|
|
|
 Re: هل الكلام دا صحيح !؟ ياريت من لديه معلومة !! (Re: MOHAMMED ELSHEIKH)
|
Quote: معظم اسهم بنك الخرطوم قرابة ٨٠٪ يمتلكها بنك دبي الاسلامي
لذا بكون له اليد العليا في التعيينات |
تحياتي علاء ...
لا أعلم إن كان بنك دبي يمتلك ما قلته ...
لكن إن كان يمتلك ما قلته فالقانون والعرف الدولي يعطيه
الحق في إدارة إستثماراته فلا غرابه في ذلك ...
ما أظن بنك دبي يضع استثماراته في يد بلد مشهور جدا
بالفساد الذي يطال معظم البنوك والمصالح الحكومية بدون
ما يعرف الي أين تذهب استثماراته ...
وإذا قانون الاستثمار السوداني لا يسمح للمستثمر بمعرفة
كيف تدار استثماراته فلن يخاطر برمي أمواله لتماسيح المال
في السودان ويذهب لحال سبيله ... الكلام دا ينطبق على
كل الاستثمارات والمستثمرين الأجانب ... حقو الناس تعرف
الكلام دا كويس إذا الجميع يدعو للإستثمار في السودان
لرفد الإقتصاد السوداني بمورد مهم جدا لنهضته ...
الكلام دا مطبق في كل دول العالم بعيدا عن ما يسمى
بالاشتراكية واقتصاد الاشتركية الذي يمجد القطاع العام
الحكومي ويصادر ويؤمم الشركات والبنوك الخاصة
والأجنبية ...
| |
 
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: امتثال عبدالله)
|
Quote: معظم اسهم بنك الخرطوم قرابة ٨٠٪ يمتلكها بنك دبي الاسلامي
لذا بكون له اليد العليا في التعيينات |
شكراً يا باشمهندس ود الشيخ على التوضيح
وطالما انّ البنك يمتلك معظم اسهمه بنك دبي الاسلامي فمن حقهم ان يقوموا بتعيين من يرونه مناسباً فى ادارة البنك
لتفنيذ سياسات بنك دبي الاسلامي .
ولكن ليس من حق البنك ولا من حق موظفيه عرقلة سير الاعمال بالاضراب واحداث الاضرار المصاحبة لتلك الاضرابات .
- سبب افتراع البوست هو : الغرابة فى ان يكون اجانب فى ادارة البنك .
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: امتثال عبدالله)
|
حسب افادة من اثق بهم
كلام صحيح
..
ثم
ناس البنك اياهم
كانو مضربين نهايات الاسبوع المنصرم
و تضرر الكثيرون
حولت لهم تحويل فورى مباشر يوم 9
قروش جامعة و لازم تدفع يوم 11
لغاية حسع ريالاتى ما عارفو وين
بنك الجزيرة السعودى يقول حولناها
و بنك الخرطوم سره ف بئر
..و يصر بنك الجزيرة ان الحوالة موجودة برئاسة بنك الخرطوم بعد مراجعة الحوالة
...
بس استغرابى فى الاضراب
..
علاء اخوى السودان كان ماشى لحتات بعيدة
و عوالم تانية
الشهداء و دافعى ضريبة الوطن من دمهم و جسمهم و سمعتهم و وقتهم و عمرهم
لهم التجلة و الانحناءة
... علما بان بنك الخرطوم كان من اميز البنوك ف وقت ما ... باركليز سابقا
..
شكرا علاء
.. مودتى و تقديرى
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: علاء سيداحمد)
|
Quote: علاء سيداحمد
هل الكلام دا صحيح !؟ ياريت من لديه معلومة !!!
|
صحيح بشكل عام, وأزيدك من الشعر بيتا: أرنوبة ذاااااااااااااتها عندها حساب هناك :)
Quote: MOHAMMED ELSHEIKH
معظم اسهم بنك الخرطوم قرابة ٨٠٪ يمتلكها بنك دبي الاسلامي
لذا بكون له اليد العليا في التعيينات
|
وللأسف. سيك كبير يا أبو الشباب
Quote:
تحياتي علاء ...
لا أعلم إن كان بنك دبي يمتلك ما قلته ...
لكن إن كان يمتلك ما قلته فالقانون والعرف الدولي يعطيه
الحق في إدارة إستثماراته فلا غرابه في ذلك ...
