|
Re: صادفني الحبيب .. (Re: عبدالله عثمان)
|
Quote: أميل ثملان وليهو قلبي سلمتو |
حايمة في لساني ليها أسبوع تمام جبتها إنت .... تشيخني و ل أشيخك ...؟؟؟؟ أحمد المصطفى و ما أدراك ما أحمد المصطفى وجيه الخلقة و الأخلاق و الأناقة و الغناء لم كل الوجاهات ..... بجيك تاني ....
| |
|
|
|
|
|
|
Re: صادفني الحبيب .. (Re: ABUHUSSEIN)
|
مولانا محمد المرتضي سلام الله عليك ومتعك ربي بالعافية تبهرني دوما برشيق العبارات وتكتب بقلب عاشق بالرغم من صعوبات دنيانا وأحزاننا انت مشرق بنبيل المشاعر انداح وهذا فيض الكرام في زمن اللئام امتعنا لقد ماتت فينا اشياء كثر لك محبتي وكل اجلالي استاذي
| |
|
|
|
|
|
|
Re: صادفني الحبيب .. (Re: زهير عثمان حمد)
|
العزيز الحبيب زهير.. أدرك جيدا أننا جميعا نمر بظروف استثنائية ونعيش غربة 3D لكن يا بركة ليس لنا خيار في قدرنا، نحن محبَطون وهذا الإحباط جاء نتيجة طبيعية لصمت دام 30 عاما ، قلة من تلك الملايين وقفت في مواجهة الظلم والفساد، كان لابد أن تكون الفاتورة كما ترى.. لكن برضو يا بركة المسألة ليست كلها من صنع التتار، الله لا عادهم، كلنا ساهم في التردي منذ الإستقلال .. ياخ كلما أشوف لي قائمة دوليه ألاقي البلد الطيش وتاني الطيش لكن بعد التتار أصبحت في العشر الأوائل ، في قوائم الفساد.. أنا متفائل بأن أحفادنا سيكونوا أفضل حالا بعد ذهاب الشايفم ديل ، بتاعين المحاصصات ديل.. أرقد عافيه.
| |
|
|
|
|
|
|
Re: صادفني الحبيب .. (Re: ABUHUSSEIN)
|
Quote: حايمة في لساني ليها أسبوع تمام جبتها إنت .... تشيخني و ل أشيخك ...؟؟؟؟ |
دا كلام دا يا سيدي؟ ياخ إنت يزورو فيك .. إنت تروِب المويه .. بس أدعو لينا ، يعني هو شيخ اللمين، قدس الله سره أيا كان موضع السر في هولندا ولا مع مناوي، أحسن منك بشنو!! لينا بحالكم ياخ. قت ليك أدينا الفاتحه..
| |
|
|
|
|
|
|
Re: صادفني الحبيب .. (Re: محمد المرتضى حامد)
|
محمد المرتضى حامد يا رائع وما احلى ساعات اللقاء كل شىء يا حبيب جميل .... وكاسات الهنا في ملتقانا ..وياهواي ويا السادة ألميني .. وانت ماشي نحو الحبيب وصادفته ومن ثم مافي أي طريق الا (حبيبي انا فرحان) الكان ولازال مرسوم في الضمير بنفس تفاصيلها وصفاتها (الهادية وراضية) ومهما تكررت محاولات النسيان الفاشلة (حاولت انساك) يا محمدالمرتضى حامد ولكن قلبي زاد في جروحه معاك فعلا تحلى اللقيا وبالانتظار (ما احلى ساعات اللقاء) الاتعملت سنة1944 في زيارة الوفد الفني للترفيه عن جنودنا المستبسلين في الكفرة نواحي ليبيا كتبها (خالدابوالروس) ولحنها سرور من الاشياء المزعلاني جد ان سنة 1943 احمدالمصطفى وسرور عملوا شريط سينمائي في مصر اسمه (الاسكتش السوداني) غنى فيهو احمدالمصطفى بركات (عايزين نكون في مقرن النيلين) و (اسمعني نغم حالي) وسرور غنى لى كرومة (هل تدري يانعسان) الشىء البزعل ان (الفيلم) دا ضاع ايوة ضاع .. بعد ما اتعرض في السودان تاني يوم لقوهو مافي والنسخة التانية كان ضمن تلفيات حريق مصر وبى كدة الشعب السوداني ما شاف الحاج محمد احمد سرور
| |
|
|
|
|
|
|
Re: صادفني الحبيب .. (Re: Ahmed Yassin)
|
Quote: وما احلى ساعات اللقاء كل شىء يا حبيب جميل .... وكاسات الهنا في ملتقانا ..وياهواي ويا السادة ألميني .. وانت ماشي نحو الحبيب وصادفته ومن ثم مافي أي طريق الا (حبيبي انا فرحان) الكان ولازال مرسوم في الضمير بنفس تفاصيلها وصفاتها (الهادية وراضية) ومهما تكررت محاولات النسيان الفاشلة (حاولت انساك) يا محمدالمرتضى حامد ولكن قلبي زاد في جروحه معاك فعلا تحلى اللقيا وبالانتظار (ما احلى ساعات اللقاء) الاتعملت سنة1944 في زيارة الوفد الفني للترفيه عن جنودنا المستبسلين في الكفرة نواحي ليبيا كتبها (خالدابوالروس) ولحنها سرور من الاشياء المزعلاني جد ان سنة 1943 احمدالمصطفى وسرور عملوا شريط سينمائي في مصر اسمه (الاسكتش السوداني) غنى فيهو احمدالمصطفى بركات (عايزين نكون في مقرن النيلين) و (اسمعني نغم حالي) وسرور غنى لى كرومة (هل تدري يانعسان) الشىء البزعل ان (الفيلم) دا ضاع ايوة ضاع .. بعد ما اتعرض في السودان تاني يوم لقوهو مافي والنسخة التانية كان ضمن تلفيات حريق مصر وبى كدة الشعب السوداني ما شاف الحاج محمد احمد سرور |
هسه يا أحمد الفيلم بتاع (الكفره) الضاع دا زعلني كما لو أني كنت حارسا له. ياخ نحن الضاع مننا شويه؟ أحد المسئولين السابقين في إذاعة الهم دي حكى لي قصص لامن قلت ليهم أسكت ياخ أنا عندي كل أمراض المناطق الحاره والباردة ومتلازمات السافنا الفقيرة، فبالله ما تحرق قلبي زياده، لا سيما ما حدث في عصر التتار الغيهب الله لا عادهم.
