|
|
|
 Re: ظبطت القهوة فتواردت خواطر بوستات المنبر (Re: احمد عمر محمد)
|
الاستاذ أحمد عمر محمد
لك التحية مع وافر الود
أشكر لك ملاحظاتك عن حضوري بالمنبر ولكن أظن يومها كنت لا أعلم أهمية التفاعل مع الاخرين
أحمد الله علي قبولي منكم رغم زللي وقلة معرفة بقويم التعامل مع الاخر
وعسانا نجنح دوما للعقل والحوار
مع خالص التقدير
| |
  
|
|
|
|
|
|
|
|
Re: ظبطت القهوة فتواردت خواطر بوستات المنبر (Re: احمد عمر محمد)
|
| Quote: الجرجير والخيار والجزر |
أحمد ١٣ ... صباحات بحري تغشاك (نظام حندكه) ...
سلطتك دي يأ أحمد غيييييير ...
سلطتنا يا أحمد البنعرفا مكوناتا الطماطم والبصل
الأخضر بي صفقو والشطه الخدرا .. ولي الذواقا يضاف
بدرة الشمار الأخضر وزيت السمسم ... لا أتذكر بأنني
فطرت يوم في نهار رمضان منذ قبل البلوغ ... وتستمد
هذه الأكلة حلاوتها وطلاوتها بالزيادة في نهار رمضان
لسهولة تحضيرها بواسطة شياطين الإنس ...
احمد ... الكهربا ... الكهربا ياخي ...
البلد متبهدلا بهدله لا توصف ...
أمس الجمعه عادة لا توجد برمجه ... يعني لا قطوعات
للكهرباء طوال اليوم ... أمس كان يوم إستثنائي لبرنامج
القطع ...
ممكن يكون عادي القطع من الساعة ٢ ظهرا وارجاعها
الساعة ٦ مساء ... لكن الغير عادي قطعها الساعة ١١
وربع مساء وارجاعها بعد منتصف الليل بي ٢٠ دقيقة ...
والأنكأ قطعها الساعة واحده ونص صباح السبت
وارجاعها بعد الساعة ٣ صباحا ...
لقد تعودنا كمغتربين النوم داخل الغرف طوال أيام
السنة وفي شح الكهربا الحكومية وانتظار جيش
البعوض بالخارج تبقى المعادلة صعبة ... حتى
خيار المولد الخاص برضك أمام تحدي توفر
الجازولين المعدوم في طلمبات الخرطوم !!!!!
شفتا مصيبتنا قدر شنو ...
| |
|
|
|
|
|
|
|
|
|
Re: ظبطت القهوة فتواردت خواطر بوستات المنبر (Re: احمد عمر محمد)
|
يا ود الزبير الشفاتة بتاع الحلة كنا نشوفهم وقت
الظهر حين يخلد الكبار الى النوم يجازفوا الطماطم
وباقي المستلزمات وفي ازقة الاحياء والبيوت المهجورة
يمارسوا تجهيز السلطات
بعدين دكوتي دكوة من لا دكوة له واهو في النهاية
ظبطنا الشغل برغم عدم عدة الشغل بس اشتهيتها
عشان الفيديو اللي شاهدته.
الكهرباء عصب الحياة والله يأذي ناس البرمجة
والخرمجة البنطوا الجدول ويتصرفوا من عندهم.
| |
|
|
|
|
|
|
|
|
|
Re: ظبطت القهوة فتواردت خواطر بوستات المنبر (Re: احمد عمر محمد)
|
احمد عمر
اولا شكرا على هذه الوصفة من سلطة الدكوة....وطبعا عندنا هنا الدكوة جاهزة في برطمانيات ولكن طعمها
ما زي دكوة السودان المعمولة من الفول المدمس السوداني الطازة الFresh ..لكن اذا حاولنا نشتري الفول
المدمس هنا من السيوبرماركت ونطحنه برانا حنفلس لان الفول المدمس السوداني هنا غالي ...ونشتري
كيس صغير فيه حبات تعدها على اصابع اليدين بي ٩ دولار ونصف ،يعني سلطة الدكوة بتاعتك دي عاوزة
على الاقل ٤ اكياس للشخص الواحد،،،يعني حوالي ٤٠ دولار،،،يعني بالسوداني ١٦ الف جنيه سوداني،،يعني
عندكم هناك رخيص رخصة السنين....عشان كده حنكسل من حكاية نجرب سلطة الدكوة هنا في البيت...
وبي الاربعين دولار ممكن ناكل وجبة دسمة في اي مطعم في الفيفث افنيو، وهو اغلى شارع في العالم،،،،
وثانيا شكرا لمتابعتك البوست بتاع المهندس مرتضى،،،لكن اظنك انت ظلمته ظلم الحسن والحسين لاني
قرأت الكتاب كله وما لقيت انه بينسب اي نجاح في وزارة الري لنفسه،،،واظنه مهني وكفء وتكنوقراطي
متخصص في مجاله والا ما كانوا ناس حكومة مايو اختاروهو وزير للري وهو بعيد منهم وشغال في يوغندا
ويكون اختاروهو لانهم عارفين قدراته في الوزارة الكان بيشتغل فيها منذ عام ١٩٥١م بالاضافة الى مبادئه التي
اعجب بها ناس الانقلاب العسكري ومنها نزاهته ومحاربته للفساد،،،،
وعشان تعرف نزاهة الرجل ومبادئه الثابته تابع معانا عشان تعرف ليه ابوهو دقاهو بالعصايا وهو ليس بطفل
صغير ولكن رجل كبير ومتزوج وعنده اولاد وشغال وزير،،،،هسع كدى حاول تضرب ولدك عشان عينيك ما تشوف
الا النور ،زي ما بيقول عادل امام،،،،
| |
|
|
|
|
|
|
|
|
 Re: ظبطت القهوة فتواردت خواطر بوستات المنبر (Re: امتثال عبدالله)
|
Quote: يا muntsir
القونات بعدين يقولن
هااااي المنبر دي مالااااا
وناس abuhassin بيعرفوا للعب ده نحن طيبين اوي |
معقولة لكن يا احمد ياخ ..... !!!!!