ما أظن بنك دبي يضع استثماراته في يد بلد مشهور جدا
بالفساد الذي يطال معظم البنوك والمصالح الحكومية بدون
ما يعرف الي أين تذهب استثماراته ...
وإذا قانون الاستثمار السوداني لا يسمح للمستثمر بمعرفة
كيف تدار استثماراته فلن يخاطر برمي أمواله لتماسيح المال
في السودان ويذهب لحال سبيله ... الكلام دا ينطبق على
كل الاستثمارات والمستثمرين الأجانب ... حقو الناس تعرف
الكلام دا كويس إذا الجميع يدعو للإستثمار في السودان
لرفد الإقتصاد السوداني بمورد مهم جدا لنهضته ...
الكلام دا مطبق في كل دول العالم بعيدا عن ما يسمى
بالاشتراكية واقتصاد الاشتركية الذي يمجد القطاع العام
الحكومي ويصادر ويؤمم الشركات والبنوك الخاصة
والأجنبية ...
|
سلام يا أبو الشباب
بنك الخرطوم إصلا إتخصص من زمان وإنتهي بمباركة المخلوع بشبش.
هل تعلم إنو الحكومة السودانية ما عندها ولا حتى خمسة في المية من بنك الخرطوم؟ أهه, شن قولك؟
=====================
المتابعين: السودان بعد كدة يفترض بالمنطق ده بعد ده يبقى إسمو جمهورية الإمارات القابضة: مستقبل واعد بالخنق الإقتصادي لكل السودانيين.
بكرة تجي داخل بيتكم, تلقي يافطة بنك دبي: "ممنوع الإقتراب والتصوير", ملك لبنك دبي.. حجزنا العفش. خلينا ليك التلاجة بس. إنكشح قبل ما نغير راينا ذاتو.
| |
|
|
|
|
|
|
|
|
 Re: هل الكلام دا صحيح !؟ ياريت من لديه معلومة !! (Re: مازن سخاروف)
|
Quote:
مش ممكن يا علاء ده سبب نجاح البنك لانه في عهد اللصوص والحرامية معظم الموظفين في الدولة
وفي القطاع الخاص اشتهروا بالفساد والرشوة،،،وعشان كده اختاروا المديرين من الاجاتب،،،،
وانا عندي حساب في البنك ،وهو انجح بنك في السودان،،،،
|
وين النجاح دا ؟
بنك الخرطوم بتعامل معاهو من وانا طالب (خلال فتره دراستى برا السودان) وعندى حساب الان فيهو من حوالى اكتر من عشره سنه .وقفت منو فتره ورحعت نشطتو
من مشاكلو مثلا انو بطاقه الصراف لاتعمل الا فى صراف بنك بنك الخرطوم واغلب صرافات البنوك ترفضها واستخدام الدفع الالكترونى (تسديد فواتير وشراء كهربا وشراء رصيد موبايل ....الخ)عبر صراف بنك الخرطوم محدود بخلاف البنوك التانيه
رغم التوسع وزياده الفروع الا انو الفروع زحمه ويمكن دا راجع لمشكله صعوبه السحب عبر الصرافات الاليه (ثقافه الدفع الالكترونى بدل الكاش فى البيع والشراء من منافذ الخدمه بقالات وصيدليات ...الخ لسه ماسادت لذلك الناس بتحتاح للكاش فى حياتها اليوميه لغايه ماتتوسع وتتطبع ثقافه الدفع الالكترونى).لذلك القروش الماداير اخيشها بحتها فى بنك الخرطوم .
الموظفين فى البنك فيهم الكيزان ظاهرين لكن الفتره الاخيره (ظهرت وجوه حناكيش ناس تعيينات (ربما)الواسطه يغرقو فى شبر مويه )
------
موضع ال 80% غريب
مش مفروض انو يكون على الاقل نص الاسهم اسهم وطنيه .؟؟ !!!! (خايف نلقى بعد شويه نحنا قاعدين فى وطننا بالايجار )
Quote:
عن البنك
بنك الخرطوم , تأسس بنك الخرطوم في العام 1913 ، وهو أقدم وأكبر مؤسسة مالية إسلامية في السودان. يقع مقرها الرئيسي في الخرطوم ويمتلك ميزانية عمومية بقيمة مليار دولار أمريكي، تضم مجموعة بنك الخرطوم ما يقارب ال3000 موظف ، 150 فرعًا ومكاتب نقدية وأكثر من 325 جهاز صراف آلي / مكينات الإيداع النقدي ، وهي أكبر شبكة فروع وأجهزة صراف آلي في السودان.