هسه يا ود ياسين إنت جايب لي لستة الخرائد والروائع دي وعايزني أكون مرتاح؟ ياخ العميد دا لامن يقول طار قلبي تحس بأن القفص الصدري مكتوب عليهو للإيجار والضلوع في فراغ وتحس كأنك طفل ضاع من والديه في مزدلفه، بنفس القدر لامن يقول حبيبي أنا فرحان ، بس زي سقوط الأنظمة الدكتاتورية العسكرية ببيان من الثوار، زي الهدف الذهبي في نهائي كأس العالم ، أي أغنية ممكن تغير اتجاهك لأنه يؤديها كما ينبغي أن تؤدى وكما أراد لها شاعرها.. حتى (فارق لا تلم أنا أهوى الألم) . أحمد المصطفى، يا أحمد ياسين ، لامن ينطق كلمة (ألم) تحس بحوجة ماسه للمورفين والباسادين .. عجيب ياخ..
| |
|
|
|
|
|
|
Re: صادفني الحبيب .. (Re: محمد المرتضى حامد)
|
Quote: دا كلام دا يا سيدي؟ ياخ إنت يزورو فيك .. إنت تروِب المويه .. بس أدعو لينا ، يعني هو شيخ اللمين، قدس الله سره أيا كان موضع السر في هولندا ولا مع مناوي، أحسن منك بشنو!! لينا بحالكم ياخ. قت ليك أدينا الفاتحه.. |
بالغت معاي يا ابو اكرم .... !!! ما لقيت الا شيخ الجكسي المحايتو بيبسي ... ؟؟؟؟ الايام دي شايل ليه رشاش بستقبل بيه كبار الزوار يفك ليهم مجموعة في السما ... شفتا وصلنا وين ؟؟ و الجاغريو يقول ليك بي حشمة سالمني و دا يسالمك بي رشاش ... 😂😂😂
| |
|
|
|
|
|
|
Re: صادفني الحبيب .. (Re: ABUHUSSEIN)
|
الجميل الوريف الشفيف مولانا محمد المرتضى عمي الجاغريو ده كان زول ما عادي ابدا ابدا فحتى الكلام الحكوه لينا عنو شي خرافي فكدي احكي ليك موقف عنو ،،، يقال انو حصل قطيعه بينه وبين عمي عبد القادر مضوي ( ده الجنن عبد القادر ) لفترة لم تمتد طويلا لانو هم الاثنان كانا لا يقويان على فراق بعضهما وبعد فترة كتب الجاغريو قصيده في هذا الخصوص بعد ان ضاق زرعا بفراق صديقه ورفيقه ويقال ان الجاغريو كتب القصيده واعطاها لاحد الاخوان لكي يوصلها لعبد القادر مضوي وعندما وصلت القصيده ليد عمنا عبد القادر مضوي في لحظتها اصبح يبكي بكاءا حارا وفي حينها طواااالي فتح الباب ومشا وهو يبكي لغااااية بيت عمنا الجاغريو ودخل ووجد الجاغريو امامه وحضنه واصبحا يبكيان الاثنان الى ان جاء اهل الفريق وفكو بينهما وبعدها رجعت المياه لمجاريها والقصيده تقول :: حيرت بلابل الدوح في الحنين والسهاد والنوح فارقني حبيبي فارقني فارقني دون اسباب اسالوه يا احباب عن شنو عن شنو ؟ عن اخلاصي ليهو الزاين حليهو لو صد وجفاني انا بخضى روحي تروووح ... ..... الخ
اما عن عمنا عميد الفن احمد المصطفى فهو فعلا عميد الفن بلا منازع وحكاويه مع الناس تطول وتطول ,,,احمد المصطفى كان مصال للفنان صاحب الرسالة الاجتماعية قبل الفنية فقد كان مثالا في الاخلاق والقيم والنخوة والطيبة والرجولة والشهامة والرقي ولاتحضر والفهم العالي والزوق الرفيع ,, وكانت توأمته مع الجاغريو توامه عجيبه انتجت لنا اجمل ما تغنى به احمد المصطفى ,,,, ولي عودة
تحياتي : ياسر العيلفون .....
| |
|
|
|
|
|
|
|