|
|
|
 Re: يا أهل السودان خمو وصرو وارجو الراجيكم (Re: Ali Alkanzi)
|
السلام عليكم أخانا على الكنزى
ربما تكون الضائقة المائية فى موسم الملئ فقط.. لكن بعد ذلك سيكون النهر مستقرا فى نسبة جريان ثابتة على طول السنة.. regulated flow
ما تقطع قلوب الناس ساكت. لو فى خوف وتحذير يكون من إنهيار السد بعد ملئ البحيرة. حينها الناجى الوحيد سيكون سمك السودان.
| |
 
|
|
|
|
|
|
|
|
Re: يا أهل السودان خمو وصرو وارجو الراجيكم (Re: Abureesh)
|
دا كلام ساكت
سد النهضة حتي الآن لا يخزن أكثر من 5 مليارات
وحتي بعد التخزين النيل الأزرق فاض وغطي كل المدن في طريقه
الحاصل دا ما سببه سذ النهضة
بالعكس سد النهضة حيوفر مستوي مناسب من المياه لكل العام
لإنه بيحجز الموية في شهور الفيضان في الخريف وبفكها في باقي السنة
وهذا يتيح للسودان فرص عظيمة للزراعة المروية كل العام
سد النهضة خير وبركة للسودان
زي ما كان السد العالي لمصر
إلا إدا كان لديك غرض ما من طرح هدا الموضوع بهذه الطريقة التخويفية
الخالية من المعلومة الصحيحة
| |
|
|
|
|
|
|
|
|
|
Re: يا أهل السودان خمو وصرو وارجو الراجيكم (Re: Nasr)
|
وعليك من الله الف سلام
اخ ابو الريش بالانجليزي
واراك تقول:
Quote:
السلام عليكم أخانا على الكنزى
ربما تكون الضائقة المائية فى موسم الملئ فقط.. لكن بعد ذلك سيكون النهر مستقرا فى نسبة جريان ثابتة على طول السنة.. regulated flow
ما تقطع قلوب الناس ساكت. لو فى خوف وتحذير يكون من إنهيار السد بعد ملئ البحيرة. حينها الناجى الوحيد سيكون سمك السودان. |
قطع شك الضائقة المائية ستفسد موسم العروة الصيفية وكمان الشتوية القادمتان
وسيظهر اثر العطش في مشروع الجزيرة والمناقل
والنيل الازرق سينساب بعد الملء النهائي ولكن لن يعود النيل الازرق كما كان وسيكون مجرى مائي فقط
والبعيش بشوف
أما إذا انهار فالرماد كال حماد وكسبت مصر
وهذا ما سيحدث
فحرب المياة قادمة
+++++++++++++
اهلا بنصر
هو معقول يا نصر
يكون عندك راي مخالف في السودان إلا ان تكون صاحب غرض؟
لماذا نحن دائما نظن السوء بالاخر ؟
يعني نبقى مواطنين لا رأي لنا عشان ما نكون اصحاب غرض
فأنت تقول:
Quote: سد النهضة خير وبركة للسودان
زي ما كان السد العالي لمصر
إلا إدا كان لديك غرض ما من طرح هدا الموضوع بهذه الطريقة التخويفية
الخالية من المعلومة الصحيحة |
يا اخي رأيت بام عيني كبري الحصاحيصا رفاعة اصبح خارج النيل
وكلها شهور وسترى فشل العروة الصيفية في الجزيرة
لو زرعوا ٤٠٪ من مساحة العام السابق سيكون انجازا
وحتى الاربعين في المية سيصيبها العطش
ونحيا ونشوف
ونرى الغرض
فقد استفزتني جملة (لديك غرض من طرح هدا الموضوع بهذه الطريقة التخويفية
الخالية من المعلومة الصحيحة)
وانا قلتا شفتا بعيني فكيف تكون معلومة غير صحيحة
والمغالط اركب ويمشي الحصاحيصا
ويرى بام عينيه
والما مستعجل فلينتظر العروة الصيفية
| |
|
|
|
|
|
|
|
|
|
Re: يا أهل السودان خمو وصرو وارجو الراجيكم (Re: Ali Alkanzi)
|
ود الكنزي
ونحن كمان شلنا عنوانك وحولناهو تعقيبا على كلام عبد الرحيم دقلو
الذي يريد الان اثارة النعرات القبلية وايقاظ الفتنة النائمة من اجل
صوملة السودان،،بعد ان خربوا دارفور في عهد اللصوص والحرامية ...