81 % من أسهم البنك تأتي من دول مجلس التعاون الخليجي / الشرق الأوسط مثل بنك دبي الإسلامي (أكبر مساهم) ، وبنك التنمية الإسلامي في جدة ، ومصرف أبو ظبي الإسلامي ، وبنك الشارقة الإسلامي وغيرها من المساهمين. تتكون الأسهم المتبقية من كبار رجال الأعمال الإقليميين والمستثمرين السودانيين البارزين.
.
المدير التنفيذى د.مصفى الحسن
نائب الرئيس التنفيذى كاشف نعيم (غالبا فلسطينى)
محمد قدير عبدالله مدير اداره المخاطر
ياسر على سلمان سعيد مدير اداره المراجعه الداخليه
لوفانادين صيدامبرام مديراداره الخزانه والاستثمار
عمار عباس السيد عثمان مدير اداره الالتزام
.
منقول من موقع البنك
|
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: Asim Ali)
|
Quote: سلام يا أبو الشباب
بنك الخرطوم إصلا إتخصص من زمان وإنتهي بمباركة المخلوع بشبش.
هل تعلم إنو الحكومة السودانية ما عندها ولا حتى خمسة في المية من بنك الخرطوم؟ أهه، شن قولك؟ |
ما ضروري الحكومة يكون عندها أسهم في البنك ... يكفيها رقابة البنك
المركزي السوداني على عمليات البنك ومن ثم تحصيل ضرائبها المتفق
عليها مع البنك ... حتى بنك دبي نفسه ليس بنك حكومي وأسهمه مدرجه
في عدة بورصات ويتم تداولها يومي ... إن شاء الله يجي اليوم الذي
يمكن السودانيين بالسيطرة على البنك الأماراتي ...
Quote: المتابعين:
السودان بعد كدة يفترض بالمنطق ده بعد ده يبقى إسمو جمهورية الإمارات القابضة: مستقبل واعد بالخنق الإقتصادي لكل السودانيين. |
يا رفيق ... أكان في خنق كان أوربا دي كلها إتخنقت من سنين
مضت ... مافي سيطرة حكومية على أي بنك أوروبي او أمريكي
خلاف البنوك المركزية ... بعدين حكاية جمهورية الإمارات القابضة
دا كلام سياسي لمصلحة نظام إقتصادي لا يستعمله إلا دولة واحدة
من بين كل دول العالم ...
| Quote: بكرة تجي داخل بيتكم, تلقي يافطة بنك دبي: "ممنوع الإقتراب والتصوير", ملك لبنك دبي.. حجزنا العفش. خلينا ليك التلاجة بس. إنكشح قبل ما نغير راينا ذاتو. |
دي خرخره ساكت ... البوديك تدخل البنك وتستلف منو بدون ما تعرف
حا تسدد ليهو شنو ... مافي بنك بيديك سلفة بدون تقديم ضمانات السداد ...
المفروض تكون عارف جيدا العواقب المنتظراك بعدم سدادك ...
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: امتثال عبدالله)
|
امتثال
الثروه الحيوانيه كويس.
لكن اعتقد انو بشكل عام انو الفتره الجايه بعد رفع الحصار والانفتاح على التعامل المصرفى العالمى حيكون فى محاولات من البنوك بشكل عام انها تطور وتجدد فى خدماتها وتحسن شغلها عشان تنافس ةتكون جاذبه وربما تتقدم بنوك تانيه تانيه فى اعلى القائمه من ناحيه الخدمات والاداء
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: Salah Zubeir)
|
برجوازينا الجميل,
طيب, مش قلت مفاهيم عامة: مسألة الحصص المهمة عشان نعرف البينا والعلينا شنو. لأنو ده بنك حكومي سوداني وديلاك الطرف الآخر.
