاهم كلهم . والوزير دا مفروض الآن يستقيل . ما أي زول بيتمرد أو يعارض معناتو يدوهو وزارة ولا يدوهو كوم دبابير في كتفو.
03-19-2021, 03:20 PM
عبدالقادر محمد عبدالقادر محمد
تاريخ التسجيل: 07-09-2018
مجموع المشاركات: 2790
الأخ عثمان موسى أتفق معك كتيرين منهم مثل هذا الوزير.. لكن تمييع القضايا يفشلها كلها.. كل واحد يحاسب وحده عما قام به من أضرار بالأمن القومى.. لماذا لا يرسم رئيس الوزراء الخطوط العامة لحكومته.
ولكن إذا ظهر السبب بطل العجب.. هم يعلمون تماما ان طلبة وخريجى جامعة السودان أو مهندسو المؤسسات يستطيعون إنجاز مثل هذه الأعمال نظير كسر بسيط من 400 مليون دولار.. لكن ديل ما بيدفعوا عمولات.. عرفت محلها وين؟!!!
03-19-2021, 03:49 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9301
هى الوزارة دى ما فى زول قبل ما يجيها الوزير؟ و هل الترتيبات الاولية لعقد اللقاء و توقيع الاتفاق, بردلب كدا بس تم مع الوزير؟ و هل ما في فنيين و قانونيين في الوزارة او حتى وزارة الخارجية بحيث زول واحد ينبه الوزارة و الوزير بثقرات مثل هكذا تفاق؟
يا اخوانا هياكل الدولة كلها مخلولة (من خلل) و لو راجعتو الموقع الحكومى علي الانترنت و اللي منها كان رابط وزارة الخارجية تعرفو انو الخلل اكبر من الوزير الاتعين امبارح ده. و لو في فرض واحد, المفروض طاقم الوزارة طاقم كل الدولة (البيروقراط) يتشالو برة عشان ما يدخلو وزير في احراج.
03-19-2021, 04:01 PM
Abureesh Abureesh
تاريخ التسجيل: 09-22-2003
مجموع المشاركات: 30182
الأخ محجوب، الخبر جديد، وإسم هذا الوزير هو طرف الخيط، التحقيق (لو تم) سوف يجر الباقين، ولكن لن يكون أحد مسؤولاً مثله.. لأنه هو السلطة الأخيرة.. والذى يوقع ويتفاوض.. ملحوظة: وما طالبنى حليفة.. لا أعرف الوزير ولم ارى صورته ولا أعلم لأى جهة حزبية ينتمى.. وأنت تعلم حين يتعلق الأمر بإبداء الرأى فى أى موضوع فإن اخر شئ يمكن ان أبحث عنه هو اسم الشخص المعنى، دعك عن معلوماته الأخرى. ولكن اسمه هنا ورد فى الخبر. يا أخى البلد كلها مقددة.. شفت وزيرة الخارجية ومؤتمرها من نظيرها المصرى.. لو تعرف أى وزير فرط فى السيادة السودانية فمن واجب كل مواطن الكشف عن ممارساته ومواقفه.
03-19-2021, 04:13 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9301
Quote: لا أعرف الوزير ولم ارى صورته ولا أعلم لأى جهة حزبية ينتمى.
سلام ابوالريش معليش دخلت بوستيك بدون تحية. الوزير عضو في سودانيز اونلاين تقريبا او كما ذكر الباشمنهدس بكرى ابوبكر بتهنئة في ايام تعيينه و حسب ما عرفت لاحقا انه مرشح من القوى المدنية (واحدة من مكونات قحت ان لم تخنى الذاكرة). انا ايضا ليست معرفة بالوزير و دافعى من المداخلة فقط لتذكيرنا جميعا انو الخلل ليس وليد اليوم او امس بل الـ 65 عاما و لذلك اصبح السودان في المزاد العلنى في كل شئ. هسى الزول الخليجى لما جاء السودان تلقى فارشين ليهو بساط احمر و ناس شايلين اباريق جارين وراه فقط لانه ابوعقال و ربما هلفوت ساكت في بلده و جاى هنا بأسم مستثمر. عموما حال البلد لا يسر ابدا.
