قصيدة بكائية جاءتني عبر الواتساب باكية بدمع يكاد ان يكون دماً نازف من قلوب الامهات والاباء والفلذات التي خاضت كل صعاب العام السابق التي لا تخفى على احد منا وعبروا بنجاح مشرف ولكن خاب فالهم فالمليار عقبة كود تقف حاجزا امام احلامهم المشروعة وبكل اسف لم يفصح عن شاعرها كان رجل ام امرأة واليكم القصيدة البكائية : مليار من وين يا بت الزّين؟ مليار من وين ؟ لقروش الطب ... وبيتنا الطين لمبة جاز وجاز من وين ؟ شمعة تضوي هي نور العين (ونور ) بتّي نوري الزّين ثلاثة صباحا شايفك انت تكابسي الشنطة والناس نايمين لون اقلامك .. صوت احلامك وتكتبي انت.. يارب طب .. يارب ناجحين ضو الشمعة بيرقص ليك وانت بتقري ما شفتك نمتي ما شفت عيونك ديل قافلين أمك سهرانه في صف العيش ناوية تقابلك باللقمة دغيش عشان تحشيلك بالطعمية لقيمة زادك مع الميتين وانا بأتمني اشوف بتي بالسماعة وابرول ابيض خريجة الطب .. وملاك طيبين سهر ليلاتك دعوات اماتك وصبر ابواتك وفرح اخواتك بنتيجة الجامعة الفوق تسعين وجات النمرة فوق تسعين وفوق التسعة زايده اتنين رضاء ابواتك وفرح اماتك وابرول ابيض لكن من وين ؟ مليار من وين ؟ مليون من وين ؟ دمعة في خدك وغُصّة في حلقك وحسرة في قلبك في التسعين وفوق الحسرة كسرة عين وفوق الطب مليار من وين ؟
يا حمدوك يا بت الزين ؟ يا ظُلام المقهورين ؟ يا كاتلين احلام اولادنا ويا سارقين عرق اولادنا ويا كاسرين قلوب اولادنا ويا حاقدين علي الناجحين ديل من وين ؟ قالوا عدالة وديل من وين عرفوا غلابة ؟ وديل من وين عرفوا الزين ؟ ديل من وين ؟ قحّطوا لينا الفرح الباقي. و كسروا قلوبنا العين ما تلاقي وبهدلوا حال المستورين ديل من وين ؟ كملوا زادنا وقلّ رقادنا ومحقوا الباقي عايشين بالدين ديل من وين ؟ بدلوا حال الناس بالشفقة وحتّوا الشجر عدموه الصّفقة وطردوا الفقراء وشالوا النبقة وحتى احلامنا ربطوها بعقبة عقبة مليار الزفت الطين وشالوا مننا نور العين ديل بالله جو من وين ؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ali Alkanzi
فيس بوك
تويتر
انستقرام
يوتيوب
بنتيريست