|
Re: سواقة الخلا .... التصريح بتعويم الجنيه السو (Re: توفيق عيسى مكي)
|
هل عشان الشعب السوداني جاهل بالاقتصاد تستغلوه وتضحكوا عليه الشعب ابتداءا من الشريحة المتعلمة البتتشعبط في أي علم عاملة عارفاه وهي جاهلة جدا الواجب من المختصين والاقتصاديين للأمانة تنوير الشعب باللغة الساهلة ليه ويعرفوا من البداية اقتصاد زاته شنو السياسة كذب وخداع انهبوا بيها زي ما دايرين بس ما تدخلوها لينا في تغيير أصل العلوم خصوصا الاقتصاد خصوصا معاش الناس
| |
|
|
|
|
|
|
Re: سواقة الخلا .... التصريح بتعويم الجنيه السو (Re: توفيق عيسى مكي)
|
وقصة التعويم بالبلدي هي كان الناس بيقيموا عملتهم بما يوازي المكتوب فيها ذهبا أي بتستند على الدهب أي قيمة الورقة عبارة عن صك يحمل قيمته ذهبا قامت امريكا طبعت صكوك اكتر من الدهب العندها انجلترا كشفتهم وبدأت تسحب منهم عملتهم بقيمتها الذهبية لانها كانت طالباهم قروش كتيرة لكن الأمريكان فطنوا للحكاية دي ودعوا لمؤتمر دولي ولأنهم كانوا خلاس سادوا العالم قالوا للناس سيبوا قاعدة الدهب واعملوا الدولار قاعدة وأنه الدولار هو زاتو دهب قيمته 35 جرام ولأنه هم محتالين ويهود دايرين يخموا قروش العالم مقلبوا العالم كله وقال رئيسهم نيكسون انو الدولار في نفسه أقوى من الدهب فما عندنا حاجة اسمها قطاء بتاع دهب يعني أصبح عايم ساي من هنا جات قصة التعويم وان تحديد سعره بيرجع للعرض والطلب للكتلة النقدية والقيمة الممكن الزول يشتري بيها
| |
|
|
|
|
|
|
Re: سواقة الخلا .... التصريح بتعويم الجنيه السو (Re: توفيق عيسى مكي)
|
أسوأ تعامل في التحويلات هي التحويلات الكيري تأخير في الاستلام الزول البيسلمك بيفتري عليك ياخرك بمزاجو يقفل تلفونه ما يفتحه إلا يضمن كاش حتى لو اخرك 3 يوم زماااان واحد سلمني بعد أسبوع زماااان فرق سعر خسرنا في يوم 40 الف بيزوغوا لم السعر ينخفض بيزوغوا بقروش الناس لم يخسروا قروشهم الدولة أضمن وكتيييير
| |
|
|
|
|
|
|
Re: سواقة الخلا .... التصريح بتعويم الجنيه السو (Re: توفيق عيسى مكي)
|
الدهب هو أمن غطاء للمجهود واحسن ادخار
البيتكوين بعد الارتفاع الي 58 نزل العملات الرقمية الان تنافس الدولار اما احفظ مالك فهو الذهب ، لا يرتفع لانه محارب ودول تسعي للاستحواذ عليه بسعر منخفض و لن تسمح بارتفاعه ، علي الحكومة ان تدخر جزء منه وكذلك الافراد ويجب التخلص من عقلية ان اكتنازه حرام ، الاية تتحدث عن استغلال البشر بامتناعه ونحن نريد فقط الاحتفاظ به لتوفير الخبز و الجميع
| |
|
|
|
|
|
|
|