03-19-2021, 04:23 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: 440 مليون دولار لتطوير قطاع تكنولوجيا المعلومات وقعت وزارة الإتصالات والتحول الرقمي اليوم الخميس مذكرة تفاهم مع شركة (Gulf Data Hub) الإماراتية في مجال تطوير البنيات التحتية في مجال التحول الرقمي. وهو أول مشروع خارجي استثماري لقطاع الاتصالات منذ ١٢ عام مضى وبمبلغ ٤٤٠ مليون دولار لإنشاء أكبر مركز بيانات بأفريقيا والشرق الأوسط لاستيعاب مخدمات كبريات الشركات العالمية من مايكروسوفت وقوقل وأوراكل وغيره ليصبح السودان محول مركزي لأفريقيا والشرق الأوسط.
وعلقت ليه إنه دي سواقة بالخلا
03-19-2021, 04:51 PM
Abureesh Abureesh
تاريخ التسجيل: 09-22-2003
مجموع المشاركات: 30182
شكرا اخى احمد.. وهاك دى من بريطانيا.. بلد السيادة القومية الما خمج.
Quote: مهما كانت العالم البوم يبني كل شي علي المعلومه الرقميه والبيانات لأن من خلالها يمكن أي حد يتوصل من البارد الي الحار. فانجلترا هنا قامت الدنيا وقعدت لما بلديه من البلديات بالغلط نزلت بيانات عن عدد براميل الوساخه في منطقتها في ملف شركه متقاعده معها لأنو بموجب الملف ده تصلح الشركه شريكه في امتلاك المعلومه البسيطه دي وبالتالي ممكن تقايض بيها في أي مناقصه وكانت للنتيجه إن قامت وزاره الحكم المحلي بوضع يدها في اداره كل مايخص هذه البلديه لمده خمس سنين عقابا لهم المقصد هنا إن كل معلومات يجب أن تكون ملك للجهات الرسميه فقط من غير مشاركه مع احد
03-19-2021, 05:04 PM
Abureesh Abureesh
تاريخ التسجيل: 09-22-2003
مجموع المشاركات: 30182
هل هذه الدول تشاركنا معلوماتها القومية؟ السؤال للرئيس حمدوك لأنه هو مخدم هذا الوزير ويصدق ميزانيته.. ويا ريت معلوماتنا القومية مشت للخليج فقط.. ولكن الخليج نفسه يستخدم الهنود فى تكنولوجيا المعلومات IT كلهم هنود.. وعاملين فساد كبير جدا حتى للخليجيين. تصور واحد هندى ارتكب جريمة وتم طرده.. هذا يعنى انه لن يعود إلا بعد عدة سنين.. لكن الذى يحصل هناك عصابة من الهنود والباكستانيين.. والشخص المطرود يدفع كم الف دولار.. المهندس الهندى شغال فى سيرفر وزارة الداخلية يقوم يمسح معلوماته البايومترك من السيرفر.. فصيلة الدم، بصمة العين، بصمة الأصابع والصورة ورقم الجواز.. كل معلوماته.. الهندى يسافر الهند وتانى اسبوع يرجع زول جديد.. شفت كيف؟ الشركة الخليجية عاوزة ترسل لينا ديل، ما مهندسين خليجيين. بعد داك معلوماتك ستكون معروضة فى أسواق المخابرات الدولية.. للذى يدفع. وليس للخليج والهند فقط.
ما الوزير ده براه المفروض يتشال ولكن مفروض كل طاقم مجلس الوزراء يتشالوا ويغيروهم بي ناس اكفاء مؤهلين تكنوقراط في هذه المرحلة حتى يضعوا اساس قوي ومتين للتنمية للحكومة المنتخبة القادمة المرتقبة.... لكن يا ربي حتكون في انتخابات قريبة!!!؟؟؟؟والناس ديلاك مكنكشين في السلطة بيدينهم ورجلينهم .... ال انتقالية ال.......
03-19-2021, 06:46 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: ما الوزير ده براه المفروض يتشال ولكن مفروض كل طاقم مجلس الوزراء يتشالوا ويغيروهم بي ناس اكفاء مؤهلين تكنوقراط في هذه المرحلة حتى يضعوا اساس قوي ومتين للتنمية للحكومة المنتخبة القادمة المرتقبة.... لكن يا ربي حتكون في انتخابات قريبة!!!؟؟؟؟والناس ديلاك مكنكشين في السلطة بيدينهم ورجلينهم .... ال انتقالية ال.......
