|
|
|
 Re: وهمة التحويل عن طريق الويسترن يونيون وبنك (Re: Khalid Abbas)
|
أنا برضي سمعت الكلام ده من بعض الأصدقاء وقلت ياهو الواحد يجربهم لمرة واحدة وأخيرة..
واتضح لي بيان بالعمل إنو المسألة يا يكون عندك واسطة في البنك ـ أو يكون المستلم ضابط شرطة ( ولا سجم رماد ) ـ أو على حسب مزاج الموظف القدامك
لأنو أنا هدا قدامك شخصياً جربت بي نفسي ـ و عملت تحويلين لشخصين مختلفين ـ وهم ناس عاديين ساكت يعني ـ مواطنين عاديين يعني ـ ورفض موظفي البنك في الفرعين المختلفات تسليمهم التحويل بالدولار بحجة انو السعر ما جاهم من بنك السودان ـ
وأنا ما عارف علاقة الزول المستلم أو المحول بالكلام الكتير ده شنو
| |
 
|
|
|
|
|
|
|
|
Re: وهمة التحويل عن طريق الويسترن يونيون وبنك (Re: Abureesh)
|
يا الهادى كلامك دا عن حالة معينة.. أنا حولت لبورتسودان لقريب (زول عربى ساى).. وأديته الرقم وعنوان الوكالة (ما بنك بالمناسبة وإنما وكالة وسترن يونيون).. وأعطيته تلفون الوكالة وعنوانها
فى بورتسودان (وسترن يونيون عندا 3 وكلاء فى بورتسودان وما فيهم بنك).. مشى الشركة الوكيل خيره بين الدولار والجنيه.. أختار قريبنا الجنيه لأنه أعطاه إياه بسعر السوق الموازى وليس سعر البنك)
انا طلعت ليه رقم التلفون وعنوان الشركة بعد شلتهم من موقع وسترنيونيون WU Branches
زولك وقع مع زول خالف إتفاق وسترن يونيون مع البنك أو الوكالة ولو إتصل بالشركة لسحبوا من البنك التوكيل. لكنه زى السودانيين، مساكين أى كلام المسؤول يقوله ليهم يسكتوا ويمشوا. يعنى
بس لو قال ليه خلاص ما دام كدا أنا ما أستلمه وأخلى أخوى فى أمريكا يرجع القروش ويذكر ليهم السبب.. لو قال ليهم كدا أكان تشوف الموظف طلع بر الشباك وسلمه الدولارت وكمان اعتذر ليه.
| |
|
|
|
|
|
|
|
|
|
Re: وهمة التحويل عن طريق الويسترن يونيون وبنك (Re: Elhadi)
|
| Quote: البنك المركزي يعلن تعويم الجنيه "تحرير سعر الصرف" |
قال ليك البنك المركزي يعلن تحرير سعر الصرف ـ
والله موش لو عومتو
المشكلة انو البنوك والمؤسسات المالية السودانية ما عندها مصداقية على الإطلاق وغير جديرة بالثقة ـ القصة ما قصة فروقات سعر بس بينهم وبين السوق الأسود..
| |
|
|
|
|
|
|
|
|
|
Re: وهمة التحويل عن طريق الويسترن يونيون وبنك (Re: علاء سيداحمد)
|
Quote:
عدد التعليقات البتقراها عن صعوبة التعامل مع بنك الخرطوم في تسليم التحويلات من الخارج بالعملة الصعبة (حتى لو عندك معاهم حساب بالدولار) تخليك تستغرب كيف واحد من أعرق البنوك السودانية (١٩١٣؟) يرضى سمعة زفتة زي دي؟
هل الموضوع عراقيل مقصودة ومحتاجة نظافة ولا عجز من إدارة البنك و عدم قدرة على تقديم خدمة أصبحت أساسية وسياسة دولة؟ |
دي حقيقة يا أخ بكري علي
وعلى كل في النهاية هم الخسرانين انحنا قروشنا بنعرف نرجعا باك من الويسترن يونيون
| |
|
|
|
|
|
|
|
|
|
Re: وهمة التحويل عن طريق الويسترن يونيون وبنك (Re: Elhadi)
|
دى ما سياسـة البنك يا هادى.. موظفين القسم دا فاسدين وعاوزين يشيلوا الدولارات إستنادا الى عدم الوعى عند المواطن بحقوقه.. هى الدولارات اساسا وصلتهم من وسترن يونيون. الغريبة الوكالات
يدوك الدولار.. (أنضف) من بنك السودان. ولو هو اصر أمام الشباك يدوه دولاراته وبصوت عالى.. يدوها ليه على دائرة المليم.
بقيت ملاحظة.. فى الفورم الناس تتذكر يملأ فى خانة العملة التى يستلم بها المتلقى، لازم تكتب دولار USD لأن ال default هو الجنيه السودانى إن لم تملأ هذه الخانة.
| |
|
|
|
|
|
|
|
|
|
Re: وهمة التحويل عن طريق الويسترن يونيون وبنك (Re: Mohamed Doudi)
|
سلام عليكم
الممشكله بشكل اساسى من موظفى البنوك بعضهم يظن ويتعامل ان الفروع العاملين بها كانها اقطاعيات خاصه يقدمو بها خدمات حسب المصالح ومن قبل ايام ازمه السيوله نهايات عهد البشير كانت ابلغ مثال للفساد فى قطاع المصارف وكان بفترض ان يكون ماحدث نقطه بدايه للتحقيق وتنظيف قطاع المصارف من هؤلاء
| |
|
|
|
|
|
|
|
|
|
Re: وهمة التحويل عن طريق الويسترن يونيون وبنك (Re: Asim Ali)
|
Quote:
الممشكله بشكل اساسى من موظفى البنوك بعضهم يظن ويتعامل ان الفروع العاملين بها كانها اقطاعيات خاصه يقدمو بها خدمات حسب المصالح ومن قبل ايام ازمه السيوله نهايات عهد البشير كانت ابلغ مثال للفساد فى قطاع المصارف وكان بفترض ان يكون ماحدث نقطه بدايه للتحقيق وتنظيف قطاع المصارف من هؤلاء
|
صحيح يا أخ عاصم دي ممارسة موجودة في البنوك وفي غالب القطاعات تقريباً، خصوصاً كمان لو كانت الموظفة امرأة من النوع اللئيم والمنفسن داك وديل طبعاً تعج بيهم مكاتب ودواوين الحكومة
وكلكم تقريباً بتكونوا عارفين أنا قاصد شنو بكلامي ده .. في موظفات وعاملات كويسات مافي كلام ـ لكن عددهم قليل جداً
| |
|
|
|
|
|
|
|
|
|
Re: وهمة التحويل عن طريق الويسترن يونيون وبنك (Re: Elhadi)
|
فيديو لمواطن فى بورتسودان يتحدث عن محاوله تبديل دولارات عبر البنك بعد اعلان التعويم ومماطله بلتوجيه مدير البنك ليهو ان يذهب للسوق الاسود حسب روايه صاحب الفيديو
https://twitter.com/i/status/1363899950614990848https://twitter.com/i/status/1363899950614990848
| |
|
|
|
|
|
|
| |
Elhadi
Abureesh
Mohd Ibrahim
علاء سيداحمد
Yassir7anna
Mohamed Doudi
Asim Ali
فيس بوك
تويتر
انستقرام
يوتيوب
بنتيريست