|
|
|
 Re: تأخير توثيق الشهادات الجامعية في الإدارة (Re: الصادق يحيى عبدالله)
|
Quote: الصادق يحيى عبدالله:
لسلام عليكم ورحمة الله وبركاته Hani
قمت بتوصيل صورة من البوست للسيد وكيل الوزارة، ليته يولي الموضوع اهتمامه |
الصادق يحيى عبدالل
شكراً جزيلاً
على الوزارة كلها أن تولي الأمر اهتماماً بالغاً حتى تعالجه بشكل دائم ...
فقد عدد مقدر من الطلاب فرصاً لمنح دراسية أو عقودات عمل داخلية أو خارجية لأن الشهادات مركونة داخل الوزارة لمدة تفوق الشهرين ...
ولا تنسى أن السودان ليس الخرطوم فقط !
طلاب الولايات يعانون جداً من تعطل إجراءاتهم واضطرارهم لقضاء أوقات اضافية في الخرطوم بسبب تعطل الاجراءات ... مع ارتفاع تكلفة التنقل من وإلى الولايات وتكلفة الإقامة والمعيشة في الخرطوم
| |
 
|
|
|
|
|
|
|
|
Re: تأخير توثيق الشهادات الجامعية في الإدارة (Re: Hani Arabi Mohamed)
|
سلام هانى
لربما ناس كتار دخلو البوست و ما وقعت ليهم تداعيات هذه المشكلة او المشكلة ذاتها شنو.
اها يا جماعة, العملة دى في الغالب بكون عملها وزير سياحى, جاء من بلاد برة و شاف المعمعة و التعب و بتاعة الشباب و الشابات و البشتنة التى يلاقونها جريا من وزارة الي وزارة و من شباك الي شباك لاجل انجاز مهمة توثيق شهاداتهم.
الوزير شاف كدا قال ده شئ متعب لهذا و لابد من ايجاد طريقة اسهل للقيام بهذه المهمة و على الشباب التركيز في اشياء اخرى تهمهم.
قام شال المهمة دى و اداها للجامعات و طبعا ما اظن كلف نفسو عشان يعرف متطلبات القوى البشرية التى تحتاجها الجامعات للقيام بهذه المهمة نيابة عن 200 الف طالب و طالبة و بين يوم و ليلة كل الفايلات مشت علي ادارة الجامعات و للي بدورهم مفروض يقومو باللازم نيابة عن العدد الهائل.
فحدث ما حدس. كل الملفات مركونة حيث تم تجميعها و لم تتحرك.
________________
يعنى يا شباب اكلو بسكويت لو ما في رغيف.
| |
|
|
|
|
|
|
|
|
 Re: تأخير توثيق الشهادات الجامعية في الإدارة (Re: Mahjob Abdalla)
|
سلام عليكم
فى حاجه مامفهومه فى الحته وغامضه .
التوثيق للشهادات الجامعيه كان كالاتى (حسب تجربه شخصيه) تستخرج الشهاده من الكليه تمشى تدفع وتويق فى الشئون العلميه (بسبب تزوير الشهاداتلازم تشيل خطاب من الكليه انك طالب مقبول من سنه كذا فى الكليه ) بعد التوثيق فى الشئون العلمه تمشى مكتب القبول عندهم الشغل كلو فى الكمبيوتر تسلم شهادتك وفى نفس اليوم تستلم لانو برجعو للكمبيوتر ويراجعو الملف بتاع الشخص-على كم مرحله- برضو عندهم مقبول سنه كذا فى كليه كذا ..الخ
الان لو القصه اتوزعت فى الجامعات هل ممكن اى شهاده تتوثق حتى لو لخريج من جامعه تانيه مقيم فى الولايه الفيها الجامعه؟ ويكون الموضوع عبر شبكه ناس التوثيق فى مكتب القبول ؟ ام محصور فى ناس الجامعه الفيها مكتب القبول ؟
تعدد مراكز التوثيق مع مشكله الشهادات المزوره حيفتج باب فوضى خاصه ونجنا ماعندنا نظام اداره محكم يقتنص الاخطاء والتجاوزات بشكل سريع
| |
|
|
|
|
|
|
|
|
|
Re: تأخير توثيق الشهادات الجامعية في الإدارة (Re: Asim Ali)
|
Quote: سلام عليكم
فى حاجه مامفهومه فى الحته وغامضه .