أهلا إمتثال.. وكلامك دا هو مبدأ الثورة التى بموجبها قمنا بتعيين الرئيس حمدوك ووزرائه.. لكنهم باعونا للطائفين وأعاد التأريخ نفسه.. حين تغول الطائفيون على أكتوبر وشالوا حكومة سر الختم الخليفة وجابوا محاصصاتهم.. نفس الخطوات حذوك النعل بالنعل. تخيلى رئيس الوزراء لا يحق له (بنص الوثيقة الدستورية) فى إختيار وزرائه من عامة الشعب حسب كفاءتهم .. هذا يعنى لو أخفق وزير فى مهامه فإن حمدوك غير مسؤول لأنه فرض عليه فرضا فى معنى عليه الإختيار بين ثلاثة فقط.. أما محاصصات الأحزاب فيفرضون عليه وزيرا واحدا فقط (ليختاره)هههههه شفتى الفوضى هذه كيف!!
بالطريقة هذه السودان يتفرتك ويبقى دويلات.. الأساليب القديمة للبهلوانات التى كانت تخدر الشعب إنتهت.. السودان تغير والشعوب السودانية تغيرت.
03-19-2021, 07:31 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 10743
يا ابو الريش تحياتي الم تمسع ببلد الهوان والعبث إنها السودان يعني مش عندنا سوابق لا تقل جرما مما ستقدم عليه الحكومة الآن فثورة الشباب سطى عليها اللصوص والكهول والجهلاء فاقدوا الحمية الوطنية وحاملوا الجنسيات المزدوجة فالسودان ليس همهم الأول لهذا لا نستغرب من عبث كهذا
03-19-2021, 08:23 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11853
يا جماعة الشركات دي ما عندها علاقة بالبيانات. دي شركات تقنية وبتجهز البنية التحتية مثل شاشات الادخال وشاشات التقارير والمخرجات وليست لها علاقة بالبيانات والمعلومات التي تحفظ بمستويات سرية مختلفة لليعلمها الا من له authorization وحتى ولو جبنا شركة محلية هل محليتها تمنع من تهكيرها او بيعها للمخابرات الدولية؟ ما تستعجلوا
ياها دي السواقة بالساسريب زاتها
03-19-2021, 08:42 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9301
Quote: في مجال تطوير البنيات التحتية في مجال التحول الرقمي.
سلام محمد الشيخ اذا لو فهمى للمقتبس ده صحيح, هم عايزين يبنو DataCenter و الذى قد يساعد علي توطين المعلومات الرقمية داخل السودان. في الحالة دى كلامك 100% و انحنا السايقين روحنا بالخلا.
___________ بس علي قصة المسطول القال ليهم لو النيل ده اتحول لملاح دمعة, يلقو ليها الرغيف من وين. انا مشكلتى يلقو ليها كهربة من وين عشان تشتغل 24 ساعة, 365 يوم.
03-19-2021, 08:44 PM
Abureesh Abureesh
تاريخ التسجيل: 09-22-2003
مجموع المشاركات: 30182
باشمهندس محمد الشيخ، عارف ليه أمريكا حظرت أجهزة هواوى ما تتركب فى البنية التحتية لشركات الإتصالات فى أمريكا؟ دى برضو ما عندها علاقة مباشرة لقواعد البيانات.. ولكن ما هى قواعد البيانات فى النهاية.. هى ليست كتب أو خطابات أو أفلام مايكروفلم بتاعة زمان عشان تقفلها فى خزنة.. وإنما هى نبضات كهربائية رقمين فقط.. واحد وصفر.. (اللمبة ولعت واللمبة طفت) أقول هذا وأعلم أنك سيد العارفين.. والنبضات هذه لسرعة الذبذبة التى تصل فى هذا الوقت ومع تقنية الجيل الخامس تتخطى أى shield يعملوه ليها وتتفك فى الهوا زى الكرونا.. نعم بقوة ضئيلة للغاية ولكن هناك أجهزة تستعمل بواسطة ناس التلاتة حروف، تلتقطها من الجو المحيط بالسيرفر.. طيب ما بالك لو أجانب قعدوا فى مكاتبنا وأداروا هذه الأجهزة التى أتوا بها.. يا محمد فى أجهزة تتعامل مع الباينرى.. يشتغلوا تحت فى القاع.