أستطيع أن أتفهم شركة خاصة تعطي حكومة البلد خمسة في المية في بنك. بتحصل في السودان بس. لكن أن يتم ابتلاع بنك وطني بجلالة قدره اللي هو ملك الشعب السوداني في بطن قطاع خاص فهذا ما لا يستقيم. أبدا, حتى بمنطق البرجوازية ومكنة الكفاءة وإدارة أفضل. دي الوهمة العامة التي يتم تمريرها فوق رؤوس العباد في كل المؤسسات العامة: بنوك, شركات كهرباء, إتصالات, مناجم, وقس على ذلك.
الوضع في البداية: السودان كان عندو مية في المية ملكية عامة لبنك الخرطوم. فججججعة قام ببيع ستين في المية من حصتو لبنك دبي الإسلامي. وبعدين حصلت كمية من التنقلات وفك التسجيلات ..
الوضع في النهاية: بنك الخرطوم تحول إلى شركة خاصة مملوكة بأكثر من خمسة وتسعين مية لمستثمرين في القطاع الخاص بما فيهم بنك دبي الحليوة (بالمناسبة الحصة بالضبط فوق الـ 28% بشوية والباقي بقية البزنس ومزيد من قطط الإمارات السمان وسودانيين ماسكين ليهم البقرة من قرون. والسودان مرق منها بخمسة في المية, فتات موائد. السؤال لماذا ومقابل شنو؟ ويجي واحد مغمد يقول, آآي صاح, طالما حصتهم أكبر يديروا البنك بطريقتهم. الأداهم ليها منو وعلى حساب كم مليون بني آدم في الشعب السوداني الفضل؟
دي إسمها شراكة نبق يا برجوازينا. ومن يحاول الدفاع عن هذا, واحد في الإثنين يا إما قايل الناس عندها قنبور, يا إما ما عندو أي فكرة عن الإقتصاد. اللهم إلا يكون اقتصاد الصفقات التحت التربيزة. فليس هناك وصف محترم لهذا النصب.
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: Hafiz Bashir)
|
| Quote: مافي بنك بيديك سلفة بدون تقديم ضمانات السداد ... |
ود الزبير، دا يعزي لعدم وجود رقابة مالية ..
في الولايات المتحدة، أول ما تتقدم لأخذ قرض loan .. لا يحتاجون لأي شيئ غير معلوماتك الشخصية .. يجيبوا تأريخ حايتك المالي .. والأهم ح تجد رقم واحد يقوله لك البنك ..
أقرأ الأتي: 90% من البنوك تستخدم ال كريدت .. لو قيمة رقمك ما بين 740 - 810 .. يمكنك أن تمتلك أي شيئ .. من المنزل، إلي السيارة إلي الياخت .. والعوائد .. interest rates يزيد وينقص حسب نسبة إئتمانك ..
نفس السيارة ممكن يمولها ليك البنك بنسبة أقل من 3% لو الأسكور بتاعك عالي .. أو يمولها لك بنسبة 24% لو الأسكور بتاعك تعبان ..
Quote: The score is used by roughly 90% of financial institutions when considering giving you a loan or line of credit.
FICO scores range from 350 to 850; under 580 is considered poor credit and 740 or higher is considered very good or exceptional credit.
|
الرقم ما بين 350 - 810 .. هو العاصرنا في أمريكا ..
بريمة
| |
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: Biraima M Adam)
|
| Quote: سلام يا صلاح الزبير القانون والعرف الدولى ليس لها علاقة بقوانين الاستثمار فى الدول حيث كل دولة لها قوانين استثمار خاص بها . |
حبابك علاء ...
قوانين الاستثمار في أي دولة مستمدة وتتوافق مع قوانين
الاستثمار الدولية وممكن يكون فيها محفزات اكتر ...
الإضراب الذي تم يوم الثلاثاء والأربعاء الماضيين تم بدعوة
من لجنة التسيير لنقابة المصرفيين المهنيين ببنك الخرطوم
وعدة بنوك أخرى (قوقل عن بيان لجنة تسيير المصرفيين)
واضح إنو ناس سخاروف اتمكنو من عدة لجان تسيير وسوف
يكررون نفس السيناريو بتاع يونيو ١٩٨٩ (٨٤ نقابة مضطربة
عن العمل يوم ٢٩ يونيو ٨٩) ...
سخاروف ... الشيوعي الكلس ...
أنا وآلله أحترمك جدا لتعريفك بنفسك من قولة تيت ...
