نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: لما نطلع على نايل سات والقمر الأوربي دي بر (Re: توفيق عيسى مكي)
|
كل البرامج دي معدة جاهزة مذيعاتها جاهزات كل المعينات شغالين نكملها بندفع مال حر عشان نصنع سودان قوي مارد حر ودي عينة من البرامج : 1- برنامج ثورتنا الاقتصادية 2- برنامج الهدف السوداني المقدس 3- برنامج أطفالنا والتنمية 4- برنامج اقواس قزح سودانية 5- برنامج البيت السعيد 6- برنامج أقمار سودانية 7- برنامج لقاءات اقتصادية 8- برنامج تيك توك إنتاجي سوداني 9- برنامج قضايا الساعة 10- برنامج نفير الشفافية 11- برنامج حصاد كوش 12- برنامج ريحانة وفراشة وكركدي 13- برنامج ارياف سودانية غنية 14- برنامج نهضتنا 15- برنامج التنمية الريفية 16- برنامج تطبيقاتنا الإنتاجية 17- برنامج تكنلوجيا المعلومات 18- برنامج العمل الموحد 19- برنامج التصنيع الحربي 20- برنامج الناس والحياة المعاصرة 21- برنامج النظم التسويقية الحديثة 22- برنامج مركب على الله 23- برنامج بلادي 24- برنامج الطفرة 25- برنامج القفلة 27- برنامج منو معانا 28- برنامج مستحضرات تجميل سودانية 29- برنامج تراثنا الاقتصادي 30- برنامج فلكلور وديكور سوداني 31- برنامج استطلاعات اقتصادية 32- برنامج تعالوا نتفاكر لبلدنا 33- النشرة الاقتصادية الأسبوعية 34- برنامج الرياضة والفن والاقتصاد السوداني 35- برنامج التنمية العمرانية
| |
|
|
|
|
|
|
Re: لما نطلع على نايل سات والقمر الأوربي دي بر (Re: توفيق عيسى مكي)
|
قبل نصف ساعة واحد أخو وحبيب عرف داير اعمل شنو قال لي عندي شقة مؤسسة تعال شوفها لو بتناسبك ابدأ فيها انا ما داير منك حاجة هو زول فردة ربنا فاتحها عليه مالك عييييك نص البلد ربنا لما يدور يسهلها بيسهلها لأن ده عرض جانا من الله فوق من غير حساباتنا مع العلم الآن شغالين نجهز في استديو داخل مقرنا الصغير في بحري وكنا مقرريين من السبت نبدأ شراء الأجهزة والعدة الأمور ماشة تمام الحمد لله
| |
|
|
|
|
|
|
Re: لما نطلع على نايل سات والقمر الأوربي دي بر (Re: توفيق عيسى مكي)
|
اليوم نحن على السوشال ميديا بنحقق انتشار كبير كل يوم بتقود القناة اليوم الأستاذة الإعلامية إسراء بابكر لدينا استاف كبير جدا أغلبه اون لاين بعقود رسمية الباقين جذء بالإنتاج وجذء مؤمن ببلده زينا نعم كلهم مؤمنين زينا بس ديل ما حوجونا لعقود رسمية وهم ماسكين أمر الشغل فيهم كمية مقدرة مواليد 2000 فما فوق بعقول 50 سنة وفيهم المهندس (هندسة عديل ما it) والإعلامي والتقني وناس علوم الاتصال والتسويق والاقتصاد والإدارة والمحاسبة والدكاترة التخصصات كتيرة بس ديل المتذكر تخصصاتهم الليلة انا نفسي ما قادر أعد عدد الشباب ديل لأنهم كتيرين كل ما نحتاج لعمل معين يتسابقوا لاداءه عندنا ناس موهوبين بنرعى موهبتهم اول والله لم نجتمع أو نكون عاملين ورشة في مكاتبنا بفاجؤني بتوليهم كل الحاجات حتى المالية اقول ليهم في قروش يقولوا لي جيبها قروشك دي محتاجنها في الشئ الفلاني لكن الفعالية النحن فيها اتقاسمنا تكلفتها أقسم بالله الشباب فيهم روح جميلة جمال ما طبيعي وصادقين في حبهم لبلدنا صدق عجيب
| |
|
|
|
|
|
|
Re: لما نطلع على نايل سات والقمر الأوربي دي بر (Re: توفيق عيسى مكي)
|
القادرين كانوا يساعدوا اقصى ما لقينا منهم بيدونا أمل لكن حقيقة ما قاعدين نخت زول في حساباتنا مهما كان كلامه جادي هنا في المنبر ده كم واحد عرض يرسل قروش أو يقدم معين لينا في العام أو الخاص نهائي ما كسفناهم أو قفلناهم لأنه نحن ناس واقعيين جدا والدنيا دي واقعة لينا صاح بدليل الرئيس الكوري بنفسه كرمنا بشهادة بنعتز بيها معلقة اليوم ومبروزة في مكتبي خلف طربيزتي انه الكلام ده بيتخت في جانب التشجيع والإعجاب بعملنا
| |
|
|
|
|
|
|
Re: لما نطلع على نايل سات والقمر الأوربي دي بر (Re: توفيق عيسى مكي)
|
أكبر خطأ وقعنا فيه وبنعترف بي كده في يوم من الأيام اعتقدنا انه الدولة ممكن تسندنا وتساعدنا كان عينيا أو ماديا خصوصا أيام رعايات وزارة التجارة أو الإعلام أو الاتصالات ناس المركز القومي للمعلومات كانوا واضحين معانا انهم يدعمونا تقنيا وعلميا ويوجهونا الأوجه السليمة الممكن البلد تستفيد عبرنا بيها زي ما وجوهنا نعمل تطبيقات إنتاجية ونتخصص في جانب واحد يكون مرجعية للدولة المضحك جدا نحن صرفنا أموال ضخمة على الناس الرعتنا أمكن عشان كنا محتاجين اعتراف الدولة بينا
| |
|
|
|
|
|
|
Re: لما نطلع على نايل سات والقمر الأوربي دي بر (Re: توفيق عيسى مكي)
|
قلناها كتير ما بيهمنا منو الحاكم البلد دي مسائل سياسية يعني فرعية البهمنا الاقتصاد والسودان مين يكون هو الحاكم نحن سند ليه بدون حدود نقدم ليه كل ما يطلب بدون مقابل كضريبة بندفعها لبلدنا أغلى من القروش ايي زول الناس تتوافق عليه أو بالصدفة ملك سلطة بلدنا نحن تحت أمره لكن التجربة علمتنا متين نعطي وقدر شنو وده لسبب بسيط جدا هو وجودنا في الساحة وان نعمل بحرية في ملايين غيرنا دي شغلتهم النزاع في السلطة اتنازعوا زي ما دايرين البترسى عليه نحن سنده لأنه ببساطة هدفنا السودان فقط وانسانه مهما كان
| |
|
|
|
|
|
|
Re: لما نطلع على نايل سات والقمر الأوربي دي بر (Re: توفيق عيسى مكي)
|
بعدين لما الناس كلها تكون شغالة سياسة وأعمال اجتماعية منو الحا يشتغل اقتصاد ما لازم نكون نحن ويجو ناس ينافسونا ونكتر ونسحب كتير من الناس الزمان كانوا بيقولوا ما عندنا قضية بالسياسة وبنكرهها لازم نكون ليهم بديل يملأ نفوسهم واحلامهم معانا عمل حقيقي كان زراعة ولا صناعة ولا أي قطاع من ال 25 قطاع الشغالين عليها ونحقق التوازن الطبيعي المفروض يحصل
| |
|
|
|
|
|
|
|