فيما يخص الأمن القومى you never take chances ,وعبارة ما تستعجلوا تقال بالعكس ما تستعجلوا وتجيبوا أجانب يشتروا ليكم ويركبوا أجهزة إتصالات تمر عبرها أدق أسرار الدولة.. فيما يختص بالمتعاقدين المحليين، ديل سودانيين مواطنين زى السيد الوزير. وهذا وطنهم، ومن يبيع الأسرار فيحاكم كخائن، والخونة دائما موجودون.. واسرار القنبلة الذرية باعها أمريكى للإتحاد السوفيتى فحكموا عليه بالإعدام وتم التنفيذ. المواطن هذه وطنه وغيور عليه مثل الوزير ومثل الرئيس..
يا محمد الشيخ البصمم ليك الشاشات دي عندو ألف طريقة دخول للسيستم لاحقاً لما نصمم برنامج لي زول ونشك إنه حينصب علينا في قروشنا بنخلي البرنامج يشيك كل اسبوع على قيمة موجودة في ملف مرفوع على النت لو لقاها 1 يشتغل عادي ولو لقاها 0 يتوقف عن العمل .. أدانا قروشنا بنحذف الاختبار من البرنامج ما أدانا بنغير القيمة من عندنا لي 0
ويا محجوب اللي بيبني ليك الداتاسنتر دة انت أديتو نسخة من مفتاح البيت اشتغل فيه وانت مافيش .. بس بعد ما ينتهي من شغله هل في أي ضمان إنه ما يكون عمل نسخة من المفتاح لي روحه؟ في الشغل المرتبط بالحكومات انت بترسل موظفين يتدربوا عند شركات الأجهزة ويجوا يركبوها لكن ما بتتحمل أي مخاطرة بإدخال أجانب لي أنظمتك على فكرة الكيزان شغلهم كلو كان معتمد على الأجانب والأسماء البتسمع بيها كخبراء وبروفات وأساطين الـ IT في البلد بتاعين منضمة وتقارير ساي أنا شفت بي عيني الروس والإيرانيين داخلين وطالعين اليوم الكلو مباني التصنيع الحربي في موقف شندي
سلااام ياهندسه يبدو لي في حلقة مفقودة في الكلام ده الوزير لم يوقع بعد وهو ليست جهة اختصاص هناك وزير اتصال وقبلها هناك المركز القومي للمعلومات ومديره ابراهيم باخت وهو رجل متمكن وكلما في الامر ان الشركة قابلت الوزير من باب الترويج من ناحية تقنية فقط ليس لها علاقة بالبيانات فجهة الاختصاص المركز القومي للمعلومات كسرة بخصوص الوزير الهادي ابراهيم ينتمي لحزب الأمة وهو خريج اقتصاد الخرطوم مطلع الثمانينات وكان المدير المالي لمجموعة اميفارما للأدوية دفعت به القوي المدنية ثم حزب الأمة لاحقا بعد سحب القوي المدنية لمرشحيها
03-20-2021, 08:12 AM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
الداتاسنتر قاعد من زمان في المركز القومي للمعلومات وفي سوداتل كل دول العالم بتشتري الأجهزة لكن الـ configuration بتعملو براها الخبر بقول (قاعدة لحفظ البيانات) ودة مفهوم تاني بعيد كل البعد عن داتاسنتر
03-20-2021, 09:12 AM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
ههههههههههههه اظنها مشكلة ترجمة بس اظنها مركز بيانات زي الموجود في الهند والصين وامريكا وغيره للشركات الكبيرة يعني الداتا سنتر عبارة عن مدينة لحالها
يعني هل تقصد انو يجيبوا مدخلين بيانات يقعدوا يدخلوا في بيانات وزارة الدفاع السودانية ووزارةالمالية السودانية؟؟؟ خلينا نشوف المصدر وتفاصيل الخبر اذا بقي الخبر كدة معاكم حق يعني نحن ناقصنا مدخلين بيانات ههه
ايوة عايزين المصدر و الصياغة الاصلية للخبر قبل ان نخوض مع الخائضين لانو من بداية البوست فهمت ان انشاء قاعدة البيانات الحكومية ح يتم في الخليج وناسنا يخزنوا بياناتهم هناك بعد شوية مع تقدم البوست فهمت انو المشروع استثنار في انشاء داتا سنترز تشتغل hub لافريقيا و الشرق الاوسط بعد شوية القصة جاطت! المهم ادونا المصدر و زحوا لينا بعد داك بنشيل عكاكيزنا و ننزل هبت في الحكومة الجانب المدني تحديدا لانه الاسهل
Quote: لخرطوم 18-3-2021(سونا) – تم التوقيع اليوم الخميس بالخرطوم على مذكرة تفاهم لتطوير خدمة الاتصالات والمعلوماتية (ICT) بين مجموعة سوداتل للإتصالات ويمثلها المهندس مجدي طه الرئيس التنفيذى والمدير العام وشركة GULF DATA HUB ويمثلها السيد طارق محمد الفلاسي والتى تعتبر شراكة إستراتيجية وتعاونية في مجال مراكز المعلومات ( DATA CENTER ) .