تختني مع منتصر و القونات في مداخلة واحدة ... بشتنتني و بهدلتني و قللت من قيمتي السوقية ياخ ... 😂😂
طبعا دا كلو لو كنت المقصود انا لأني شايف اسمي زاتو مبشتنو .... 😂😂
| |
|
|
|
|
|
|
|
|
|
Re: ظبطت القهوة فتواردت خواطر بوستات المنبر (Re: علاء سيداحمد)
|
يا كاروري
احمد عمر محمد / محمد عمر
اسم خاطف لونين ولو انو صاحب
الرجيم شكلوا غلبتوا الشغلة فقال شنو
قال النشويات لا يعلى عليها ولا يمكن
الاستغناء عنها برغم قناعته ان النشويات
هو الطريق للسكر حيث انها تتحول إلى
سكر فركتوز ثم تصبح دهون تغلق منام
الشرايين حتى تغلقه لذا يجب ان تكون خطا
احمر لا يجب التساهل معه ورغم كده تلقى
الناس داقة جرس في انعدام الخبز.
عموما انا كمان عامل الريجيم المفتوح يا كاروري
وغيرت نظام الغذاء عندي للسنة الثالثة على التوالي
ويعاد ان وزني اخذ وضع متارجح كيلو زيادة وكيلو
نقيصة لكن تخليت عن النشويات من زمن والجديد الذي
ادخلته في النظام الغذائي حليب البل مع رقاق بالبر
عليه رشة عسل خفيفة من عسل مضمون على شاكلة
حليب من مزارعنا وعسل من مناحلنا.
والريجيم طريق جميل خفيف وصديق لطيف يمنحك
الطاقة والحيوية ولو شوفت البوست اساسا
كان انحراف من التمرين اليوم للدكوة المبكرة
على غير الطريقة المألوف.
تعالى يا احمد عمر وري الكاروري عامل شنو مع
الريجيم ما تكون بتتحاوم مع العزائم وبعت الخطة
| |
|
|
|
|
|
|
|
|
|
Re: ظبطت القهوة فتواردت خواطر بوستات المنبر (Re: Hasheem Karouri)
|
Quote:
الجمهوريين قلبوا المنبر بيت بكاء كل التعزية تنشر هنا
ذكرني هذا راديو امدرمان حيث كانوا يعلنون خبر الموتى
مع النشرات الاخبارية توفي بمدينة النهود الشيخ فلان
الفلانية والد كل من فلان وعلان الذي يعمل بالسكة الحديد
وسيشيع جثمانه الى مقابر حلة حمد |
ذكرتني ايام زمان لما كنا نتصفح الجرائد
صفحة الوفيات لو تذكرها.
| |
|
|
|
|
|
|
|
|
|
Re: ظبطت القهوة فتواردت خواطر بوستات المنبر (Re: Arif Nashed)
|
للامانة اعتقد في ذلك الوقت كانت هذه انسب الحلول لتصل الاخبار..
يا عارف كنا ننتظر الباصات القادمة يوم الاحد مثلاً وهي تحمل
معها اخبار يوم الجمعة التي قراءها الناس في الخرطوم صباح السبت
لتقرا في الاطراف بعد مرور 48 ساعة وهذا كان يجعل استخدام
الجريدة كواحد من الاداوت لنقل خبر الوفيات وربما كانت الاقل سعرا
مقارنة مع الاخبار التي تقرأ مع نشرات الاخبار في الراديو.
البعض ممن توفرت ولديهم اسائل التلفون بصورة مبكرة كانوا
مثل محطة التلفزيون ويستعين بهم الاهالي لتلقي الاخبار.
اذكر ونحن في المتوسطة كنا نذهب للكبانية الوحيدة في المدينة
التي تفتح لساعات معدودة في اليوم وتقوم بحجز رقم للاتصال
المحلي او العالمي وكان الخط يفتح بمدة معين تبدا اقلاها ثلاثة
دقيقة ووتصبح الدقائق الثلاث اجبارية السداد اذا تجاوز المتحدث
الدقيقة الاولى لذا كان شاطرا من يستطيع ان يوصل رسالته قبل
انتهاء الدقيقة الاولى لانه كان يوفر على نفسه قيمة الاتصال
العالية في حينه، واذا كان الخط سئيا و تجاوزت الدقيقة الاولى
اصبحت الثلاثة دقائق كاملة ملزمة السداد حتى لو تكلمت
دقيقة وثانية واحدة.
عموما تطورت الاتصالات والوسائل فاصبح الدفن نفسه
اسرع من الخبر وطبيعي ان يصلك خبر ودفن جارك في
اقل من نصف ساعة، بينما كانت تمكث الجنائز في وقت
مضى ساعات قبل ان يتم دفنها
اللهم احسن خاتمتنا يارب العالمين
| |
|
|
|
|
|
|
| |
احمد عمر محمد
زهير عثمان حمد
Salah Zubeir
محمد عبد الله الحسين
ABUHUSSEIN
Hasheem Karouri
علاء سيداحمد
Arif Nashed
فيس بوك
تويتر
انستقرام
يوتيوب
بنتيريست