كتار جدا في جنبات المنبر خجلانين عديييل من يقولوها
ويختوها تخ زيك كدي في البروفايل مع إنو شايلين السيف
ويحاربو من أجلها وبعد دا ينكروها حطب ...
بالنسبة لموضوع البوست ... لسع ما وصلت لي فهم ما أقصده ...
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: Salah Zubeir)
|
| Quote: نعم كما ذكر احد الموظفين فان الاداره اغلبها اجانب |
شكراً يا معاوية حسين على المعلومة
وطالما انّ ادارة البنك اجنبية من المفترض ان يكون عطاء البنك للموظفين وحوافزهم عاليه وخلق بيئة عمل محفزة
باعتبار ان البنك ( بنك استثمارى ) حيث انّ الادارة كل تفكيرها فى ان تحوز على اكبر نسبة معاملات مصرفية
فى السوق المصرفي السوداني وبالتالى تحقيق أرباح عالية لا ان يلجأ موظفي البنك الى الاضراب للمطالبة بحقوقهم مثل البنوك
المحلية .
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: Maawya Hussein)
|
| Quote: لاحظت في صفحه بنك الخرطوم انو في خيار دوله تاني غير السودان ( البحرين) |
كيفك معاويه ...
دا إسمو بنك الخرطوم الدولي (البحرين) وهو فرع لبنك الخرطوم ...
وحديثا برضو بنك الخرطوم الدولي(أبوظبي) وهو فرع لبنك الخرطوم ...
يا عاصم وامتثال ...
بنك الخرطوم اليوم هو الأفضل والأحسن في السودان من
حيث الخدمات البنكية التي يقدمها لعملاءه ... يعتبر اول
بنك سوداني يستعمل الاونلاين على نطاق واسع في
الخدمات التي يقدمها لعملاءه ...
(خدمات بنكك) ... الخدمات الرئيسية :-
تفاصيل واحد من الخدمات الرئيسية :-
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: Salah Zubeir)
|
الاحباب الكرام حبيبنا علاء
عالم المال معقد جداً ويحتاج الى كفاءات عالية جدا
بغض النظر عن الجنسية الدنيا اصبحت عولمة
حكاية السودنة ( ونحصر نفسنا ) على نطاقنا لا يخدم الصالح العالم
(( السودنة )) اكثر مصطلح اضاع السودان من قبل الاستقلال
رفضوا بقاء الموظفين الانجليز ( لاحظ الموظفين المدراء )
في مرافق الدولة المهمة :
السكة حديد
نقل الميكانيكي
الميناء .
ورشة الحوض
الجزيرة
................... الخ
وطلبوا مغادرة الخبرات الانجليزية
رغم أن الانجليز كان يريدون ان تنجح تجربتهم
ومن تلك الفترة اصاب الانهيار كل المرافق
العالم اليوم تبادل خبرات .. لا جنسية مؤهلات وكفاءات
الشخص المؤهل اصبح عالمي اليوم
بنك الراجحي في السعودية رغم الاتجاه الاسلامي للبنك
إلا ان أعلى وظيفة ادارية ومساعديه من الامريكان
المسألة كفاءة
كارثة السودنة ( أنظر الى أطلال السكة حديد والنقل الميكانيكي وورشة الحوض والميناء )
ولا أريد ان اشير الى مشروع الجزيرة ( يجلب الاحباط)
عندنا الحبييب علاء شوف مشروع البرقيق اسسه مستر لانق الاسكتلندي الى اليوم لا مثيل له
ثبت بما لايدع مجال للشك .. أننا في داخل الوطن لا نعرف كيف ندير .. في الخارج معليش
كمان يا علاء اننقا .. القمح تسعيرة 13 الف وفي السوق 20 الف
ياحظ البنك الزراعي .. ويا مصيبة اهلنا الترابلة
لأنك تعلم نحن كيف بنزرع في البلد وتعرف التكلفة علاء اننقا
واحدة من مساويء الادارة وقصور الفكر الاداري
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: Asim Ali)
|
Quote: مش ممكن يا علاء ده سبب نجاح البنك لانه في عهد اللصوص والحرامية معظم الموظفين في الدولة
وفي القطاع الخاص اشتهروا بالفساد والرشوة،،،وعشان كده اختاروا المديرين من الاجاتب،،،،
وانا عندي حساب في البنك ،وهو انجح بنك في السودان،،،، |
سلمات يا امتثال
من المعلومات التى تحصلنا عليها فى هذا الخيط انّ اكثر من 80% من أسهم بنك الخرطوم للخليجيين ( اماراتيين وسعوديين )
وانهم هم المسئولون عن ادارة البنك وهذا هو سبب نجاح بنك الخرطوم لان العقلية الادارية الخليجية تعرف تختار الشخص المناسب
فى الوظيفة المناسبة عكس العقلية الادارية الكيزانية فى السودان والتى كانت تقوم بالتمكين فى الوظائف بتعيين ( المحاسيب والاقارب والاصدقاء )
وهذا كان هو السبب الرئيسي فى دمار الخدمة المدنية فى السودان .