ويعتبرهذا التوقيع بداية لتفاهمات عديدة ستقود إلى إستثمارات مثمرة تخدم السودان والمنطقة في مجال مجتمع المعلومات .
كما بحث الطرفان أوجه التعاون في المجالات ذات الصلة ، خاصة أن مجموعة سوداتل رائدة في مجال مراكز المعلومات على مستوى أفريقيا و العالم العربي ، فيما تتمتع شركة الخليج بعلاقات واسعة على مستوى الشركات الكبرى العالمية العاملة في مجال الإتصالات وتقنية المعلومات ، وتعد من الاستثمارات العربية و الخليجية الناجحة ذات المقدرة المالية العالية و الكفاءة العلمية المشهودة بالإنجازات ، وبذلك تكون سوداتل بتوقيعها مع شركة الخليج قد حققت قدم السبق في فتح آفاق الإستثمار العربي في وقت يشهد السودان انفتاح نحو العالم ويسعى عبر رؤيته الجديدة ليكون منطقة جذب الأموال و الاستثمارات الخارجية وذلك عبر شراكات و إستثمارات حقيقية تحقق نهضة السودان لا سيما في البنية التحتية .
الجدير بالذكر أن سوداتل تعد من الشركات المدرجة في سوق أبوظبي للأوراق المالية .
Quote: الخرطوم 18-3-2021 (سونا) - وقعت وزارة الإتصالات والتحول الرقمي اليوم الخميس مذكرة تفاهم مع شركة جلف داتا هب (Gulf Data Hub ) الإمارتية في مجال تطويرالبنيات التحتية في مجال التحول الرقمي.
وقال وزيرالإتصالات والتحول الرقمي مهندس هاشم حسب الرسول " تم اليوم توقيع إتفاقية تفاهم مع شركة Gulf Data Hub لإنشاء مركز بيانات بسعة 24 ميغاوات بمواصفات عالمية عالية الجودة والكفاءة والمؤثوقية من الدرجة القياسية (TIER III) بمشاهدة ومواصفات up time institute، مما يؤهل السودان لإستضافة مخدمات كبريات الشركات العالمية في البلاد أمثال Microsoft , Facebook , Goggle, Amazon وعلي بابا وتن سنت . وكما يقدم خدماته للقطاع الحكومي والخاص , وسيقدم الدول المجاورة في البلاد مع أكبر الشركات في المنطقة في هذا المجال كبداية لعودة الإستثمارات الخارجية للبلاد في القطاع".
وأضاف هاشم قائلا "بٱن مذكرة التفاهم تأتي في إطار خطة الدولة للنهوض بقطاع الإتصالات وتقنية المعلومات وإستراتيجة التحول الرقمي و تطوير البنيات التحتية التقنية بما يوفر أحدث الخدمات بإتباع أفضل التوصيات والممارسات في العالم".