فقد كانوا حماة النظام البائد...
وقلنا ليهم اذا ما وقفتوا الزول ده عند حده،،فيا اهل السودان خمو وصرو
وارجو الراجيكم،،،
| |
|
|
|
|
|
|
|
|
|
Re: يا أهل السودان خمو وصرو وارجو الراجيكم (Re: امتثال عبدالله)
|
كدي وريني يا صاحب البوست
كيف ربطت بين سد النهضة ونقص الموية في النيل في الحصاحيصا ؟؟؟؟؟
لأنه النقص دا ما عمله سد النهضة
وسد النهضة يا دوب فيه 5 مليارات
وبعد التخزين بتاع الخمسة مليارات قاض النيل وإمتلأ في العام الماضي
والكلام القلته دا
| Quote: والنيل الازرق سينساب بعد الملء النهائي ولكن لن يعود النيل الازرق كما كان وسيكون مجرى مائي فقط |
الحيحصل عكسه تماما
أصلا النيل الازرق مجري مائي
كان بيمتلي لحد الفيضان في شهور الخريف
ثم يتراجع كتير خالص بعد داك
أها سد النهضة بيحجز موية الخريف الكثيرة وأكثر من طاقة الناس للإستفادة منها
ويفكها باقي السنة
يعني باقي السنة الموية ما تكون نازلة شديد زي بيحصل هسع
بل بالعكس الموية حتكون قريبة بتسهل الري كل العام
زي ما عمل السد العالي لمصر
زي ما بتعمل كل السدود تقريبا
طبعا في سنوات الملء القادمة حينقص الماء المنساب في النيل بفعل التخزين
لكن هذا النقص ناس الري عاملين حسابه
وحينقص من فائص مياه السودان لا يستغله
في كل سنة لا يستطيع السودان إستغلال حوالي 5 ل 9 مليار متر مكعب
دي بتمشي مصر
ومصر مخزنة في السد العالي إحتياجات مصر لكم عام قادم
برضو عاملين حسابهم
زي ما قلنا كتير هنا
المصريين ما خايفين من نقص موية
المصريين حايفيين أن السودان سيستطيع أن يستغل كل حصته منا المياه
بعد تشييد سد النهضة
وهذا ما قالوه صراحة وفتش يوتيوب بتلقي كلام لوزير ري مصري سابق
كزول ساكن قرب النيل الأزرق
السد دا مفيد شديد بالنسبة لي ولكل مزارعي الري بالراحة والري بالطلمبات
وتخويفك منه لا يستند إلي دليل
إلا إذا كان التخويف مقصود في حد ذاته
أما إحتمالات سقوط سد النهضة
فهي أقل بملايين المرات من إحتمال سقوط السد العالي
وطبعا أول من نشر حكاية السقوط دي هم المصريين
| |
|
|
|
|
|
|
|
|
|
Re: يا أهل السودان خمو وصرو وارجو الراجيكم (Re: Nasr)
|
من المتوقع إنخفاض مستويات النيل الأزرق في فترة ملء بحيرة السد ولكن بعدها لن يكون هنالك نقص في معدل تدفق النيل الأزرق ما عدا نقص بسيط بسبب التبخر من سطح بحيرة السد.
للسد فوائد ومضار على السودان
ولكن من الكياسة السياسية التحسب للمضار وبحث حلولها أكثر من الإستغراق في النظر للفوائد الثانوية التي قد تعود على السودان من سد النهضة.