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: Asim Ali)
|
| Quote: كارثة السودنة ( أنظر الى أطلال السكة حديد والنقل الميكانيكي وورشة الحوض والميناء ) |
(كوارث) السودنة والكوزنة والبلشفة :-
التعليم :-
جامعة الخرطوم
جامعة القاهرة الفرع
جامعة أم درمان الإسلامية
جامعة الجزيرة
-------------------------
المدارس الثانوية الأشهر :-
حنتوب
خور طقت
وادي سيدنا
الخرطوم القديم
=============
الصحة :-
مستشفى الخرطوم وروافدها
مستشفى الشعب والذرة
مستشفى أم درمان
مستشفى بحري ..
مستشفى العيون الخرطوم
مستشفى الاسنان الخرطوم
مستشفى الولاده امدرمان.
مستشفى المناطق الحارة امدرمان الملازمين ...
==============
الرياضة :-
آخر جيل تم تدريبه علي يد مدربين أجانب
داخل انديتهم بدون إرهاصات السودنة كان
جيل ١٩٧٠ (كأس افريقيا) والذهاب إلى أولمبياد
موسكو (١٩٧٤) ومنذ ذلك الحين الله ابتلانا
بالسودنة ولا زالت رياضتنا واقفة في محطة
موسكو ١٩٧٤ ...
==============
الصناعة :-
المنطقة الصناعية بحري ومذبحة التأميم
والمصادرة لمصانع الزيوت والصابون والنسيج ...إلخ
مصنع بابنوسة للألبان
مصنع النسيج أنزارا جنوب السودان
مؤسسة الأقطان جبال النوبة ...
مصنع النسيج شندي ...
====================
مذبحة تأميم البنوك الأجنبية
باركليز وسيتي بنك والبنوك المصرية ... الخ
===========
تعرضت كل المؤسسات أعلاه للتدمير الممنهج بفعل
السودنة وبفعل التأصيل وبفعل التأميم والمصادرة ...
حا نلوص كدا إلي يوم يبعثون بفعل السودنة والكوزنة
والبلشفة والعساكر والمليشيات ...
تحياتي حبيبنا علي عبدالوهاب ...
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: Salah Zubeir)
|
شكرا حبيبنا صلاح الزبير
اذا لم نواجه نفسنا بكل شجاعة
ونصحح أخطاءنا لن نتقدم قيد أنملة
كل الدول بدأت بالنقد والصراحة والاعتذار
أتركوا الاشخاص حمدوك وغيرهم هم نتيجة لما نحن فيه
وفقه الله .. نعم يجتهد على قدر المستطاع
ولكن السودان غير ونحن ناس غير
قبل قليل في موقع النيلين الاخباري منقول عن الانتباهة
مقال (( أحمد يوسف التاي يكتب: هل أخطأ الذين وصفونا بالكُسالى))
شكرا صلاح الزبير
معليش علاء اننقا .. البوست جميل يلا ننقاش بكل هدوء وصراحة
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: ترهاقا)
|
Quote: ترهاقا
ياريت نمسكهم حتى البنك المركزي ووزارة المالية ، لانو بصراحة نحن
طلعنا حرامية وممكن نسرق مال اليتيم
|
ده بيعتمد نمسكهم فكلة زهجة بس ولا شغل مؤسسي.
Quote:
سخاروف ... الشيوعي الكلس ...
أنا وآلله أحترمك جدا لتعريفك بنفسك من قولة تيت ...
كتار جدا في جنبات المنبر خجلانين عديييل من يقولوها
ويختوها تخ زيك كدي في البروفايل مع إنو شايلين السيف
ويحاربو من أجلها وبعد دا ينكروها حطب ...