الموضوع داتاسنتر ما قاعدة بيانات لكن برضو رأيي إنه موضوع مايكروسوفت وفيسبوك وقوقل وأمازون دة سواقة بالخلا
03-20-2021, 11:15 AM
Al Sunda Al Sunda
تاريخ التسجيل: 01-18-2005
مجموع المشاركات: 1870
Quote: وقال وزيرالإتصالات والتحول الرقمي مهندس هاشم حسب الرسول " تم اليوم توقيع إتفاقية تفاهم مع شركة Gulf Data Hub لإنشاء مركز بيانات بسعة 24 ميغاوات
المشروع هو data center وفى هذا الحالة يرسلوا مهندسين لأمريكا أو المانيا ليتدربوا.. لأن الهنود أنفسهم يتدربون هناك.. ليه ماشين تحت الضل دائما، وشادين بالضنب؟ دربوا المهندسين واشتروا الأجهزة فقط. بعدين حكاية 24 ميقاوات هذه محولة لمهندس أحمد محمد عمر.. يعنى لو ناس يوغندا إتصلوا (نحن خلينا أصلنا ملطشة) هل نقول ليهم الكهربة قاطعة اصبروا شوية؟ لاحظ هم قالوا المركز سيخدم افريقيا والشرق الأوسط.
03-20-2021, 08:00 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
معلومات السودانيين كلها فى السيرفرات التى تدار من مركز المعلومات ، وأى واحد عنده access على السيرفر يستطيع يصل للمعلومات الشخصية للمواطنين وجميع الأرقام الوطنية.. دا المقصود موش حرفية يورونا اسماءنا منو
03-21-2021, 04:37 AM
ترهاقا ترهاقا
تاريخ التسجيل: 07-04-2003
مجموع المشاركات: 9447
الاستاذ محمد البشرى سلام تعرف الحتة بتعت السرية التامة دي ، السيرفر وما أدارك ، دي حتة ما مفروض يكون فيها أي أجنبي ولو إنو بقوا في سودانيين ، الاجنبي كتر أماناً منهم ، الرخصاء اللي ممكن يبيعوا حتى أمهاتهم ، والسودان يروح في داهية
03-21-2021, 08:20 AM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
يا اخوانا دي لولوة منكم ساي الموضوع غلط في الترجمة والناس مكابرة
الموضوع ذكرني بس ايام عايزين يعملوا كلية جامعية في حلتنا الناس كلهم شالوا عكاكيزهم ومشوا قالوا جايبين لينا المسخرة وقلة الادب وبعد عشرين سنة من الحدث ده ، مشوا شقولوا ليه الكلية اتعملت في القرية الجمبنا وما اتعملت عندنا
Data Centre تؤجمتوها قاعدة بيانات وحشرتوا فيها السيادة والبطيخ لمن بقي الترجمة اتصححت لي مركز بيانات قلتو هنود ياخ هنود شنو البمشوا يتدربوا في امريكا
الهنود ماسكين السيرفرات في كل العالم بما فيها امريكا وبما فيها مايكروسوفت وغيره
الموضوع هو توطين التقنية بدل بيانات الضرائب محفوظة في الهند اذا صح الخبر ولا تتحفظ في السودان
وبرضه تسقط تالت المدنية بت الكلب
03-21-2021, 11:13 AM
Abureesh Abureesh
تاريخ التسجيل: 09-22-2003
مجموع المشاركات: 30182
يا السيد جعفر نحن لم نغلط (على الأقل إتكلم عن نفسى).. لم أغلط فى الترجمة.. هى data center الواحد دا.. اللى يحتاج كهربة خزان الرصيرص عشان يبردوه بس.. حكاية الهنود يمشوا أمريكا للتدريب هذه جات عرضاً، وسيادتك ما ناقشت كلامنا الاساسى الفوق. الحكومة تشترى المعدات والأجهزة من أمريكا واوروبا وترسل الشباب للتدريب.. ما يجيبوا شركات هندية، رغم كلامك الفوق التقنية العالية حتى الان لم تخرج من أمريكا وما أظن يوم ستخرج.. تتذكر لما مصنع سكر النيل الأبيض توقف عن العمل، لما طلبوا من الشركة الهندية إصلاحه اعتذرت ان السوفتوير الهنود مرخصينه من أمريكا وهى منعتهم التعامل مع السودان.. فكانت الكارثة الفضيحة. ودا كان مصنع سكر وليس مركز بيانات بحاله. دا غير امن المعلومات التى ببساطة الهنود ممكن يتحصلوا عليها لاحقا.. الخلاصة (شراء) الأجهزة من الشركات الغربية ثم إبتعاث مهندسين شباب للتدريب عليها، وبعد عودتهم يقوموا بتركيبها وصيانتها.