التوثيق للشهادات الجامعيه كان كالاتى (حسب تجربه شخصيه) تستخرج الشهاده من الكليه تمشى تدفع وتويق فى الشئون العلميه (بسبب تزوير الشهاداتلازم تشيل خطاب من الكليه انك طالب مقبول من سنه كذا فى الكليه ) بعد التوثيق فى الشئون العلمه تمشى مكتب القبول عندهم الشغل كلو فى الكمبيوتر تسلم شهادتك وفى نفس اليوم تستلم لانو برجعو للكمبيوتر ويراجعو الملف بتاع الشخص-على كم مرحله- برضو عندهم مقبول سنه كذا فى كليه كذا ..الخ
الان لو القصه اتوزعت فى الجامعات هل ممكن اى شهاده تتوثق حتى لو لخريج من جامعه تانيه مقيم فى الولايه الفيها الجامعه؟ ويكون الموضوع عبر شبكه ناس التوثيق فى مكتب القبول ؟ ام محصور فى ناس الجامعه الفيها مكتب القبول ؟
تعدد مراكز التوثيق مع مشكله الشهادات المزوره حيفتج باب فوضى خاصه ونجنا ماعندنا نظام اداره محكم يقتنص الاخطاء والتجاوزات بشكل سريع |
Asim Ali
صباح الخير
حسب القرار:
1. يتم التوثيق بواسطة مندوب جامعتك التي تخرجت منها.
2. على الطالب إيصال شهادته إلى الشؤون العلمية في الجامعة التي تخرج منها وسداد رسوم التوثيق في الشؤون العلمية ووزارة التعليم العالي بإيصال واحد.
3. يتولى مندوب الجامعة إيصال أي شهادة صادرة بعد 1 أغسطس 2020 إلى وزارة التعليم العالي لتوثيقها.
4. بعد إكمال التوثيق يستلم مندوب الجامعة الشهادات ويعيدها إلى الشؤون العلمية في الجامعة.
5. يستلم الطالب شهادته من الشؤون العلمية في جامعته التي درس فيها.
لا يوجد تعدد لمراكز التوثيق ولكن يوجد تراكم في الإجراءات وتأخير يفوق الشهرين.
| |
|
|
|
|
|
|
|
|
 Re: تأخير توثيق الشهادات الجامعية في الإدارة (Re: Hani Arabi Mohamed)
|
Quote:
1. يتم التوثيق بواسطة مندوب جامعتك التي تخرجت منها.
|
دى مشكله للخريج احسن منها يكونفى الخرطوم مباشره مع مكتب القبول (مع استخدام نظام ترتيب مواعيد الكترونى للاجراء يهنى تنزل معلومات شهادتك فى ايميل وترسلوو وبعدها يحددو ناي مكتب القبول تدى يوم كذا تعمل اجراءات توثيقك ..عتقد كان ممكن يكون افضل ..ليه؟؟؟)
مكن طالبمن كردفان قرا فى البحر الاحمر او من سدنقلا قرا فى سنار دا حينتظر وين للاستلام وفتره قدر شنو ؟؟؟
الناس دى حتى استخدام تقدم التكنولوجيا ووشيوع الانترنت ماقادرين يستخدموهو عشان يسهلو العمل ويطورو الياتو !!!
| |
|
|
|
|
|
|
|
|
|
Re: تأخير توثيق الشهادات الجامعية في الإدارة (Re: Mahjob Abdalla)
|
Quote: سلام هانى
لربما ناس كتار دخلو البوست و ما وقعت ليهم تداعيات هذه المشكلة او المشكلة ذاتها شنو.
اها يا جماعة, العملة دى في الغالب بكون عملها وزير سياحى, جاء من بلاد برة و شاف المعمعة و التعب و بتاعة الشباب و الشابات و البشتنة التى يلاقونها جريا من وزارة الي وزارة و من شباك الي شباك لاجل انجاز مهمة توثيق شهاداتهم.
الوزير شاف كدا قال ده شئ متعب لهذا و لابد من ايجاد طريقة اسهل للقيام بهذه المهمة و على الشباب التركيز في اشياء اخرى تهمهم.
قام شال المهمة دى و اداها للجامعات و طبعا ما اظن كلف نفسو عشان يعرف متطلبات القوى البشرية التى تحتاجها الجامعات للقيام بهذه المهمة نيابة عن 200 الف طالب و طالبة و بين يوم و ليلة كل الفايلات مشت علي ادارة الجامعات و للي بدورهم مفروض يقومو باللازم نيابة عن العدد الهائل.