كثرة التفاؤل في التوقعات ليست من الكياسة في شيء.
| |
|
|
|
|
|
|
|
|
|
Re: يا أهل السودان خمو وصرو وارجو الراجيكم (Re: Hafiz Bashir)
|
أي سد في العالم عنده فوائد ومصار
خزان سنار الأتبني قبل مية سنة وقام عليه مشروع الجزيرة
عماد الإقتصاد السوداني
برضو عنده مضار
السد العالي منقذ مصر من الجفاف والموت عطشا
برضو عنده مضار
مصار سد النهضة معروفة لدي علماء وزارة الري
وعلماء الري في جامعة الخرطوم
وتحدثوا عنها كثيرا
لذلك لما نطالب إثيوبيا بالتعاون في ساد النهضة
لأننا نحسب حسابات المضار والفوائد معا
القانون الدولي يلزم الدول المتشاركة لنهر أنها تستفيد منه بحيث لا تسبب ضرر دي شأن بالأخرين
لو قوقلت بتلقي دراسات كتيرة عن فوايد ومضار السذ
خاصة دراسات دكتور سلمان
| |
|
|
|
|
|
|
|
|
|
Re: يا أهل السودان خمو وصرو وارجو الراجيكم (Re: Nasr)
|
اهلا بالاستاذة امتثال
بالرغم من انو مداخلتك خارج نطاق الطرح ولكن احتراما لك
ليس لدي مانع في الرد عليها وانت تقولين:
Quote: ود الكنزي
ونحن كمان شلنا عنوانك وحولناهو تعقيبا على كلام عبد الرحيم دقلو
الذي يريد الان اثارة النعرات القبلية وايقاظ الفتنة النائمة من اجل
صوملة السودان،،بعد ان خربوا دارفور في عهد اللصوص والحرامية ...
فقد كانوا حماة النظام البائد...
وقلنا ليهم اذا ما وقفتوا الزول ده عند حده،،فيا اهل السودان خمو وصرو
وارجو الراجيكم،،، |
حسب فهمي فالحقيقة حميدتي وضح انه رجل داهية يغير حلفائه او يكسب حلفاء جدد حسب الظرف السياسي
فمن واقع بعيد عن القيادة العسكرية والسياسية استطاع حميدتي بمكره ودهائه أن يصل إلى البشير ويتقوى به
ليتقوى به البشير
وعندما حانت ساعة الصفر عرف اين يقف فاصبح مناصراً للعسكر وللثوار ضد البشير
وقبل ذلك استطاع ان يبني حلفا غير مكتوب (تفاهمي) مع المحمدين بن سلمان بن زايد
بل ذهب ابعد من ذلك وصار ورقة رابحة للاتحاد الاوربي يستخدمها للحد من الهجرة الغير شرعيه
والآن الظرف السياسي تغير بعد اتفاقية جوبا التي كان هو عرابها
فإني ارى شجرا يمشي
فهو وجبريل ومناوي يعملون في صمت من اجل حلف جديد يقوم على ارضية سياسية لابناء غرب السودان تحميها البندقية السخنة التي ما زال بارودها يشتعل
وهذا تحالف سيقود حتما لحكم السودان وتحقيق جزء من منفستو (الكتاب الاسود)
فقادة ابناء دارفور اصحاب نفس طويل ويعملون من خلال استراتيجية طويلة المدى
وطموحهم ان يصبح حكام السودان من ابناء الغرب والغرب لا تعني دارفور بل تشمل جبال النوبة وكردفان
وهذا ما تنبأ ونادى به الدكتور منصور خالد في مقالاته وكتبه
وهي سيطرة العنصر الزنجي على القيادة السياسية والاقتصادية في السودان
وهذا ما بدأت ملامحه تظهر في سمائنا
السياسية والاقتصادية
اعتذر للاخ ناصر والاخ حافظ
ولعلهما يشاركانني الخروج عن الشبكة تقديرا للاستاذة امتثال
واعدهما بأن اعود غدا للرد على مداخلتهما
فسعيد بهذا الحضور
وفأنا بكل اسف محظور محظور محظور
وهذه ليست للشفاعة والترجي
فنحن ضيوف ان قدم لنا ماء شربنا وإن قدمنا لنا عسلا طعمنا
ومن لا يرضى يمتلك حق المغادرة
| |
|
|
|
|
|
|
| |
Ali Alkanzi
Abureesh
Nasr
Hafiz Bashir
فيس بوك
تويتر
انستقرام
يوتيوب
بنتيريست