03-21-2021, 07:05 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
وعليكم السلام تهراقا قبل ما نحكم انو في اجانب وهنود تحديدا ح يطلعوا على البيانات السرية السودانية حقو نتحقق من الخبر الواضح انه صياغته مربكة! الشي التاني لابد نتخلص من متلازمة افتراض جهل الآخرين خاصة المسؤولين واننا بنفهم احسن منهم ومن مساعديهم و مستشاريهم وكل الموظفين التحتهم! و كذلك متلازمة تخوين الجانب المدني في الحكومة الانتقالية واننا الاكثر وطنية وحرصا على مصالح البلد.
أنا لسة عند رأيي، موضوع نعمل ليكم داتاسنتر يجيب ليكم امازون ومايكروسوفت وقوقل دة سواقة بالخلا مايكروسوفت عندها داتاسنتر واحد شغال في افريقيا وهو بتاع جوهانسبيرج .. وعندها واحد أعلنت عنه في كيب تاون لكن لسة ما نزل الشغل أمازون AWS عندها داتاسنتر واحد في افريقيا في كيب تاون قوقل ما عندها أي داتاسنتر في افريقيا كلام الشركات الكبيرة تجيكم جارية دي بيع هواء وااااااضح .. يعني هي الشركات دي قاعدة مربعة يدينها الزمن دة كلو راجية الشركة دي تظبط لينا الداتاسنتر! وخدمات الانترنت السودانية تطلع شنو بالنسبة لتونس والمغرب؟ وهل الشركات دي عميانة من باقي افريقيا؟ وهل الداتاسنتر دة أجهزة وخلاص؟ يعني الشركات ما حتنظر للكهرباء القاطعة كل يوم! ولا الفيضانات ولا الانفلات الأمني ولا الحركات الحايمة بي سلاحها جوة الخرطوم؟
03-21-2021, 09:09 PM
Abureesh Abureesh
تاريخ التسجيل: 09-22-2003
مجموع المشاركات: 30182
أنا ولا بعرف اكتر من الحكومة ولا من أي زول، لكن هسة ملصت الأفرول واخدت ليكم سيلفي من جوة التلاتة مكنات: أمازون وقوقل ومايكروسوفت .. كان حركتوا الشاشة يمين شوية بتشوفوني ماسك الزردية والمفكات :)
يعني يا سعادة الوزير يومين تلاتة كدة بلقى مكتوب Africa Sudan ؟ النبي فيك تكلمني من بدري عشان اليوم داك أجي بي أفرول جديد بدل المليان زيت دة :)
03-21-2021, 09:26 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: الشي التاني لابد نتخلص من متلازمة افتراض جهل الآخرين خاصة المسؤولين واننا بنفهم احسن منهم ومن مساعديهم و مستشاريهم وكل الموظفين التحتهم! و كذلك متلازمة تخوين الجانب المدني في الحكومة الانتقالية واننا الاكثر وطنية وحرصا على مصالح البلد.
العبارات دى يا محمد البشرى ما فى زول سبقك عليها فى تأريخ هذا المنبـر.. القصد شنو؟ كيف عرفت اننا نعانى من متلازمة حتى تصف لنا العلاج؟ بعدين شنو الحكومة الإنتقالية والتخوين وما عارف شنو.. فى موضوع بسيط ومحدد مطروح وأى مواطن عنده حق أن ينتقد الحكومة، ولا ينفى هذا الحق ان تعتقد اننا لسنا أفهم منها .. وفى موضوع الفهم والكفاءات لازم تقارن كفاءات شخص ضد كفاءة شخص فى الحكومة.. موش الحكومة ضد من ينتقد أعمالها (كدا بس)..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
Abdelrahim Mohmed Salih
Osman Musa
عبدالقادر محمد
Mahjob Abdalla
Ali Alkanzi
MOHAMMED ELSHEIKH
محمد البشرى الخضر
Al Sunda
ترهاقا
فيس بوك
تويتر
انستقرام
يوتيوب
بنتيريست