بالنسبة لموضوع البوست ... لسع ما وصلت لي فهم ما أقصده ...
|
برجوازينا,
لا توجد مشكلة. الشيوعيون يحترمون أنفسهم فيفرضون احترامهم.
أما ناكرينها وما ناكرينها فدي مسائل تنظيمية.
الباقي داك, ما تشغل بالك.
علاء سيد البوست,
شايف ما سألتني أرنوبة دي منو. :)
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: مازن سخاروف)
|
Quote: حسب افادة من اثق بهم
كلام صحيح
..
ثم
ناس البنك اياهم
كانو مضربين نهايات الاسبوع المنصرم
و تضرر الكثيرون
حولت لهم تحويل فورى مباشر يوم 9
قروش جامعة و لازم تدفع يوم 11
لغاية حسع ريالاتى ما عارفو وين
بنك الجزيرة السعودى يقول حولناها
و بنك الخرطوم سره ف بئر
..و يصر بنك الجزيرة ان الحوالة موجودة برئاسة بنك الخرطوم بعد مراجعة الحوالة
...
بس استغرابى فى الاضراب
..
علاء اخوى السودان كان ماشى لحتات بعيدة
و عوالم تانية
الشهداء و دافعى ضريبة الوطن من دمهم و جسمهم و سمعتهم و وقتهم و عمرهم
لهم التجلة و الانحناءة
... علما بان بنك الخرطوم كان من اميز البنوك ف وقت ما ... باركليز سابقا
..
شكرا علاء
.. مودتى و تقديرى |
سلام يا محمد بدرالدين
تعرف يا محمد حتة انو بنك الخرطوم كان فى السابق بنك باركليز الانجليزى وتم تحويله الى بنك سوداني باسم بنك الخرطوم
وعندما وجدت البوست المنشور فى الفيس بوك فى صدر البوست استغربت جداً الامر عدد كبير من المسئولين الاجانب
فى وظائف ليست نادرة ويمكن ان يعمل فيها سودانيين معقولة بلدنا ما فيها مسئولين بانكرز يشغلوا تلك الوظائف ؟
وكان من اسباب افتراع البوست التأكد اولاً هل فعلا هذا العدد المهول من المسئولين
الاجانب يعملون فى بنك الخرطوم ؟ والاجابة فى حال كان البنك سوداني بيور كانت ح تختلف .
لانه طالما البنك فيه مستثمرين اجانب فهذا من حقهم تعيين اجانب فى الادارة .
والمعروف انه احياناً وفى معظم البنوك حول العالم يتم الاعلان عن وظائف نادرة يحمل شهاداتها عدد قليل من الناس
ولكن لا يتم تعيين اجانب فى وظائف يمكن ايجاد مواطنين يحملون فيها الشهادات .
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: امتثال عبدالله)
|
Quote: سلام يا أبو الشباب
بنك الخرطوم إصلا إتخصص من زمان وإنتهي بمباركة المخلوع بشبش.
هل تعلم إنو الحكومة السودانية ما عندها ولا حتى خمسة في المية من بنك الخرطوم؟ أهه, شن قولك؟ |
يا مراحب يا سخاروف
تعرف يا مازن الكيزان سرقو كل شئ فى البلد وجاروهم الاجانب كمان تابع البوست المرفق وهو للزميل زهير عن بيع اسهم بنك الخرطوم
وكل الاسماء الواردة فى صدر البوست من القطط السمان :
الفاتح عروة يشتري أسهم فضل محمد خير ببنك الخرطوم !#
Quote:
الفاتح عروة يشتري أسهم فضل محمد خير ببنك الخرطوم !#
وافق رجل الأعمال المعروف ، نائب رئيس مجلس إدارة بنك الخرطوم فضل محمد خير ، على تسوية بقيمة 60 مليون دولار لإطلاق سراحه بصورة شبه نهائية وعدم تحويل بلاغه المدون في نيابة أمن الدولة إلى المحكمة . وقالت مصادر إن التسوية بلغت 50 مليون دولار ، و500 مليون جنيه سوداني ما يعادل نحو 10 مليون دولار ، فضلاً عن بيع فضل أسهمه في بنك الخرطوم ، البالغة أكثر من 25% من أسهم البنك ، وفرض عقوبات إدارية عليه. وقاد رجال أعمال وساطة خلال الفترة القليلة الماضية بحسب صحيفة السوداني لإنهاء قضية فضل من النيابة. واتهمت الأجهزة الأمنية رجل الأعمال فضل محمد خير بارتكاب مرابحات صورية وتجاوزات في لوائح العمل المصرفي. وأطلقت النيابة سراح فضل الخميس الماضي بعد إكمال إجراءات التسوية. (كوش نيوز)
التفاصيل: https://sudafax.com/111817[/QUOTEhttps://sudafax.com/111817[/QUOTE]
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: MOHAMMED ELSHEIKH)
|
Quote: امتثال عبدالله
سخاروف
وانا بالنيابة عن صاحب البوست علاء بسألك؛
ارنوبة دي منو!!؟؟
بس ما تقول لينا اللقو عندها 600 الف دولار في مطار ابوظبي،،،!!!!