فحدث ما حدس. كل الملفات مركونة حيث تم تجميعها و لم تتحرك.
________________
يعنى يا شباب اكلو بسكويت لو ما في رغيف. |
Mahjob Abdalla
صباح الخير
التأخير من جانب الإدارة العامة للقبول وتوثيق الشهادات في وزارة التعليم العالي.
هل استعدت جيداً قبل تطبيق القرار ووفرت القدرات البشرية والتقنية اللازمة لتنفيذه ؟
كيلو الجاتوه بكم ؟
| |
|
|
|
|
|
|
|
|
|
Re: تأخير توثيق الشهادات الجامعية في الإدارة (Re: Hani Arabi Mohamed)
|
Quote: 1. يتم التوثيق بواسطة مندوب جامعتك التي تخرجت منها.
2. على الطالب إيصال شهادته إلى الشؤون العلمية في الجامعة التي تخرج منها وسداد رسوم التوثيق في الشؤون العلمية ووزارة التعليم العالي بإيصال واحد.
3. يتولى مندوب الجامعة إيصال أي شهادة صادرة بعد 1 أغسطس 2020 إلى وزارة التعليم العالي لتوثيقها.
4. بعد إكمال التوثيق يستلم مندوب الجامعة الشهادات ويعيدها إلى الشؤون العلمية في الجامعة.
5. يستلم الطالب شهادته من الشؤون العلمية في جامعته التي درس فيها. |
مخي ضرب
هسة لو اتعمل سيستم صغيرووووني الجامعات تنزل فيه الشهادات ويشيكوا عليه ناس التعليم العالي موش بحل محل بالطوطحانية دي؟
لا وكمان بهناك الوزير يقول ليك داتاسنتر حيجوا جارين ليها ناس قوقل ومايكروسوفت !!
| |
|
|
|
|
|
|
|
|
 Re: تأخير توثيق الشهادات الجامعية في الإدارة (Re: أحمد محمد عمر)
|
Quote:
هسة لو اتعمل سيستم صغيرووووني الجامعات تنزل فيه الشهادات ويشيكوا عليه ناس التعليم العالي موش بحل محل بالطوطحانية دي؟
|
يا احمد الامكانيات الموجوده فى دواوين الدوله شاغلينها فيس وكوتشينه وسماع اغانى .داير تحرمهم من الترفيه باجهزه ونت الحكومه المجانى .
العقليات لسه فى العصر الحجرى
| |
|
|
|
|
|
|
|
|
|
Re: تأخير توثيق الشهادات الجامعية في الإدارة (Re: Asim Ali)
|
ولو الظروف قعدتك مع واحد من الفي يدهم القلم يا عاصم يوريك جنس فلقصة
أصصصصلو ربنا ما خلق أعلم منه .. تسأله إنجازاتك شنو؟ يطلع ليك ورق
دة مقترح المشروع القدمته ودة تقرير شنو ما عارف
وتوريه أي فكرة جديدة شغالين بيها الناس هو ما عارفها يقعد ينجر ليك في عيوب من راسه ويمروحك بين الشبكة والسيستم والكهرباء ما تعرف هو ذاتو شغال شنو
أقسم بالله السيستم اللي ذكرته في سطر ونص دة ممكن أديهو واجب في مادة لطلبة سنة تالتة كمبيوتر
ولو داير يشتغله بتاع IT بياخد منه 3 أيام بس
| |
|
|
|
|
|
|
|
|
|
Re: تأخير توثيق الشهادات الجامعية في الإدارة (Re: أحمد محمد عمر)
|
Quote: مخي ضرب
هسة لو اتعمل سيستم صغيرووووني الجامعات تنزل فيه الشهادات ويشيكوا عليه ناس التعليم العالي موش بحل محل بالطوطحانية دي؟
لا وكمان بهناك الوزير يقول ليك داتاسنتر حيجوا جارين ليها ناس قوقل ومايكروسوفت !! |
أحمد محمد عمر
مساء الخير
ننتظر إجابة من وزارة التعليم العالي حول الاجراءات سابقا وحاليا
وحول المعالجة الممكنة للشهادات المتراكمة لديها التي تنتظر التوثيق
| |
|
|
|
|
|
|
| |
Hani Arabi Mohamed
الصادق يحيى عبدالله
Mahjob Abdalla
Asim Ali
فيس بوك
تويتر
انستقرام
يوتيوب
بنتيريست