|
Re: منقول: وفاة بروف عبدالرحيم البرعى (Re: Yasir Elsharif)
|
انا لله وانا اليه راجعون البروفسور برعي الذي حدثت وفاته بمركز العزل بجبرة. كان هاشا باشا صاحب نكتة وابتسامه دائمه مع طلابه . قدم الكثير جدا لجامعة الخرطوم اكاديميا سيبكيك طلابك وزملاؤك بجامعة الخرطوم ومجمع شمبات واصدقاؤك والبحوث البيطرية بالسودان ولا نقول الا ما يرضي الله
| |
|
|
|
|
|
|
Re: منقول: وفاة بروف عبدالرحيم البرعى (Re: Abureesh)
|
إنا لله وإنا إليه راجعون ... رحم الله الرجل اللبق الهاش المتخصص في تخصصه الطب البيطري ... يرسل المعلومة للمتعلم والأمي بضرر المرارة النية ولا يمنعها ولكن يقول شوحوها بالنار ... لم أعرفه تمام المعرفة بل معرفة التلفاز في برنامج صحة وعافية وقليل من سهرات يكون فيها حاضراً ... له الرحمة والمغفرة والتعازي لأهله وأصدقائه وطلابه عبر الوطن وخارجه ...
| |
|
|
|
|
|
|
Re: منقول: وفاة بروف عبدالرحيم البرعى (Re: Hassan Farah)
|
كتبت الأستاذة وفاء عصام عبدالرحمن البوشي
بالأمس نهار الجمعة فقدنا العالم الجليل بروفيسور عبدالرحيم السيد كرار السيد المكي السيد إسماعيل الولي (برعي) وهو إبن خال جدي الشيخ مدثر الشيخ علي البوشي, إشتهر بعلمه وروحه خفيفة الظل وسرعة بديهته. فليكرمه الله بما هو أهله وإنا لفراقه لمحزونون. أحسن الله عزاء زوجته السيدة جلاء إسماعيل الأزهري وإبنه وكل السادة الإسماعيلية وآل البوشي وكل زملائه الكرام بجامعة الخرطوم كلية البيطرة والشئون العلمية ومجلس أمناء الجامعة الأهلية بمدني وطلابه وجميع من رافقه في رحلته.
كتب لي قصيدة ( بالاحري ألفها في لحظات) حين اتي لزيارتنا بمنزلنا في مدني مباركا لي نجاح الدخول للثانوي العالي. له أجزل الشكر بما ادخله الي قلبي الطفل، في ذلك الحين، من فرح، فليفرحه الله إينما حلت روحه وليوسع مرقده ويجعله طاقة من طاقات الجنة.
| |
|
|
|
|
|
|
Re: منقول: وفاة بروف عبدالرحيم البرعى (Re: Abureesh)
|
بروفيسور برعي أعظم شخصية لاقتني في التعليم العالي رجل شجاع وبختها بب وبنتقد الحكومة والعساكر في عز سطوة الإنقاذ بدون أي مهاباة رغم مركزه في الاتحاد المهني لأساتذة الجامعات من الحاجات السمعتها منه مباشرة: (أنا بروفيسور أي شهادة بتتعمل في الدنيا دي عملتها قريت في اوربا وأمريكا ودرّست في أغلب جامعات السودان لما جيت انزل المعاش حقوق نهاية الخدمة حقتي كانت 30 مليون وملازم في الجيش عمرو ما تامي 30 سنة بنزلوهو بي 150 مليون وتقولوا لي البلد دي بتتقدم؟ أكتر من 40 سنة في خدمة التعليم ولسة ساكن في بيت نسابتي) التقيته في واحدة من دورات الاتحاد وكانت في مركز التطوير المهني في جامعة الجزيرة كنا بندرس في القاعة المجاورة لكلية العلوم الرياضية
وأول ما نشوف لمة زي دي وكواريك وضحك بي صوت عالي ...
بنعرف إنه طلبة الحاسب لموا في بروف برعي وخلوا المحاضرات وبقوا حارسينه لحدي ما يطلع مدير المركز يحنس الطلاب يقول ليهم بس سلفونا ليه ساعتين يدرس محاضرته وبنرجعه ليكم تاني
عبارة عن ضحكة تمشي على ساقين .. ينشر الفرح أينما حل وله كاريزما عجيبة أتذكر في دورتنا دي كان في اساتذة من كلية بعيدة ومعاهم عميدهم حاضرين في الدورة وكان في استاذ منهم ماسك منصب إداري وعامل كفوة وكانوا عاملين لجنة محاسبة أثناء الدورة وبلغوهم بنتيجة المجلس ونحن في الدورة .. بحسب كلام زملاؤه قالوا لجنة المحاسبة قررت إعفاؤه من المنصب الإداري فوراً ورفع نتيجة التحقيق للوزارة تمهيداً لفصله ولأنه الاستاذ صاحب الكفوة كان زول بتاع ضحك ونحن كنا معدين 3 يوم في الدورة بنتلم من الصباح للمغرب الناس اتعاطفت معاهو وكلهم أجمعوا على إنه مشكلته دي ما بحلها ليه إلا بروفيسور برعي .. وهو ولا كضب مشى قعد معاهو راس حكى ليه الحاصل الموضوع ما أخد من البروفيسور 10 دقايق جاء طوالي اتكلم مع العميد اللي كان مافي زول قادر يقرب ليه وقعد يحكي ليه نكات ويضحكه ويقول ليه كلام من نوع ياخي ديل شباب طايشين ياداب في بداية حياتهم المهنية نحن الكبار ديل نقيف معاهم في عثراتهم وما نحطمهم من أول غلطة .. ووالله قرار لجنتكم دة على راسي من فوق وهم طبقوا القانون لكن انا وانت أساتذة وقدوة ما محامين ولا قضاة خلينا نعالج المشكلة دي بي حكمة الناس الكبار وظل يلح عليه وسط مساندة الناس لحدي ما العميد قال ليه خلاص ما بنرفع الموضوع الوزارة لكن قال ليه لا لا كدة ما رضيتني .. ولدي دة يكتب خطاب اعتذار ويرجع منصبه الإداري تاني وصدقني بعد الضاقها دي تاني حيكون أحرص زول وما بغلط كلو كلو .. في النهاية العميد قال للاستاذ الشاب جيتني بالواسطة الما بتترد .. لو اتكلم معاي في موضوعك دة أي زول في الدنيا بقول ليه دي قرارات مجلس ما عندي عليها تحكم لكن والله بروف برعي دة ما بنقدر ننزل كلامه واطة كلو كلو
رحمه الله كان ملاكاً يمشي على الأرض وينشر الرحمة والبهجة بين عباده
| |
|
|
|
|
|
|
Re: منقول: وفاة بروف عبدالرحيم البرعى (Re: زهير حيدر صديق)
|
رحمه الله رحمة واسعة وأسكنه فسيح الجنات
بقدرما قدم من علم في مجاله وأجمل ما عرفنا أنسانيته وتبسمه لطلابه ، وبث روح الدعابة فيهم بتواضعه وعلمه الجم .
ليت بعض الدكاترة في الجامعات تواضعوا قليلا أو حتى تبسموا في وجه طلابهم .
كما أترحم على الدكتور عماد بجامعة السودان كلية الهندسة الذي رحل قبل أسابيع وترك حسرة على طلاب الهندسة
فقد كان أستاذا مميزاً بخلقه وحسن تعامله مع طلاب الهندسة ، أتلقيته مره حينما درس إبني الهندسة في الجنوبي .
رحمهم الله جميعا .
| |
|
|
|
|
|
|
|