|
Quote: علاء سيدأحمد
شايق امتثال سبقتنى وسألت والسؤال لازال قائم
أرنوبة دى منو !؟:)
|
إنتو الإتنين,
دي ولية شبك.
أصصصصصو خشمي ده ما بفتحو :)
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: امتثال عبدالله)
|
Quote: هسه يا علاء لو كان كلكت الروابط دي بنك الخرطوم- عن البنك
بنك الخرطوم - الإدارة
بنك الخرطوم - مجلس الإدارة
كان كفيتنا معطة الغلاط بين البرجوازي الكسول والقارئ بالركب.😛
في الروابط دي تشوف براك وشوف عين العقالات ونسفة الغترة الحمدانية في مجلس إدارة البنك. |
سلمات يا مولانا حافظ بشير
شكراً على الروابط والخيط افترعته عملاً بالمثل المأثور : نصف رأيك عند أخيك
والمعلومات تواردت بكثافة فى هذا الخيط .
وشكراً ليك وشكراً لجميع المشاركين فى اثراء البوست .
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: علاء سيداحمد)
|
Quote: امتثال عبدالله
سخاروف
ما دام قلت هي ولية شبك انا عرفتها،،،
واصلوا في زولة غيرها بتاعة شبك غيرها في
الدنيا دي،،،
وعشان انت قلت هي عندعا حساب في البنك ده،،،
فده طرفي منك اول ما ارجع حاقفل حسابي هناك
وافتح في اي بنك تاني،وخاصة وان معظم الذين علقوا
طلعوا بنك الخرطوم اسوأ بنك في السودان،،،
|
بت بلدنا,
واحد في الإتنين: يا ذكائك إجرامي لو الفي بالك نفس الفي بالي. يا إما إنت زولة على نياتك. ولا ألومك إطلاقا. لا يوجد خيار ثالث.
أديني فرقة يومين تلاتة بس أخلص كوم الورق الفي يدي, وأجيبها ليكم صورة وصوت.
| |
|
|
|
|
|
|
|
|
|
Re: هل الكلام دا صحيح !؟ ياريت من لديه معلومة !! (Re: مازن سخاروف)
|
Quote: كمان يا علاء اننقا .. القمح تسعيرة 13 الف وفي السوق 20 الف
ياحظ البنك الزراعي .. ويا مصيبة اهلنا الترابلة
لأنك تعلم نحن كيف بنزرع في البلد وتعرف التكلفة علاء اننقا
واحدة من مساويء الادارة وقصور الفكر الاداري |
سلام على اننقا
المقتبس اعلاه دليل دامغ على عدم وجود فكر اداري حصيف فى البلاد
بأى منطق انتا بترغم المزارعين يبيعوا محصول القمح للبنك الزراعى بسعر اقل من السوق !؟
على المزارعين عدم الرضوخ لهذا الابتزاز .
يا حمدوك انتا فى وادى والمزارعين فى وادى آخر الحق واصلح ما يمكن اصلاحه .
| |
|
|
|
|
|
|
|
| |
علاء سيداحمد
MOHAMMED ELSHEIKH
Salah Zubeir
Maawya Hussein
محمد بدرالدين
مازن سخاروف
Asim Ali
ترهاقا
Hafiz Bashir
Biraima M Adam
علي عبدالوهاب عثمان
Al Sunda
فيس بوك
تويتر
انستقرام
يوتيوب
بنتيريست